白咖喱公司

Open Now

Now Closed

相約一位多年冇見嘅英國朋友試這所謂地道美食，食完後悔莫及中午12:15進店時，餐廳尚未滿座，本以為能在承諾的45分鐘內從容用餐。然而上菜速度極慢，主餐吃完後追加的薯條竟遲至12:50才送上。剛拿起第一根還冒著熱氣的薯條，店員已拿著收餐盤站在旁邊催促：「麻煩吃快點，後面還有客人等位！」語氣生硬，毫無歉意。 更令人不滿的是，隨後三位不同員工輪番過來，眼神凶狠好似殺父仇人,不停施壓要求離席。最後此時距進店僅35分鐘，桌上還有半份薯條和未喝完的熱咖啡，我已經極度配合要求攞外賣盒，但店員全程板著臉，態度惡劣….食物本身不過不失，薯條確實炸得酥脆，但這種高壓服務徹底破壞了用餐心情。若餐廳無法在承諾時間內提供合理服務，或許該調整餐牌不要再做任何熱飲全部改凍飲,不要再做甜品和小食全部改做快餐… 我發誓以後永不光顧,不明白為什麼付錢吃飯還要受氣!!!!!

白咖喱汁香濃唔辣🌶️ 帶微微椰香好特別🥥 自家製漢堡扒厚身多汁🐮 肉質鬆軟唔會乾爭爭 溫泉蛋一篤穿就流心🥚 撈飯食無得頂🤤椰菜花吸晒咖喱汁好入味🥦 仲幾有口感🥔 白咖喱比起傳統日式咖喱更清新🍃 食完成個餐都唔會話好膩💯份量十足夠飽肚🍚  環境簡潔有日式小店feel🎎 服務員態度友善😊性價比高💸 適合一個人靜靜食飯🍽️ 咖喱控絕對要bookmark低📌不過始終都係集團餐廳😊唔會話抱好高期望

康怡Aeon吉日有折扣，特登去行吓！行到攰攰哋就搵嘢食。行咗去另一邊，見到白咖喱，有吸引力就試試。叫咗2個下午茶套餐：1）蒜香蕃茄湯燒雞扒日本職人幼麵（輕量）+齋啡；2）白咖喱慢煮牛肉飯（輕量）配酥皮濃蝦湯+熱即磨咖啡。#2 白咖喱牛肉飯配酥皮濃蝦湯個餐賣相唔錯，湯熱辣辣，白咖喱入口不太辣但覺得食後有點回辣感覺，整體唔錯。#1 燒雞扒蕃茄湯幼麵，賣相一般，食落幼麵夠熱，個湯就常溫咗d，湯底平平，整體平平。至於飲品方面，平平。這樣的套餐來說，Ok. 還有這店係‘沙嗲王’名下的。地方整潔，應該係新裝修或新開的。另外，自己唔夠精靈，有空位原來唔哂攞飛直入，第一次去攞咗飛等叫入坐添⋯⋯haha!

以前公司附近經常食沙嗲王，原來白咖喱公司係沙嗲王旗下，主打沙嗲王招牌白咖喱菜式,裝修走簡約文青風路 線,餐廳光猛燈光配合木調傢俬,感覺清新。牆身掛有餐廳 出品的周邊布袋,整個風格很有特色,同時亦有幾分台灣小店的感覺。今日同左2個小朋友去食，我自己就叫左白咖喱雞扒飯：白咖喱 帶有香濃椰香,香甜同時質感濃稠,配上香茅雞扒，賣相吸引,食落口感軟腍，拌飯食一流啊!芒果椰汁沙冰：濃濃芒果，配埋椰汁同綿綿沙冰，口感豐富有層次，感覺好夏日，超正

🥰一直都好鐘意食沙嗲王既🥘白咖喱,,有日無意中發現改左名叫🥘白咖喱公司？入去試下同以前嘅白咖喱味道有冇分別先😝果然冇令我失望😙😙仲係嗰個好熟悉嘅味道，而且仲係好好味，keep到水準👍🏻餐牌上多左唔同既款式配搭嘅白咖喱😍下午茶時段 提供輕型版白咖喱套裝 $48仲有杯烏龍茶飲🧋👍🏻👍🏻👍🏻👍🏻仲有其他小食，老品牌多人認識自然需要排隊，不過都唔使排好耐，好快就有位👍🏻👍🏻

細個嗰陣，我同屋企人成日都去沙嗲王食，近年沙嗲王推出新副線「白咖喱公司」，我淨係今年已經幫襯過幾次，每次都會感嘆又好味又唔貴🙈🔹法式牛扒汁! 自家製漢堡扒滑蛋蓋飯 : 食過咁多款，個人最鍾意白咖喱公司的自家製演堡扒，即叫即燒，非常juicy，鍾意漢堡排的一定不能錯過👍🏻🔹白咖哩!燒雞扒飯 : 燒雞扒雖然唔係佢嘅皇牌，但係都好推薦👍🏻雞排燒得好香，唔會有雪藏味，而且好嫩！(同茶記早餐對比，呢度嘅雞排真係完勝）(佢地嘅蟹粉豆腐鍋&白咖喱豬排飯都好好味㗎！)

12:25去到叫外賣, 等咗20分鐘追佢。 個收銀姐姐答我已經追咗; 再等咗十幾分鐘我見到畀我遲落單嘅訂單(大online orders) 都已經出貨, 再追佢先有伙記follow up, 足足等咗35min+ 仲要 一句sorry都冇如果係單身or老人家唔識上網預訂餐就千祈唔好自己到店叫外賣!

