Paramount Banquet Hall (Closed)

今日係一年一度母親節嘅大日子，我們同咗幾個姨媽仲有舅母一齊去黃大仙中心北館嘅「百樂門宴會廳」食晚飯慶祝！我們一早預訂咗一圍愛心宴：鴻運乳豬全體嘅外皮燒得非常香脆鬆化，肉質好軟滑，而且無多餘嘅脂肪，完全唔會有油膩嘅感覺！翡翠雙蚌片嘅雙蚌分別係珊瑚蚌同象拔蚌，質感相當爽口彈牙，而且份量十足！香芒汁大蝦球嘅外層炸粉唔會好厚身，蝦肉嘅肉質好爽甜彈牙同都幾大隻，再有啲香甜嘅芒果粒舖面，而且每隻都用匙羹盛載著上碟，感覺都幾得意！生財玉環柱脯嘅瑤柱肉質好鮮甜彈牙，而節瓜就吸收晒瑤柱汁嘅味道，令到味道更加清甜惹味！紅燒竹笙海皇翅嘅材料份量非常足料豐富，味道亦唔會好鹹！原隻鮑魚伴金錢嘅鮑魚都幾大隻，質感相當鮮味彈牙，唔會有好韌嘅感覺，芡汁亦調教得恰到好處，唔會過稠或過稀，而金錢就係超大件厚身嘅花菇非常軟滑！清蒸沙巴海虎斑好大條肥美，肉質好鮮甜嫩滑，唔會蒸到過火而令到肉質變「嚡」！百樂門一品燒鷄嘅外皮燒得相當金黃香脆，肉質非常嫩滑！飄香荷葉飯一上碟打開嗰陣就有陣陣嘅荷葉香氣撲鼻，米飯亦吸收晒荷葉嘅香味，令到味道更加芳香，而且餡料相當豐富！珍菌燜伊麵燜得好入味，色澤賣相亦好吸引，麵質好爽口彈牙，唔會腍身！…Read More

其實我真係好中意飲茶！可惜我附近得幾間。。。所以今個星期就嚟到黃大仙百樂門飲茶！8點幾9點就嚟到，等左一陣就有位，張枱仲要好大，4人坐左張6-8人枱！一坐低即刻叫野食，佢早市有張黃色點心紙有優惠，孖寶$27.8，我地叫左十碟！先嚟釀茄子，平時喺街係三件一碟，但佢係四件一碟，夠曬抵食！味道就不過不失，唔太油，而且魚肉都算滑！之後嘅蓮藕餅就麻麻，太多魚肉了，而且有幾多骨。。。。南瓜煎堆仔，正，好大件，香脆，淡淡南瓜味！牛柏葉味道幾好，唔太濃，但墊底蘿蔔就好入味！咸水角又係一絕，炸得啱啱好，唔會有油臭味，但料好似太少！鯪魚球正正常常但都係嗰句，好多骨！燒賣，竟然一間酒樓嘅燒賣有陣咸魚味，佢上面有粒蝦，但成舊其實都係一舊有咸魚味嘅肉！我唔係太中意。。。總括嚟講，呢間酒樓服務幾好，炸野出色，但有魚肉嘅點心就太多骨，唔係太適合老人家。不過都幾好食嘅！…Read More

返晏所以同埋屋企人食lunch 先返工，媽媽想飲茶，於是嚟咗呢間近地鐵站嘅百樂門，方便食完搭車一行4個人叫咗午市套餐，坦白講都算抵食，因為本身酒樓點心都唔平，加上又有男仔，有啲粉麵好啲嘅，佢午市套餐兩款點心，一碟炒粉麵，廚部同味部小食各一碟...最終我地叫咗燒賣，鮮蝦百合餃，菜遠斑腩炒河，脆皮燒腩仔，xo醬炒腸粉太肚餓關係去到炒河粉先記得影相, 不過大致上每樣嘢味道都唔錯，特別有啲誠意喺個炒河，啲斑腩好吃，有骨，同平時茶餐廳漿粉多嘅斑腩唔同，不過當然係一分錢一分貨喇另外佢仲有啲午市特價甜心，我地另外叫咗個金翅灌湯包，不過不失，個包都足料，湯就偏少少鹹不過題外話，坐底後待應畀嘅碗碟嘅衛生，確實，屋企人用水洗時洗咗好耐，有個碗入面仲有粒飯晌度，即刻拿拿臨去換個新，都明白洗碗姐姐辛苦，但始終食市，希望可以改善一下就好…Read More

