生龍清湯腩 (Closed)

今晚小熊要去藍天買野，我未去過藍田食野加，之前係深水埗食過呢間，覺得都唔錯。餐廳係茶餐廳格局，除了麵類之外，也有很多小炒可選。我兩都有d肚餓，選擇左一個二人套餐。有一個牛腩(清湯/咖喱)，兩個自選小菜，飯/薄餅兩客，甜品。先188，認真抵食。最值得稱讚的是，在我們要求之下，牛腩可以轉牛筋，餐牌上的茄子鯧魚也可轉為豉汁鯧魚。這種靈活性真讓人印象深刻，要知道其實對於店家來說並沒有什麼損失，但給客人帶來一種體貼的感受。不似其他有d鋪頭，郁d都要加錢。 咖喱牛筋(可選辣度，我地系中辣)好大份啊，有幾舊薯仔，其他全是牛筋，令我這個牛筋控非常過癮。因為知道小熊中意食辣，所以點左中辣。中辣雖然係令我流鼻水嘅程度，但都可以接受，而且辣得好過癮啊。咖喱汁好濃，好authentic，有誠意，不會好似有d茶餐廳咁覺得假假地，好似食緊咖喱香精。我用咖喱汁來點薄餅，好滋味啊，咖喱汁同薄餅才是絕配。 金銀蛋時菜之芥蘭擺盤超級靚啊，好似芥蘭係度浸溫泉，露出頭尾，中間堆了好多金銀蛋，肉粒等。中間個金銀蛋topping好足料，好惹味。可惜我們選錯了芥蘭，芥蘭上湯的話會比較硬，結果變成牙力大比拼。 豉汁蒸鯧魚太多油了。我們用了很久撈d油出來。豆豉很香，魚也很大條和新鮮，混合豆豉來吃，鹹淡正好。對於一條魚，這就夠好了! 桑寄生蓮子茶淡淡的甜味正好，可惜是蓮子不夠鬆化。但對於一間茶餐廳，這質素夠好了。食完我地都飽到抱住肚離開，見其他人都係3個人share呢個套餐，後悔點多了。下次要點另一個套餐。總之下次一定會再來!…Read More

在生龍清湯腩未開業前, 本人是去同一商場, 另一茶餐廳吃早餐的。一次偶然機會, 吃過生龍清湯腩茶餐廳常餐後, 便愛上了。此餐廳給我的感覺是乾淨, 食物質素高, 坐位很舒適。很可惜, 各優點好像每況越下, 食物質素下降, 早上叫煎蛋, 蛋王總是熟的, 不知為什麼蛋王總是熟的, 有時候整隻蛋甚至是涼的, 不說而知, 該是預早煎定的。有時叫煎蛋, 來的跟炒蛋沒有分別, 但又不是炒蛋的模樣.....唉....伙計質素? 老闆在的時候, 個個都很落力, 老闆很久沒回來了(早上), 伙計不是聚在一起閒談, 或是躱在廚房(出餐)位置, 趕時間的, 要等很久才可落單.....加價了, 都加得不少, 本人不介意, 但真的希望質素會回復以往, 否則, 本人又要回到舊時去的茶餐廳吃早餐了。:(:(…Read More

等緊食itamomo四圍hea，呀q見對面有位，清湯腩同巴基斯坦咖哩，唔想等就入左黎啦，估唔到都有驚喜呀q當然馬上叫左佢地主打清湯腩飯，我就食常餐。野食黎得都幾快，出乎意料呢度d飯唔係一碟碟上，係用個大湯碗，驚你食唔飽咁，好有住家feel。牛腩肥瘦適中，有牛味之餘又有咬口，清湯吸收蘿蔔同牛腩精華，用係飲同撈飯食都好正！常餐有豬仔飽，我都係衝住呢個而叫，個待應知我想食奶油豬自動俾左d練奶我，真係好體貼，美中不足係個豬仔包係唔熱既。個米粉一上到黎都好吸引，而且好明顯同清湯腩個湯既底係完全唔同！住左咁耐俾佢個大陸裝修門面呃左，下次試埋個咖哩先得…Read More

