Buono Nuobo (Closed)

因為媽買了優惠卷所以來這裡吃晚飯，我們各自都點了套餐，她的是黑松露豬肉粒長通粉，我的是西冷牛扒配吉烈大蝦$158。頭盤有粟米湯配餐包及沙律杯，粟米湯沒有粟米味，沙律杯不錯。到主菜西冷牛扒，我點了五成熟，一切下去便知這不是新鮮牛扒，實實的沒有彈性，一吃下去便嚐到鬆肉粉味，不是自然的口感，而吉烈蝦用了脆脆粒包裹，很鬆脆但蝦肉較散。而我媽的意粉黑松露味太輕，意粉汁太稀，豬肉粒也是有鬆肉粉味，媽很不滿。最後有甜品啫喱及飲品。總括來說很失望，這個價錢完全不值。…Read More

好耐未見的舊同事相約tea 一 tea，大家都係東區友，當然相約在東區，朋友說想試試百瀧。多款下午茶由六十多元起，有野食、有野飲，舒舒服服地享受一個下午，人生樂事也。朋友愛吃烏冬，所以我們要了一個五色壽司湯烏冬，連茶都是$86，不算太貴。壽司不算太出息，但沙律菜幾新鮮，吃起來很開胃。而烏冬很滑溜彈牙，一入口便溜到肚中，而且烏冬的豬骨湯底很濃郁，味香夾濃，朋友連湯也喝光。突然很想吃甜點，所以要了一客紅豆格格多士伴雪糕。多士做成一舊舊，又香又脆又甜(甜度適中)，雖然有附上煉奶，但根本不需要。將多士蘸一些軟冧冧的紅豆，及一些凍冰冰的雪糕一起吃，又冷又熱又脆，多種味道一起混在口腔中，口感豐富盛咖啡的餐具也很講究，很英式、很典雅，連眼睛也可享受一番。而咖啡也做得不差，不加糖加奶，仍然香滑。朋友不想吃太多，所以叫了一客龍蝦湯，湯味香濃，黑松露將湯的香味提升，而剛剛熟的溫泉蛋色香味俱全，這亦是一個不錯的選擇。這個下午，歡聚一起，度過一個開心舒暢的下午。…Read More

成日都路過呢間buono，今次同同事食生日飯，終於第一次嚟試食。Set Lunch 大約一百蚊多啲，果然係Poker 啲朋友。試咗傳統蕃茄薄餅Set，頭盤要咗 Cappuccino菌湯。個湯真係一個小玻璃杯咁上，打咗一層泡喺面頭。幾特別，味道可以，蘑菇湯有啲蘑菇碎咁，係細杯啲。Pizza 係脆脆嘅批，簡單嘅芝士小蕃茄，仲有啲蘿勒葉。不過感覺一般，無咩芝士香，味道偏淡。個人覺得食晏呢個價位可以食得好啲。…Read More

成日做節都食中餐, 感覺悶悶地, 今年就試下新野墨汁石頭飯 – 上枱時覺得得一粒帶子好dry, 后尾撈下個飯, 先見到飯入面有彩椒同蝦粒, 冇法la..個飯太黑la, 搞到有咩餸都睇唔到tim…..個飯甜甜地, 因為用石頭豌裝, 一路都keep 到個熱力, 好香, 入面點蝦粒都算新鮮, 但愛美的女士就要小心lo..因為會食到個咀黑晒, 要一路食一路勁抹咀..黑松露雜菌飯 – 好香黑松露味, 意大利飯唔會太硬, 口感啱啱好, 個飯又唔會太濕, 好creamy肉醬拼墨西哥薄餅 - 肉醬唔辣, 薄餅夠鬆軟夠香炸蝦卷同軟殼蟹卷就冇咩特別, 同普通壽司店差唔多薄荷朱古力飛雪 - 薄荷味勁濃, 又有碎冰, 朱古力味又重, 飲一啖就透心涼la…Read More

星期日家庭聚會試咗呢間意粉簿餅店，環境OK都係家庭聚會的好食店吧我地叫咗幾個晚餐，都有前菜，main course, 同飲品！另外再加兩個Pizza, 都夠我地5個大人兩個小朋友食個飽！叫咗幾個意粉，飯，都好特別，好好食！特別推介呢個芝士黑松露 Risotto 與墨汁海鮮飯 都好好食，味道濃郁，黑松露好香，墨汁甜甜地，都好吸引，其他的都好食無失望一家食得好開心，樂也融融，共享家庭樂…Read More

