Machi Donburi (Enterprise Square Tower 1)

今日朋友帶左我町町丼丼食lunch，餐廳唔算大，但勝在坐得舒適，價錢親民又好食。壽喜燒牛肉鍋：賣相相當吸引，除左牛肉之外，配料仲有豆腐、金菇、鳴門卷、菜、芝麻、紫菜，湯底香甜濃郁，牛肉肉質嫩滑，烏冬口感滑溜彈牙。香蒜牛肉丼：丼飯上枱蒜香味撲鼻，香蒜表面微焦，賣相吸引，牛肉口感嫩滑帶點蒜既焦香味，好正。磯燒魷魚天婦羅配黑椒蛋黃醬：即叫即炸，熱辣辣，外皮咬落去好脆口，配埋黑椒蛋黃醬一齊食，邪惡又喜愛呀。芝麻雞翼：呢個都係叫即整既，咬落去肉汁出晒黎，好正呀。🔎町町丼丼 (九龍灣)📍九龍灣常悅道9號企業廣場1期1樓5A-5C號舖…查看更多

町町丼丼同BB 係九龍灣玩到夜🌠爸爸媽媽唯有係附近食個快飯補充吓🔌🍚見到間町町丼丼,🏯日式丼飯餐廳環境唔錯,有好多丼飯選擇🍱又有各式日式小食,價錢非常親民💰店員仲好親切咁招呼我哋💁🏻‍♀️💁雖然係快餐,但賣相&味道都好有驚喜😀😀熱門推介♨️- 壽喜燒牛肉鍋配飯- 胡麻手撕雞丼- 滑蛋吉列豬扒丼- 咖喱吉列豬扒丼我哋就Order 咗2個飯丼+1個小食+2枝飲品💲🐮壽喜燒牛肉鍋配飯✨牛肉鍋嘅湯汁濃郁,帶有微甜嘅味道。薄片牛肉嫩滑口感&蔬菜清爽,搭配蓬松白飯,非常美味！🐷滑蛋吉列豬扒丼✨滑蛋柔滑,吉列豬扒外皮金黃酥脆,再加上熱騰騰的白飯，帶嚟層次口感🐓七味脆辣雞中翼（6隻）✨外皮金黃酥脆,辛辣香氣濃郁☕️炭燒烏龍茶✨淡淡的甜味,炭火的香氣，讓人感受到茶葉的自然風☕️白桃四季春✨桃子香氣清新,茶味淡雅,帶有柔和甜味😍丼飯真係方便又實惠,係區内居民&上班族用膳嘅好選擇✅@machidonburi門市地址📍九龍灣常悅道9號企業廣場1期1樓5A-5C號舖📍觀塘開源道62號駱駝漆大廈2座10樓A室📍中環威靈頓街182號LG樓📍鰂魚涌海灣街2號濱海大廈地下A3號舖#觀塘美食 #鰻魚丼 ＃日式蛋蓋飯 ＃日式咖喱豬扒飯＃日式咖喱飯 #丼飯#donburi#日式牛肉飯 #ufoodphoto #foodie #hongkongfood #香港美食…查看更多

最近去左屋企附近食日式丼飯🍱一直以為哩間店專做外賣，但原來都有堂食，而且地方仲好大，坐得好舒服😊🐄壽喜燒牛肉配烏冬肥牛同配料份量都幾多，湯底咸甜度適中，而且湯同烏冬分開裝，就算俾小朋友食都唔怕🐔滑蛋香煎雞扒雞扒煎到好香，雞肉嫩滑，滑蛋好滑身，份量好夠，值得一試🦑碳燒魷魚天婦羅配黑椒蛋黃醬魷魚好香，口感好彈牙，黑椒蛋黃醬係個新配搭，唔會搶左魷魚味，份量好多🌽鐵板牛油粟米粟米好甜，好香牛油味，好岩小朋友食哩度仲有好多口味既冷泡茶，我地揀左左天然蜂蜜紅茶，配搭丼飯好岩好解渴🤤…查看更多

