生煎包點心專門店

Open Now

Now Closed

舖頭叫生煎包點心專門店，除咗生煎包之外仲可以食點心飲茶，所有食物都係即叫即做，上枱嘅時候保證熱辣辣，茶芥每位$6 ，今次點左飲茶必食既鳳爪排骨飯、好耐冇見過既糯米包、沙律明蝦角、平時好少食到既豬膶腸粉、上海小籠包鳳爪排骨飯夠大盅，味道不錯，好夠飽糯米包皮薄餡靚，糯米粒粒分明又有蝦米，好好食沙律明蝦角d蝦好大隻，餡夠多豬膶腸粉豬膶好大舊，腸粉夠滑但比較軟身，較難夾起上海小籠包有湯汁，豬肉夠新鮮整體來說衛生環境較差之外，食物質素不錯，可以再來

今日去開西灣河，見到呢間生煎包舖頭依然屹立不倒，七年前我喺西灣河返工已經存在，既然係咁就入去試吓佢嘅生煎包係咪真係咁好食，可能餐廳已經好多年，所以入邊嘅環境同衛生情況就一般般，招牌生煎菜肉包$28 ，生煎包嘅面同底煎到脆卜卜，但係一啲都唔會油膩，坊間嘅油淋淋生煎包見到都唔想食，因為一放落口全都是油，放生煎包嘅鐵煲預先加熱，上面再放上韭菜同芽菜，生煎包再放到最上面，成件事變到好精緻，而且生煎包好大個，食得出生煎包係自家製，因為入邊嘅菜肉餡好新鮮，而且仲好Juice，生煎包的而且確很不錯

食物味道係好的，全都大大件好味。不過內部環境例如玻璃窗、地下等真的需要大清潔，比較污糟。最滿意是叉燒包，其他店的包多數癡牙，叉燒一係肥膏多一係醬汁太多，這兒完全無這些問題，是很高質的叉燒包。鮮蝦春卷即叫即炸，非常香脆，蝦仁彈牙新鮮。金銀蛋浸時蔬就最抵食，大堆頭，食唔晒。反而那個招牌生煎菜肉包就普通，外皮較厚，包底不脆，菜肉餡普通，它用小鍋上枱，鍋底鋪滿洋葱條，這些洋蔥應該只係為了防癡底，食唔到的，因為大生又無味。

門面和裝修簡陋，環境唔係好乾淨，但點心的確好食。❤蠔皇叉燒包：我認為叉燒包可以打抵生煎包成為這兒的招牌，叉燒包皮非常優質，鬆軟得來不黏牙，內餡有足夠叉燒而不會只得一大堆醬汁，而且調味恰到好處不會過鹹。這叉燒包是必吃的。❤蟹籽鮮蝦燒賣皇：豬肉和鮮蝦比例恰當，而且好新鮮，好吃。❤椰香煎甜薄𦉘：甜薄𦉘不是常見的點心，它新鮮煎製，外皮香軟，內裏全是花生、椰絲和砂糖，喜歡甜點的不要錯過。❤生煎蓮藕餅：三大塊好抵食，又係即叫即煎，煎得香口，切成小粒的蓮藕爽口，與豬肉非常合襯。上湯金銀蛋浸時蔬：以多取勝，菜芯苗堆到成座山，味道ok，略嫌皮蛋和鹹蛋不足。蛋黃蓮蓉包：這間點心店的蛋好矜貴，整個蓮蓉包只得一小角比指甲還小的蛋黃，雖然包皮好靚，蓮蓉香軟，但下次唔會叫。6款點心大部份都好吃。

服務態度勁差！亂！價錢係實惠，不過都唔想俾錢買難受！！冇下次！事件：今日同屋企人一齊諗住去幫襯，去到拎籌之後，被告知前面有五張枱，我同屋企人就企喺樓梯側邊，或喺門口等候。係等候的過程中，發現有幾檯客人打尖，明明比我哋仲要晏來，籌號亦都排喺我哋後邊，見到職員喺度執枱就乘機坐落去。令我最憤怒的係：職員冇阻止，亦冇要求出示籌號！！！！！難道職員唔知道出邊有好多人喺度等嗌籌咩？咁即係點呀？黑人問號跟住我就搵職員理論，有個女人行埋嚟，係做收銀&樓面類，我認得佢，問佢點解唔跟籌號嗌檯，佢竟然答我唔知道，真係搞笑了試問間餐廳點解要派籌？？返到屋企特登打篇野出嚟，係因為我真係好嬲！如果大家想去幫襯，就要做足心理準備，祝你們好運