今日移居加拿大多年嘅表妹同埋佢嘅未婚夫返嚟香港見家長兼請親朋戚友食飯！由於早前我們嚟過飲中午茶，覺得食物出品同店內環境都相當好，而且又距離他們嘅屋企比較近，所以我們就同他們推介黃大仙中心北館嘅「百樂門宴會廳」食晚飯！早幾日舅母去訂位嗰陣，店員同佢推介話呢個龍蝦虎斑全包宴，祇要提早兩日預訂就可以將一品脆皮燒鷄轉為至尊脆皮燒鵝皇！上湯焗波士頓龍蝦「伊麵底」嘅龍蝦相當新鮮，肉質非常鮮味彈牙！鴻運乳豬大拼盤嘅乳豬燒得好卜卜脆，燒排骨嘅肉質好鬆軟，唔會好硬實！翡翠帶子海中寶有鮮味嘅帶子，爽脆嘅象拔蚌，爽甜嘅翠玉瓜等等等等⋯⋯材料非常豐富，令到賣相相當色彩繽紛！美極香煎海中蝦煎得好香口，蝦肉嘅肉質好結質彈牙！紅燒竹笙鷄絲翅嘅濃稠度調教得恰到好處，唔會過稠或過稀！鮑參魚肚泡翠蔬嘅鮑絲好鮮甜彈牙，翠蔬相當青嫩！清蒸沙巴海虎斑係新鮮即叫即劏，所以肉質非常鮮甜嫩滑！至尊脆皮燒鵝皇嘅外皮燒得超香脆，肉質非常鬆軟嫩滑，鵝味相當濃郁！生炒糯米飯嘅質感非常煙煙韌韌，餡料超足料豐富，差唔多每一啖都可以食到芳香嘅臘味！椰香蒸饅頭超級香滑軟熟，食落有淡淡香甜嘅椰汁香味，就算唔駛沾食饅頭必配嘅煉奶，都極之好味，真係超正呀！養顏紅棗糕非常煙煙韌韌，味道相當清香，但唔會過甜！另外！值得一讚嘅係店員嘅服務態度好親切有禮，會不斷咁幫我們更換碟，而且我們問可唔可以幫我們影大合照，他們相當友善咁話：「好！無問題！」而且仲會應我們嘅要求幫我們搬移櫈嘅位置！…Read More

today is the 7th day on the lunar calendar and according to the tradition, it's everyone's birthday today. grandmother hosted a lunch with our relatives in Wong Tai Sin Paramount because it is close to where she lives. waited for half hour for the parking lot which was a bit ridiculous.however once we entered the restaurant, the atmosphere is superb. we ate from 1pm until 3pm and the restaurant was still full with queue for the entire period. the food was overall excellent especially the roasted piglet that we preorder, as well as their daily soup, and deep fried shrimp ball. one thing I like the best about this restaurant is their large led tv screen as well as decoration on the wall. service was also excellent and of course, there is free parking! what a good deal for large families as there were 3 cars in total for our table. Paramount is absolutely the best value deal for this area. …Read More

