HYAKUNEN SHOKUDO (Closed)

之前都會行過嚟哩頭食飯，貪哩頭唔太多人，而且啲小店夠快，食粥食粉麵，半粒鐘攪掂。哩間野一直未幫襯過，驚佢煮得耐唔夠時間食，點知原來有同事幫襯過，話一個鐘OK（由公司行過嚟最快都要12分鐘），於是今日就試下。我坐低無幾耐就叫左個極上剌身丼($198)，但足足等左25分鐘先有得食，算！好彩唔係拉麵，可以食快d，但目測好似少咗d嘢，於是攞個menu 對照一下，原來冇左我最愛嘅海膽。跟住我問店員(懐疑係老闆）係咪漏咗…..佢話：今日冇海膽呀！我話：吓，咁頭先落order 嗰陣你地唔講？😠😠佢話：唔好意思呀…今日冇海膽呀我話：咁冇海膽你唔係諗住收我哩個價錢呀？佢話：折番俾你呀！我話：咁即係幾多？佢話：減番三十蚊我話：我話唔好都唔得啦！之後佢就行開咗😠由於我得番兩個字時間食飯，我都冇可能話唔要然後就走，所以哩單野真係硬食😡😡我平時好少食剩野，今次竟然食剩三文魚同飯，可能太趕啦，而且嬲到冇胃口🤮🤮。再加上食物質素普通，收人百幾蚊俾個咁嘅丼，我不如食個放題好過😠最後俾錢嗰陣，排我前面嗰位食客竟然有印花卡，我本身諗住佢俾我我就會話唔要，因為唔會再幫襯，點知佢竟然有自知之明，冇俾我喎，等我少左個寸佢嘅機會添😠😠咁樣已經睇到呢間野嘅服務質素差到無倫！👎🏻👎🏻👎🏻👎🏻👎🏻…Read More

諗住啱啱出消費卷咪求其搵間日本嘢食囉。但係首先刺身好恐怖！！！帶子未溶雪 食落沙沙聲！啲蝦蝦子帶過肉,係咪好正le!!!不過啲蝦子係灰色嘅我就唔敢食喇。跟住嗌咗油甘魚刺身冷面，刺身質數below average，面就靠沙律醬調味，唔係好啱我胃口，冇食曬。燒物還可以，正常放題水平，不過燒蠔好多碎食得唔爽。然後嗌自助鍋物，啲豬牛都唔太掂，啲色好似係街市放咗好耐嗰啲咁...... 瘀紅色又灰灰地咁。 點解我啲嘢食全部都食到一半先影呢（係因為我本身就未寫過開飯網食評嘅 係今次食到一半頂唔緊先寫咗一次 食啲嘢唔啱大家心水就唔好見怪啦~）總結 成餐我落咗兩次單嘅嘢只有雞軟骨😂（利申待應哥哥幾有禮貌係要讚嘅）…Read More

屋企人一家三口去食，但淨係影咗兩張食物相食左個珍寶size甘油魚鮫$98，個size真係足！多肉食另外仲有啲串燒，京蒽雞肉串阿媽話啲雞入晒蔥味，但我又唔係好食到..仲有下面2個，整體普普通通服務好！…Read More

這天到了這間食店，叫了一個十八層地獄拉麵，一個鍋物，一個脆皮豬手，一杯蘋果汁。十八層地獄拉麵賣相還好，但欠缺誠意，同我預想的地獄拉麵不符。首先，這只是一個普通的豬骨湯底拉麵配上日式叉燒，再加上肉碎、辣粉，不是辣的湯底。雖然誠意不足，但味道還算可以，不會過鹹，麵的質感也算不錯。鍋物表現尚可，不作詳談。正如世上沒有難吃食咖哩一樣。重點是脆皮豬手。外觀上，好乾好柴，食入口，啲肉好乾、好鹹，只有中間的三兩塊算得上是脆皮。表現完全不合格。難食到我沉浸在其中，完全忘了拍照。總結：這個價錢吃到的不算值，可說冇下次。第一次出街食嘢難食到要特登上OpenRice 寫食評😐😐😐另外，屏風的污漬較多，宜注意…Read More

