D.H.K. Seafood Restaurant

炒飯粒粒分明，鑊氣，好好食👍桂花米粉炒出功夫架真係似桂花般👍魷魚髭炸得吾會un,剛剛好👍點心味道可以，但牛油果春卷用錯碟，深色襯得不好看，用碟太過求其。。…Read More

同老人家嚟食晚飯，地方相當寬敞老人家都覺得啲嘢幾好食，幾啱口味每次黎都會必點一字叉燒，嚟到仲有蠟燭熱住如果鍾意食肥叉，落單記得要肥啲叉燒，甘香好味燒鵝一樣欣賞有蠟燭熱住唔會食到最後d油《瓊》住龍蝦伊麵龍蝦新鮮，唔會梅，伊麵底又夠多汁好味清蒸東星蒸魚嫩滑，岩岩熟離骨，加埋佢既蒸魚豉油100 分白飯，唔會太林，亦都唔會太硬，口感不錯 整體來說，晚市10分推薦搵日要試吓飲茶先…Read More

星期六和家人去飲茶，中午時分酒樓只坐到大概七成客人。可能當日紅雨，少人出街。用點心紙點點心比用app好。望住張點心紙有問題，舉手問部長，點知部長一手搶去張點心紙就走。我哋叫住佢佢先返轉頭，用敷衍嘅態度回答我哋嘅問題。好啦，點心到啦。碟雪山叉燒包入面個餡係凍嘅，三粒叉燒包食淨一粒。碟例牌叉燒重差，師傅俾咗有筋嘅部位，完全咬唔開。同部長投訴佢換過一碟俾我哋，但一半都係肥嘅，食剩半碟。其他蝦餃燒賣點心味道正常。食完埋單，兩位小朋友計一位大人茶錢。問部長小朋友都要計茶錢？部長話係。再問部長住戶有冇折？佢竟然話係母親節前夕所以冇折。消費當日5月4日，母親節係5月12日，不如你話全個五月都冇折啦。最難受嘅係部長鬧櫃檯收銀姐姐，污言穢語鬧足5分鐘。我哋呢台有小朋友喺度佢都唔識得收口。其他客人都望住呢位部長鬧人。兩個月前第一次幫襯呢間酒樓，味道服務都不錯。估唔到事隔兩個月後再去，點心味道大退步，服務好差。我哋六個大人兩個小朋友食咗七百幾蚊，性價比超低，唉，唔好怪香港人唔係香港消費了。…Read More

多次幫襯午市飲茶，每次每人都係$100-200任坐，一定食得飽！難怪食客多數是附近住客和長者街坊，既平民化又貼地。點餐是「劃點心紙」形式，不需要用時下流行的「手機落單」那麼複雜，一目了然。飲茶的主角就是那壺茶，這裏的茶有火熱住保溫。食物溫度尚可，味道就不能太講究，總之以一個街坊價食到你飽啦。員工的服務態度就跟香港現在大部份食肆一樣，大家心照不宣。部分樓面阿姐的嘴臉和態度亦建議忽略。幾個人傾計慢慢食，抵食過快餐同茶餐廳。…Read More

位於奧海城嘅疊囍居，係米芝蓮一星食府。知道佢係米芝蓮一星，預咗佢哋價位比一般酒樓高。🫖七味骰子豆腐食炸嘢至緊要夠熱！溫度，味道都係啱啱好！🫖鮑汁鳳爪一上嚟嘅時候覺得色水唔夠深，以為唔係好入味，估唔到食落有驚喜，夠腍又入味👍🏻🫖北菇棉花雞冬菇唔夠入味，雞件和魚肚正常。🫖筍尖蝦餃王大大隻蝦，好足料！🫖文昌雞燒腩仔檬粉粉面嘅份量算係多。好奇怪的是竟然冇瀨粉，唯有揀檬粉。燒腩仔文昌雞嘅件數大方，不過唔夠熱。燒腩仔肥瘦適中，奈何略鹹。文昌雞算係啖啖肉。喺米芝蓮嘅光環之下，對它的確有點期望，但個人食後感只能說🆗 所有菜式都係中規中矩，未去到有被驚艷到嘅感覺。值得一讚嘅係環境和服務態度都唔錯。…Read More

想食點心，路過奧海城的疊囍居，不算很多人，一個人要搭檯，被安排了坐近入口的位置，清清靜靜的也不錯。點了兩組孖寶點心和蝦腸。孖寶分別是蝦餃+千層馬拉糕和燒賣+炸雲吞，蝦餃和炸雲吞比較出色，蝦餃大大粒飽滿的，蝦腸較為淡口，馬拉糕不是我喜歡的質感，但是熱騰騰軟棉棉的，燒賣也很飽滿但吸引度被蝦餃搶去了。舒舒服服的嘆一個早茶，疊囍居是蠻不錯的選擇。…Read More