近排見到隱蔽位置既一間日式丼飯專門店原來係港九都有分店有多樣化的丼飯選擇亦提供各式日式小食餐廳內環境舒適，店員親切有禮，性價比都算高，以後lunch 又多一個選擇📣熱門推介-大勝雙層鰻魚-日式咖喱豬扒蛋蓋飯🍀 和風柚子醋手撕雞沙律柚子醋酸酸甜甜開胃消暑份量十足 單食既時候🍀汁燒鰻魚丼嘩 普通版已經好厚實 有驚喜仲有一個雙層鰻魚丼鰻魚控不能錯過🍀咖哩吉列豬扒飯炸到香脆金黃色好體貼既係 咖哩汁同脆豬扒分開擺放唔使擔心會浸淋左🍀榴蓮炸彈（4粒）出奇地出現係餐牌既item但係鍾意既美食😎點可以錯過外賣可以QR落單 夠晒方便落好餐 會有個牌 坐低慢慢傾計💬等佢ready 再去取餐便可以😌…查看更多

午飯時間係新嚟嘅職員落單講左一次嗌咩佢聽唔到特登指住餐牌再講一次要胡麻醬、手撕雞、烏冬最後拎到返公司先知落錯單變做飯聽又聽唔到睇又睇錯好心午飯時間俾番熟手職員落單啦無胃口食飯特登去買烏冬點知要焗住食番飯…查看更多

今日去左九龍灣企業廣場整回鄉證，順便食埋晚飯先返屋企，經過呢間cp值幾高晚日式便當餐廳，環境幾靚，一於試吓壽喜燒牛肉鍋$57蚊，都幾多送，烏冬係分開上，有菜有肉食得健康，而且味道唔錯…查看更多

今晚OT，放工重要落大雨，就諗住係公司樓下食埋晚飯先返屋企，呢間町町丼丼，算係九龍灣既平價之選，新開既時候食過一次，好多款日式主食，蕎麥冷麵、鍋物、蛋蓋飯、咖喱飯、牛丼同滑蛋丼等，價錢60到70左右好抵食👍🏻放工時間人流唔多，可以坐喺度堂食慢慢嘆，雖然堂食既人唔多但係外賣就好多，店員得3個忙個不停，好彩落左單都唔使等好耐壽喜燒牛肉鍋$57上次食完覺得要再encore，今次再食依然好味，甜甜壽喜燒湯底加上日式魚片娃娃菜滑滑豆腐同肥牛無得輸，烏冬係分開上好貼心，唔會浸到林晒✨日式咖哩吉列豬扒蛋蓋飯 $59吉列豬扒厚切大件重要Juice，配埋嫩滑帶有少少蛋汁嘅炒滑蛋加上日式咖喱汁好夾👍🏻唐揚烤雞配黑椒蛋黃醬 $38最鍾意食呢度既炸物小食，即叫即炸，好香口啖啖肉，配蛋黃醬好開胃白桃四季春 $14好鍾意佢地冷泡茶系列，香桃四季春，無糖果茶好香桃味而且感覺健康又解渴…查看更多

最近工作非常忙放工返到屋企已經超攰所以呢日老公同我响屋企附近食個簡單的晚飯就帶我來到呢間餐廳可能正值下班時間餐廳人流相對中午時間少所以好隨意就揾到個坐得舒服的位置而我們在櫃臺點完餐之後大約5-10分鐘就有得食壽喜燒牛肉鍋 配飯老公一見到餐牌有這個鍋物便快速的點上了碗內有菜、豆腐、金菇、牛肉… 等等浸在清清地的湯底配埋白飯一齊食味道很夾不過老公一邊飲可樂一邊說期望牛肉的份量可以多啲就好啦~汁燒鰻魚丼而我就點了鰻魚丼飯鰻魚的份量足口感軟滑而醬汁在鰻魚和飯又唔會太多令到成碗飯變鹹所以我都差不多食哂成碗飯芝麻雞翼另外我還點了3件芝麻雞翼食落好香脆和帶超輕微的香辣味真係好惹味一邊吃一邊喝著 茉莉綠茶不經不覺私自食哂3隻雞翼呀～…查看更多