We were tired after exercise so we randomly picked a restaurant from the street. The restaurant is small with around 8 tables with a cozy atmosphere. We ordered two lunch sets and a side. Grilled Beef (Set with Tea)The beef was fresh and juicy. They came with this setup so you can grill the beef on your own (a full teriyaki-like experience)! The veggies and the beef matched well. Japanese Chasiu Rice (Set with Tea and appetiser)The Chasiu is thin and crispy! The portion of the rice and Chasiu was huge for a set lunch!Dumplings (Side)The dumplings were filled with chicken and chicken cartilages. Tasty but a little bit cool when it was served. Overall, the restaurant was surprisingly good as it was only a small restaurant close to the residential area. …Read More

我到店的時間係大概5:15左右，因未到食飯時間，所以唔使等位，就可以入店食嘢！因我有濕疹，我叫咗個雞骨醬油义燒拉麵，特別要求侍應，嗰個湯底唔好咁濃，佢話可以。👍🏻👍🏻👍🏻屋企人分別叫咗豚骨醬油叉燒濃湯拉麵，安格斯牛肉丼，另外佢有得追加小食，所以叫咗燒白鱔串丶雞肉軟骨棒丶吉列炸蠔丶野菇炒雜菜，白桃汁，蘋果茶都好味。入邊冷氣都有點涼，可能我坐嗰個位係近佢個冷氣機，所以怕凍的人士請帶多件衫嚟！服務態度好👍🏻👍🏻👍🏻…Read More

朋友生日一切同佢慶祝！佢最鍾意海鮮刺身同串燒, 就佢觀塘放工, book咗呢間樓上舖食日式料理！其實我都好鍾意食海鮮刺身, 特別係即叫即劏嘅龍蝦刺身, 急不及待要即刻試下佢！龍蝦刺身原隻澳洲龍蝦龍蝦做刺身, 即叫即劏, 澳洲龍蝦 肉質爽甜結實, 鮮味十足, 灑上金箔突顯矜貴。加州象拔蚌刺身鮮活海鮮, 鮮甜爽脆帶有淡淡海水味, 煙韌有嚼口！特盛刺身拼盤拼盤有鮪腦天、池魚、吞拿魚、帶子、海膽、牡丹蝦。池魚晶瑩剔透, 充滿鮮味。海膽肥美嫩滑, 味道濃沃醇厚。帶子爽口鮮甜味美。脆皮豬手估唔到有脆皮豬手食, 原來係限定製作, 唔係成日有得食！外皮香脆, 肉質嫩滑帶油脂甘香, 啖啖肉送酒一流！日式蒜片老虎蝦煎得恰到好處, 香氣撲鼻聞到流口水。老虎蝦好大隻, 爽口彈牙！一等雪糕拼盤食完大家都話要食雪糕, 六個雪糕球唔同顏色, 色彩繽紛, 睇見都覺得好開心！…Read More

而家食飯，除左食物，都好睇餐廳坐位設計，距離闊窄，服務質素等。呢度雖然舖頭細細，就係因為座位唔多，適合2-4人好友共聚，響疫情下先會食得較為安心，而且侍應可以一眼關七，留意到我們有甚麼需要，經常為我們添茶、換碟。生熟食物我們都有點：澳洲龍蝦金箔刺身配上象拔蚌刺身寵愛自己之選，我們食量不大，所以決定食得矜貴些。龍蝦刺身夠新鮮，加上金箔點綴，賞心悅目。象拔蚌刺身則夠清甜清爽，秒速被清碟。我把玩龍蝦頭及拍照後，龍蝦頭還會動，差點嚇倒我。清酒煮蜆這些蜆比平常食的大一些，真的是蜆嗎？還是有另一叫法？😂蜆肉肉質彈牙有咬感，蜆湯也覺得比一般甜，我們都喝清光了。板燒安格斯牛肉定食朋友要食牛，但大家都看不到板燒兩字，是要自己燒的。幸好，侍應說他會幫我們燒一輪肉和菜😂，我們才可邊食邊等。牛肉切得唔算厚，所以唔洗燒好耐就可以食，牛味都算濃郁。在鐵板上炒雜菜都算快熟。看見侍應燒一輪，朋友們都爭著玩煮飯仔。😆一等雪糕拼盤幾時都話食甜品係用第二個胃，6款雪糕口味，睇見都哇一聲，充滿少女感。我們每人食了兩款，味道有桃，綠茶，士多啤梨，波子汽水，黑芝麻，海鹽。配上冰凍生果，爽！百年食堂觀塘牛頭角道307B號官塘立成大廈地下B號舖…Read More

