生力冰廳 (Closed)

每次經過這間冰室都想走進去嘗一下，但每次都沒有位子，今次剛好有吉位，便決定走進去。 堂食位置不多，卡位亦比較窄小，兩個人坐一邊卡位真係有點擠迫，而且冰室厨房係開放式，油煙充溢，感覺不太舒適。等了5分鐘，凍奶茶送到，茶味足但奶未夠，不夠滑。黑椒雞扒飯，雞扒不是煎/炸而係烚熟，淡而無味，這款黑椒汁很特別，我從未吃過(一粒粒黑椒碎+甜醬油+洋葱)，我寧願選擇傳統黑椒汁。可能寄望大了一點，依家失望而回。…Read More

　男友推介我去這間冰廳，卻一直找也找不著，門面完全不起眼，走進一條小街要細心留意才發現這間冰廳。　內在環境也很有懷舊的特色，一列列的卡位並排著，卡位小得只可容納一至兩人，如果身形較龐大，真會剛剛佔滿一個位子。我數著只有八張桌子，即代表整間店子最多最多只可容納三十二人吧？　一個午餐22元，可選一餸的粉麵和奄丁炒蛋(或是腸仔炒蛋)，凍飲只需加一元。我叫了五香肉丁米，男友叫了炸菜肉絲麵，凍檸水和凍檸茶(凍飲共加兩元)。　五香肉丁米♥　五香肉丁很大的一顆，也很入味，米粉是一般水準不過卻很令人討好。　炸菜肉絲麵♥　一般水準吧，但吃下去卻有一試難忘的感覺。　凍檸水♥　甜味適中，冰粒不多。　凍檸茶♥　茶不會太苦，而檸檬味也足夠。　其實這類型的冰廳在香港已少之有少，但仍光顧的人也不少，冰廳實在可勾起不少人的回憶，而像我這麼的九十后，卻很喜歡這些懷舊的冰室呢！…Read More

旺角還有很多很多舊式茶記要試，這一間是其中之一。來到的時候是中午時份，外邊熱得很，裡面卻是非常涼快的，一所超細的店子，冷氣開得夠，雖然是坐得迫狹了點，都算不錯的了。也來看看餐牌，知道此店出名咖哩，而本人本身也愛此物，當然要一嚐 貪心的要了什麼都有的咖哩什扒飯，另外再加多件鮮油多，再點兩杯飲品好了，是日天氣熱，又是幫女友點了凍檸茶少甜，而我也是例牌的熱奶茶。先來的是鮮油多，鮮油多用了兩塊方形的鮮牛油，其實塊牛油也真的挺厚，外層的麵包烘得脆脆的，但可能麵包本身不太新鮮吧，吃起來不鬆軟而有點實，影響了整體的口感，可是其味道是不錯，一股牛油香，再加點多士的焦脆味，算是彌補了一點麵包自身的缺失。之後的咖哩雜扒飯，餸及飯是分上的，咖哩雜扒內除了有腸仔、火腿及豬扒外，更有薯仔，腸仔火腿沒什麼好評了，豬扒份量都足有一塊半或是一塊大的吧，吃起來雖然不韌，但一點也不能說是梅林鬆軟，咖哩汁也是很地道的港式咖哩吧，吃起來有很奶的感覺，味道不算太刺激，比翠華的咖哩更沒有刺激感，相信店家下了點淡奶去煮，所以汁也挺為稠身，所以個人不太喜歡，不明為何是此處的招牌菜？而最值得一讚的是那塊薯仔，粉腍而有薯香，真的值得一吃再吃，如果可以用那碗白飯換成十塊大薯塊就好了。女友的凍檸茶看起來已知對版，是非常深的紅褐色，冰塊放得多，所以入口冰涼，但難得的是冰溶了一半，而茶的茶味還是很夠，加上適當的檸檬酸，甜甜冰冰的，夏天當然好喝。熱奶茶用上古式厚身瓷杯盛着，可是奶茶茶溫普通，似乎店家要檢討它們茶膽及茶的溫度管理，然後本人也是先嗅一嗅，但嗅不出有茶香，但奶香非常夠，可能是淡奶下得太多吧，順理成章的是茶身夠挺夠稠，入口濃濃的奶羶香，但其實搭真一點，又不難發現其實也挺有西冷紅茶的味道，始終跟檸茶用的都是同一個茶底，怎說也不會差太遠的，但茶的濃度絕對可以再厚一點，如不就會如此杯茶一樣，茶味被強大的淡奶味遮掩了一半。整餐也只能說是中規中矩，每款食物也如是，有好也有壞，所以也反映在這個OK臉上。…Read More