5點幾walk in有位，同屋企人夾埋4個人，叫左個龍蝦+燒鵝餐，藕片雲耳炒百合，一字叉燒，同埋一枝啤酒。一黎到上隻例牌燒鵝，份量唔算多，不過擺設幾靚。今次有啲肥，旁邊果幾舊都幾多肥肉，佢有蠟燭烘住，保持溫度，一開頭夾黎食比較凍身同肉質硬啲，後尾食最後果舊就好食好多。🧘🏻‍♀️小小建議係烘多一陣先再食。叉燒又係，烘多一陣好食好多，不過我今次依幾舊都有筋唔易咬爛～雲耳炒百合就份量好足，正常水準，豆同雲耳爽口，感覺材料新鮮。食完燒鵝，雲耳炒百合同叉燒，等左差唔多20分鐘先黎到龍蝦伊麵，因為漏整（吹左幾次先有），龍蝦都好食，肉身唔會話好林好梅，伊麵都幾好，條條分明唔會一住野咁，不過就夾雜住龍蝦既碎殼，食既時候要小心。另外分享一段小插曲～落單果陣本身叫枝大啤酒，後來都即時同staff講轉細啤酒，期間亦都無比枝大啤酒我地，由頭到尾都係得枝細啤酒，但去到埋單就收大細啤酒兩枝既價錢～之後仲碌左兩次錯數～變左前後出左6張receipt比我地。感覺好混亂。而且中途唔會有staff主動加水，驟眼睇人手都唔多，所以都只係要求加一次就算了。新開預左會有甩漏，野食唔差既，碗碟都靚，但地氈好多毛粒感覺污糟。過多排先再睇下情況幫唔幫襯🤔…Read More

假日和同學去茶樓飲茶，選了在同學家附近的酒樓。早上這裏坐滿一早來喝茶的茶客。正值新年期間，以新年價錢計算。早茶時段，場內坐滿人，點心比午市抵吃。在等同學來時，先點一壼龍井喝，壼下有蠟燭，保持熱茶的温度。花膠灌湯餃($63)，上桌時燙熱，花膠爽滑，灌湯餃內的肉餡多，呷一口温潤的湯汁，在冬日倍添暖意。加點醋吃，更突出其肉的鮮味。荀尖蝦餃皇($63)，我們很喜歡這個蝦餃皇，蝦餃皮煙韌而不過厚。爽滑蝦肉量多，載滿整隻蝦餃。蝦肉味道足，不用蘸醬汁已非常惹味。醬皇蒸鳳爪($43)，惹味醬汁份量適中，不會過多而蓋過鳳爪的味道。鳳爪皮厚多肉，彈牙，能嚐到其滿滿骨膠原的口感。我最喜歡這款點心。陳皮牛肉腸($43)，皮厚度適中，牛肉餡足，略帶陳皮香。牛肉腸切成一小件一口，方便進食。蘸點䜴油，提升牛肉的鮮味。蔥花布拉滑腸粉($43)，蔥花分佈均勻，腸粉滑中帶微微煙韌，份量適中。但個人比較喜歡陳皮牛肉腸，味道更豐富。蜜汁叉燒包($38)，叉燒餡足，沒有太多肥肉，所以不覺油膩。叉燒包雪白香軟，能嚐到麵粉香。香熱的叉燒包配熱茶最適合。千層馬拉糕($38)，比叉燒包更香軟的千層馬拉糕。在新年的菜單中命名為「龍年發大財」，馬拉糕鬆、軟、香，作甜品或正餐吃也很合適。這次我們吃午飯，整體食物質素不錯，有機會再來這裏歎早茶。…Read More