放假後第一日返工，午餐想食好少少，就去左呢間新開既日本餐廳。入面裝修可以劃間房俾出黎，如果想私隱d咁食，滿足到你。午餐本尊叫左拖羅月見丼定食，同事叫左鐵板安格斯牛。個丼d料新鮮，生蛋撈埋漿口既拖羅蓉，仲有湯有雜菇小食有橙，性價比算ok。同事個餐仲正，好多牛仲有專人幫手燒埋(未有客要處理既時候)。牛質素都唔錯，同事表示滿足。最後仲有印花卡，食滿6個餐後會送1份餐。同多幾個同事食既話完冇難道～…Read More

百年食堂係牛頭角區內少有的正宗🇯🇵日本料理，食材高質，味道及服務均有水準。同朋友黎食晚飯，她極力推介呢間餐廳，果然沒有失望。👍先來一個特盛刺身拼盤（ $268）包括鮪腦天，池魚，吞拿魚，帶子及白子，十分新鮮，肥美到有入口即溶感覺。澳洲龍蝦刺身 $348及加州象拔蚌刺身 $328，爽口鮮甜。🐽脆皮豬手（限定）$98係呢度招牌菜，入口鬆化，第一次試到呢個口感的炸豬手。❤️日式蒜片老虎蝦 （$108） 虎蝦新鮮，肉質彈牙，吸收咗蒜嘅香氣👍👍串燒選擇豐富， 揀咗白鱔、牛舌、帆立貝、海蝦、雞肉雞軟骨、雞胸雞軟骨、雞腎、雞肝，燒得香口惹味。💯…Read More

朋友聚會話牛頭角有間日本料理幾好，叫 #百年食堂。門面裝置好有日本🇯🇵特色，之前經過見到已經想試。食日本嘢 #刺身 🍣唔少得，這間刺身種類很多，有啲仲比較特別。我們點咗 #特盛刺身拼盤（鮪腦天、油甘魚、牡丹蝦、帶子、白子、海膽、三文魚籽、馬刀貝）。我喜歡鮮甜的 #海膽，同比較少有的 #鮪腦天 🐟。鮪腦天係吞拿魚頭頂的肉，口感嫩滑，魚味濃郁。另外仲有爽口彈牙的澳洲 #龍蝦刺身 🦞，同加州 #象拔蚌刺身，都很 鮮味。接著食前菜 #八爪魚沙律 🥗，八爪魚有咬口得來又唔韌，用麻油同醬油帶出鮮味。熟食方面都唔錯，特別推介：🍶 #清酒煮蜆：用上大蜆，食落鮮甜🐷 #脆皮豬手：外脆內嫩，唔會太鹹剛剛好🦐 #蒜片老虎蝦：蝦肉爽口，蒜味香濃🥩 #牛油燒黑安格斯肉眼：肉味濃郁，外層香口，內裡仲有肉汁，啖啖肉好滿足另外仲有 #串燒 🍢、#鍋物 🍲等等，最後食埋 #雪糕拼盤。雪糕🍨有6種口味，食落軟滑，配上金箔同水果，睇得又食得。…Read More

朋友相聚，一齊食下飯傾吓偈，最後選擇左呢間「百年食堂」 ，店內裝潢很美，面積大約可容納20位客人，所以最好預約留位先。澳洲龍蝦刺身 $348一上枱心裡就嘩嘩聲，因為有金萡，而且龍蝦頭既腳仲旭架，超級新鮮。龍蝦肉是彈牙的，點醬食真的好正😋加州象拔蚌刺身 $328好新鮮啊！口感很爽口，份量又多，滿足😌八爪魚沙律 $68八爪魚是熟的，肉質彈牙，有啲醋沾上面，好開胃。清酒煮蜆 $68蜆肉算多肉大隻，蜆肉清甜，份量也多，啲湯幾好味。脆皮豬手（限定）$98皮脆到好似食緊薯片咁，非常香口，肉有少少咸，好似德國豬手既感覺，沾少少芥辣好惹味。日式蒜片老虎蝦 $108老虎蝦好大隻，肉很彈牙，加埋蒜片一齊食很好味。錦爽雞相撲火鍋（名物）$168有個火燒住，熱住食物，雞肉大件，唔鞋口，菜好入味，湯幾好飲，有飯溝埋一齊食更好😋牛油燒黑安格斯肉眼 $168份量超多，雖然熟哂，但牛肉好淋，牛味濃，推介👍🏻一等雪糕拼盤（6球）$88味道有芝麻、抹茶、水蜜桃、豆腐、士多啤梨、海鹽，淨係賣相就已經好吸引，色彩繽紛，好賞心悅目，而我就選左豆腐，豆腐味好香濃，正😋…Read More

