甜沁園

Open Now

Now Closed

近排搞裝修，不時出嚟砵蘭街睇吓啲地磚呀、廁所潔具呀……之類，有時都順道逛一逛太子呢邊。是日經過甜品小店「甜沁園」，再上網八吓，風評唔錯喎，忽然興起就買兩份外賣拎返去作飯後甜品。講明喺小店，入到去真喺好細，因為店家主要做外賣，不設堂食。不過，裡面有冷氣，總好過企晌鋪外曬太陽，吹熱風，而且，有少少櫈俾客人坐吓，唔使被罰企。餐牌制作好簡單，而糖水款式都唔少，包括香芒系列、桃膠系列、芋泥系列、豆花系列、豆漿系列，如搵唔到啱心水嘅，仲有一款自選系列。最估唔到，原來店家仲提供小食同粢飯。最後，買咗一份自選組合，一份香芒楊枝甘露。幾鍾意佢哋個外賣袋，賣相可愛，可以循環再用番。自選組合 $42甜品底要豆乳布甸，配料就揀珍珠、芋圓、紫薯泥，放滿晒整個食物盒，拎上手非常墜手，好夠份量，打開睇睇，真喺堅多料，好似啲紫薯泥有一大嚿，而且，薯味十足，軟滑卻具質感；珍珠、芋圓都好好食，煙煙韌韌有咬口；至於豆乳布甸幾唔錯，比起食豆腐花，佢就會口感挺實啲，卻不失滑嘟嘟，最緊要豆味足，食完堅飽肚。香芒楊枝甘露 $40芒果嘢一向喺小弟心水，無其他再特色啲嘅選擇，自不然揀呢一款甜點。未打開，單喺睇側面，已經見到餡料滿滿，到

太子新開小店，主打外賣甜品、小食。所有嘢都係勁足料勁大份☺️。🔸香芒楊枝甘露$40激多生果好足料，堆到勁高嘅芒果同沙田柚。酸甜清爽好啱夏天食。🔸芋泥丸子撈$38海量嘅芋泥綿滑香甜。除咗有團子仲有珍珠，煙韌控必食。🔸仙草豆花$28豆花有濃濃豆香，仲非常之滑。同彈彈口感嘅仙草一齊食感覺好特別。🔸蒜香雞軟骨$32爽脆香口，估唔到底下有唔少炸蒜，出奇地有大牌檔風味。🔸椒鹽魷魚鬚$38口味係經典酒樓魷魚鬚！我鐘意佢炸粉好薄，新鮮炸起勁香口。最估唔到塞車搞到放到凍咗，食落都係脆。

今日去太子經過界限街食肆林立的一段，發現一間新開甜品小店，店舖以外賣為主，門口看看都幾吸引，一於買甜品返屋企大家品嚐，甜品店主理多種新式甜品，除甜品外亦有多款小食以至便當，各項我分別都有揀選。香芒楊枝甘露新鮮嘅芒果加入椰漿、柚子、西米，芒果香甜大大粒份量足，西米腍滑有彈性冰涼可口。香芒丸子撈芒果控家庭一個點夠喉，加一個芒果甜品，除芒果外，更加入珍珠、小丸子、芋圓，增加甜品嘅多重口感。芝麻雞全翼雞中翼連翼尖，雞翼好入味，炸粉好香脆，加入芝麻增添芝麻香。椒鹽魷魚鬚同樣炸得香脆，魷魚鬚煙韌彈牙，而且份量好大份有驚喜。牛肉便當日式洋蔥牛肉飯，特別在於便當有兩件炸雞，前菜更有醃蘿蔔、胡麻醬青瓜及味付螺肉，可謂相當豐富，味道仲係好味道。小店出品都係心機之作，所有出品即叫即造，保證新鮮，甜品凍冰冰，食物熱辣辣，食咁多樣食物總括而言都相當出色，值得一再光顧。

