Fat J Char Siu

呢間燒味店門口排長龍，今日終於一試佢嘅魅力叉燒雙蘭王蛋飯叉燒經過醃製烤製，外皮焦香，肉質鮮嫩多汁，帶有甜鹹的味道，肥瘦適中，配上近年最具人氣的日本蛋之一，蘭王蛋 蛋黃呈橙紅色，色澤光亮，而且蛋香非常濃郁，混合於飯中，味道一絕茅台醬油雞飯雞肉用茅台醬油醃製，味道獨特，色澤誘人，肉質鮮嫩，醬汁濃郁，搭配香噴噴的白米飯，米粒分明，能完美吸收醬油的味道。鵝汁時蔬鵝汁由鵝肉熬製而成，味道醇厚，為蔬菜增添了豐富的風味，提升了整道菜的層次感。保持鮮脆的口感老火例湯長時間慢火熬煮，讓各種材料的味道充分釋放，湯底清澈，味道鮮美。…Read More

這家餐廳很多朋友介紹，於是和朋友過來試試。中午12點到排隊半小時後入座。期間竟然提供樽裝水，如果太曬可以借傘。⭐️叉燒雙蘭王蛋飯叉燒絕對係鎮店之寶！選用梅頭部位，半肥瘦比例堪稱完美，外層塗滿香甜嘅蜜汁，微微焦香，肉質軟嫩鬆化，完全唔會韌。兩隻蘭王流心太陽蛋一篤穿，蛋漿撈埋豉油同飯，係邪惡又滿足嘅至高境界。⭐️ 茅台醬油雞燒鵝飯醬油雞肉質超滑，茅台酒香滲透其中，醇厚而不嗆喉，味道層次非凡。燒鵝亦毫不遜色，皮脆如紙，肉汁豐腴，蘸上酸梅醬更是經典絕配。一次過滿足兩個願望。⭐️老火例湯（一碗）是日例湯係薏米排骨湯，一飲就知真材實料，絕非味精湯。薏米煲到起沙，祛濕清甜，排骨肉軟爛，飲完成個人舒服晒。⭐️鵝汁時蔬用燒鵝滴出嘅精華油汁來拌炒新鮮時蔬（是日為菜心），菜蔬吸盡燒鵝嘅肉香，鹹香惹味。…Read More

Thanks God it’s Friday!朋友鍾意食叉燒呢晚約佢食飯 二話不說揀咗近排幾hit嘅發達叉燒7點幾去到有少少嘅人龍不過都keep住郁 等咗一陣好快就入得店面雖小五臟俱全 staff都非常快手喺門口睇定menu 一坐低即刻可以order1分鐘內即刻送上老火湯😆非常有效率呢晚係雪耳瘦肉湯 好清潤 唔錯👍🏻雙蘭王蛋叉燒飯$88上枱色香味俱全兩隻蘭王蛋鮮橙色 非常靚非常吸睛叉燒邊位微燶 好香口肉質嫩紅 見到已經流晒口水一放入口就知冇嚟錯地方入口好滑 咬落非常軟嫩 多汁juicy 食完口腔仲有餘香 飯粒唔乾身 有少少叉燒汁 好食 女仔都可以食得晒成碟😋茅台醬油雞燒鵝飯$80本身都有少少擔心油雞用茅台 味道唔知會唔會太濃但完全唔需要擔心佢有酒香但唔重 反而提升咗雞肉嘅香雞肉都係非常嫩滑 肉汁豐富 燒鵝都唔錯 燒得鵝皮幾香口鵝肉彈牙而不黏牙加埋酸梅醬食 送飯一流加多咗碟鵝汁時蔬$60估唔到咁大碟 2個人都食唔晒🤣鵝汁幾香 淡化咗蔬菜嘅青草味埋單每人先一百蚊左右 好抵食好高質👍🏻重點係staff service都好好而且翻桌亦較快唔止local仲有好多遊客慕名而來支持本地小店❤️…Read More

