生記茶餐廳 (Closed)

一看到KC先生的部落格, 見到那有蠔仔的春卷, 及黃澄澄的羔蟹, 實在是垂涎三尺~ 即刻要ZEBRA 儲夠4位朋友掃餐牌~該區酒店林立, 人影都唔見隻! 可是生記的門面是超爆! 多得食友拿定檯, 否則要在熱到標汗的街頭呆等再食熱粥... ... 幾好食都假~今次唔係屈KC, 甫坐下, 侍者多謝各食客時, 各食客都說是看了KC的食評才來的! 還撞見食友SIU DEE, 好食之徒都會因為一幀照片, 三言兩語而聚在一起。食友發辦柯打了一人3粒的八爪魚丸, 雞軟骨, 預留了的蟹粥, 豉油王炒麵。偷看鄰檯食友siu dee的剩餘物資, 覺得蟹烏冬都好似好正! 正想叫一客才知道原來蟹已賣光光! 想食菜, 原來菜都賣光光! 想要冰凍啤酒, 原來冰凍啤酒都賣光光幸好仲有d唔多冰凍的... (侍應好心給來一杯冰... 誠意可嘉可是product knowledge嚴重不足) 都是你的錯啊~~~八爪魚丸: 大堆頭得嚇死人 魚丸是真材實料的啖啖保羅肉, 唯個人不太喜歡麵包糠, 所以多謝男仕幫我頂了。雞軟骨: 炸得很香口好吃, 鹽下得剛好, 也不太油, 送酒良伴。美心用牙力搶回來的蟹粥: 不愧是鎮店之寶

話說朋友請我食飯慶祝我生日﹐ 原本朋友提議去品香樓﹐ 但係因為之前一日先同另一位朋友食完類似既野﹐ 所以諗下諗下﹐ 朋友又中意食蟹﹐ 於是就黎左呢度喇~預早訂位﹐ 一到達就有位~ 兩個人﹐ 當然食既野唔多。 朋友想食烏冬﹐ 又想食蜆﹐ 再加上我地二人都唔食辣﹐ 理成章點了清湯膏蟹大蜆烏冬。見KC話八爪魚丸好味﹐ 當然黎一客﹐ 再加朋友想食的豆腐和炒菜。一定夠食~先上檯是炸豆腐。炸豆腐外皮唔厚﹐ 外脆內滑﹐ 的確唔錯~之後主角清湯膏蟹大蜆烏冬。膏蟹大而多肉﹐ 煮烏冬後仍有膏晌蟹身。而蜆雖然大小不一﹐ 但新鮮無沙彈牙。清湯有不錯的蟹和蜆的鮮甜味。呢個相當高分。可惜二人胃納有限﹐ 否則黎個蟹粥﹐ 蟹膏溶入粥底﹐ 相信會好滋味~之後八爪魚丸上場。八爪魚丸內有實實在在的八爪魚穌~既彈牙又可口﹐ 果然是名物。而炒菜心鑊氣夠﹐ 菜心亦靚。環境方面﹐ 地方﹐ 廁所都乾淨﹐ 不過廁所狹窄非常。服務有禮﹐ 不過有點混亂。有客人預定了蟹而沒有足夠的蟹奉客。亦有客人等位時"去買氣水"﹐ 而老闆娘叫了數次沒回應後給了位置下一位人客的情況出現。既然生意好﹐ 建議多預備些蟹﹐ 好過連牌名菜在九時不足沽清而失去客人及

夜晚7點半左右去到, 已經有幾枱人等緊位, 間舖好細位唔多, 所以我地都等左大半個鐘先入到去雖然間舖得1個樓面, 乜都係佢一腳踢, 但係當我地有位入去果陣, 佢都好有禮貌咁講"唔好意思, 阻左你地咁耐", 估唔到小店都有d咁既服務我地叫左蟹粥($88, 2人份量)隻蟹好大隻, 好新鮮, 又多膏, 正呀!!雖然個粥底個味麻麻, 但係隻蟹大隻搭夠, 讚~八爪魚丸($25, 6粒)好彈牙, 唔係普通果d粉丸流野, 唔錯!避風塘豆腐($28, 一兜份量都好多)即叫即整, 黎到熱辣辣, 正不過略嫌個炸皮厚左少少豉油王炒麵($28)份量又係頗多, 都夠獲氣炒油菜($28)叫左菜心, 但係唔夠要撘d生菜阿樓面都非常有禮貌咁解釋因為唔夠菜心, 要撘d生菜, 問我地mind唔mind咁好態度, 當然唔mind啦最後2個人食左$200唔洗, 捧住個肚走, 真係抵食夾大件仲要再讚多次個樓面, 因為我地埋單果陣佢仲講"真係唔好意思, 要你地等咁耐位"好耐未見過咁好態度既食肆gooooood提醒大家如果冇耐性既真係唔好去食, 因為店既服務人員真係唔夠, 乜都要等....