好趕嘅一餐晚餐，入到去已經夜晚九點，快快叫個常餐....p.s. 其實食佢都係因為得佢有位，pizza hut 意八都排長龍...炒蛋吾算滑，但都還可以，吾乾. 脆豬算係幾好食，幾香口. 牛肉通啲牛肉大部分都吾un, 通粉味道ok, 吾會過咸或淡. 整體都還可以!…Read More

因女友住在附近，所以有不少機會到啟田商場。但這一年很少上來，這次上來，商舖有很多變化話說回頭，輪椅朋友要上啟田就三波四折了。1. 可選搭低地台巴士2. 於藍田地鐵站，經一粥麵的lift 就可以到地下 然後就直踩上啟田3. 可於油塘站出 沿鯉魚門道上啟田這次試一試新開的生龍，椅子可拉開的，地方也夠大，可算十分適合輪椅。與女友看一看餐牌，嘩，都好多選擇。最後選擇了百多元的二人餐有我女友最愛的咖哩薯仔(小辣)、清湯腩、白切雞。一個二人餐有齊兩樣主打，感覺不錯咖哩賣點係巴基斯坦，顏色頗為深色。試嚐一口，怕辣親女友。我自己平時食得好辣，所以通常都係先做試味果個小辣的咖哩，以為完全唔辣，但原來辣勁在後。雖然不算好辣，但對於完全唔食得辣既人，都算有少許刺激咖哩汁內含有大量煮至蓉狀的材料，相信係薯仔洋蔥香料居多，非常惹味。主角薯仔都夠淋身清湯腩，會問你想要肥定瘦。當然有我在場就揀了半肥瘦，半肥瘦的瘦肉才會軟身，肥肉就可以自行咬走。怕肥的人應該採用這個策略享受美食！牛腩已煮至軟身入味、蘿蔔也淋、湯雖混濁但飲落竟然味清　　可以說是有水準　但不是非常好而雞就被比下去。　雞肉少和薄身之餘，成碟餸好油，令到在底的白菜都好油總結而言，會有下次…Read More

 此店巳新開一段時間都未有試過，今次就試試新野。睇manu都好似有幾多選擇咁。點咗招牌牛坑腩撈麪，唔知係咪期望過高！可以講味道一般，未見物別出色，而且仲有D韌。鮮蝦雲吞蝦籽撈麪，賣相唔錯，湯底清甜無味精（因為有D食店食完會好口渴, 但呢度無呢個情況），雲吞的鮮蝦亦好新鮮爽口，蝦籽亦唔會孤寒，都俾得幾多，但麪就覺得太乾身，乾到好難用筷子分開撈到D蝦籽。巴基斯坦咖哩雞扒飯，咖哩唔太辣，而且係用大量各種香料、香葉去煮，所以個汁會較為傑身,唔似其他店嘅港式咖哩，一味只用咖哩粉，得個辣字。整體食物水準可以，唔算好好,又唔算係差, 仍有進步空間, 而且如果無set,散點都唔平。…Read More

開張不久時吃過一次生龍,發覺味道也不錯.今次再跟妹妹一同來到吃下午茶.她點了牛脷麵,我點了雲吞麵配熱杏霜.哈哈,人家叫清湯腩,理應叫牛腩.不過,我還是喜歡吃雲吞麵.清湯腩留待下次再試雲吞麵送來時雲吞全部是在麵底下的,由於要影相所以令一粒深面.的雲吞大約有五粒.皮夠滑,蝦和豬肉粉量唔多,因為雲吞是細粒,不是現在時興的大大粒.麵夠彈牙,鹼水味也唔重.只是麵的份量唔算太多,食完唔夠飽.湯唔太飲得出有大地魚,羅漢果的味道.湯底要加把勁..配麵的杏霜是淡的,如同水,下次還是叫其它飲品.試了妹妹叫的牛脷,牛脷整得夠淋,軟滑,,份量也唔少,甚至比起雲吞好吃呢…Read More