bookmark咗呢間餐廳好耐！終於可以等到老公得閒嚟食啦！！！勁多人拍reels燒到我都一定要嚟試😆果然冇失望！！！門口勁多外賣🤣看來都真係客似雲來開放式廚房睇住師傅斬叉燒，個人覺得好睇過睇電視😌一定要叫佢最出名嘅叉燒雙蛋飯(我都係叫開黯然銷魂飯😂隨飯附送老火靚湯，竟然係霸王花煲豬展，仲有好多湯渣，有驚喜！一上枱見到兩隻橙色蛋黃嘅蘭王蛋已經好有食慾🤤半肥瘦叉燒腍滑得嚟唔嚡口，好想玫瑰露味，一啖叉燒一啖飯簡直最高享受🥹本身老公都想跟我叫叉燒飯，但冇理由唔試埋其他燒味🙂‍↔️所以我幫佢叫咗茅台醬油雞拼燒鵝飯上枱既時候真係好香醬油既鹹香味，豉油雞好滑燒鵝仲係脆皮唔肥，份量好多，真係超級抵食估唔到鵝汁時菜會係西蘭花苗🤤仲好細心修咗啲粗既菜梗，好甜而且份量都唔少咁高質燒味人均都係百零蚊，如果唔係要跨區真係想成日食🥹希望快啲開分店！！！…Read More

喺灣仔想食返餐好啲嘅燒味飯，今次聽同事介紹，試下呢間叫「發達叉燒」嘅舖頭😎我叫咗個招牌 叉燒雙蘭王蛋飯 🍳。碗飯一上枱，賣相唔錯，兩隻蘭王太陽蛋橙紅色，睇見都開胃。主角叉燒切得幾厚身，揀咗半肥瘦，邊位有啲焦香嘅「燶邊」，食落去肥嘅部分有啲入口即化嘅感覺，瘦肉就保持到肉質，唔會韌。蜜汁嘅甜味幾自然，唔會太膩。將隻流心蛋黃拮穿 🥚，蛋汁撈埋豉油同飯，再加一啖叉燒，口感好豐富，味道好夾，幾滿足。👍朋友叫咗個 茅台醬油雞燒鵝飯 🦢。我試咗少少，個醬油雞肉質好滑，雞皮薄身，食落有陣好淡嘅酒香 🍶，幾有特色。燒鵝皮脆，最抵讚係唔會一大啖肥肉，咬落去有鵝油嘅甘香，肉質都嫩滑，唔錯！咁啱坐左係廚房前面見到師傅切鵝，見到有特登切走啲肥肉，好細心！ 老火例湯 🥣，係苦瓜紅蘿蔔豬肉湯。個湯飲落好清甜，有苦瓜嘅甘味，感覺冇乜味精，飲完成個人幾舒服。另外加多碟 鵝汁西蘭花苗 🥦，菜苗夠嫩，加埋鵝汁食好香口。燒味水準唔錯，用料都好有誠意。叉燒同燒鵝都值得一試，連個湯同菜都唔馬虎。如·果喺灣仔想食返餐好少少嘅燒味飯，呢間係個唔錯嘅選擇。💯…Read More

中午去了新開的發達叉燒買外賣回公司吃。回到公司打開飯盒，看到叉燒和油雞都挺好看。怎知吃下就覺得貴，而且言過其實，叉燒不算最軟，油雞酒味飄忽，酒味淡到幾乎無味，豬油飯只有一點，還要加$10轉，轉了豬油飯都沒豬油味，不值得加錢。在灣仔，比它好吃，便宜的燒味飯多的是，隨便一間都贏它。難以理解為何排隊的人多到街尾......還是外賣做得比較差？試一次就夠了，不會再光顧。…Read More

呢間嘢真係食過返尋味但係真係越嚟越多人排隊 生意好啊🥲上次就食咗茅台叉燒雞，今次有啲肚餓，就試埋人人讚好嘅叉燒雙蘭王蛋飯 HKD88我朋友冇叫蘭王蛋，只係叫咗茅台醬油雞燒鵝飯 HKD80即刻食到個分別。有蛋嗰個飯係香勁多！加埋甜甜嘅醬油，再加埋少少豬油，好食到黐線真係就咁用汁撈飯都津津有味雖然佢本身都有配菜，但係我哋都試埋佢個鵝汁時菜，嗱唔平架，要HKD60但係佢唔係普通嘅時菜，而係BB西蘭花！大愛，佢仲要好細心幫你削咗根部嗰啲位，務求令你條條爽脆條條嫩我明白點解咁貴啦🥹🥹🥹食完，再一次感到好滿足…Read More

