發記腸粉粥品

Open Now

Now Closed

晨早買個外賣，在家慢慢食完先返工。返到屋企打開外賣盒，腸粉份量少咗一半……雖然知道啱啱開門，人手少，做嘢可能慢啲，但都可以做好每樣嘢嘅。作為支持咁多年嘅老街坊，咁樣點叫人撐落去丫。

今次叫左牛肉腸+蝦腸，雞粥同一碗加左豬潤雞粥，價錢不過不失, 加晒$156, 分量都多兩個人都食唔晒，今次d雞感覺冇以前咁滑， 但個粥係煲得ok,唔會太結身一間開左好耐既老字號

態度差到爆，叫時已講明要甜醬麻醬、話係個袋度，番到去沒有 。打去問阿姐話下次補番，問叫貴姓，佢就話唔使講佢叫咩名，咁既態度，唔怪得人番內地消費，自己做錯事sorry 都冇聲

叫左蠔仔皮蛋粥睇食評見由砂窩裝住上枱，以為砂窩生滾添 原來只係一隻碗黎 誤會了皮蛋Menu就寫份量有一隻既 但實物感覺不足一隻 應該係廚房隨手拎 唔係原隻切啦 明既 效率啊嘛.. 而蠔仔非常大隻，但唔好食冇鮮甜味..失望入口成隻蠔爛到漿糊咁，幾大隻都算啦😐食到最後幾隻已經支持唔住反胃咁滯 口感太差啦 可能夜晚去唔新鮮啦粥底方面 好爛好粉 食到一種粉既質感 奇怪 自問口味相當清淡 都感覺粥底味道單調啲姐姐的確如傳說中講既 態度好差 惡過鬼 鬧其他客人😂👍賣單40蚊碗 係平既 但冇下次了

今日趕時間唔堂食，嗌咗皮蛋牛肉粥成為$34阿姐忙到踢晒腳啊呢個時候一點幾不過都未暴躁哈哈😂呢個皮蛋牛肉粥有一隻皮蛋嘅份量！牛肉大概有六片 大大我自己返去加啲椰菜菜叮熱加番啲纖維，整體食得好滿足佢都幾快手有外賣不過今次食覺得鹹咗少少 🤏同埋唔知係咪開始食厭，冇咗當初嗰種愛的感覺哈哈或者係食法係食粥，最好最出色最特別因為佢嘅豬潤係出面比較少見嘅做新鮮！ 值得欣賞嘅係佢除咗蠔仔粥之外，一般而言啲足都係好穩定咁樣好綿

店內女人凶神惡煞，態度極差，講嘢呼呼喝喝。食物普通，但點解客人幫襯仲要俾錢買難受呢？俾錢我都唔會再去，十分不推薦Terrible attitude towards everyone. Food is not too bad but I’d rather not eat here. There are many choices of similar food in the area so I suggest you to spend your money elsewhere.

叫左外賣，諗住問下有冇花生醬同甜醬，個阿姐竟然大聲夾惡叫：你之前有冇落單嗌埋架，去問收銀攞！都唔知係咪更年期超級燥底，我建議佢飲返多碗白粥下火一下。店舖食物係唔錯，但亞姐態度真係好Q差

今日唔食及第粥，不過及第粥其實抵啲因為30幾蚊就有唔同嘅內臟同埋肉片，而家食內臟想主打豬膶，所以就嗌 豬潤蠔仔粥 就變咗50幾蚊喺Menu見唔到蘿蔔糕，但係有對情侶入嚟問佢有冇蘿蔔糕，佢哋是第一次食又有喎好大份，我偷偷地影咗張相😂🤣不過我鍾意蒸嘅多啲主人蠔仔粥好多蠔仔，豬潤大概有五篇厚切，但未必好大嘅面積一啲好味一啲就好似彈牙得滯咬斷嗰種不過今次個粥好水，好水 男朋友個蠔仔牛肉粥又冇嘢所以最後我都係不幾啖佢嗰啲如果佢食唔晒 牛肉份量都好多嘅佢個碗呢個係叉燒腸我哋就嗌雞蛋叉燒腸，不過如果雞蛋多少少就好啦 整體不過不失，不過一杯嘢飲要計原價$16熱奶茶就有啲貴

📍發記腸粉粥品有時清清地想食下粥就一定會唸起呢間發記粥品‼️🐷及第粥 （$36）呢間既及第粥一定要食‼️原因係所有配料都非常新鮮💯豬膶食落既口感係爽滑唔鞋👍🏻粉腸洗得好乾淨豬肉片軟淋食落好鮮成個粥底都好綿滑✅😋香菇雞絲腸 （$20）除左粥之外粥粉就係另一樣必食既野香菇雞絲腸好足料雞絲份量好夠腸粉亦蒸得岩岩好又熱又滑✅推薦😋😋😋

