Sang Kee Congee

天后呢間位於電器道既生記粥店，開早上6點，趁今日放假，就嚟呢度食早餐。店舖好光猛，早上係電器道上好突出，好易揾，入內揾位坐低，先知我係第一個客，點了艇仔粥同埋牛肉腸，一陣两樣野就一齊嚟到，個粥味道很好，料又足，牛肉腸比較結實，唔會一夾就散，味道都唔錯。整體十分滿意。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…Read More

今日返工 黎開衣頭. 唸住食d 暖野落肚. 咁岩見到間細細間望落係舊式既粥舖， 就滿心歡喜唸住入去試吓. 最後...先不談食物質數， 員工超級無冇禮貌.買個粥嘅時候見到另一個伯伯買糭， 伯伯講明唔要豉油， 員工落左伯伯同返佢講唔要鼓油架, 員工照pack 盒叫怕怕比錢。 再講價錢及味道， 叫咗碗皮蛋肉片粥. 普通肉片粥$35 加皮旦（睇住佢只係剪咗幾下） 咁就$8. 煮完嘅粥發覺唔夠擺落外賣碗 就咁盛多一大匙白粥就算. 成碗肉片同埋粥淡無味既. 可一不可再既粥品舖. 真係請都唔食…Read More

今次黎到生記，個環境簡單得黎就係溫馨，無花巧。我揀咗粥吖，食起上嚟，魚片瘦肉粥真係好過癮，魚肉滑且鮮美，瘦肉又炆得啱啱好，完全無渣。每啖粥，嗰種暖笠笠嘅感覺由胃滲到心坎，好有屋企嘅味道。再講吓嗰碗豬潤粥，豬潤夠滑，粥稠得黎又唔會過於黏口，味道略帶鹹鮮，就係少咗啲深度，可能因為我追求嗰種層次多啲嘅口感啫。配菜方面，炸兩啲皮香脆，煎堆外皮煎得啱啱好，裡面嘅糯米彈牙之餘又保有豐富嘅米香。點心好似雲吞噴水咁嘅汁多肉潤，真係一啖一個正！總結落黎，這家店保證你飽肚同收獲滿滿嘅人情味，諗起都想再去幾轉。啱哂搵個正宗港味，又唔想破費得過火嘅你，拜託，記住要食啲粥，溫養身子添！🍲🥢👍…Read More

有次係附近睇完中醫想食晚飯， 行過見到間唔起眼既粥店， 胃口又麻麻地諗住入去食碗粥就算， 但估唔到佢相當唔錯， 自始每次睇完中醫就會去呢度食飯。自選三餸湯飯肉丸係舖頭自家手打，都彈牙同埋應該有少少馬蹄放咗入去，所以口感都有啲爽脆，而魚腩都幾新鮮唔錯，個湯又清清地易入口。豉汁蒸倉魚飯價值68蚊嘅倉魚好大條，豉汁味香濃，係家庭式嘅味道。蝦米腸佢哋嘅蝦米腸幾好食，蝦米好香口。白糖糕白糖糕相對就好普通。凍豆漿應該係舖頭自己造既，唔錯。…Read More

瑟縮於舊唐樓下嘅一間粥店，抱住平平無奇嘅心情食碗粥，入內才發現有湯飯及蒸魚飯，兩樣毫不起眼嘅食物，雖然係間粥店入面整得比其他餐廳好食。價錢實惠可能街坊生意，$6x的蒸魚非常大條，是次品嚐三餸湯飯有豆卜/豬肉丸及鯇魚腩，豉汁蒸倉魚，普通腸粉尤其蝦米腸粉值得推介，腸粉滑另蝦米有咸香味，白糖糕$6件可以一試，蒸飯餸豆漿味道亦不算太甜，今次係第三次到場，基本上維持到質素，價錢相宜非常合理。奈何食店空間細只能放三張坐四人嘅枱。…Read More