百利來美食 (Closed)

我d同學成日話係尖沙咀度食炸丸，講到好好味咁，終於忍唔住要去食下，唔知叫好彩定唔好彩，我係食到呀，仲覺得好好味tim，不過佢仲有幾日就要光榮結業啦😩😭😭間鋪頭係係商場同商場之間既巷仔度，都唔難搵既，google下就一定搵得到。鋪頭雖然細細，但係有好多選擇，有炸丸類，燒賣，冷麵，麻辣野，自家制飲品等等...我同朋友當然搵左位就即係落單，但係由於食客多，而佢地人手唔係多，想食好野係要比多少少耐性既，不過佢地都態度好好，仲會講唔好意思咁，怕我地等得耐，但係其實都係一陣姐。椒鹽炸墨魚丸👍🏻👍🏻👍🏻👍🏻椒鹽炸魚蛋👍🏻👍🏻👍🏻👍🏻澳洲龍蝦丸👍🏻👍🏻👍🏻👍🏻佢d炸丸真係好好味😋😋😋又彈牙，再灑埋d椒鹽粉，味道出晒黎，另外，想講下佢d龍蝦丸唔係平時我地食開個隻黎架，佢入面係有d蟹子粒，口感一流。麻醬三絲冷麵👍🏻👍🏻👍🏻👍🏻呢個冷麵都好好食，佢一d都唔孤寒，三絲冷麵麻醬都好料，而且冷麵真係好似台灣涼麵咁，冷麵爽口又夠凍，再加埋d青瓜絲，正👍🏻👍🏻👍🏻👍🏻黃金炸燒賣👍🏻👍🏻👍🏻👍🏻外脆內軟，正😋😋😋巴西煙豬肉腸👍🏻👍🏻👍🏻我覺得略嫌佢鹹左dd…查看更多

朋友帶路，黎到哩間係大廈中間既露天小食店！哩度既小食好特別，特別係龍蝦丸，有爆醬，仲有沙津醬點，沙津醬唔知撈左咩，特別惹味！蒜香豆腐蒜味夠，豆腐滑，但唔夠咸三絲蒜味冷麵，好多料，好多蒜，麵質粗韌炸燒賣有驚喜，出面唔硬但好鬆脆，入面煙韌，算係我食過數一數二好味既炸燒賣仲叫左支蘋果蜂蜜，真係老闆娘鮮榨，絕無添加，飲落好舒服賣單約130，唔貴呀，又好食，一定會再黎！不過有可能要等位，好多人食架！或外賣都得…查看更多

這間小店，隱藏在一條後巷內（在金時商業大廈附近），不是在附近工作的人，未必會知道它的存在；每次到來，食客也和老闆娘閒聊，相信大多是熟客；而知道它的存在，是因老婆經常光顧的時裝店老闆娘告知的。吃過一次已喜歡上它，可惜露天環境，夏天幫襯真是有點難度。是日天氣稍涼，老婆在附近血併；順理成章便到此開餐了。可惜自己有點感冒，只想吃些較為濕潤的食物。這裡的招牌炸物，全部都不能吃，有點可惜。生菜魚肉湯麵 ～ 不同於坊間的「麵粉製魚肉」，這裏的有魚味及彈牙，麵煮得煙韌有咬口，加入幾片蔬菜，感覺更健康，面頭再灑上少量白芝麻，更添香氣。懷舊粉仔 ～ 不說不知，初吃的時候真的以為是小時候吃的味道，質感軟軟糯糯，配合那有點糊狀質地的湯底和蝦米，親切又美味！放面的是自家制的多料辣椒油，喜吃辣的朋友真是不可錯過，內有菜莆、鹹魚仔、豆鼓等；相當之香辣惹味，不少人吃罷也會外帶些回家享用呢。好奇之下問老闆娘粉仔是否自家製，她笑著回應粉仔是種需相當花時間處理的麵食，是沒可能有空自家製的，聰明的她以烏冬代之，只是煮的時間長些，同時將長度變短，出來的效果便和粉仔有點相近了！百利來煎釀三寶 ～ 三寶係魚肉青椒、炸雲吞、茄子，配合自家製多料辣椒油，又怎能抵擋它的誘惑。清熱菊花茶 ～ 味道清甜，菊花味濃郁，解喝一流。這裡的飲品是自家製的，種類也不少，每日也不儘相同，新鮮可口。不要只看飲品項目，而是要看它餘下有什麼飲品，真係手快有，手慢無。…查看更多