朋友推介的餐廳，總體來說質素還是不錯的餐廳，價錢和一般西餐廳相若，以後到太古可以有多一個選擇了溫泉蛋煙肉意粉味道不錯，但不算突出，煙肉有點乾，不過意粉和蛋汁的配搭挺好的。蝦壽司（還是軟殼蟹？我忘了XD）朋友大推，當然要試一試！本人是芝士控，尤愛水牛芝士，所以很喜歡這款壽司，再加上沙律醬的配搭，正！脆脆的口感我也很喜歡，下次來百瀧一定會再吃這道菜。…Read More

這天本想去百瀧吃晚飯，發現還有提供下午茶餐，便叫了這個意粉，因為自己十分喜愛吃蒜和車厘茄。甫上餐，濃烈的蒜香充斥着我的鼻腔，每條意粉也沾有蒜油，單是香味已經擊倒我了。我放進口，便能吃到香脆的炸蒜及彈牙的意粉，煮得十分好，不會有糊或粉的感覺，而且意粉上的油不會過多，不會有油膩的感覺。至於蝦方面，不能用彈牙來形容，應該用脆來形容，非常爽口!!!順帶一提，這下午茶餐包餐飲，而且份量足夠，以這個價錢來說，實在值得一試。…Read More

平時間唔中都會去太古行街，但次次7PM開始間間餐廳都排晒長龍, 今日早早地, 6PM 就走去食, 所以WALK IN就有位一打開個MENU真係花多眼亂，樣樣都好想試，樣樣都好似好靚咁揀左成10分鐘, 終於都決定到揀咩吉列豬扒芝士日式咖哩意粉個咖哩係日式咖哩，但咖哩味唔夠重，有少少淡。塊芝士融左入D咖哩度, 個吉列豬扒味道唔錯，但係食意粉既時候會食到咖哩同D意粉係分開，唔係太MATCH黑松露雜菌意大利飯揀左另一個係，完全冇味的落左好多黑椒先叫有D味次次見到佢D相都想試，今次試到，唔係太推介…Read More

在太古有不少食市，見到一間從外面看好像不俗，好像有些似fusion 菜。便走入去一試！百瀧特選拼盤：樣樣都有些有生果、沙津、香腸，魚生、番茄。都可以的味道也不錯，每次也會些不同的。不錯的前菜。火灸三文魚壽司卷：微微的火，燒了三文魚肉，令肉質有著濃濃地的香味，但又不失去，三文魚的鮮味。卷內有著青瓜、蚧柳、旦，面上更了蚧子及沙拉醬，令到成個卷都很出色。石燒辣牛肉鮮茄飯：很喜歡吃韓式石頭鍋飯，不知是否用了鮮茄做汁，搞到個飯好濕下，沒有石頭鍋飯那種又香又干身。好像欠缺些什麼。不過整體上都可以，只是個飯差些。其他食物應該都可以，有機會再些下先。…Read More

話說上次食過buono之後冇幾耐又去左食（其實係因為剛好肚餓經過見到先入Cappuccino Soup睇到menu但唔知呢個係咩黎個名堂令我以為真係用coffee煮湯（唔好笑啦好冇-__上到黎先知原來係個賣相似泡沫唔係好smooth，食到不少大氣泡，感覺不稠密蕃茄湯味濃偏酸，煮得較稠，似係蕃茄醬汁多過湯餐包唔熱……食落去食硬實，真要靠浸湯先夠順口可以食得落煙三文魚南瓜燉飯煙三文魚熟得黎唔會太乾味道重鹹，撈飯摷碎佢食就啱味道（飯底甜飯底偏甜，甜而清，配上多款蔬菜粒烹調，令整體甜膩感大幅降低飯粒綿密但算分明，煮完都唔會話爛茸茸又出哂水咁（Y）一路有個石鍋保溫，熱住食感覺唔會好油膩，話咁快已經食得哂…Read More