今日想食牛肉，就食蠔仔粥 加牛牛牛肉份量非常多！如圖，所見 豪仔都好多，跟蠔仔粥就會有芫荽如果係鮮味嘅話及第粥嗰個粥底我係最鍾意嘅，今日男朋友埃及抵觸我拎佢一嚿豬潤非常之正無敵嘅筆記第一腸不過琴晚食嘢有啲飽，食咗好多肉 感覺今次嘅蝦好似少咗 男朋友食兩粒，我好似食一兩粒都係塊的 唔係完整，不過唔緊要如果唔係同男朋友食，我一定走豉油，因為好多油浮面好驚哈哈 不過係幾好味嘅，我自己甜豉油加甜醬少少辣醬就夠㗎啦環境方面朝早真係好好多，如果朝早 冇咁迫

我發覺早餐啲人未起身，好似坐得舒服啲 而且早餐食粥好舒服今次第一次試雞雜！有半粒雞心，好多雞腎同埋少少雞肝！好新鮮唔知係咪食幾次慣咗覺得姐姐親切咗今次有 墜入嘅卡位唔使同人搭枱好舒服，又有私人空間男朋友嗰碗牛肉粥嘅粥底比較綿 我嗰碗係蠔仔粥，覺得因為蠔仔會出水，所以就水好多因為喉嚨唔舒服所以$7加咗一粒皮蛋，但係唔係好抵，因為麻麻哋好食 個心係比較實同硬嗰種發記第一場就無敵， $27就有蝦同埋叉燒份量好多仲有雞蛋超級正！男朋友勁鍾意佢啲撈左油嘅豉油，我就覺得冇咁油好啲，不過真係幾香口嘅 加杯熱奶茶，買單129大滿足

好耐冇嚟發記，又來發記，食豬什粥！照舊呢個第一場，有叉，大蝦 🍤同蛋呢個咩都有啲嘅筆記，第一腸都係$27 蝦好大隻應該一條腸粉有一隻，叉燒就又肥又瘦，有雞蛋位置嘅腸粉皮好好味男朋友應該一起身好肚餓已經一上枱食咗一半🤣🤣咁皮好煙韌！雖然佢啲豉油蠔油見到好似圖入面有一層油，不過好香口甜甜地腸粉皮煙韌有口感，而且好實在，超級足了男朋友，今次話想試滑雞粥，比想像中好男朋友非常滿意，佢有好多雞肥雞油🤣豬什粥大大碗好多肉片，肉片肥瘦夾雜非常均衡好好味嘅豬潤有三至四片 係好味嘅黃沙閏粉腸就只有四條仔 今次正常發揮，好似冇第一次嘅粉腸咁香 今次偏硬阿姐動作好咁快實時實幹型 早餐9:30唔會好迫算舒服

最近食得太多熱氣嘢，想食得清啲🙈就同朋友食呢間幾出名嘅發記，見佢啲嘢食算平，就預佢份量唔多，就叫咗一碗皮蛋瘦肉粥，叉燒雞蛋腸，椰菜銀芽炒米粉😆一上菜，份量超級多！皮蛋瘦肉粥好大碗，好滑！叉燒雞蛋腸超級大碟，淨係食佢都飽了😅幾多叉燒，正！銀芽炒米粉正常水準，又係超大碟！食完超級滿足😌

發記腸粉粥品元朗建業街67號地舖Score 分數： A/70這是一間傳統粥品店，味道嘅野......咳！ 見人見志啦～如果我老左，味覺弱左，我覺得佢地嘅粥絕對夠晒味！咸度一流添！加上煮完粥放係砂鍋中嘅粥，濕得更加熱辣辣、更好味。冬天去食就一流啦！！至於衛生.........老人家通常接受到嘅標準囉，有特色！我就年紀唔係大又唔係細，所以試下就好，外賣都可以～* 好啦，講重點：價錢！ 就係光顧佢嘅重中之重！今時今日嘅元朗，去邊度食都唔平，這間粥品店真心價錢合理。總之：可以試下傳統老一輩嘅粥品店，買少見少啦～

今日首次來又新街，見一間舊式粥店有條隊，從玻璃望入見到一個個瓦煲仔，天氣又凍凍地，最佳選擇：食粥！叫了及第粥，發記第一粥，發記第一腸粉、YCH炸両，5分鐘已經到，炸両涼了但口感幾好，第一粥先見芫茜滿滿是材料，乜都有D,及第粥粉腸帶少少苦其他全部鮮嫩的，而第一粥有雞、𧐢仔、豬潤主料，豬潤真的讚，而第一腸亦沒有想到叉燒、蝦、蛋可以組合，仲可以內𥚃帶熱，很好的一餐