身為九龍灣打工仔最開心就係搵到間又平又正既餐廳食飯，町町丼丼係九龍香港都有分店，係出名性價比極高既丼飯專門店💖九龍灣呢間分店地方大，坐位比較多，lunch hour黎食都坐得舒服大盛雙層鰻魚丼$86果然係大盛😍鰻魚有2大片，肉厚肥美，份量十足，最好既地方係鰻魚冇乜細骨，唔腥啖啖肉🤤加上滿滿既蒲燒醬汁係鰻魚飯既靈魂，甜甜咸咸味道豐富👍🏻配菜有醃黃蘿蔔同玉子燒，兩者味道清新正好中和口腔感覺，更加開胃和風柚子醋手撕雞烏冬 $50有時晏晝胃口麻麻地，尤其是夏天就最想食返啲清爽既野食，微酸既柚子醋配上嫩滑既雞肉，加上清甜既青瓜絲好開胃，烏冬軟硬適中，煮得彈牙，岩晒悶熱既天氣享用☀️中華沙律 $22最愛既日式前菜💖如果lunch想食多啲菜又怕口淡淡，中華沙律係好選擇😆淡淡麻油香味又纖維豐富，口感清爽一口芝士年糕 $42芝士年糕炸得金黃香脆，年糕入口煙韌香甜，咬落濃濃既芝士流出🧀外脆內軟…查看更多

今日帶大家去九龍灣食平價餐廳町町丼丼有好多間分店平時多數都係會叫外賣帶走今次就專登堂食試吓-日式紅燴汁吉列南瓜蛋蓋飯 $59可以話見到實物嘅時候，真係覺得好驚訝！因為真係好大件，同埋好足料蛋蓋飯都幾大份咖喱唔會話好多，粟米嘅份量好多！南瓜餅好甜好好食🤤結果成個飯多到食唔晒(((o(*ﾟ▽ﾟ*)o)))-韓式牛肉部隊鍋 $64有午餐肉、腸仔、金菇牛肉、同埋烏冬份量其實真係好多！個湯底就好似普通煮公仔麵嘅泡菜湯底冇乜驚喜，但係唔會唔夠飽算係咁上下～-晏晝時間都算係多辦公室嘅人黎食飯但係餐廳都提供咗好多枱凳！坐得好舒服，字元唔會覺得無位，而且唔使同人迫-町町丼丼地址：九龍灣常悅道9號企業廣場1期1樓5A至5C號舖…查看更多

🍱 #九龍灣 #町町丼丼 @machidonburi「町町丼丼」係一間日式丼飯專門店，佢嘅分店遍佈港九，我就食過九龍灣同觀塘分店，呢兩間都係有堂食嘅，餐廳環境寬敞舒適😀 佢哋有賣好多不同款式嘅日式丼飯、小食，而且性價比高，唔少地膽都會幫襯㗎😋🍣 大盛雙層鰻魚丼 （$86）呢個鰻魚丼飯係「町町丼丼」嘅熱門菜式，佢有成條大大條嘅鰻魚，鰻魚醬甜甜哋好好食😋，仲有飯配埋嚟食，仲有玉子添😋🐥 胡麻醬手撕雞 （$50）手撕雞可以配飯/烏冬/蕎麥麵，我揀咗蕎麥麵😚 麻醬手撕雞好香，凍食超開胃，配蕎麥麵同烏冬都超夾😛🐣 七味脆辣雞中翼（$42/6隻）脆炸單骨雞翼配埋七味粉，香脆惹味好好食😋！…查看更多

呢晚約咗個喺九龍灣返工嘅友人食晚飯 佢推介咗呢間佢lunch經常幫襯嘅日式便當餐廳🥰 環境又的確唔錯喎滑蛋吉列豬扒丼滑蛋真係鋪滿成個飯面 滑蛋配洋蔥真係非常夾😆 吉列豬扒都好大塊同埋炸得幾鬆脆 特別食到吉列豬扒上面有少少七味粉 所以有啲辣味幾吊到味 豬扒真係幾Juicy 㗎🐷大盛雙層鰻魚丼鰻魚一直都係我嘅最愛 雙層鰻魚加埋有原條鰻魚咁多啊😻 鰻魚都有返咁上下厚 仲唔會有骨 真係好滿足 魚肉好厚身 再加上個飯有好多鰻魚汁😎 送飯一流飲品芒果四季春🥭 呢款果茶真係好濃嘅芒果味 蜜桃桂花烏龍🍑 就茶味比較香 之後有少少蜜桃嘅甜味🍵餐廳除咗丼飯之外 仲有日式小食提供 唔怪得係附近打工仔嘅食堂啦🙊…查看更多

