番茄18 (SAVANNAH Place)

Open Now

Now Closed

公眾假期去食，真係排晒長龍，場面好墟冚。我叫左-花生醬吐司，超級好味，20幾蚊，好似人間美食一樣。另外我都有食雞髀，略嫌太甜，雞髀有啲林得滯。豬膶米線湯底好好味，蕃茄味好濃。

作為一個蕃茄控，點可以錯過以蕃茄為主打的食肆😄😄台灣腸豬扒茄蛋米線～非常香濃，有大量的鮮蕃茄粒，好健康，湯底絕對唔水，好滿意，牛乳炒蛋好滑，夠蛋味，台灣腸都有4小條，豬扒好大塊，好入味，唔油唔癡牙，值得一試👍蔥油雞米線～清湯米線，一大碟蔥油雞，分量相當多，雞嫩滑冇雪味，而且底部還有牙菜墊住，而面頭就有滿滿的自家製蔥油，呢個有驚喜😋😋麻辣雙色餃～很香但又不會很辣的麻辣醬，餃子飽滿✌️餐飲要左奶茶和華田脆脆👍

番茄18 *･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*全港嘅番茄🍅可能有一半都比番茄18包攬哂🤣18歲嘅番茄 🍅 新鮮切片近乎每款小食都會附有新鮮番茄裝修如圖所示 香港味 濃！心水清既ching 就會留意到番茄18去到邊區果到就會有間戲院😹今次係將軍澳戲院🎬👀仲有荃灣戲院 🎬 觀塘戲院🎬裡面有咩好睇？？？？有地產 有髮廊💈有涼茶舖 有香港味😆大份 食唔哂 大胃王先搞得店個麵食極都有😹麻辣番茄湯 豬扒上海麵足夠番茄蓉 番茄碎 配上麻辣風味好食！😛 大汗雞扒————夠大 ————夠厚————夠重 ————夠脆 ————夠辣部份食物：麻辣豬扒湯米線麻辣墨魚丸湯米線麻辣手撕雞湯米線麻辣白菜豬肉餃湯水線 麻辣雪花肥牛湯米線麻辣粟米豬肉餃湯米線香煎豬扒麻辣豬扒大汗豬扒麻辣牛肉湯米線麻辣台灣腸湯米線麻辣豬潤湯米線麻辣墨魚頭湯米線麻辣牛筋丸湯米線將軍澳澳南海岸至善街3號SAVANNAH Place 地下G05號舖

今天、天陰陰、有雨，105年一遇四月份17度。突然間好想食米線，路徑蕃茄18，便入去食個lunch。我最鍾意食蕃茄湯底，便order咗一個蕃茄濃湯叉燒米線、配上炒蛋厚多士，飲品熱檸蜜。 厚多士係用新鮮麵包烘，外脆內暖，牛油味重。炒蛋都滑。蕃茄湯底好濃味，好好味，飲咗啲湯，過咗一段時間都唔口渴，應該冇乜味精。米線夠淋，半肥瘦叉燒粒，其實都好飽。另外，老公柯打咗一份台式雞飯配餐茶咖啡。 咖啡好香好滑，比較其他茶餐廳飲好多。 個雞嘅醬汁都幾好味，表面有啲肉鬆，但部分位置比較燶。鋪頭細細環境逼夾，服務一般，環境都ok。

今早心血來潮想食蕃茄湯通粉，係foodpanda搵左一陣，見OpenRice 嘅comment 都ok，所以就叫左番茄18嘅餐肉蛋蕃茄湯通粉。外賣好快送到，整整齊齊的。我快快手打開，怕焗得耐啲通粉淋左😬 我一啖放落口。。。點之。。。我一啖吐返晒出嚟🤮 d餐肉好似變左🥴臭臭地🤢好奇怪🤮而個通粉🥴 仲有d鹼水味咁🤢應該係好似洗碗水咁🤮成份早餐完全冇食過☹️送咗比垃圾桶😢好失望😩我要再去第二度叫嗰個早餐😤絕對冇下次😡