如果唔係雜誌在奶茶主題度,有人推介過這裡的奶茶,都沒為意「生力」的存在。店內一片五六十年代的行跡,源源不絕的食物,就在那細細的廚房做出來。我就是個切切實實的舊冰室迷。其實那早餐和午餐,就是常餐。晏晝來,就是吃午餐。奶茶先來。第一啖,「奶」已黏著口腔,感覺好多花奶。後來加左糖,好飲番,茶味出番D。好都好味既奶茶,不過我覺得稠左D。五香肉丁麵,一睇就知,是「福」麵未浸夠腍,唔怪之得見前一個客,食淨晒。所以我地再浸一陣才開動。肉丁好腍!好好食!唔知係自家製,還是什麼特別牌子既呢?多士雖然是薄方包,但是即叫即烘；火腿奄列也是一樣,即煎,有蛋汁,也有鑊氣!!雜扒飯(有茄汁/黑椒/??汁三款),揀左黑椒。雖然賣相烏忟忟很亂炒,但味道,簡直叮一聲!稀稀、深啡黑色既汁,佈滿3/5的飯,望去好似豉油撈,但其實佢個黑椒汁就係稀既,仲要越食,辣越出來,非常香!豬扒係嚡少少,牛扒沒有o拿到無晒味,唔韌。洋蔥熟了九成,保留洋蔥本身的甜味,這碟飯,可不簡單:)!咁好食既野,不能慢慢吃,因為不斷有人客在外等,我地差唔多食完時,伙計問我地：「你地走咯呵…」。無奈地,壓力下食埋,水都飲唔夠,o拿o拿聲讓位:(。…Read More

舊式冰廳在鬧市已經買少見少,, 生力冰廳是少有的一家, 在旺角已經屹立多年!今次點了黑椒豬扒飯及熱奶茶.熱奶茶味道香甜可口, 茶味濃郁, 在寒流襲港之下, 確是暖身的最佳選擇!黑椒豬扒飯, 十分精彩! 首先, 材料十足, 洋蔥佈滿豬扒之上, 豬扒兩大舊, 比其他餐廳的份量還要多. 黑椒汁保證即叫即做, 又有幾多餐廳可以認真如此?一碟飯, 一杯奶茶, 四十大元有找, 而且味道非凡, 舊式冰廳水準不低, 卻面臨時代的淘汰, 可悲嗎?…Read More

再一次去生力食野，同樣點了全日供應既午餐，大大份，今次叫左五香肉丁麵、火腿奄列，跟餐個方包仲轉埋奶醬多都得，再加埋杯凍飲都只係23元~真係抵食!!!不過奶醬多可以再多d奶會更好味雖然賣相麻麻，而且又逼逼地，但有冰室特色，可以一試~:)…Read More