意外系OPENRICE睇到篇野就发佐俾爱蟹之友人.决定第2日就专登来食但系朝早来问佐先知要夜晚6点之后先有蟹粥无计喇~唯有夜晚再来过大约6点20分度来到~铺入边得一台人(好彩吾系等位姐)由于友人净系想食蟹粥所以我地2人净系点佐一个2人份葛生滚膏蟹粥$8810分钟左右就上佐来喇(吾记得影相)真系成只蟹噶~D粥好入味!!我食蟹壳果阵真系超级好味啊~我一定会再来过 试下其他小食

早排睇到報紙介紹，咁啱今日行開呢度，順便走嚟試試 ...去到嘅時候大約六點半度，日頭茶餐廳完咗，晚市即將開始。地方唔大，約六七張檯左右，搵咗張細檯坐低。由於得兩個人，唔叫得幾多，嗌咗五樣嘢試下︰1) 生滾膏蟹粥 (88蚊例牌)佢哋嘅主打，砂鍋滾熱辣上，88蚊煲，份量對辦；蟹夠膏、有鮮味，但反而鍋粥嘅味唔夠鮮，唔知係咪煲得未夠時間。2) 鮮蜆肉春卷 (25蚊4條) 呢個係推介，係五樣裏面最OK，夠脆夠味，要趁熱食。3) 炸八爪魚丸 (25蚊6粒)呢個都係推介，不過，冇乜驚喜；粒丸本身都算彈牙，外面夠脆，但係，裏面完全冇味。4) 豉椒排骨炒麵 (30蚊一碟，加一杯凍飲多3蚊)其實，豉油皇炒麵先係推介，不過驚油得滯，所以，轉叫呢個，食落普普通通，不過不失。5) 米通雷沙湯圓 (22蚊4粒) 又係推介，都係一般，而且覺得最唔抵食係佢。總括而言，叫五樣嘢，埋單兩百蚊，唔算貴；地方就簡陋啲，同埋冷氣唔多夠，一食粥你就會好覺。不過，值得一提，就係果位阿姐嘅禮貌好好(佢應該係老闆嚟嘅)，果晚全部檯Full哂，但係，樓面得佢一個，又要入廚房幫手，俾啲客嗌嚟嗌去，完全冇變臉，非常之有耐性去處理， G

八月上旬‧晴先多謝主理人雷太的邀請，說找一天來試試這裡的膏蟹粥。話說幾年前因為家事，有長達年半的時間，每週也在附近出沒，所以這裡是吃過的了，不過就是午市，印象中，也是茶記食物。原來由八月下旬開始，這裡將戰線延至晚市，以蟹粥作主打。這裡舖面不大，就只得一張買檯，及五張二人檯。晚上八時來到，就只有兩檯客人，但不到九時，外邊已有客人在等位。先找雷太，原來是一位相當年青的主理人，跟丈夫在廚師內夫妻檔的工作，加上樓面一人，就這樣的經營。在店內的一角坐下，雷太拿來餐牌，我反而請其做幾味拿手菜色出來。只有一個要求，就是人少，不能吃得太多。要一提的是這裡的空調略嫌不足，尤其想起即將會吃熱騰騰的粥，熱度會上昇。不過小小的舊店子，也是如此，大家去過隔離老坑打邊爐，就會覺得其實這裡都不錯的了。先說這裡的招牌菜膏蟹粥，是放在一個砂窩上拿出來的。原煲滾，原隻膏蟹斬件在內，對辦的。吃蟹粥，蟹還是其次，我的焦點總是粥。粥隱透微黃，淡淡的鮮味，不錯。吃一口，粥偏杰身，也很綿，煲得很不錯，對我口味。吃起來真的有蟹的鮮甜，也有蟹膏香，是真的生滾的效果，而也有將蟹黃放入去同煲的。需知市面上不少煲蟹粥的，求其貪快，蟹及粥也是