企業廣場一期你可能唔知係邊，但講九龍灣拍2蚊咭機就肯定知，呢個場開左間新日式丼飯店叫町町丼丼，上網search下原來港島同九龍都有幾間分店。睇睇餐牌，價錢貼地選擇又多，是日午餐就食佢啦。叫左一個主食再加左兩份小食，另外仲叫左支冷泡茶，好豐富呀🥰🐓胡麻醬手撕雞蕎麥麵主食要左手撕雞，飯可以加錢轉配烏冬或蕎麥麵，揀左後者，賣相真係唔錯😋雞絲下面有青瓜絲同蕎麥麵，三樣份量都好多，大大碗夠哂飽👍🦑磯燒魷魚天婦羅配黑椒蛋黃醬其中一樣小食係天婦羅，炸得香脆唔油膩，啖啖魷魚肉，個炸粉唔厚仲有紫菜香，滿滿一兜份量足。🍢鰻魚串另外一份係鰻魚串，一客有兩串，鰻魚肥美肉厚好滋味，一啖咬落去真係好滿足。🍑蜜桃桂花烏龍飲品有數款冷泡茶選擇，要左蜜桃桂花烏龍，一打開就聞到桂花香，飲多幾啖啲蜜桃香就滲出香，微甜啱口味，個樽仲幾靚添呀😆餐廳可以坐店外，對住植物又有天然光環境真係唔錯，不過lunch time繁忙時間一位難求㗎，想坐得舒舒服服慢慢嘆，可以兩點後黎😋…查看更多

今日Lunch同同事試咗呢間位於九龍灣企業廣場一期一樓嘅日式丼飯專門店，好鍾意佢唔單止有多樣化既丼飯可以選擇，重有各式日式小食添😍😍😍餐廳內環境好舒適，而且店員亦都親切有禮，食物性價比高，Lunch放飯又可以多個好嘅選擇啦💕我就揀左日式咖喱豬扒蛋蓋飯，日式咖喱好惹味🥰，豬扒亦都炸得好酥脆，正呀😋😋😋同事就揀咗牛肉鍋壽喜燒配烏冬，份量都幾多，牛肉岩岩好唔會過熟，烏冬係分開上，唔會比湯浸住浸到林晒，而且佢有別於一般餐廳連埋爐上，唔會因為太熱要吹凍食，Lunch都可以快快趣嘆完開工💕另外，我哋仲叫咗兩款小食，一款係炸香辣雞翼同埋紫菜卷，香辣單骨雞翼一啖一口，上面重灑左七味粉，聞到已經流晒口水，紫菜卷幾有特色，入面嘅餡係類似米粉，但係好彈牙有驚喜👍🏻👍🏻👍🏻📍町町丼丼 @machidonburi九龍灣常悅道9號企業廣場1期1樓5A-5C號舖…查看更多

町町丼丼 (九龍灣)好食度： 😋😋😋/5性價比： 😌😌😌/5回頭率： 🚶🏻🚶🏼/5價錢：HKD57，照燒雞扒配胡麻醬烏冬港男剛好喺九龍灣企業廣場發現咗間新餐廳，就決定一於試試啦。印象中呢個位置都經常轉手咁，今次就開咗間日式料理，選擇都幾多，又有牛肉丼飯、手撕雞、沙律、蕎麥麵、咖哩、蛋蓋飯等等，驟眼見都幾多人會叫壽喜燒牛肉鍋，不過佢就唔係真係有火爐燒住咁，只係將所有食物放晒入個外賣兜入面咁上，無錯，雖然有堂食，但呢度啲食物都係會用外賣兜上嘅，最近都見到有唔少餐廳咁做，應該係為咗慳個洗碗人手。咁港男就叫咗個照燒雞扒配胡麻醬烏冬，係好似啲米線咁分咗上下隔嘅外賣碗咁上嘅。個燒雞扒係okay嘅，個烏冬就好似未夠時間雪返凍少少，係溫熱嘅。當快餐嚟講係可以接受嘅程度，不過唔會特別想試第二次。———-//////————地址：九龍灣常悅道9號企業廣場1期1樓5A-5C號舖～～～～～～～～～#堂食 #kongerguy #kongercouple #搵食 #情侶 #港侶 #couple #foodie #food #美食 #九龍灣 #町町丼丼 #照燒雞扒烏冬 #企業廣場一期 …查看更多