間中路過或搭車經過時，都留意到店內坐滿客人，閒日放假，便決定來試試。環境當然不能與酒樓比較，但這裡的出品的確不錯，而且有些款式已買少見少了，不用加一，茶錢$6一位，性價比高！招牌生煎菜肉飽 - 貴為招牌點心，就當然要點來試試，煲仔菜的擺盤，蔥段與洋蔥香到連隔離枱都聞到！生煎包底煎得香脆，包內仍然有肉汁，可以一試。蟹籽鮮蝦燒賣皇 - 足料，大粒！鮮蝦彈牙，好味！干蒸牛肉 - 這款是我的最愛，又是近乎絕種的點心，牛肉味濃古法馬拉糕- 質感鬆軟，份量大，每人吃一件已很飽，要打包，真的已經很少見！鮮蝦沙律春卷 - 以往在酒席中很常見的一道菜，炸得很脆口，春卷皮內包著椰香煎甜薄撐 - 推介！餡料很多！椰絲、花生、芝麻，色香味俱全，很回味！

胖侶對飲茶食點心有情意結，所以我地成日周圍試下邊間好食。今次黎到呢間街坊小店，食客多數係老人家或couple。先黎個招牌生煎菜肉包，用鐵煲上熱辣辣，配埋生洋葱一齊食，好有風味，只可惜個皮有啲啲厚，如果薄返啲更好。蟹籽鮮蝦燒賣皇，大大粒，豬肉彈牙口感豐富，加上蟹籽，好食。香芋鴨腳扎係胖侶點既，芋頭好粉，鴨腳好入味。最有驚喜係薑汁糕， 薑味超濃，感覺好養生，我最鍾意。整體黎講: - 食物質素唔差。- 環境一般, 始終做街坊生意。

物美價廉生煎包。有舊式風味，而且最緊要竟然蒸排骨，粉粉地，鬆軟非常岩我心水呀！抵食。傳統茶樓模式。所以行過路過全部街坊生意兼且多數阿婆阿叔老人家聚集地，禮拜六日就多有family組合或者年輕情侶組合。生煎包三個好大個。等服務生上台之後記得叫埋少少醋，平時可能小籠包先比醋，如果試一試生煎包更正！系招牌無錯。兩個人一起share剛剛好。價錢買單請看截圖。兩個人早餐加埋茶錢100.元有找仲要飽肚。環境黎講差少少，但美食不容錯過呢？

環境：正常點心店環境，冷氣足夠，我哋兩個人坐四人枱所以都幾闊落，但我覺得四個人坐就有啲迫。食物：點心又大份又足料，黑椒牛肚非常入味，但芋頭代替蘿蔔覺得唔係咁夾。蝦餃皮薄餡多，成隻蝦有多喺入面，但蝦味唔算濃郁，唯有口感搭救。燒賣嗌咗兩種，蝦子燒賣同埋鵪鶉燒賣，同樣餡料十足，粒燒賣成兩吋高。潮州粉果外皮偏厚，如果有多啲豬肉碎同埋冬菇就好啦。服務：人唔算多，所以一舉手都有侍應哥哥睇到，但紙巾要收$3😅價錢：一句講晒，大件夾抵食😋總評：點心種類多元化，味道唔算好突出，但勝在份量夠大，絕對係一個街坊晚飯好選擇👍

今天黃昏來到西灣河, 誰知又肚餓了! 看到那大大的招牌<生煎包>, 就來試一試. 職員安排就座後, 先看餐牌. 茶位6蚊!!!!!! 另外,  發現餐牌打錯字.........   <包>是指麵包, 奶皇包, 叉燒包的包, 而<飽>是形容詞, 是肚餓的相反.點選二款美食, 自職員交單, 然後等了約廿分鐘, 腸粉先來到.   豬膶腸粉   餐廳標榜使用<自家磨腸粉漿>, 又剛好發現豬膶, 所以一試. 熱辣辣的豬膶腸粉, 我來也!    腸粉色澤帶黃, 每塊較厚身, 但粘度煙韌度OK, 不易拉破, 以筷子分件時, 要多點手力. 先嚐豬膶, 豬膶爽脆, 但酒味較重. 整體感覺不錯.   招牌生煎菜肉包    以金屬鍋呈上! 三件生煎包, 下方以青蔥和洋蔥墊底, 金屬鍋邊也是溫暖的. 可能是生煎包和鍋的熱力, 部份青蔥已變軟. 先來一口, 皮料很煙韌, 而餡料很熱, 只能先咬一小口. 椰菜豬肉餡鮮甜, 餡料釋出的精華, 都滲至皮料邊緣, 變得糊糊的. 只有即點即造的包點, 才會出現這糊糊的邊界. 不過真是很熱. 由於自己喜歡食蔥,