對上一次經外賣平台order，等左個半鐘，餐廳話一早已出單，但外賣員一直係餐廳門口等，外賣員再問餐廳，但餐廳話未整好再等下啦，最後結果係等左2個鐘都冇要取消。到到今日諗住試下再order，我6點半落order諗住今次應該食到嗱卦，點知7點9比餐廳取消訂單話已關閉，其實佢接單個陣仲營業緊，我完全唔明點解要等到夠鐘先黎取消張單，又白白等左個幾鐘。我明白疫情可能令到人手不足，咁不如做唔切唔好禁接單啦。想打去餐廳問下，都唔通，奉勸大家一句，想食既話，自己做外賣員去落單好過，唔好經外賣平台，如果唔係你只會白等同最後要再嗌過其他餐廳。

將軍澳，新市鎮唔知有咩好食，睇下openrice 見到依間有分店。應該唔會差得去邊。同平日都幾多人所以跟風試試新樓下面，人數唔小。menu 唔太花巧一係食飯，一係食粉華田脆脆見都幾有特色就試試。凍華田再加d 甜甜地嘅華田脆脆。幾得意， 如果大杯d 就快。一杯唔夠喉番茄牛通配牛乳炒蛋番茄咁出名，冇奶油唔試下。番茄味濃。牛肉多，唔un.個蛋滑到xx招牌瑞士雞髀食肉獸嘅我要食肉所以叫左個招牌瑞士雞髀偏甜，隻雞髀夠大隻d 肉唔鞋，幾juicy, 又入味。

疫情期間，又無得去旅行，留在香港最後就係做運動，有次同朋友去將軍澳海旁跑步，發現左間裝修齊整，又好多港式懷舊故事為題的裝飾，所以入去試下。睇下個餐牌，都多選擇，我點了招牌胡椒豬肚雞湯米線，嘩！個湯正wo，夠味又帶小小辣，豬肚又爽口，五十幾蚊都幾抵食，朋友就食四川烤醬厚切豬扒飯，賣相不錯，豬扒又真係好厚下wo🤣，再來杯華田脆脆，正脆卜卜，好味😋，但有啲唔夠飽，可能做左運動，岩岩踏入呢個下午茶時間，叫了份瑞士汁雞髀+沙律，雞肶大大隻，醃咗瑞士汁，好食🤤滿足的一餐。

打電話叫午餐外賣，一接電話女職員唔係同你打招呼，竟然就係叫你快啲講， 因為好忙好多人， 態度惡劣 ，在同區生意比較好就不可一世， 你地服務態度咁差，到時冇人幫襯你地就唔駛咁忙啦，OK?!

番茄湯夠熱夠濃郁又唔會太杰，再加上麻辣真係冇得頂，店員冇問要邊隻辣，就知道係容易入口嘅辣度，作為蕃茄嘅粉絲表示好啱口味🤤招牌瑞士雞髀入味但略甜，雞脾肉未夠嫩滑，不過成個配搭我都好滿意胡椒豬肚雞個湯底真係招牌貨，好似飲緊潮州舖頭嘅豬肚湯👍🏻👍🏻除咗有豬肚同雞之外仲有鹹酸菜，如果天氣凍啲感覺更加正，食完暖粒粒叫咗份西多士當做甜品，雖然算特別係用粗粒花生醬做餡，但係呢個煎得唔夠香，稍為遜色一啲今日未食飽已經好期待再嚟試吓其他野食🤩回頭指數： 😋😋😋😋 😋

事緣係上個禮拜經外賣平台幫朋友係呢間番茄18叫左個自取外賣，12點落單，大約半個鐘後就落去拎，去到已經見到有十幾個人企係門口等外賣，因為我唔係住將軍澳區，所以佢好唔好食我就真係唔知，當時重心諗，咁多人等外賣，味道應該唔錯……哇，佢老豆丫，原來企門口班人已經等左足足成個鐘，有個女人重好笑，買個外賣足足等左兩個鐘，由11點半叫早餐自取，等到兩點半下午茶時段先有得拎，個女人重要拎住袋急凍三文魚，呢袋急凍三文魚解凍既過程，我地全程望到實一實，我就好好彩，我都係等左個零鐘ja ，你地覺得我誇大都係情有可原，因為我都唔敢相信自己係呢間鋪所經歷既一切，奉勸大家，冇耐性就唔好係呢間野叫外賣