今日要去觀塘買嘢，就約咗幾位朋友聚一聚，朋友就提議去近牛頭角地鐵站嘅「百年食堂」，店鋪不算大，但坐位闊落，整體潔淨，侍應及經理服務很不錯。特盛刺身拼盤 刺身尚算新鮮，包括鮪腦天、池魚、吞拿魚、帶子、牡丹蝦 及白子， 第一次食白子好特別，味道好魚鮮， 口感獨特，特別喜歡吃鮪腦天及牡丹蝦，肥美鮮甜。澳洲龍蝦刺身拼加州象拔蚌刺身 龍蝦殼仍然郁動，很新鮮， 龍蝦及象拔蚌都好鮮味。八爪魚沙律 八爪魚尚算多片，有咬口不會韌，沙律菜也很新鮮。脆皮豬手（限定）皮脆肉煙韌，非常香口惹味， 切開一片片容易食， 點上芥末醬更惹味。日式蒜片老虎蝦 賣相很靚，蒜片炒得很香脆可口，老虎蝦肥美彈牙， 非常好味。錦爽雞相撲火鍋（名物）湯底很清甜，鍋內有幾雞雜、雞肉丸、雞件及雜菜等，幾好食。最後仲叫咗甜品，一等雪糕拼盤（6球）， 擺盤好靚，有六種唔同顏色味道雪糕球，做飯後甜品一流。…Read More

良朋相聚梗係食日本野啦跟幾個靚太好友聚舊先佢哋話牛頭角有間日本餐廳可以飯聚野食又唔錯就去啦刺身我都有岩食既精選刺身拼盤南澳龍蝦刺身份量都算多仲鋪上金箔片，好貴氣加州象拔蚌刺身很鮮甜基本上刺身見到都好新鮮，有我中意既帆立貝，特鮮海膽都好鮮味。因為太鮮美，所以靚太都食曬熟食都有我係牛魔王板燒安格斯牛肉堅正牛肉切片適中，見到少少紅，岩岩好牛味香濃，口感都好滑身，份量都夠而且煎到兩邊微焦，點上芥末，真係食得到原汁原味脆皮豬手上碟已經好吸引豬手好入味外層豬皮焦香酥脆，油花在口腔爆發豬手又好Juicy ,少少咸味蘸以芥末醬食最惹味蒜片老虎蝦最霸氣老虎蝦煎至金黃，肉質結實又夠大隻夾著指天椒，炸至微焦的蒜片很香，少少辣，唔接觸椒子就唔辣一人一隻都唔夠喉食完主菜又點少得甜品今次有芝麻雪糕很濃郁的黑芝麻味很香滑又食到奶香生果都雪凍Size 仲大過乒乓球真係好滿足…Read More

今日因為係附近工作，而係果一條街既街角見到呢間裝修比較新穎既日本餐廳就衝入去試試了！由於係lunch time時間，而鋪頭都屬於小店經營！所以需要等位，幸好等了五分鐘便有位了！坐低下點了兩個午餐定食，分別係拖羅月見丼$128，金菇牛肉卷定食$78。而餐飲可以選擇日本熱茶或罐裝汽水。送餐服務良好而且速度是很優秀的！每個餐都會配上麵豉湯，十分鮮味而且還有蜆肉！（P.S友人不小心翻瀉了，店員立刻協助而且再送上另一碗）而前菜雲耳，清爽開胃！還有時令生果香橙🍊，讓人感到暖心！拖羅月見丼新鮮而且好味，份量亦剛剛好！不過金菇牛肉卷就有點失色，可能牛煮得耐一點太乾身，而且飯有點硬和冷！之後跟店員說一下給了牛肉汁就頓時提升番味道了！吃完之後仲有豆腐雪糕🍦，十分美味！女生最喜歡飯後來甜品呀！新張期間堂食有9折即係免了加一！小店有這樣服務質素是不俗了！…Read More