天氣轉涼，週日的晚餐，和家人來此食煲仔飯，因為此家的煲仔飯多選擇，還有即叫即做的各種點心，街坊生意，價格也相對實惠。今天我們5個人叫了一份招牌生煎包，4個雙拼煲仔飯和6樣飲茶點心，每個煲仔飯都配一碟唐生菜煲仔飯一：滑雞+油鴨脾煲仔飯二，臘腸+咸魚煲仔飯三：田雞+臘味煲仔飯四：梅菜肉餅+黃鱔6樣傳統點心：- 黑椒牛肚- 豉汁鳳爪- 豉汁排骨- 鲜虾肠粉- 鲮鱼球-咸水饺一份招牌生煎包，其實就是菜肉飽稍微雙面煎一下，沒什麼特別，價格不平喔...唔抵食得7788時，侍應主動端來5碗紅豆沙，當餐後甜品🍮了...街坊幫襯的多，偏年紀大的，總聽到高談闊論的，呼朋喚友的...我們食完，立即買單：

日日食粥好悶， 老公決定落街買外賣點心食， 街坊一致好評， 一於買來試試。由於是即叫即蒸既關係， 所以等左25分鐘左右， 真心有D耐。🥢蜜汁叉燒腸 $23即叫即蒸， 皮偏厚但口感尚算滑， 蜜汁叉燒頗惹味。🥢蟹籽鮮蝦燒賣皇（左） $26燒賣大大粒， 啖啖肉， 有口感我鍾意。🥢鮮竹牛肉球 （右）$22一份有4粒， 比平時酒樓多，肉很軟稔但欠牛肉味。🥢豉汁蒸鳳爪 （右） $21鳳爪入味軟腍，幾惹味。🥢四寶雞扎 （左）$28足料雞扎， 腐皮包住火腿、 芋頭、豬皮、雞件全部厚身大大件。

我第一次光顧這間點心店。之前一直都想試一試。因為我本人很喜歡吃點心。但因工作忙碌的關係，無法約朋友慢慢品茗。所以經常都係一個人去點心尊門店食一盅兩件就足夠。但因本人從小家貧。所以食點心的選擇都偏向價廉路線。西灣河這附近有很多外賣點心店。這確實係一件對不太喜歡食西餐的朋友的一個好選擇。因為香港對食都好多元化。說回經歷：今日有時間，所以就來到這裡光顧試味。一入門口發覺還要上幾級樓梯才到食堂。這樣就會更保障消費者的私密唔會被打擾。上到去其實食客唔多。老人家會比較多。這個是香港中式餐飲的慣性。年輕一輩多要求快。所以這種點心店未必適合年輕人口味。今次點了二款食物。因為今天是星期日，所以每款食物其實都要加一蚊，才是正確價錢。老實講句我覺得價錢係偏高。雖然唔需要收加一，但如果食物價錢唔平。其實都係羊毛出在羊身上。唔找排骨飯很高質。飯底夠多。姐姐會主動問你要唔要豉油，豉油很好味，唔會太咸。排骨和鳳爪都唔少，一個人食剛剛好。$27都算正常價俾某些點心更平。值得一試。但食完後發覺唔係太夠。所以點多一款，本人喜歡食腐皮卷。所以就試一試。不過我很後悔。今次吃了接近$60蚊。一個人來說都唔算平。何況這裡只是街坊

I went to this restaurant with my baby. All staffs are very kind and helpful. I ordered 5 dishes and one tea for 137$. It’s affordable price. All food are great . Especially “鮮蝦菜苗餃” and “蟹粉鮮蝦焼焼売” are the best! I’ll definitely order again😚😚😚

雖然以生煎包做賣點，不過我哋選擇佢嘅原因係“抵食”，係喺呢一帶來講，適合一家老幼，平得來又食得飽嘅好選擇。呢間嘅點心最令人羨慕嘅 係大大件，材料充足，出爐熱辣辣，各位要小心睇熱呀～燒賣與茶杯嘅對比圖，入面嘅鮮蝦都係大大粒。小籠包嘅水準麻麻，剛上檯就要趁熱夾，如果唔係黏住張紙就會爆開食唔到啲湯汁精華。珍珠雞嘅size就比較迷你，入面嘅鹹有蛋黃、瘦肉雞肉同菇，香口。蝦餃都係大大粒，其他都係一般貨色。叉燒腸係即叫即整，叉燒淋身，粉皮滑身，配埋豉油味道剛剛好。蒸飯嘅份量亦不俗。呢個韭菜餃每次都會叫，啲湯都好甜，特別係個水餃，好大粒，入面有韭菜瘦肉。一個匙羹都裝唔晒一粒水餃除咗以上咁多冇乜特別嘅點心菜式，間舖仲有手工嘢，傳統嘅炸蛋散都係即叫即製，香脆又懷舊。