今日特登同屋企人山長水遠去灣仔食最近好受歡迎嘅叉燒佢落場時間係1600-1700我哋1640到左但見無人排隊就去附近行下先1653再翻去己經排左20人目測十張枱左右，好彩一開門都入到去仲有位但要搭枱叫左叉燒茅台醬油雞飯同燒鵝五花腩叉燒飯加臘腸豬油撈飯叉燒好好味，半肥瘦，比得上高級酒店中菜茅台醬油雞聞落好香，食落好滑臘腸好重玫瑰露味燒鵝普通五花腩叉燒好邪惡，個人覺得同普通叉燒都差唔多，唔洗特別加錢轉老火湯有雪耳木瓜有誠意最後走果時仲叫左半隻雞外賣下次會再去，想試吓叉燒蘭王蛋飯…Read More

灣仔嘅內街隱藏住好多人氣小店！呢間發達叉燒係一間次次經過見到都排哂長龍嘅人氣叉燒店，今次一於來湊吓熱鬧先～✨叉燒雙蘭王蛋飯叉燒係採用咗西班牙栗子豬，每一塊都好厚切！重點係食落去肥瘦均勻，口感豐富，味道香甜得來又帶有微微焦香！配搭埋蛋香濃郁嘅蘭王蛋撈飯，味道經典得來又帶點新鮮感😋～✨茅台醬油雞燒鵝飯醬油雞肉質嫩滑！加入咗茅台之後，帶有淡淡嘅酒香，風味獨特！燒鵝皮脆肉嫩，油而不膩～✨鵝汁時蔬西蘭花新鮮脆嫩，配搭鵝汁更加滋味～✨老火例湯老火湯清澈又鮮甜，飲得出係完全冇添加任何味精，有種住家嘅味道～餐廳環境簡約又整潔，店員亦好有人情味，就算要排一陣隊先食到都非常值得啊～…Read More

發達叉燒是一家位於香港灣仔的粵菜燒味專門店，由擁有逾20年經驗的燒味大廚余燦達主理，並與人氣私房菜餐廳「鋒膳」合作。店名寓意「高質不高價」，致力以優質食材和精心烹製，將傳統燒味提升至米芝蓮級水平。叉燒雙蘭王蛋飯 ($88)蜜汁叉燒選用了西班牙甘栗豚梅頭肉，慢火烤製，外層焦香蜜汁，內里多汁甘香，是店內人氣首選。叉燒份量亦很大。茅台醬油雞燒鵝飯 ($80)雞肉口感嫩滑且味道濃郁。燒鵝鮮嫩多汁，入口油香四溢，配搭酸甜燒鵝醬風味絕佳。每個飯配上霸王花老火例湯，沒有味精👍🏻鵝汁時蔬 ($60)西蘭花苗十分嫩！餐廳很用心把梗的外層去掉！👍🏻👍🏻👍🏻 推薦！…Read More

[港式燒味] - #灣仔 #發達叉燒 鋒膳叉燒就出哂名，今次就試下鋒膳姊妹店 - 發達叉燒！我哋12:00到，大熱天🥵排左半個鐘先有得食😮‍💨 今次想試晒燒鵝、叉燒、豉油雞，所以簡左兩碗燒味飯, 附送老火例湯！📌 叉燒茅台醬油雞飯$85叉燒轉左五花腩叉，轉左之後超級後悔，勁肥🤣 叉燒微微燶邊，個人喜好再燶多少少🤏🏽 📌 茅台醬油雞燒鵝飯 $80 燒鵝外皮唔脆好燶，而且好瘦，一般！MVP: 茅台醬油雞所有雞件已預先起骨，肉質滑嫩，肥瘦均勻，用左貴州茅台王子酒，酒香令油雞既味道提升。食完口入面仲有茅台酒既餘韻，調味調得好好👍🏻.Overall，以燒味飯既價錢黎講絕對唔平，茅台醬油雞好出色，下次可以淨係叫雞🤭.發達叉燒 📍：灣仔蘭杜街 2 號地下 2 號舖=========================.…Read More