以前依稀記得這間小店在百利商場內直至最近愛吃炸物的朋友提起它的新位置後專程來找找新店位置以及試試小吃的質素是否一如以往來到後果然不失所望首先要留意這裡坐落百利商場隔離的後巷位置環境當然一般但竟然都有一定數量的食客看來像是附近的上班族（當日是平日下午來的）前後來了兩次叫了黃金炸燒賣同椒鹽炸墨魚丸絕對是邪惡的炸物粒粒燒賣和墨魚丸大大顆沾上椒鹽油炸怎能不吸引呢吃到辣的記得叫老闆加上辣菜甫非常辣辣得過癮但又好像將炸物提升了另外一種風味吃了炸物後親切的店家為我推薦了是日果汁（來了兩次，我分別喝了苦瓜和雪梨汁）新鮮好喝既能消暑又能清清熱氣小吃+鮮果汁+親切的服務=大滿足…查看更多

呢間小食店一d都唔易搵架, 不過好野係要花d時間搵既每次黎老闆娘都好friendly 熱情招呼, '靚靚, 今日想食咩呀?'如果你諗唔到佢會幫你安排下今日有d餓, 叫左個麻醬三絲冷麵, 份量夠多其實唔係特別好食, 不過呢隻味同我屋企人煮既差唔多, 令我有家既感覺, 而且天時暑熱岩曬, 正好消暑.蒜容鴨腎, 蒜容食得出係自己整既, 好香, 食完個口臭都抵, 鴨腎好入味, 份量又夠多呢個勁啦, 炸蟹子丸(左), 佢既沙津醬應該係自己做既, 同出面唔同味, 配合埋蟹子丸, 一流右面係椒盬墨丸, 炸得岩岩好, 上檯熱辣辣, 好香既椒盬味每日都可能唔同既果汁, 今日飲老闊娘推介既車厘茄菠蘿, 聽個名好掛, 但係飲落好fresh, 酸酸甜甜, 好解渴…查看更多

因為在附近工作，所以經常都會黎幫襯老闆娘好親切好好客食物都好好味推介花膠翅味道咸咸地，入面有仿翅，冬菇，雞肉，同埋真係會有大大舊花膠，真材實料麻辣雞絲冷麵，麻辣醬真係好麻的！唔食得辣的朋友唔好試，但我自己就好鐘意夠辣！煙豬肉腸，差唔多每次都會食食落少少煙肉味，好特別，配埋醋食，個味好夾炸墨魚丸，好鮮味！炸得好脆入面會有一粒粒墨魚粒。配埋辣油菜莆，好惹味鮮薑汁檸特飲，好勁薑味飲落感覺好清新完會成個胃仲會好暖…查看更多

對草民來講，飽食標準有：1. 抵食飽肚，唔可以裝飾配菜多過主食2. 乾淨3. 唔洗太好服務態度，但唔好對我黑面，附上親切的笑容更好如果在尖沙咀想搵間平平地的食店，又符合以上三點，百利來是你首選！ 百利來雖然座落後巷，但檯凳相當乾淨整潔！位置隱蔽，所以主要客源都是附近上班族，而以我整個用餐過程，目測有四對人來食野，每個都與百利來阿姐幾熟，會互相問候，又問有咩即榨果汁推薦，臨走阿姐也會跟每個顧客say goodbye（包括我這個新客）， 好和藹可親:)！ 自家製川式麻辣，辣度足夠，麻香帶勁。青瓜手拍，雞翼大件，分量充足，絕不欺場，是人情味小店的特色。 麻醬三絲冷麵，$22，麻醬配以青瓜絲、火腿，麻醬香甜、冷麵有咬口，配料足又大大份，夏天食，一字曰：爽！ 麻辣鴨絲冷麵，配餸和麻醬三絲麵差不多，唯多了鴨絲。老實講，川式麻辣是香卻帶勁，蓋過鴨肉味，是比麻醬三絲麵低分少少的原因。炸龍蝦丸，自家沙律醬為這個炸丸生色不少，甜而不膩，可以一試。 整道晚餐來講，最不推薦是這杯薑檸特飲。第一啖仲飲到檸檬的甜味，但時間一長，薑味太帶勁，蓋過檸檬、梳打味，不是一般人接受到，建議薑與梳打比例可再調配。兩個人叫了四碟餸、兩杯飲料，每人都是畀約60蚊，這個價位在尖沙咀的地段實屬難覓！這間小店特別之處，是平實卻不失人情味，不收加一但有問必答。如果你想一睹阿姐的和藹可親的笑容、真誠親切的問候，就要來支持這間本土小店！…查看更多