甜沁園 雖然呢間店舖環境空間有限，但見店主都悉心設計一個打卡角落；而且個人覺得無論糖水或炸物都超級足料，性價比好高。所以私心推薦俾大家～ 💫香芒楊支甘露$40芒果香甜，配上柚子微酸比例啱啱好；唔會苦澀。西米大小岩岩好且口感煙韌。整體上味道清新又消暑，好岩近排呢啲天氣嘆下 ～💫椰汁牛乳桃膠$38椰汁和牛奶味道平衡味道香濃不膩，甜度恰到好處桃膠口感煙韌滑溜，整體上食落有層次感～ 💫黃金雞翼$36用香濃鹹蛋黃醬包住雞翼炸到脆卜卜，色澤金黃色～食落去肉質嫩滑，而且單骨設計，方便食落去啖啖肉。超級惹味和邪惡之選！ 💫椒鹽魷魚鬚$36魷魚爽口彈牙，份量都唔少～脆漿唔會太厚同甩漿，口感酥脆可口～食落去調味分佈均勻，好香椒鹽味 💫黃金魚丸(10粒)$18魚肉彈牙帶奶白色，充滿鮮魚香味口感酥脆，咬落去超有嚼勁 📍太子界限街39號A鋪恆順大樓地舖

位於太子甜品店✨甜沁園✨主打新鮮芒果甜品🥭仲有唔同款式甜品同埋小食😍 佢哋啲甜品全部唔會好甜👍🏻✨香芒小丸子 🥭$40用新鮮芒果打成芒果汁，配上粒粒芒果再加埋西米，自家製小丸子，口感好豐富煙煙韌韌✨香芒楊枝甘露 🥭$40都係用新鮮芒果打成芒果汁，用上新鮮西柚酸酸甜甜，好好食🤤✨蒜香雞軟骨 $32全部小食都新鮮炸起雞軟骨，外皮酥脆，充滿蒜香味，好好食✨椒鹽魷魚鬚🐙 $36魷魚鬚又係新鮮熱辣，配上甜辣醬好惹味✨香甜地瓜條🍠 $22地瓜條好粗身，食落去好有口感另外有酸梅粉點，台式做法🤤好食指數⭐️⭐️⭐️⭐️⭐️

天氣咁熱，個friend提議去甜沁園買2個糖水上佢屋企Hea。店面唔算好大，但老闆娘即點即做，開放式廚房見她忙碌嘅樣子，感覺好有煙火氣，環境整潔，令人食得更安心。我同friend原本只打算買兩個糖水，但見到佢做嘅小食香味撲鼻，忍唔住買咗酥炸魷魚鬚同蛋黃雞翼。魷魚鬚新鮮炸氣真係好香，雞翼嘅蛋黃味道濃郁，食落去真係好滿足。牛肉粢飯用咗洋蔥取代榨菜，搭配得宜，味道好有家嘅感覺，每樣都好新鮮，分量足，感覺好貼地。甜品買咗香芒楊枝甘露，芒果味濃郁，搭配椰漿同西米，口感滑順。紅豆仙草芋圓仙草清爽，紅豆甜而唔膩，芋圓Q彈。老闆娘態度親切，食物有家常味，真係值得推薦！下次仲會再返嚟試多啲！

太子「甜沁園」主打糖水同港式小食，款式選擇多，真材實料，一定搵到啱心水！🍧 黑芝麻豆花 豆花滑得黎仲帶住陣陣豆香，再加埋香濃黑芝麻醬，特別滋味！🥭 香芒楊枝甘露絕對係夏日人氣王！芒果甜度啱啱好，配上西柚果肉同啖啖西米，食落嚟清爽冇負擔，好refreshing～🥭 香芒西米露芒果肉份量超多，撈住西米食，啖啖都係果香🦑 椒鹽魷魚鬚炸得酥脆但唔油膩，啖啖都係魷魚原味，加埋椒鹽香氣撲鼻，越食越上癮🍗 蒜香雞翼未食已經聞到超香嘅蒜香味😍雞翼炸得金黃，外脆內嫩，蒜香滲晒入肉