疊囍居的開始實在有一段歷史，經過多次易手後，終於到去年在灣仔船街開業，但可惜的是剛獲取了米芝蓮一星後便倒閉了。今年再獲到新資金投資，在大角咀奧海城重新開業，聽說是廚房原班人馬再次經營，我和女朋友特此慕名而來。餐廳裝潢以墨綠色作元素，配上婚嫁作主題，十分富麗堂皇。正門的右手邊設置了三層的魚缸，提供新鮮海鮮。我們當然點算了他們的主打菜式。龍蝦湯海皇羹海皇羹給端上的時候還是熱氣沸騰的。 龍蝦味豐富恰當，濃稠漿口。海鮮份量十足。在中菜廳中提供西式餐湯，實在有點驚喜。翠盞砵酒焗桶蠔傳統的砵酒焗蠔以跟熱鍋上的，這個桶蠔已創新西餐方式呈上，墊在生菜上，入口時緩和了油膩感。每隻桶蠔份量十足，蠔味豐富滿瀉，可見用料新鮮。砵酒味道恰當好處，並沒有掩蓋桶蠔的鮮味。芙蓉鮮蟹肉炒蛋白這款炒炒蛋白端上的時候也是熱乎乎的。份量十足之餘當中還加入不少的蟹肉絲和瑤柱，增添了不少口感，更豐富了蛋白的味道。瑤柱扒豆苗雖然瑤柱扒豆苗是中菜館常見的菜式，但瑤柱的份量相當驚人，從目測可見，瑤柱的份量比豆苗還多。豆苗是當造的季節，碧綠清脆， 味道豐富濃郁。疊起居荷葉飯荷葉飯端上時看似平平無奇，打開的時候，一陣熱氣 隨著荷葉清香撲鼻而來。荷葉飯除了用了十足，飯粒也粒粒分明，味道恰當好處。亞麻籽椰青布甸這個椰青布甸用上西式的高腳杯，外觀討好吸睛，椰青味道恰當好處，稍微偏甜。不過我們認為是奇亞籽，應該不是亞麻籽。總結而言，餐廳食材用料依然相當十足，並加了不少西式元素，經營模式似乎已轉型了海鮮酒家，並換上時尚現代感，並提供婚禮場地。放棄了舊有的模式，破舊立新穿上新衣，總比以往的經營不善，追趕時代的轉變及需要來，總得更好。…Read More

每個月我都書同屋企人飲茶所以成日都發掘飲茶新地方今次去奧海城新開嘅中菜環境夠大、裝修明亮華麗坐得舒服岩哂慢慢嘆點心啦！見佢門口有大大個魚缸海鮮應該都幾正。🔸海南文昌雞飯（$58）有雞髀🍗但唔會好肥、充滿彈性，真係有雞味！搭幾條菜芯同飯，2個人食再叫d點心好夠飽！🔸啤梨鹹水角（$48）外型好搶眼📸 炸得唔會好油，外酥脆內煙韌，口感幾好。🔸醬皇蒸鳳爪（$38）係我鍾意個種鳳爪，肉厚、軟得嚟又爽口，咸咸甜甜好入味。🔸水晶潮州粉果（$31）大大粒超多餡，花生粒炒得好香，仲有沙葛、豬肉……多種口感，好食！🔸鮮蝦燒賣皇（$48）蝦仲多過豬肉，中間包滿好多蝦，好新鮮，我會點喼汁食，同燒賣好夾架！🔸黑豚肉叉燒腸（$38）幾欣賞佢嘅叉燒好有蜜味同肉香，被滑滑彩粉包住，加埋甜豉油，正！…Read More

現在很少去旺角,原來由旺角行去奧海城3期是這麼近,這裡有間店竟然是於2023年獲得米芝蓮一星的食肆,立即入內試一下。蜜餞厚切叉燒,半肥瘦的叉燒是最好味的,肉質軟嫩,油的位置帶點咬口,蜜糖的甜味不會蓋過肉的香味,燶邊有焦香的味道。醬燒石岐妙齡鴿,鴿肉夠厚身,鴿皮脆口,肉質細嫩,肉汁豐富,味道濃郁。官延濃雞湯煲仔翅,魚翅的份量充足,真的有一梳梳,翅是爽口彈牙,雞湯味道鮮甜濃郁,有金華火腿的咸香味。蠔皇四頭南非湯鮑,鮑魚是意想不到的精彩,當切開時好像比較煙韌,但入口是綿綿的帶少許嚼口,品嘗時每啖也有鮮味走出來,鮑魚汁很有鮮味,不會像蠔油一樣。蒜蓉炒菜心,炒一碟菜心就可吃到大廚的功力,菜的油水足,但沒有滴油,菜心炒得爽甜不會過老過淋。味道: 值得一試環境: 寬敞衛生: 尚可服務: 尚可價錢: 可接受…Read More