細個係旺角大，都從未去過生力，反而阿仔跟佢舅父去過一次之後，就成日叫我一齊去食﹗冇所謂啦，反正真係非常之抵食﹗我地5．1早上10點幾去到，仲係早餐時段，佢D早餐同午餐，基本上係相同的食物，唯一唔同的是價錢，早餐係20蚊，午餐係22蚊，午餐仲要由早上11點食到6點關門﹗好攪笑﹗個餐有多士，麵類、火腿蛋及飲品一杯。我選了腸仔公仔麵，火腿奄列，熱奶茶；腸仔公仔麵，係有2條雞肉腸，我鐘意係條腸仔唔係煎的，係同D公仔麵淥熟，咁就冇咁油，不過兩條腸仔，真係好誇張﹗個公仔麵係福字麵，有晒細路讀書時的感覺，同D腸仔配埋一齊，又match得幾好﹗另外一提就係個多士，人流快就有呢個好處，多士真係好脆，不過就多左牛油，下次再去的話，要叫老細輕手d先得﹗杯奶茶又係冇得挑剔架喇，我平時唔飲奶茶的，去到生力都會叫，不過就飲半杯咁多啦，因為飲太多會胃痛。食完呢個早餐，我一直到8點先食飯，都唔覺得肚餓﹗20蚊，抵晒啦﹗呢間冰室至少有近40年，因為我大佬話佢細路個陣婆婆好鐘意帶佢黎呢度食嘢，而我大佬今年都差唔多5張幾了，咁大家可以想像一下。不過呢d舊舖仲有生存的空間，我諗人情味都係好重要，無論你同老闆熟唔熟或者識唔識，你入得去間冰廳，你仲會覺得好悠閒咁，d食客又會一齊傾吓計咁，感覺都幾舒服。不過老實講，係呢度，食物質素已非搵食的首要條件，重點係懷舊吓d環境同埋已經好難再找到的人情味﹗…Read More

14-1-2009留意0左呢度好耐, 但次次路過, 唔係我趕頭趕命有0野做, 就係佢塞爆了人, 今日終於入0黎「攝」到門口位了. 叫了「午餐」, 有沙爹牛肉公仔麵, 火腿炒蛋 + 多士, 及熱奶茶一杯 (total $26).奶茶色水好「奶」, 味道都好「奶」, 可幸嗒真 d 仍然飲到茶味, 算係咁吧.多士賣相樣衰, 但烘得十分鬆脆, 咬落係 crunch 一聲的, 加埋落得夠的鹹鹹0地牛油, 好食! 火腿就「金妹」得很; 炒蛋好油, 尚算有蛋汁, 算 ok.再0黎沙爹牛麵... 麵底味道「福字」, 淥得稍腍, 而且 MSG 粉都真係幾重手, 食落好鹹 -- 當然, 叫得公仔麵都預0左食味精湯底, 但都唔使咁重手0卦? 沙爹汁算幾香, 帶點辣, 但一樣極鹹, 愈食愈口渴, 愈食舌頭愈痕. 都好耐無遇過咁勁的味精效應了... @_@"環境地 mou 又殘舊, 卡位勁窄, 衛生幾差, 我又咁黑仔見到隻不明飛行物體「空降」搭檯個男人杯奶茶度, 都幾噁心.放低 $26, 速閃. 食完咁口渴, 後會無期!…Read More

話說當年...查實只係前度暑假 當時仍在旺角當做pt既我時不時都會黎呢間餐廳食返個午飯 皆因平 同 周圍又唔知食咩今日再度重回 但不再形單隻影其實早前已想重來 但奈何時間唔岩今日和女友來到 一起分享了一個茶餐和豬扒飯想起當天第一次吃這個豬扒飯 很有媽媽感覺但今天再試 發覺飯變得凍了 連汁都無以前咁好味始終媽媽十年煮既都可以保持水準 但餐廳的就未必了至少 媽媽唔會比凍飯凍餸我食而茶餐唯一好味既都係件西多生力又成為一個只能在回憶生存 而不可再來的地方了。…Read More

