生龍清湯腩 (Closed)

生龍既咖哩牛腩飯一向都係爸爸至愛，所以得閒都會陪佢食😆今次去就試左個秘制安格斯牛腩飯，因為見佢個晚餐都好平，只係46蚊仲要包野飲同甜品😆個安格斯牛腩啲汁都幾好食，攞黎送飯一流，但係啲牛就好老，唔入味，我食左幾舊就冇食，要用爸爸啲咖哩汁撈飯☹️…Read More

今晚簡簡單單食晚飯,闖咗入嚟呢間食店。既然佢標榜出名清湯腩同巴基斯坦咖哩，好快就order晒兩樣。清湯腩肥瘦有緻仲好入味。雖然要$45，不過值！至於個咖哩就更有驚喜，呢個咖哩並非一般茶記咖哩，啲香味有啲特別，佢話用30多種天然香料，唔知係咪巴基斯坦咖哩所以辣啲（本人唔食得太辣不過頂得順），食得出係心機嘢。啲白飯都唔馬虎，軟硬適中，配呢個咖哩一流。如果喜歡仲可以轉飯做薄餅。睇睇餐牌，仲有好多選擇，而且有啲都幾特別。會再嚟…Read More

又到星期六，瞓醒已10時多，唔想等位，所以揀了生龍，我想喺呢一區只有此舖不用輪候，原因好簡單，消費者都係好精明。我哋點左3個早餐，簡簡單單，火煺通粉，是用坑紋通粉，但是湯只有鹹味，紅腸公仔麵不過不失，牛腩粒公仔麵，牛腩粒夠入味唔韌，麵質夠爽，但是個湯又出事，都係太鹹，奶茶一般，茶味唔夠香濃。…Read More

是日同屋企人係生龍食晚飯，佢晚市都幾扺，五六十蚊一個套餐，有小菜、白飯同飲品，而且款式都唔少我地3個人就叫左兩個套餐，分別係西檸煎軟雞、沙嗲海蝦粉絲煲同一碟蒜蓉炒西洋菜。西洋菜幾有咬口，用蒜蓉炒好香。西檸煎軟雞既雞肉好滑，外皮脆卜卜，檸檬汁調較得岩岩好，酸酸甜甜好開胃。沙嗲海蝦粉絲煲就好惹味，沙嗲味啱啱好唔會過咸，而且海蝦肉質幾彈牙，成煲有10隻蝦，都算俾得幾多下， 最正係個粉絲，索晒啲沙嗲汁，煙煙韌韌好開胃，整體唔錯👍🏻…Read More

經常起藍田打躉，最近都周不時黎呢度食小菜，因為小菜比附近果幾間感覺無咁油同重味精。今日想清清地就叫左碗雲吞河（$31)，另加魚蛋。 雲吞都幾多，有成五粒，蝦肉爽口彈牙。不過個味精真係好重，粒粒落足調味料，連帶個湯都感覺味精頗盛，不知是否加了腩汁的關係🤔。魚蛋其實ok，入味夠彈口，如果整體口味唔好咁重，又或是搭番條菜會更佳。另外叫左個苦瓜燘排骨（$56),跟飯同野飲，呢個幾好食。個汁甜甜地，食落苦瓜無咁苦，排骨亦好淋夠味，如果少啲油就更好。…Read More