今日去奧海城買過年衣物, 午茶於 疊囍居, 米芝蓮一星食府. 門面闊,  地方寬敞, 大堂滿是水晶燈, 美侖美奐, 光猛華麗,  十分明亮, 有喜宴禮堂, 營造出高尚大方的佈局. 除了主廳, 還設有偏廳,侍應招呼好,  水滾茶靚,  開完茶就立即叫點心, 點心選擇都算多.   有傳統及特式摩登點心,  最岩嘆茶一族. 也有燒味, 粉麵飯, 各式其式.分開時段收費, 報價清晰.我們先點了個組合 "蝦餃配艇仔粥",   蝦餃一籠兩件 ~  傳統點心製作, 蝦餃皮簿, 內容餡料足, 有爽口彈牙的蝦肉.  好鮮美. 艇仔粥 ~ 熱騰騰的粥, 粥底好綿, 材料多.啤梨鹹水角 ~ 做型得意, 外形似啤梨, 其實系水角, 味道唔錯, 大大件裡面又多菇粒和肉粒餡料.   好味道. 谷氣雞泡魚餃 ~ 賣相頂美像谷氣雞泡魚, 皮晶瑩剔透.  皮薄料正,略帶韌性, 蝦肉餡料很豐富.黑椒酥皮和牛撻 ~  酥皮撻烤烘得香脆, 色澤金黃, 上檯不油膩, 黑椒和牛調味正, 慢慢品嚐.鳳爪排骨飯 ~  鳳爪好淋, 夠入味,  排骨又滑又軟, 飯粒味甘, 好食.燈影黃金煎堆  ~  過年最佳 點心,  煎堆碌碌, 金銀滿屋,  好意頭,   芝麻外殼入口夠香脆, 有燈光照明.  廚師細心及有創意.侍應招呼好, 價錢合理.  食物有水準, 系飲食聚會好地方.…Read More

朋友宴客，這次選擇在奧海城商場三期的『疊囍居』。頭盤是『柚子螺旋小黃瓜』非常驚喜：小黃瓜去皮扭成麻花，清甜爽脆再淋上柚子蜜汁；第二款是『椒鹽白飯魚』入口甘酥香脆，近年已經好少地方賣白飯魚還有『流心的乾坤皮蛋』，這個配搭只要吃到就一定會愛上！開胃前菜和三五知已舉杯之間第一道大菜『片皮大紅袍脆皮豬』，乳豬外皮香脆、肉質充分入味。緊接而來既『火瞳燉大鮑翅』，湯汁濃厚鮮味，火瞳原來是金華火腿中最靚的部位，外皮彈牙充滿骨膠原，火腿肉煙韌鹹香，翅針夠粗大稔滑，一大碗食完後，還留著一種難以忘懷的中華美食回憶。『古法扣花膠鵝掌』巨型花膠軟身黏口；鵝掌吸收了花膠雞湯，兩者都聞到香，吃到夠味。在酒樓好少吃到的『脆皮太爺雞』雞皮薄脆，煙薰香氣撲鼻，雞肉光澤透亮，一檯人吃完一隻雞，意猶未盡。已經飲飽吃醉了，但一定食埋單尾『鰻魚荷葉飯』燒香的鰻魚肥美肉厚，用荷葉包著，非常獨特。…Read More

每次去奧海城，人流都唔會好多，逛得好舒服:)呢間係米芝蓮酒樓樓底好高，好有空間感，非常闊落舒服食肉獸嘅🐻🐻叫左兩樣餸都係肉類😅「秘製一口香檳骨」呢個出奇地好食喎‼️用左腩排，肥肉好爽口，完全無肥膩感橘子醬汁酸甜味岩岩好，完美地包裹住每一舊肉❤️「干蔥豆豉雞煲」嚟到嘅時候，仲聽到zi zi嘅聲音，一打開蓋勁香，雞肉非常嫩滑入味，干蔥&豆豉香令整個雞煲更昇華仲叫左碟上湯炒豆苗，豆苗好夠嫩，完全無渣呢間嘅嘢食質素好好‼️…Read More

疊囍居 ｜米芝蓮一星⭐️ | 奧海城三期推薦指數：★★★☆個人喜好🙂：銀魚肉餅煲仔飯、蜜汁叉燒包不喜菜式🙃：黑豚肉叉燒腸人均消費💸：早茶 75-100 HKD好食與否係好主觀，雖然笑爺仔唔鍾意黑豚肉叉燒腸，不過隔離枱嘅朋友就食得津津有味。撇除疊囍居的米芝蓮光環，係無咩期待嘅情況下，亦算係一間不過不失的茶樓。畢竟，又真係好似無邊間茶樓碟碟點心都好好食。📍疊囍居 (大角咀)大角咀海泓道1號奧海城3期UG樓UG97-98號舖#香港美食 #笑爺仔雜食記 #大角咀美食 #點心 #早茶 #粵菜 #早餐 #奧海城三期 #米芝蓮一星 #food #foodie #dimsum #michelinstar #hkfood …Read More