同男朋友成日行旺角，都唔發現有呢間野，知道今日要去朗豪坊睇早場，沉晚就o係呢度見到呢間野，睇戲前就黎呢度試下。經過門口，如果唔係記得間鋪頭名，都真係好易行過都唔知，不過入到去第一個感覺，真係「麻雀雖少，五臟俱全」。男友叫左太陽蛋、多士、火腿通粉、凍檸茶，我叫左個太陽蛋、多士、五香肉丁米、凍奶茶，之前網友話呢度既奶茶好味，所以我都叫左，但因為我唔鍾意飲熱，所以未必嘆到果種原始味，但個人黎講，杯凍奶茶係甜左少少，冇乜特別。再講太煬蛋，個邊脆脆，D蛋白仲long long下，good!!一直都唔明點解o係茶餐廳食多士or三文治烘底都要加錢，但呢度就好似牛奶公司咁唔洗加錢，而且牛油都好夠，good x 2!!如果平時o係奇華閣我一定會唔食個餐包！至於五香肉丁米，因為我勁鍾意食米粉，所以食得出同平時既有唔同，有D似福字米粉，同埋肉丁唔似平時食既比較硬身同得個辣字，呢度果D食落去比較腍，同埋調味既辣油好香。今日食左$42，$20一個餐，凍飲加$1。我會再回歸，下次，我一定認得門牌。…Read More

今次食叉燒麵啦~ 個麵食落好似福字麵, 問下老闆娘係唔係 .... 原來真係呵~ 佢話仲貴過大光麵架~ 我就話用福麵好食D呀! 飲凍奶茶, 幾好, 唔會好淡冇茶味, 因我多數飲熱既, 會原汁原味D嘛~ 但出面天氣實在太熱, 頂唔順 .... :) 午餐$22+$1(凍飲) = $23 ... 好抵喇~…Read More

第二次來試下個鮮茄牛肉飯 + 熱奶茶 $28個鮮茄汁唔同出面一般茶餐廳咁橙色, 好有屋企 feel 既整法, 牛肉又好腍, 所以都差不多食哂成碟 .... 值得再食! …Read More

同事介紹過呢度D奶茶唔錯~今日出開旺角 ... 就順便去試試奶茶啦~算好飲, 對於我來講就只係覺得多左小小奶啫~22蚊個午餐好底食播~ 單一柸奶茶要 $11見到人地食咖哩好似幾正 , 同事話過鮮茄牛肉飯又正~ 下次試下先!:)…Read More

位置有點古怪, 大家唔好信政府個路牌, 如果唔係你找極都找唔到呢間舖. 總之一路行過左市政大廈果條斑馬線, 再行, 見到地產公司便到了. 好細間舖, 多熟客, 只有我地兩個後生仔.兩個人叫左:1) 沙爹牛麵+煎蛋+多士+熱奶茶2) 雪菜肉絲米+煎蛋+多士+熱奶茶係2個set, 埋單唔多過40蚊地點又唔係好懷舊, 食物又唔係好特別, 奶茶過得去. 可以話無咩特別, 可以唔洗試.…Read More

沒有生力啤的生力冰廳,其奶茶出奇地不錯.在旺角打躉多年,也未察覺這間小小冰廳之存在.店子小兼殘舊,又難怪多年來過目必忘.早上的早餐,也是例牌通粉/麵/米粉搭煎/炒蛋拼多士等等.少不了港式啡茶.寒冷天氣之下,自然要熱奶茶,其奶茶入口香滑,奶同茶味合乎比例.飲到最後也沒有出現奶/茶味偏向一邊的情況發生.可說是有點意料之外.因為近日喝過的奶茶,無論是常去的或是第一次去的店,也是水準參差.生力的奶茶,可說是近期遇上的最好.通粉配料一律是即慶的火腿,餐肉,腸仔.如果要有點功夫的沙爹牛,或鮮牛,付多$4.這個鮮牛通,牛肉話沒有比梳打粉醃過就騙人,不過情況並不嚴重,鮮牛也有點鮮味.前文說午餐時段要快上快落,早上時段,難得清靜.大多人正在辦公時間當中,我就繼續用iPOD塞住對耳,邊看報紙,邊嗒奶茶.飲奶茶,當然要抱著優閒之心態去嘆.否則不如飲汽水.…Read More