Smile Bread (Closed)

呢間小cafe位於屋村裏面，覺得價廉物美，所以以前都好多時嚟幫襯。但都有兩三年了沒有光顧了，今天突然想來食早餐。今天揀了早餐D，粟米火腿湯通粉配鮮奶炒蛋，還有芝麻包和咖啡或茶。芝麻包大大個，夠鬆軟，本想加片牛油一齊食更加好味，但原來依家加牛油要加兩蚊，覺得唔抵，所以打消呢個念頭，還好，可以食得健康啲。通粉非常大碗，炒蛋、粟米和火腿份量亦不少，味道依然唔錯。最後也只食了三份二碗，食唔晒。朋友常常讃這裏的即磨咖啡好味，但我都是第一次叫嚟飲，果然唔錯，好香，沒有苦澀味，容易入口。成份早餐只不過是$30，價錢和連鎖式快餐店的早餐相若，但份量和味道就好得多了。…Read More

小編曾經食過百分百的茶餐廳，覺得食物質素一般，但今次途經這間以麵包和西餐為主的百分百，令小編對百分百有少少改觀~ 是日係假期，所以行到餐廳門外，已見有幾個人係度等候，幸好，等了大約10分鐘就有位啦~我地叫左兩個午餐另加$15要左個是日酥皮湯：(1) 香濃咖哩牛坑腩飯 $47牛坑腩肉質鬆軟，再加上咖哩味香濃，少少辣得黎又幾惹味，配埋一齊食剛剛好~(2) 意式烤豬扒蕃茄菌皇意大利飯 $46豬扒肉質不太韌，蕃茄味唔算太酸，但意大利飯質感略為不夠黏，不太似意大利飯，但豬扒得一塊覺得有d少~(3) 是日酥皮湯 $15酥皮湯即叫即整好新鮮，上枱時熱辣辣，酥皮質感鬆脆，而湯唔係用忌廉湯做湯底，反而用左蔬菜湯代替，口感比較清新d，但小編個人都係鍾情忌廉湯多d~總括黎講，午餐價錢唔算太貴，可以一試~…Read More

今日是假期，我都有心理準備人多。但真係和平日差很遠。平日早餐近午餐時間，都會有人，但未想過要排隊、拎飛。我得一個人，所以很方便，但佢地的面口好似唔太高興，開始時我都唔太明，但坐落我就明白了。因為我一個人坐二人桌子，變相我令兩人位的食客要等位，但我唔理會了。這裡的食物根本唔會用「便宜」來形容。不過食物質素還可以，因為那的確係意大利米，那塊豬扒就平平淡淡，不過這間餐廳可以將餐飲轉湯都算抵，開始時我好開心呀，但飲完發覺個湯唔夠濃，其實係好淡，不過點都好過飲奶茶、咖啡。不過如果下次假期，我唔會再光顧，因為樓面真係太細，食物多精緻都無意思，因為都係速食。…Read More

鴨脷洲罕有西餐，雖然質素不是很好，但久不久就會去，間中也會有驚喜。今晚去海怡睇戲，就吃了微笑晚餐。海鮮卡邦尼焗珍珠飯 $62不過不失。牛柳拼魚柳配野菌炒飯 $88牛柳味道不錯，有肉汁，可惜太有咬口，咬到牙骹軟；另外魚柳炸得很乾；炒飯很硬。+$5阿華田恐龍/好立克恐龍阿華田很淡，因溝了太多水，只喝了半杯。…Read More

經過鴨脷洲西邨, 轉角看到一間裝潢頗有心思的餐廳它一面是售賣現場烘焙的麵包, 另一面是餐廳當時門外已經有很多人在等候,  等了20分鐘才能入座我們點了兩個"微笑推介"A及CC餐的牛肝菌汁燴闊條麵伴香草雞扒, 闊條麵的麵質煙韌彈牙, 配合少量的紅椒, 黃椒, 十分清新爽口唯一美中不足的是那塊雞扒, 雖然煎得很香口, 但這一塊雞扒卻十分薄..A餐的香濃咖哩牛坑腩飯, 味道還不錯咖哩的味道不俗, 勝在夠晒熱, 牛(坑)腩就炆得頗"林", 不會有很難咬的感覺飲品方面點了即磨咖啡, 味道濃郁香醇, 是近來喝過最好飲的咖啡之一整體以言, 配合舒適的飲食環境和食物的質素, 是值得推介的地方!!下次要試試它的新鮮麵包!…Read More

在公共屋邨多層停車場地下 有一家很旺的「麵包店」 常常見到其他屋苑的居民特登走過來品嚐 呢家很特別嘅店 左邊賣麵包 右邊係餐廳 唔係堂食麵包 而係有正餐 這裡的食物價錢同水準不錯 而且喺屋邨嚟講就真係幾地方雅緻 很適合招待客人 今天小妹同朋友嚟 她都讚不絕口 有說跟餐咖啡夠大杯又香滑！小妹點了香煎龍脷柳文也汁意大利飯 雖然不是正宗做法 但賣點是夠健康 唔好睇碟飯得兩塊魚咁寡 其實飯裡面暗藏好多蔬菜粒 有蘑菇 三色椒 生菜 合掌瓜 咁就唔怕炸魚柳熱氣啦 不過 缺憾就是龍脷柳跟意大利飯不太相配（下次可以試試朋友點嘅葡汁珍珠飯 她說幾好味喔） …Read More