作為一個蕃茄控 見到一間主打蕃茄的餐廳 怎麼可以會錯過？ 經開將軍澳這邊 發現有一間有關蕃茄的餐廳 毫不猶豫就入去了餐廳以紅白色為主 配合返蕃茄的主題這裏有很多打卡位 懷舊的裝修設計掛上一個個廣告牌 店舖的拉閘 充滿老香港的懷舊風味 就如回到80年代🥟🍜麻辣番茄湯米線 配牛乳炒蛋 $43天氣凍凍的 想食一碗熱熱的米線所以選擇了麻辣蕃茄湯底 米線跟配一款食物我揀了 白菜豬肉餃蕃茄麻辣湯底 入邊有花椒 湯底飲落有麻麻的感覺本以為好辣 仲叫定一杯凍飲 誰知湯底甜甜辣辣的 是可接受的的範圍 白菜豬肉餃 啖啖肉 皮很簿 唔會覺得好厚粉🥜招牌木碎花生多士 配熱飲 $30這一個是極力推介的好少餐廳會有這麼特別的食物多士是厚身多士 烘底的搽上粗粒花生醬 再加上練奶外面再舖滿很多磨碎了的花生 望落好像木糠 外脆內軟 令原本單調嘅麵包 多了一重豐富的口感整體來說 地方雖不大但很有懷舊的感覺 食物的分量很大份 今次食得很飽 下次來 要再試另外一款好出名的 手撕雞米線📍 番茄18 (將軍澳)將軍澳澳南海岸至善街3號SAVANNAH Place 地下G05號舖

行將軍澳海濱嘅時候都經過呢間餐廳，見到門外人流不絕，餐廳裝潢有好多充滿香港特色既招牌，好吸睛一於入去試一試佢既下午茶ʕ•̫͡•ʔBtw, 不得不提要讚下呢度既侍應姐姐叔叔都好有禮貌胡椒雞湯米線湯底蠻濃但無味精味道，如果胡椒味更重的話，就更完美啦入面嘅配料好多，竟然有單骨雞翼，啖啖肉蕃茄麻辣手撕雞米線一睇就知湯底非常之濃稠，蕃茄味同麻辣嘅味道融合得好好，蕃茄湯底夠濃，加上小小麻辣味，越食越上癮！勁正好重視米線口感既我地覺得米線軟硬度適中，夠彈牙手撕雞份量亦頗多木碎花生多士呢個係店員推介餐廳招牌多士₍ᐢ..ᐢ₎外表平平無奇，但食落非常有驚喜，滿滿嘅花生碎，多士烘非常之香脆，除咗花生醬，仲有煉奶，成件事好邪惡但好鬼正

今午去咗一間位於將軍澳以蕃茄為主題的餐廳去試食。 今次我選擇了蕃茄豬骨濃湯米線配煎豬扒，這店的豬扒煎得很香，食落口很軟綿兼有些彈性，除此之外，哪豬骨濃湯米線亦有很可口。最後，我自配一杯香滑即磨咖啡，入口神奇的濃厚，並有明顯的咖啡質感呀！

有個將軍澳朋友每次約去將軍澳行街，都會提到番茄18，聲稱係將軍澳南街坊餐廳，因為就腳有特色，而且較其他附近餐廳便宜。呢日就自動提議同佢食下，睇下有幾抵。招牌胡椒豬肚雞湯米線呢碗米線個湯底係潮州出名既胡椒豬肚湯，熱辣辣，份量多，而且吾覺有味精，幾有家既感覺。瑞士雞髀配沙律茶餐瑞士汁幾入未，吾會過甜，d雞髀肉除左有啖啖既瑞士汁味，仲有少少肉汁，吾會好乾同鞋。牛扒沙律茶餐牛扒大大塊，吾會太un，幾有咬口。雖然吵律似係整定既，但應該係去貨快同儲存得好，所以無出水同仲保持到新鮮同冰凍既感覺。木碎花生多士賣相真係有d木碎既感覺，諗住食落會好痴牙同甜膩，實情係塊多士整到好鬆化同爽口，甜度適中，吾會只係岩小朋友食。估吾到我地兩個今餐都食左幾多野。不過埋單都係2百蚊有找，真係好抵。