甜沁園係太子站E出口步行4分鐘就到，主打新派創意糖水，價格好親民，是糖水外賣店的好選擇！！今次試了五款特色糖水，每款都好有創意！！🌟綠豆仙草（$38）綠豆煮得綿密起沙，搭配滑嫩的仙草，甜度適中，清涼解暑，是夏日消暑的首選。🌟香芒紫米（$38）紫米煮得軟糯有嚼勁，鋪滿新鮮香甜的芒果！芒果香甜多汁跟紫米好搭配！！🌟香芒斑斕河粉（$48）這款糖水最有特色和創意！斑斕製成的翠綠河粉，口感好滑溜溜~~~又有淡淡椰香，搭配芒果和椰奶，好有東南亞風情！！是少見的組合！！🌟香芒仙草（$38）仙草爽滑，芒果香甜，兩者結合簡單又美味，喜歡芒果的人一定不能錯過。🌟芋泥桃膠小丸子（$38）芋泥綿密香濃，桃膠爽滑滋補，加上軟糯的小丸子，口感豐富，甜度恰到好處，是一款養生又美味的糖水。總結：每款甜品都精心設計。$40左右的價位就吃到這樣用心的新派糖水，在太子區實屬難得！

夏日炎炎☀️凍凍甜甜嘅甜品最吸引！炎熱天氣 冇胃口食正餐🤯小食同甜品嘅配搭最唔錯！🌟香芒楊枝甘露超爆足料！芒果香甜還有很多柚子顆粒口感清爽豐富～🌟豬軟骨粢飯餡料豐富 有青瓜絲豬軟骨和肉鬆豬軟骨，口感軟糯 味道很不錯！🌟牛肉便當除了牛肉飯入面還有炸雞、日式小食八爪魚及螺肉$58性價比高！🌟椒鹽魷魚鬚份量超多，香脆惹味～魷魚爽口唔韌～🌟黃金雞軟骨份量也是很多！蛋黃味香香香脆脆，送酒一流！食咗咁多嘢，都係二百幾蚊！份量係好足！算係性價比高！

對甜品無法抗拒😍今次叫咗幾款甜品同埋一個粢飯同屋企人Share
每位都好足料，好多，真係要Share先食得哂!✨豬軟骨粢飯本身會驚豬軟骨唔係咁夾粢飯，但原來佢地勁夾!!!內面仲有:肉鬆同油炸鬼
輕輕鬆鬆就食哂
✨香芒仙草✨香芒丸子撈香芒勁甜，大大粒好滿足，仲有芒果蓉，成個甜品超級滿
香芒仙草仲有西米係內面✨芋泥桃膠小丸子鍾意芋泥嘅朋友必食，軟綿綿嘅芋圓😍
桃膠煮得岩岩好✨奶蓋丸子豆花平時飲珍珠奶茶就有奶蓋，第一次食甜品都有奶蓋估唔到同豆花都幾夾

太子新開的小食甜品店，即叫即整，店內佈置溫馨🥰栥飯 （$28）最愛食栥飯😍 糯米紮實唔鬆散，配菜有榨菜、肉鬆、油炸鬼，材料爆滿，食一個已經非常飽肚又滿足☺️蒜香雞軟骨（$32）咁大兜？？😳 依個就係外賣店優勢，大件夾抵食！即叫即炸！雞軟骨好有咬口，炸得非常香脆，炸蒜好多，每一粒雞軟骨都有濃郁酸味！仙草豆花 （$28）豆花自家製造，豆味濃郁加埋仙草，健康又好味既甜品😋椰汁紅豆桃膠（$36）椰香味濃郁，桃膠養顏，紅豆好大粒，貨真價實非常足料

今次嚟到太子甜沁園，呢間外賣小店聽個名以為淨係賣甜品，原來仲有便當同小食添呀～我哋嗌咗一個牛肉便當，一個豬軟骨便當，小食叫咗個黃金雞翼，甜品叫咗兩個芒果甜品，一個香芒仙草、一個香芒楊枝甘露。便當好足料好豐富，兩份便當仲有附上唐揚炸雞同螺肉八爪魚等前菜小食，和風牛肉份量多，洋蔥亦都煎得甘甜，便當都係$58一個，咁足料幾抵食～黃金雞翼，單骨雞翼上鹹蛋黃醬濃郁，份量亦都幾多。甜品都好足料，芒果甜，亦都幾大份，香芒仙草包括大量芒果切粒，西米，仙草等香芒楊枝甘露包括芒果切粒，柚子，西米等，用咗防漏嘅盛器，拎返屋企都唔驚倒瀉！