原本期待酥皮湯(只限堂食)， 點知試左個酥皮有油耗味， 失哂真， 最後淨飲湯。$18真係唔好有期待。點解咁樣架， 扣哂分， 唔會再惠顧了。個湯都還可以， 個白咖啡飯係可以的。

{白咖哩厚切吉列豬扒滑蛋蓋飯 - $82}本麻甩鐘意食沙嗲王，呢間副線主打白咖哩，分店唔多，其實一直都想去挑戰下，見到太古康怡有間新分店，食飯時間剛剛去到果頭真係FIT晒~ 好多都好想食，見到呢個厚切吉列豬扒滑蛋蓋飯，最初睇唔上眼因為餐牌煮係配蒜香蕃茄汁，但叫落原來係可以轉返做白咖哩架，真係唔需要多講即時叫! 吉列豬扒脆卜卜但入面保濕~ 超鬆脆可口! 而白咖哩真係無令我失望，好食惹味! 配埋即磨咖啡，真心一流~不過午市時間我見大量人排隊，如果大家食12點初期應該會好D! 1點就爆多人，自己執生呀!美味程度：😋😋😋😋環境指數：🎇🎇🎇番食機會：🦍🦍🦍🦍📍 #白咖喱公司 (太古)太古康山道1-2號康怡廣場北座1樓F10號舖

之前試過堂食，豬扒OK不過份量少啲。今日外賣下午茶仲加錢飲嘢，因為餐飲得烏龍茶或者咖啡。求其轉杯嘢飲加$8 ，凍青檸金梅蜜，因為杯嘢飲要寫食評，難飲呀！冇青檸味，得的鹹甜超級難飲，餐廳把呢款嘢飲刪除，呢個世界點解會有啲咁難飲嘅嘢飲！

多次經過太古都見「白咖哩公司」排隊，碰碰運氣今天只係等10張枱，而且大家都想試白咖哩豬扒飯。👦🏻哥哥點了鐵板自家製漢堡扒$85（有燒雞扒一塊·香茅豬扒一塊·煎荷包蛋一隻•少量薯條）另加配酥皮濃蝦湯$18•餐飲牛奶咖啡Latte+$9🙋🏼‍♂️爸爸點了自家製漢堡扒滑蛋蓋飯$78•餐飲雜莓沙冰+$15🙋🏻‍♀️媽媽點了香茅豬扒日本職人幼麵$66•餐飲雜莓沙冰+$15另加了一份奇脆卜卜薯條$24總結：哥哥不太喜歡這味道漢堡扒，妹妹覺得豬扒嘅香茅味很臭，但爸爸點了白咖哩漢堡扒滑蛋蓋飯說很好味，所以每個人口味各異👅。

餐廳的食物味道一般，並未給我留下深刻的印象。我點了一份二人餐, 當中白咖喱豬排飯，但味道只能用「普通」來形容。 白咖哩汁雖然係沙嗲王典型的味道，但肉質稍顯乾柴，缺乏那份令人深刻感覺的味道。更讓人不滿的是等候時間:等候時間卻是長得令人抱怨。我在平日(星期二)的晚上來到這裡，雖然已經入座，但仍然等了超過30分鐘才有食物上台。雖然餐廳的環境很舒適，但長時間的等待讓我感到有點不適。此外，我注意到服務人員的情緒也受到影響。員工因工作量過大而發脾氣，讓整個用餐氛圍變得緊張。這不僅影響了我的用餐體驗，也可能影響其他顧客。超長的等候時間，將成為我不會再幫親的原因。希望他們能夠採取一些措施，例如不要只做外賣單, 而忽略堂食單，讓客人享受更好的用餐體驗。同時，重視員工培訓和工作負荷，讓員工能夠以更好的心情面對客人。

路過見到經常排長籠，星期六晚決定一試，等了一小時，我們叫了炸豬排麻辣米線，厚豬排不錯，白咖哩豆腐蟹肉飯也好吃，最後等了很久才上雜扒及酥皮龍蝦湯，完全難吃，有點失望。

23/8/2024 堂食，18:07 下單，18:38問服務員都禮貌地回覆，話好多外賣，但我到店時係無咩外賣同無須等位。最後18:46上枱有嘢食，如果唔趕時間可以考慮，希望白咖喱公司可以注意一下出餐時間！

我同太太今日下午去試咗，可能是星期日好多人排隊，大概等左45分鐘，分別叫咗炸豬排白咖哩飯、漢堡牛肉蛋包飯、龍蝦湯同埋一杯芒果沙冰，食物都唔錯，埋單都係二百零蚊，下次可以試吓其他食物😋