尖沙咀的百利來，數數指頭已經追隨了十五個年頭，由百利二樓的蚊形小舖開始朝拜，到換舖時蟄伏年多，教我如坐針氈。回想在此重光也又已年多，別說一篇食評也還沒有，但真意想不到在OR竟然連一個神位也欠奉，被叫了十多年的靚靚們如何對得起老闆娘跟威文呢！重光後舖面是更大了，但更加隱世。要找得到它有兩個方向，一是由百利入，向左行到盡頭再由右邊後門出去，這隱世的美味便在你的右手面；二是由漆咸圍入，在漆咸圍中間順豐旁的金時商業大厦小口入，行到尾左面便是。雖然真的大了很多，但只是由舊舖的十多尺換成了現在的約百尺（在當年還未有劏房這個名詞之前，舊舖絕對是一個只有十多尺的劏舖）舖內還是容不下座位的。舖外的幾張褶枱褶櫈便成了食客的雅座了。但後巷始終是後巷，娘娘們慎入。坐下後還是貌似李浩林的老闆娘親切的招呼，二十年如一日的親切。每次必點的麻辣青瓜雞翼$36，雪藏雞翼無醃白烚並不打緊，那個麻辣油才是靈魂所在，這裏的麻辣油特別香，加上適當的涼伴溫度（我很怕坊間很多跟室溫相若的麻辣涼伴系列）冰涼的青瓜極度新鮮，很是爽脆，面頭加上一撮生蒜泥..我們相愛十年。炸燒賣$16十分脆口，外層脆得有如薯片一樣，配上老闆娘自家製辣椒油風味一絕，令到怕粉感魚肉燒賣的我也每次必點。此辣椒油特別之處在於以菜圃粒及魚仔乾同炒，不像傳統的辣椒油般有大量辣椒渣籽沉底，我曾多次買走一瓶回家炒菜伴麵，繼群記後，這是第二家能令我買走辣油的店。在其中一次買油時老闆娘說這隻油是從泰國入貨，辣椒又是購自甚麼墨西哥，菜圃亦是自家醃製沒有假手於人，食材是否那麼神來自世界各地暫且不說，但，舌頭從不說謊。雖則這隻只應天上有的辣椒油近幾造水準有輕微下降（近幾次菜圃也切得太大粒及醃製的時間未夠）讓個半臂，都足以贏到開巷。椒鹽四季豆$16，每條也炸得香脆可口，灑上椒鹽及伴以蒜泥，上桌時還有輕微的燙口，讚；吃後跟愛人來個法式濕吻，更讚。越南粉絲皮春卷$16，店家特用的粉絲皮春卷有別於一般春卷，從外皮可以看出真的是由一絲絲的粉絲包成，粉絲經油炸後更脆，令被包裹的肉末菜蔬立馬生色不少。泰式雞醬經調配及加入青瓜絲後清新了很多，沒有原本的那麼濃稠，我很喜歡這個濃度的雞醬。靚靚們如果怕熱氣不打緊，這個寶箱埋藏着多款鮮榨蔬果汁，在一般果汁店的士多啤梨啤梨蘋果橙你不會在這裏單獨找到，每一瓶也至少混合兩款或以上的蔬果，而且種類次次新鮮，極致的創意令我匪而所思，就像今次的檸檬香茅及車厘茄菠蘿，由我從小不愛蔬果，每次到來也只點可樂，到現在年月漸長，口味轉換至可以對蔬果汁樂在其中，每次到來也會在這箱尋寶一番。車厘茄跟菠蘿味道相輔相承，很是清新，誰也搶不了誰的味道，很是特別。真的做到有車厘茄味又有菠蘿味，啱味，啱哂你。最好我在意的　任何面容都　不會老…查看更多