睇到報紙介紹, d相睇到好真材實料, 即刻call埋屋企人一齊去食! 叫咗個細蟹粥($88), 4個人每人一碗左右, 蟹食得出非常新鮮, 踏實嘅蟹鮮味道, 加上粥底綿綿, 即叫即煮, 好嘢! 食完唔會口渴!蜆肉春卷又係好出色, 一啖咬落去"卜"一聲, 跟住帶來濃濃嘅蜆味, 味道好特別清湯煮蜆($65), 一道好簡單嘅菜式, 但食得出廚師嘅心機, 上菜以鑊仔形式, 再以火水膏不停加熱, 堆起一個蜆山丘, 份量也不欺場, 湯鮮甜帶蜆香, 但有少部份蜆有沙, 如果呢方面可以改善, 就更加好嗱!我阿哥想食肉, 所以叫咗碟苦瓜炒牛肉($38), 大大碟好有大排檔風味, 唔錯唔錯另外, 再叫咗炒菜, 炸雞軟骨, 鼓油王炒面, 埋單都係$310, 抵食!

TC從不吃蟹，只因小時候在北方家鄉吃過不新鮮的螃蟹而留下了心理陰影。香港臨海，新鮮度自然強很多，被我左勸右勸好說歹說，終於肯陪我一試這招牌的蟹粥。餐牌提供的菜式雖少卻精，除了主打的蟹粥、膏蟹湯烏冬，也有幾款誘人小食，雖然想試個痛快，無奈只得兩人，就叫了幾道招牌菜式。膏蟹粥即叫即滾，以砂鍋呈上，騰騰熱氣間散發著鮮香。粥固然是主角，滾得綿滑之餘更滲入了蟹膏之鮮美醇香。品過啖啖綿粥，當然也不能放過蟹殼內豐腴的蟹膏與動彈最多、肉質最鮮嫩最有吃頭的蟹腳/鉗肉。我倆本都不算是蟹迷，TC更是聞蟹色變，但經此一粥，從前的芥蒂都瓦解了。膏蟹湯烏冬亦是招牌之一，比起蟹粥，這一味來得更濃味刺激，蟹膏味亦更厚重。店家用的是泰國冬陰功做湯底，辣中透著股酸勁兒，酸裡卻又融入了膏香，是對味覺的雙層衝擊。老實說初入口覺得有點古怪，但就發現愈吃愈習慣、進而喜歡，每人都吃下兩碗。說過主打，也講講這裡的小食：其中個人最欣賞的要屬蜆肉春卷，蜆肉咸鮮而彈牙，炸得香口卻不油膩，但僅記要趁熱食；避風塘茄子也值得推薦，外皮薄且炸得酥脆，難得是裡面的茄子依然保持極度綿軟的質感，真正做到了『外脆內軟』，再配上惹味的炸蒜與辣椒，令人食不停

到紅館睇演唱會前，大家通常晚飯會食乜？可能好多朋友都會貪方便喺尖東食，不過想食得經濟的話，來來去去都係果幾間，悶爆！今次就介紹另一間又平又好味嘅俾大家，但地點唔係尖東，而係另一邊紅磡曲街附近嘅生記膏蟹粥...呢間小店唔太起眼，如果大家有聽過老坑火鍋，咁就應該唔難搵。呢度嘅生滾蟹膏粥同埋蟹膏湯伊麵相當出名，不過我地今次一行四人，胃口亦有限，所以主力目標先試生滾蟹膏粥，呢個3-5人用特窩份量足有８碗，價錢只係$128，相當抵食！蟹膏粥底加入腐皮同薑絲，聞落已經好香，食落仲好滑添，只係略嫌落鹽重手左少少，不過整體上影響唔太大。然而蟹膏早將整煲粥染成金黃色，已足夠令愛食蟹嘅我流晒口水...蟹蓋一向係我至愛，尤其係多膏嘅重殼蟹更加係「賣飛佛」。將蟹蓋內重皮部份撕開，再浸一下碗裏面熱氣騰騰嘅粥，鮮味無比，令人難忘！炸八爪魚($25/6粒) - 大大粒嘅八爪魚丸係呢度名物之一，外層炸得金黃香脆，入口彈牙夠結實，八爪魚肉鮮味十足，佐酒絕對一流！鑊仔冬陰公浸蜆($65) - 估唔到小店做冬陰公都似模似樣，味道唔輸蝕比泰式餐館，酸辣度適中，相當討好。雖然蜆肉細細粒，無食花蛤咁過癮，但勝在夠鮮味，一邊食一邊