點咗三個焗豬扒飯，等咗四十分鐘仲未有，檯檯都問焗豬扒飯有未？我問肥女經理(束髻)仲要等幾耐？佢答『我唔知喎！我點知要等幾耐呢』？隔一陣只嚟兩個，另一女職員同肥女經理講『16號差一個』，肥女理經理仲要示意女職員比第二張檯。肥女經理大聲問廚房『16號係咪三個呀』？我大聲答『係呀』！肥女經理居然目露兇光話『我唔係問你呀』！我咪回應佢一句『但係我答你，你差一個囉』！之後肥女經理攞多個飯漆，但就大力掟落檯。初初份量都叫一般，但一次比一次少。焗豬扒飯嘅碟已不算大，份量仲要少於一半。飯又硬，豬扒只得一少塊切開為五條，價錢不算便宜。如果唔係有朋友已食緊，我一早已轉身走 …Read More

尼間類似CAFE既麵包舖 一半賣麵包 一半做餐廳係鴨脷洲尼講都算係幾新派既餐廳麵包就未試過喇 餐廳反而都常食餐廳按時段供應 有早餐 午餐 下午茶同晚餐SET MENU按星期一至日咁轉 之後又循環今次推介既係晚餐SET A👇穀飼牛扒配菌皇煙肉忌廉意大利飯 跟飲品 ($66)本身平較怕食太生既牛 所以嗌左7成熟一尼到無失望 繼續維持多汁風格(我好鐘意食多汁)牛扒見佢細細塊 但原來有足4舊細細塊 拼埋真係食牛扒咁大件👍👍👍雖然嗌7成 但都好淋好有牛味唔會痴牙 拼埋有少少黑椒味既蒜蓉汁 正😋意大利飯入面既菌類一向最吸引我唔係街邊既磨菇草菇 反而係一種我唔知叫咩名但好有咬口又好有菇味既正菇😂另外加入左洋蔥三色椒翠肉瓜 令成個飯漏既程度大大減低另外加左個酥皮周打魚湯(單售$20定23 跟餐$15)酥皮唔淋幾好食 唯獨嫌個湯比較咸同唔太夠熱😟餐飲飲左熱朱古力 店員落粉落得好重手不嬲鐘意甜既我唔落糖都覺好甜🙈而媽媽就叫左個B餐-有機蘆筍蟹肉忌廉天使麵 跟飲品($65)唔知係咪有機關係 蘆筍偏幼之餘亦偏老(有渣😟)碟粉一尼到好多汁 但好快就比啲麵索哂😮味道唔錯係啲蟹肉比想像中少 似啲蟹肉碎碎碎碎碎咁 就算特登撩出尼食都無咩蟹味😣吞個口水舊蟹"肉"就無左成碟偏向似普通忌廉天使麵不過由於舖面唔大 店內既枱多數都係2人座 如果多人想一齊食既話記住預留等位時間呀😉…Read More

一行六人再訪鴨脷洲 Smile Bread ，因店子實在有點小，難免要在門外等位，入座安排更要分兩張檯坐，此餐廳還是適合四人或以下多一點。日式和麻野菜沙律：日式和麻醬雖甜了少許，整體味道仍算理想。野菜沙律翠綠爽甜，值得加$12追加。周打魚酥皮湯：加$15追加。酥皮酥香鬆脆，富層次，幾好食。周打魚湯質感稠身，略鹹，水準食味一般。香草烤豬頸肉拼百里香雞扒伴薯菜：賣相份量比預期佳，豬頸肉腍身，香度對辦。雞扒肉質嫩滑，不俗。薯菜有西蘭花、原條茄子及薯角。原條茄子頗為奪目。薯角因放在醬汁當中，脆香度難免有所退減。阿華田恐龍：即凍阿華田加上朱古力粉沫，點選因名子吸引，味道如預期般美味。…Read More

先講個餐包 如無意外係佢地每日新鮮製造既 配上佢既炒蛋相當滋味 隔離既一碟仔牛油粟米 喺早餐黎講比較少見 但亦可算係一個特色 塊豬排就失色少少 炸得唔夠脆 而麥皮就正到不得了 甜度熱度都拿捏得好好 整體黎講絕對係唔錯既選擇！…Read More

路經看到此麵包餐廳店，裝潢頗有特色，格調有新意，放有不同款式的麵包，買了手袋包試試，吃下才發現有特色亦美味，原來是蛋沙律肉鬆包，有很多沙律醬，令人感到豐富滿足，很棒!…Read More

近期屋企附近開了一間新食肆，店舖分成兩部份，一邊是麵包店，另一邊是西餐廳。西餐廳餐桌放置以二人枱為主，多人的話或許要等候多一點時間。午市套餐四十餘元一份都算合理。忌廉餐湯胡椒口味很重，食味有點怪。主菜夏威夷菠蘿蕃茄焗豬扒飯蕃茄汁調味不重，酸酸甜甜幾好吃。豬扒幾鬆軟腍身，同樣不錯。可加強的是多加芝士會更美味。香蒜煙肉活蜆忌廉汁天使麵，菜式色水豐富，蜆肉及天使麵普通喇，忌廉汁略多及薄身。熱咖啡偏向苦澀，不屬個人喜愛口味。…Read More