第一印象其實真係唔錯: 店舖裝潢以紅色同白色為主, 好光猛。 坐位分佈得比較疏, 唔會有好迫嘅感覺。而且樓面算乾淨; 待應態度亦十分友善。可惜, 食物卻萬分咁差!! 相當失望!!我地2個人叫左個凱撒沙律、芥末三文魚Pizza、⋯⋯意大利肉丸鮮茄扁意粉、脆香雞翼。凱撒沙律 + 煙鴨胸沙律(跟餐)由於最唔需要技術, 只係切一切啲菜同比D沙律醬就可以上得比客人。如果呢個凱撒沙律同煙鴨胸沙律係出於其他食店, 可以只會覺得會正常。因為間間嘅凱撒沙律同煙鴨胸沙律都係差唔多味道, 你唔會覺得佢超級好味道。但係係呢到, 呢兩個沙律已經係全晚最好食。芥末三文魚PizzaPizza邊好薄、好脆, Pizza底整得唔錯。但係整個Pizza黎講, 係超級淡味。三文魚無味; 芥末… 要好比心機食先食到個芥末味出黎。整體黎講好差!!意大利肉丸鮮茄扁意粉所謂嘅意大利肉丸“鮮茄”扁意粉, 即係意大利無味超硬肉丸“無”茄扁意粉。點解我咁講? 肉丸我用叉吉落去果陣已經Feel到佢好硬, 咬落去就緊家唔洗講非常硬同非常乾, 小小肉汁都無!! 其實唔單止無肉汁, 係連味都無!! 無牛肉味、無蕃茄味, 我都唔知自己食緊啲咩。另外, 我明明係點“鮮茄”意粉, 但係碟意粉除左係紅話到比我知佢係蕃茄外, 我無其他方法可以知道佢係“鮮茄”意粉。食落得個甜字, 莫“鮮茄", 係連茄汁都唔係!! 非常失敗!!脆香雞翼呢個係全晚最差最令人氣憤嘅一樣食物。我睇Menu嘅時候, 佢個脆皮明明應該係似麥當當果種脆皮, 何解黎到嘅時候會變左死琵琶豆腐果種脆皮?!?! 同Menu上面張相完全唔同樣!!! 又唔知點解會係比D好似蕃茄涷湯嘅醬我地, 在我面言係同D雞翼完全唔夾。但係雞翼同個脆皮又本身一啲味都無。完成失敗!!!餐飲方面我+左$20 (原價$40+)升級要左個DIY 朱古力咖啡。先將士多啤梨係沾朱古力吃, 然後再倒咖啡落朱古力到一齊飲。係幾得意, 但係可惜又係唔好飲。凱撒沙律 $48芥末三文魚Pizza意大利肉丸鮮茄扁意粉 $78脆香雞翼。 $52跟餐 $42…Read More

一大班朋友來到這個餐廳,因有8折咭. 是POKKA的同一個集團, 但價錢比POKKA 平20% 左右, 相對低食. 一坐下, 便點了一個只是138的西冷牛排餐, 這個價錢, 包湯, 甜品, 餐飲, 真的十分吸引 呢!!結果, 食物來了, 份量大的令人有驚喜, 大的令全枱的男士也說要ORDER這個, 食物味道也剛好, 汁不是太濃, 因點是叫 MEDIUM 的, 故此肉有小小血式, 剛好, 可以說是很滿意的一個餸!!:)另叫了一個白汁SPAGHETTI餐, 相對牛排餐,這個意粉失色不小! 只是普通的一個粉, 沒有驚喜! …Read More

平安夜, 請了1天假期, 中午想到和X食午飯, 可惜未到繁忙時間已經爆滿, 唯有到附近不用等位的百瀧... 餐廳內外放置了不少聖誕擺設, 還有小小的聖誕樹...餐牌已換上聖誕節套餐, 晚間訂了枱吃韓燒, 午餐不想吃太飽, 點了唯一的普通午餐及散叫一客飯...香煎鱸魚拼炭燒雞肉 $99-- 餐湯係箘湯, 選了Cappuccino湯, 最後都係上箘湯, 原來無晒Cappuccino湯, 我地唔要箘湯, 最後經理換咗個餐包比我地, 暖暖軟軟的... 餐茶選飲芒果茉莉花綠茶, 甜甜酸酸帶點茶甘味...炭燒雞肉甜甜的,個子小小, 肉質軟腍... Sea Bass唔係以前食開的樣子, 賣相不討好, 吃一口有點腥, 再吃幾口真的接受不了, 剩下大半... 意粉沒有調味, 吃了一半已再吃不下...石燒辣牛肉鮮蕃茄飯 $89-- 天氣冷冰冰, 石燒吃到底還是暖烘烘的... 白飯加了蕃茄汁, 酸酸的很開胃... 牛肉味道有點怪, 應該是太膻了吧, 一點肉味也沒有... 價錢屬中檔, 質數有走下坡之嫌...…Read More