📌放工路過灣仔，離遠已經見到排曬大龍，見到呢到主打高質燒味一於試下!📌整體色香味俱全、份量足、性價比高，值得推介！下次一定再試其他招牌菜！🔺叉燒雙蘭王蛋飯 ($88) 一定要試下呢到既招牌厚切叉燒，肉質嫩滑入口鬆軟，外層仲有微微焦香，另一個亮點就係蘭王蛋，流心蛋既蛋香好濃郁，撈飯一流值得一提個飯飯粒分明，吸晒叉燒汁同蛋汁，真係食到停唔到口 🤩🔺茅台醬油雞燒鵝飯 ($80) 茅台醬油雞好出色，雞肉真係好嫩滑，食落散發淡淡既茅台香燒鵝皮脆肉香，咬落去淡淡肉，滿口鵝油香油又唔會太膩餐廳仲好貼心，可以根據個人喜好升級雞脾﹑雞翼﹑雞胸 🤤🔺鵝汁時蔬 ($60)西蘭花好爽甜，吸晒鵝汁精華，夠曬惹味 😋最後唔可以唔提老火例湯，青蘿蔔紅蘿蔔豬展湯，材料足料，冇味精又唔鹹 💯➡ 整體Lamlam脷指數 😋😋😋😋(4/5)➡ 整體評價: 色香味俱全，性價比高➡ Encore指數 ⭐⭐⭐⭐ (4/5)…Read More

今日收工衝去灣仔試呢間網上瘋傳嘅燒味店，舖仔細細但一早已經排晒長龍！🍛 叉燒雙蘭王蛋飯鎮店之寶！叉燒堅係「半肥瘦天花板」🔥 蜜糖燶邊帶焦香，咬落軟糯唔黏牙，肉汁多到滴出嚟，勁香口濃郁豬香兩隻蘭王煎蛋一篤穿蛋漿淹沒叉燒，撈埋甜豉油飯，唔係講笑食到停唔到口！ 🍗 茅台醬油雞燒鵝飯燒鵝髀同油雞大舊到癲，皮脆肉嫩無騷味，重點係門口啲皮仲聞到陣陣茅台香，吊出鵝肉鮮甜，食完成個口留香！ 🥬 鵝汁時蔬估唔到最驚喜係佢！菜心淋到發光嘅鵝油汁，索盡燒鵝精華，鹹香中帶蔬菜清甜，好特別🍲 老火例湯足料到震！飲到無味精嘅家的味道，湯渣佔半碗，食完燒味飲一啖超解膩！ 原來燒味都可以咁高質，唔怪得日日見到都排晒長龍，食完返唔到轉頭！…Read More

有一日平日去開灣仔，突然想食 #燒味 ，11:45到埗排到頭輪🤗一坐低就揀到，叉燒茅台醬油雞飯，加$5轉做五花腩叉燒叫完無幾耐先上是日例湯，蓮藕湯，湯頭好清，清微甜，無味精，飲落舒服😌主角一上枱，第一眼見到蜜汁五花腩微燶邊，淡淡油香飄上嚟😍 佢哋用上西班牙栗子豬，所以望上去同平時嘅叉燒已經好唔同😋 肉質鬆軟，入口即溶，原味已經好出色🤩 輪到茅台醬油雞，肉質非常之嫩滑，配上貴州嘅茅台王子酒，我平時唔食雞皮，但係酒香令到雞皮更加爽，係真係忍唔住要食咗幾塊雞皮🤫 同時好欣賞雞件起晒骨👍🏻 喺點餐嘅時候我將汁另上，方便食完原味之後，再淋上汁，建議唔好落太多，輕輕上就可以去到另外一個層次，值得嚟食一次😁…Read More

琴晚六點九去到呢間燒味店，門口已經有條人龍排隊，好彩算郁得快，七點已可入座。伙記就話燒鵝剩返好少，我哋即刻嗌咗個茅台醬油雞燒鵝飯，同埋蘭王煎蛋叉燒飯。點知落單唔夠五分鐘，就聽到廚房嗌「燒鵝賣晒喇！」，食咗15分鐘左右，連招牌叉燒都賣晒！個叉燒雙蛋飯真係冇得彈，啲叉燒半肥瘦啱啱好，篤穿隻流心蛋撈飯真係正到爆。茅台醬油雞酒香入味，又香又滑每碟飯都會送碗老火湯，幾有家的味道，飲落應該冇落味精鵝汁時蔬用咗上價嘅西蘭花苗，呢啲細節可以睇得出店家對食材嘅追求講真呢間燒味係做得幾出色，不過想食燒鵝同叉燒就要早啲嚟啦～…Read More