Master Sang (Closed)

每星期都會回老家吃飯，父母提議斬料加餸。而近日葵芳站新開一間燒味店，順路當然試一試啦放工時間人來人往，加上新開張，店舖裝潢夠新，燈光光猛又潔淨，人流就自然更多了。去到先發現原來店舖做的不單單是燒味/鹵水，仲有台式古早滷味，起初還以為分別是2間店。買台式滷味需要先填食物組合，交到廚房部取票，最後到收銀處付錢。過程中就講個【信】字，顧客下單後不回頭就浪費店員心機了。台式滷味種類都幾多，而餐牌都非常簡單方便。最後決定各樣燒味都買少少，叉燒，燒腩仔，燒鴨、豉油雞及白切雞。叉燒色澤夠鮮，汁味能夠浸入肉中，餸飯一流。由於家開飯時間太夜，都放左2粒鐘左右，燒腩仔皮仍然好脆口，醃得入味，有腩肉香。燒鴨都燒得幾靚，肉質唔會太乾太硬，咬落口都幾多油同肉汁溢出。豉油雞同白切雞中，豉油雞會相對上出色，除豉油香外，肉質依然嫰滑可口。台式古早滷味 就分別點了 豆腐、牛展、小黃瓜、溏心蛋、海帶、豬大腸及豬耳。單睇店鋪滷水味顏色唔深，味道唔會太濃，食落都不會過鹹。味道適中幾有台式風味。溏心蛋蛋黃有流心效果晶瑩剔透，蛋黃味香!牛展，豬大腸，豬耳用滷汁煮都比較易入味，想食重滷水味朋友可試點呢3款!店舖午餐時段外賣價錢都唔貴，有多款燒味/滷水外賣組合特價可揀，價錢都幾吸引！…Read More

放工買外賣返家， 黎試下呢間古早滷味生師傅，。位於葵芳地鐵站出口，位置好方便。放工嘅時間好多人排隊買。滷味有好多唔同嘅種類，好似叫車仔麵咁自己配搭。先叫木耳，糖心蛋加撈稻庭烏冬。另外一個有香菇，糖心蛋加撈烏冬。原來仲有燒味套餐，單拼36， 雙拼42，見到佢啲燒味仲係熱辣辣，下次都可以一試，最後俾店員推介，買咗個五福臨門。入面有叉燒， 白切雞，紅腸，燒肉，燒鵝，賣相吸引。返到家打開外賣盒，仲熱熱的，烏冬夠彈牙，滷味醃製得不錯， 糖心蛋好正。價錢實惠， 又一個買外賣好地方。…Read More

收工到了葵芳逛街，正準備坐巴士回家之際，看到這間新開的古法燒味，門面非常光猛企理，橱窗前面擺放了多款台式滷水小食，有肉類，內臟類和蔬菜類呢！光看外賣單就一目了然，選擇超多，而且價錢不貴。可能是新開張，有很多優惠可以使用。今天懶下廚，買了以下滷水小食和半隻燒鴨回家享用。這個份量，我們一家四口也非常夠食！這家的滷水別具台灣風味，咸度和甜度適中，香料完全滲透到每件滷水小食中，超級有水準，完全不像港式街市滷水般只有咸味。選好滷水小食後，店員還會為小食以滷水汁烹調加熱，所以回到家一打開紙盒，仍然保留食物的熱度，滷汁的香氣撲鼻。喜歡吃辣的朋友，可以加辣粉呀，原來與滷水超夾！不過不要加太多，因為它那個辣粉是超級辣的，很頂癮。溏心蛋必點！咬開時，內裡的流心蛋黃緩緩流出，蛋味香濃，帶有滷水香，小妹大愛！另外滷水牛展和牛肚必食，兩者都有口感，滷水味道豐富，送飯或送啤酒也一流！最後是燒鴨半隻，燒鴨皮脆、肉嫩、多汁，有驚喜。還嚐到多種醃料如五香粉和八角等醃制而成，燒鴨的色澤鮮豔而有光澤，回味無窮。…Read More

呢間野新開見佢好多人幫襯咁睇落都好似ok就同同事外賣番公司佢好似車仔麵咁可選白飯、稻庭烏冬再叫你想要的餸我今次叫左個稻庭烏冬龍蝦丸、秀珍菇、溏心蛋唔知係米新開張還送左包野飲俾我地同事就叫左稻庭烏冬溏心蛋、花枝丸、韓國魚糕總結：可能剛剛新開張，有好多人幫襯，員工十分nice,係有小小混亂，應該未熟流程，熟左應該會好d，我同同事都覺得滷水汁唔係好夠，味道偏淡，可以多番小小味，個韓式魚糕有小小辣，幾野味，對我黎講，份量係細份左，唔夠飽🤣有同事叫飯，話飯量十足，味道唔錯咁，佢話可以再番轉頭幫襯！…Read More