是但找一間餐廳食下午茶這店看來是POKKA CAFE的分支所有東西都很似曾相識叫了呢個TEA SET5件壽司加個烏冬壽司味道一般,原因係魚生無味,新鮮度一般,食之無味棄之可惜烏冬都叫做彈牙,湯底就是類似豬骨湯,當然唔像新鮮整的湯味由於價錢也不算平,感覺上去元氣食TEA SET好似爽D但係有個大卡位比你坐,還是舒服既…Read More

以「火紅」來形容這間餐廳實在適合不過，請勿誤會那是描述其受歡迎程度，只因它的裝潢設計以赤色為主調，甫入店子便讓人感到耀眼的光芒，就如置身於一個紅彤彤的空間。當初還以為百瀧座落太古吉之島附近，晚飯時段總要花一點耐性等位，怎料是夜人流卻異常地疏落，幸運的我們還被安排坐在梳化位，位置寬敞之餘又夠舒適，說說笑笑過了愉快的一夜。翻閱餐牌才知百瀧與Pokka Cafe同屬集團，食物款式包羅萬有，沙律薄餅、意粉燴飯、壽司和甜品等一應俱全，售價水平則定得有點偏高，可能該區以中產家庭居多之緣故。侍應生的態度親切有禮服務殷勤，點餐後會告知食物需等20分鐘，送餐時又提醒我們小心燙熱，期間亦肯主動添加清水，一切都讓人有稱心滿意的感覺。晚餐以一道凱撒沙律($48)作為前奏，該頭盤的主要材料只有生菜，作為花心的女生則嫌種類不夠繁多，然而翠綠的蔬菜尚算新鮮爽嫩，而烘得脆卜卜的麵包粒又令菜式多了一份嚼勁，兩者加上份量偏少的煙肉碎及芝士片，在啖啖清怡之餘又添加朕朕鹹香。不得不提盛載沙律醬的小碟，它是緊緊扣在大盤旁邊的，設計可愛又方便使用。憑藉餐牌相片中得意有趣的造型，海鮮卡邦拿拉扁意粉配墨汁脆網($88)成功引起我們的注意，其外貌就如一個黑色網紗臉罩，掩蓋了海鮮意粉的盧山真面目。大家在品嚐的時候先把脆身的網紗敲破，下面奶白色的扁意粉即時「嶄露頭角」，而半成熟的流心蛋亦趕緊與食客見面。忌廉汁顯得有點水汪汪，稀薄的質地未能讓其緊緊掛在麵條上，感覺亦因此較為清淡一點。扁意粉質感軟硬度適中，煙煙韌韌很有彈性，混著濕潤滑溜的雞蛋汁，以及炸得香脆又帶墨汁味的脆網同吃，口中一次過享受多重複雜感覺。海鮮配料只有幾隻豆丁蝦仁，不禁令人慨嘆店方過份吝嗇，幸好還有大量秀珍菇作伴，雖然名不符實但就當作扯平了吧！石燒煙三文魚南瓜飯($89)熱力非常，輕輕撥開飯面便見白煙四起。數片三文魚實在切得薄身，吃來沒甚麼味道及質感，另它偏似新鮮魚生多於經過煙燻，與整道菜式相配顯得有些格格不入。黃橙色的南瓜飯採用珍珠米煮成，飯粒肥大圓身及晶瑩通透，由於其質感本身已比較黏糯，再混和南瓜汁後就更加杰身，入口即有軟撻撻的怪怪感覺。小吃脆香蒜蓉薄餅配意大利黑醋汁及牛肉醬($55)殿後出場，想不到其份量一點也不賴，未知是否烤爐的溫度未夠均勻，薄餅大部份位置欠了些脆度，只有兩片的外圍邊沿合符我要求，另蒜蓉香味亦不夠突出，有點大煞風景。做得理想的是薄餅不會焗得過乾，多吃幾口也不覺熱氣。醬汁方面較喜歡牛肉醬，它混入了甜甜酸酸的蕃茄汁，很快就被我們掃清光。相反，意大利黑醋汁調得過甜，早早便出現膩口感，只可說不是我杯茶！今晚同行好友有一個良好願望，希望她心中那股熱誠就如餐廳般火紅，運氣能夠盡早來臨。…Read More