這間手作糖水舖位於太子界限街，鄰近太子站D出口，主打各式各樣的甜品及糖水，亦有手沖飲品、小食、粢飯及便當等。所有食物均新鮮即製，嚴選優質時令的食材，玻璃櫥窗能看到大量新鮮芒果。店家以純白色為主色調，擺放林林總總的小擺設，開放式廚房能觀賞到製作過程，看得見的乾淨衛生。小店富有人情味，老闆娘待人友善，而且食物的份量很充足。外賣的膠碗很穩固，又有可愛的外賣袋。香芒楊枝甘露 - $40鋪滿一粒粒鮮甜的芒果之餘，又有絲絲多汁的葡萄柚，椰奶和芒果之間調和得酸甜平衡，又有晶瑩剔透的西米露增添煙韌彈牙的口感。香芒仙草 - $38有較多的鮮芒果粒，一塊塊嫩仙草柔軟滑嫩充滿綿密的彈性，味道清涼微甘，同樣以芒果椰奶為基底。香芒小丸子 - $40同樣有香芒粒粒及芒果椰奶為基底，多粒細小的白玉丸子軟糯且帶有韌性，有淡淡的糯米香氣。椰汁牛乳桃膠 - $38椰汁牛奶為基底香濃又柔滑，帶有淡淡的椰子清香，大量桃膠爽滑煙韌，質地類似於蒟蒻，含有非常豐富的營養，有平民燕窩之稱。芋泥桃膠小丸子 - $38綿密細膩的芋泥很濃稠，芋頭香氣更加濃郁，有天然的甜味，同樣有桃膠及小丸子。

係太子發現左呢間隱世嘅港式糖水小店，原來小店開左都唔夠兩個月。雖然係話主打賣糖水甜品，但都有唔少小食同主食可以揀。重點小店價錢好抵食，份量好十足，老闆娘仲要好親切，唔知會唔會係下一間爆紅嘅糖水小店。黃金雞翼 $36好好食，炸半骨雞翼有好多鹹蛋黃包住，勁香勁濃鹹蛋黃味豬軟骨粢飯 $38夾左青瓜,肉鬆,豬軟骨，夾青瓜好似比傳統嘅粢飯好食無咁油膩，豬軟骨夠淋好夠味，粢飯都唔會太乾又夠黏，整體都好好食芋泥丸子撈 $38芋泥份量勁多，撈起仲有芋圓珍珠同西米，甜度岩岩好，芋圓同珍珠口感都好Q彈，而且芋泥都好香濃香芒仙草 $38芒果肉大粒，唔會太甜真係幾好。撈左芒果汁同椰汁個味好食，仙草份量都唔少自選-豆乳布甸+奶+珍珠+芋泥 $42有得自己揀配料配，豆乳布甸好大個，牛奶唔會太多，甜度岩岩好，一樣好好食

甜沁園 (太子)太子界限街39號A鋪恆順大樓地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：香芒楊枝甘露$40，香芒西米$38，香芒斑爛河粉$40，香芒丸子撈$40，奶蓋丸子豆花$38香芒楊枝甘露：以新鮮的芒果為主角，搭配椰漿和西米，口感滑順，清甜可口。每一口都充滿了芒果的香氣，讓人心情愉悅！😄😄😄香芒西米：同樣以芒果為主，西米的嚼勁與芒果的鮮甜完美結合，帶來了不同的口感層次。每一口都能感受到芒果的天然香甜，讓人心情愉悅！👍👍👍香芒斑爛河粉：斑爛河粉的柔軟與芒果的鮮甜相互融合，形成了一種全新的口感。這道甜品的搭配讓人驚喜，既有斑爛河粉的濃香，又有芒果的鮮甜，外觀也非常誘人！😍😍😍香芒丸子撈：丸子Q彈柔軟，搭配新鮮香甜的芒果，而且芒果份量十足，每一口都充滿了鮮甜豐富的口感，令人滿足！😋😋😋奶蓋丸子豆花：這道甜品甜而不膩，豆花十分滑嫩，而奶蓋的香濃讓整道甜品增添了層次感，丸子的嚼勁與豆花的細膩形成鮮明對比，值得一試再試！❤️❤️❤️