今日係農曆大年初五，我們同一對公公婆婆拜年，:)為咗唔想年老嘅公公婆婆舟車勞頓行咁遠，所以我們約咗去距離他們屋企比較近嘅黃大仙中心北館嘅「百樂門宴會廳」飲中午茶！一去到見到店內嘅環境裝修好華麗，座位同座位之間都幾寬敞，唔會有好逼嘅感覺！我們叫咗滷水豬腳仔滷得非常入味，肉質相當鬆軟，豬皮好爽滑彈牙，唔會有好油膩嘅感覺！雪山叉燒包嘅包質好軟熟，叉燒嘅味道好香甜！點心皇大拼盆有：蝦餃、燒賣、菜苗餃、潮州粉果、千層糕每款各兩件都祇係賣$79.8，真係好抵食呀！「盆滿砵滿」花旗參湯蝦餃嘅賣相相當精緻，好似4隻迷你版嘅灌湯餃咁，花旗參湯底嘅味道好清甜甘香，蝦餃嘅餃皮就算浸著，都唔會變腍咗，一樣都係咁煙煙韌韌！醬皇牛孖筋燜得好入味，質感非常煙韌彈牙，醬汁嘅味道相當惹味！「發財好市」蠔豉大利嘅蠔豉好肥美軟滑，豬肉球嘅肉質好爽滑彈牙，而且肉汁都幾多！滑蛋蝦仁帶子炒河嘅河粉好軟滑，蝦仁相當爽甜彈牙，帶子亦好鮮味，而且份量都幾多！…Read More

黃大仙百樂門的乳猪一流，乳猪皮脆沙沙聲，好味又不肥。我在君悦大酒店食的水準也不及他。真是抵赞。鵝掌鲍鱼生菜扣到剛剛好，調較的汁味道極佳，鹅掌好入味，咬口適中，我們在第二間酒樓完全食唔返呢个味道。值得推薦…Read More

未曾見過服務如此冇禮! 等位都要等1個半鐘而且只是2位還要搭枱的。跟那知客說她完全是沒有反應。食物方面大都是下價的大量供應點心,而且煮的大都過火,像叫了雞扎都蒸到過火, 魚肚一夾就散。像食麵粉一樣! 但灌湯餃不夠熱 外皮要用刀來剪開，完全不合格。都是個句冇下次。…Read More

自問都係非常求其嘅人，基本上食街邊車仔麵都會覺得好食，竟然可以畀我搵到一間咁難食嘅酒樓，簡直難過攞米芝連，如果難食係可以告佢，我會選擇報警。首先係價錢唔平，走宴會廳路線，求其一個點心都近三十蚊。其次係不可思議嘅難食，以下慢慢拆解。原本冇諗住寫食評，冇影到相，食完覺得有份使命感，希望可以以自己嘅不幸阻止他人罹難。咖哩魷魚驟看正常，勢估唔到啲咖哩只見其色難嚐其味，係一碟冇味嘅水魷。伴碟嘅蘿蔔亦毫不遜色，望落係蘿蔔，但係個質感超越咗我對蘿蔔嘅認知。抑或佢唔係蘿蔔？我睇唔透。釀苦瓜絕對係成世食過最難食嘅釀苦瓜。入面舊肉啲配料九唔搭八，唔知食緊乜，失敗。出面舊苦瓜一睇隻色都知中伏，好似生食咁，失敗中嘅失敗。蒸排骨排骨絕大多數係肥肉，畀三十蚊嚟幫手食餸尾。唔記得乜嘢腸粉難食得好無力，食咗一啖就放棄咗，唔知點形容，只可以講真係好難食。煎蘿蔔糕一夾就散，不如用碗上直接用羹食。蘿蔔失咗蹤，淨係食到一團粉。成餐飯刺激咗我嘅味蕾，擴闊咗我嘅視野，挑戰咗我嘅底線。五個字總結：又貴又難食！…Read More

今日又同呀媽飲茶，黎左屋企附近既百樂門。每逢假日，無論係咩鐘數幾多點，都係等位等死人，我同呀媽兩個人要搭枱都等左個幾鐘，係咪真係咁值得等？ 煎腸粉確實做得出色，外層香脆而內層軟滑，但份量唔算多同腸粉好細條。 南瓜露無咩南瓜香味但奶味好重，偏甜 水餃餡料充足，中間有蝦，木耳同豬肉，粒粒漲卜卜，而湯底都幾清甜但我唔會再等個幾鐘為左食呢啲野，寧願去其他酒樓…Read More