早前和朋友一行3人係紅磡食飯, 試0左呢間生記,由於我地唔係太餓, 所以叫0左招牌既膏蟹粥同冬蔭公湯底膏蟹伊面~膏蟹粥--味道鮮甜, 膏蟹超多膏而且肉質結實豐厚, 令人一再回味!冬蔭公湯底膏蟹伊面--湯底唔算辣,唔好食辣既都可以試, 湯夠惹味加埋充滿蟹味既伊面, 還有滲入湯汁既蟹肉, 一個字"正" !!雖然只係兩樣野,但我地超滿足~下次會再去食多幾款^__^

天氣好悶熱唔想食飯想食粥或粉麵,更係搜尋open rice睇吓有咩好野食----------果然有好介紹我揀了紅磡生記膏蟹粥----果然無介紹錯------平曰淨係用open rice搜尋功能,今次食了呢間食店都好有滿足感,寫返篇食評供獻吓先!!!yeah我特別推介呢間食店的膏蟹粥,炸八爪魚丸同鼓椒排骨炒麵膏蟹粥蟹味好濃我想係因為隻蟹困住係個砂煲到煲所以勁甜!勁有蟹味!仲要有煲仔飯的煲香---超正!蟹膏都好多。八爪魚丸超脆,好大粒。鼓椒排骨炒麵個麵底好正!而且價錢又唔係貴料又足-----直得一試!!yeah

今日無意中發現新驚喜~~路途中比一大張蟹粥poster吸引, 雖然天氣炎熱, 但因為本人鐘意食蟹的關係, 見店內又有冷氣, 抱住一試的心態入去!!經老板娘熱情推介, 叫了一窩蟹粥, 另加一個小菜送粥, 蒜茸茄子, 椒塩豆腐~~點知出其意外, 粥的賣相好"得"之餘(同張poster差不多一樣), 味道仲好鮮甜, 隻蟹仲好大隻, 啖啖肉, 超正~~另外一個必食推介都一樣正~~蒜茸茄子 外脆內軟, 超正p.s.當初仲驚兩個人叫一窩粥份量太多, 但份量剛好, 最后兩個人好滿足咁離開~下次一定會再嚟~~

這篇是本人第二篇的食評，因為呢間小店真是一間有誠意的食店!由於本人很喜歡食海鮮，早兩日睇到OPENRICE食評的時侯已經下定決心一定要來試下。昨晚，我們兩口子一心諗住買外賣回家撑枱腳，就選了這裡...千里迢迢從觀塘駕車到小店再外賣回屯門家中食..都覺得係值得!我們只點了一份"蟹膏湯伊麵"(冬陰公湯底)(2-3人份量)($108)，我在等外賣的時候，看見一位廚師細心的處理膏蟹，另一位就用心的煮，冬陰公湯底加埋蟹膏...嘩簡直配合得天衣無缝!香味已經令人垂涎三尺....回到家中，已經是一個小時之後，一打開盒蓋，冬陰公湯加埋原隻蟹同蟹膏的清香，已經十分吸引，一口試下去，冬陰公湯處理得十分好...酸辣適中並帶有陣陣幽香，而蟹膏十分豐富，且蟹肉鮮甜，份量十足...令人再三回味!真想立刻再品嚐!!!PS : 當中伙記服務態度細心有禮，加上廚師用心炮製，本人誠意推介!!!

一行人本來是來hot pot的, 但那間"蕃茄蟹湯底"實在太多人餘, 我們還是想省一點,才月頭ma.. 右看看左看看, 看到旁邊有一間掛着"蟹粥"相片的小店, 其實大伙兒為了蟹而來, 而且價錢便宜, 想也一不想就衝入去.**蟹膏粥真係超美味, 很足料, 滿足咗大伙兒食蟹的欲望, 而且d蟹膏呢真係呢 同粥很match. 粥底應該係加入腐皮煲, 很甜還很綿.**炸保羅, 好食到我朋友外賣咗一打返屋企.另外叫咗d小菜, 都很好食喔!!但蟹膏粥實在太搶鏡了..hahahha下次想試吓蟹膏湯烏東先!