父母住九龍，所以我地每星期總會係九龍出沒一次，阿媽鍾意飲茶，貴既平既都飲過，今次試下百樂門(朋友成日都話唔好食)叉燒腸粉塊腸粉皮厚了點，就咁望唔可以望穿餡料就知道有幾厚，但幾滑口，食既時候有"先"入口既感覺！叉燒方面都唔錯，細細粒，份量適中，可能淋左豉油，甜甜地幾好味。如果可以加點芫茜就好了。雪山叉燒包一碟三個，我地四個唔夠食麵包皮薄，外層仲有點脆，面的粉都夠多，功夫唔錯，咬開都係一如以往包大餡少，內里幾空洞，不過雪山叉燒包一向都貴，餡料比一般少都正常，師傅已經努力"查"滿叉燒醬，所以味道不錯。鳳爪係我太太的最愛，好唔容易先搶到一隻...鳳爪係用豉汁蒸，但厭豉汁味太重，亦偏咸，食完一隻已經要飲水。鳳爪亦炆得唔林，呢個點心唔推介。燒賣我喜歡佢4粒都原粒蝦肉係面，感覺高級，頂頭有蝦肉，入面餡有豬肉同少量蝦肉，豬肉食得出無肥豬肉，味道亦唔錯，唔會太咸，可惜呢個點心係特點太貴了！中…Read More

真係嬲到要用口語去寫呢篇文真係好失望，今年佢新開個陣，大時大節去幫襯，都嚟會有咩期望，服務正正常常，野食全熟入到口就算，今次直頭失望到頂點。一直都唔期待佢有啲咩服務架啦，今次直頭發脾氣。我地都係叫佢包返個乳豬頭，佢應都唔應，我地再提多次，個職員已經發脾氣，仲要掟碟囉。 食隻脆皮燒雞，隻雞啲血仲要滴緊，碟底仲係血淋淋。菜個啲直頭有渣。 我都明白大時大節係會亂啲，係會忙啲，但係有啲應有嘅服務，同埋啲野食係應該要熟架囉。…Read More

黃大仙中心終於裝修七七八八，而酒樓也開了間百樂門，難得紅假人齊就一行四人大約2點到看下有沒有下午茶。大約等左30分鐘可以入座都叫快，仲有下午茶食勁開心又吾洗等好耐位。入到去見到水晶燈都好灿猛，但地氈已經起晒毛粒，完全吾似新店開。但都冇理叫左茶（假日$9／位），茶只係好過茶根少少，有點失望。佢都有正常點心加下午茶特價紙，最後大約叫左10個點心和甜品。义燒包；最好味，包面軟熟夠熱度，味道夠濃而吾咸，大小剛好。係最快食完既點心。山竹牛肉：好味！牛肉味同蕃茜好重，咬落軟軟口感好味 。但底的腐偏少 。腐皮卷：不錯 。不是太油，皮都脆口，配料以菜為主。菜苗蝦餃：不錯。賣相不錯但蒸太耐而太淋，水晶皮面吾厚，蝦同配料都多。雞扎：難食，又係餘一半放係度，冇味又油，魚肚似豬皮，蟹柳連色都冇又冇味。酸辣湯：本來$38而家20蚊，食落味道偏淡，沒有辣和酸味。配料少，一點杰的感覺都冇，完全吾似酸辣湯鮑汁鳳爪：失望，鳳爪吾淋，正常因為保持溫度而會煮得更淋，但都係硬身，花生都係，冇鮑魚味，得個咸字。仲要鳳爪得5隻...唉南瓜露：冇南瓜味，好杰，有西米係入面，似食好杰既汁咁，食一半冇食。蝦腸粉：吾熱，見到好光亮面已經感覺硬，點知食落皮硬到似7仔叮果d...材料都正常有幾粒蝦。排骨腸粉：腸粉情況一樣，皮硬仲要似陳村粉果d再卷左更硬。排骨有4-5舊，骨大過肉又多膏，冇人肯食又餘一半。食左2小時$284／4人，其實食吾飽但根本吾想叫，可想而知有幾差，只可期望樓下酒樓快點開（要等11月下旬）…Read More