Kim Chiu Cafe & Dessert (Closed)

Kim chiu cafe and desert is A true hidden gem of a restaurant! best Italian food I have had in my 20 years stay in Hong Kong, fresh Italian ingredients beautiful southern Italian cooking without the bells and whistles and all at a reasonable price. Starter the meal with antipasti platter packed with fresh seafood calamaris squids and anchovies, for primi fresh crab pasta then for secondi fresh fish with light tomato sauce all accompanied with chilled white wine at last we got the house tiramisu which is made fresh in daily basis simply amazing! Perfect for a group gathering place highly recommended. …Read More

隱蔽西餐cafe，鋪內擺設簡單，燈光柔和舒服，充滿清新感覺。:)Buffalo Cheese Salad材料有水牛芝士，沙律菜同蕃茄仔，配上意式甜醋。簡單得來，味道尚可。但份量唔多，都要成hkd150左右，因本身材料算簡單，唔明點解要咁貴。蜆肉意粉因為朋友唔食辣，叫左走辣，變左主要配料係蒜片。用左中型size既蜆煮，蜆份量算多。但咸味蓋過蜆既鮮味，對我來講過咸，意粉偏硬身。意粉分量唔算多，但要成hkd170左右，唔抵。:)牛肝菌意大利飯牛肝菌味濃郁，意大利米口感剛好，無好溜既感覺。只係份量少，幾啖就食曬，但要hkd200 up，好貴🥴。埋單要大約600蚊兩個人，但無好飽既感覺，很貴！ 唔會再食！…Read More

今日818流水完搵野食行左銅鑼灣好耐，又比我搵到間好好食ge意大利菜地利位置就比較入，唔係誤打誤撞都唔會入到黎小店裝修好好，好舒服，服務員態度好好，好親切價錢中上不過食物質素非常高小店但有高級西餐廳功架特別推薦個意粉，要食硬身，好好食煮得好perfect，味道又好好食左三樣野buffalo cheese沙律蜆肉意粉300g 牛排加多個自加制雪糕價錢：中上環境：4.5/5食物：4.5/5地點：3.5/5…Read More

今次尼到食咗佢既meatball spaghetti 同egg white smoked salmon with salad avocado bread 。佢賣相唔錯，食物味道都ok ,不過價格貴了少少，但都值得去試下。同朋友坐係度傾計唔錯…Read More

前幾天看見報紙都有介紹過，咁今天同少爺行過尋食，成條街都已經變成食街！原先首選係街頭的餃子店，最後還是被老闆的熱情笑容就入內用餐，由於早點到達（當時大概是5:30）我們也不是肚餓所以只叫了一人份重2人分享！少爺叫左柸飲品（忘了叫咩名😂），有龍眼肉蜂蜜，甜甜地味道都清新也有招頭！主食就招牌菜Mest ball with spaghetti，用心做的，因為意粉是立刻制作（不會是茶餐廳出品一早煮定）咬口感，老闆話用上等的麵粉製作，醬汁香味濃郁，肉丸佢好淋滑，所以咁咪肥左少少（但都冇辦法啦針冇兩頭利嘅)之後我們又叫了Tiramisu ，朱古力粉比較苦相信應該係用咗dark Chocolate，酒味超濃郁，但芝士比較硬身，個人就喜歡軟熟一啲嘅，所以我就覺得好一般啊！整體來講都是一般的，冇傳媒會講得咁特別好！…Read More

第一次寫食評 覺得呢間街尾小店deserve大家認識佢😜行街行到又熱又攰 係希雲街街尾發現這間小店 似老闆娘的小姐行出來招待我同男朋友 於是就坐低試下，發現！咦！真材實料喎！這次點左士多啤梨冰紅茶馬蹄露五寶 每樣大大杯 大大碗 今時今日多份量的糖水舖好少有 士多啤梨有果肉同微微微甜的茶底，馬蹄露最驚喜有清心丸同柿餅🥰🥰 炎炎夏日 食落透心涼🥳 老闆/師傅出來講解製茶材料 每人招呼都好有禮貌 坐得好舒服 上次未餓 我下次會再去食晚餐的 (都有pasta 牛扒等)…Read More

朋友介紹去了這店吃生日飯。有驚喜。開店只有3個月，前身是在耀華街十多年的食店。雖然店面細細，設計很有風格。當晚顧客不多，店員很樂意介紹食品特點和店舖歷史。這店家族經營，老闆很喜歡到歐洲學習新菜式和購買食材。我們點了蕃茄水牛芝士沙律，清香的味道。還有新鮮鴨肉，配法國多士，與一般餐廳吃的雪藏鴨肉大不同。那個蜆肉意粉：意粉是點菜後才煮，意粉還滲滿蜆肉的味道，問如何煮？廚師說當然是秘密。甜品頂瓜瓜，我們點了榴連焗布甸，是貓山王，香甜！意大利芝士餅，極似意大利的味道，酒濃咖啡味香，軟硬度正是我喜愛的。還有馬蹄沙沙，清甜。這餐生日飯，太圓滿了！結賬3個人不用$800，抵食！…Read More

甘潮咖啡及甜品館座落在銅鑼灣小街一隅，門外放了幾張椅子，愜意非常。與人聲鼎沸的銅鑼灣，氣氛完全不同，有一種恍如隔世的感覺。於鬧區靜巷的小小憩靜空間，坐在門外嘆咖啡又是另一個天地。一室優雅燈火通明，寧靜的空間讓人休息沉澱，舒適的環境令人放鬆心靈，暫離塵囂。甘潮主打甜品、咖啡，另有輕食。牛油果，南瓜蓉炒蛋白多士 ($80)用了日本雞蛋，蛋咪濃郁且滑身。多士烘至脆身，鋪上了一層南瓜蓉，可是蛋白完全遮蓋了南瓜的味道，吃不到南瓜的味道。另外牛油果還未熟透，略嫌硬身及沒有牛油果味。日本南瓜湯海鮮意粉 ($140)意粉煙韌有咬口，蝦及蜆有鮮味，但南瓜湯味道偏淡。Tiramisu ($88)ladyfingers有濃濃的酒味及espresso，可是espresso太多了，加上mascarpone cheese不足夠，完全吃不到芝士味，也吃不到甜味，整體只是吃到苦味。…Read More

在銅鑼灣想食甜品，除了耀華街....其實仲可以去希雲街添，今晚同男朋友行到去希雲街街頭嘅甜品店已經排晒隊，行多幾步去到盡頭嘅右手邊就發現到呢間小店了！甘潮係潮式食甜品，我哋坐低就即刻問店主有什麼推介，他推薦榴槤嘅產品。由於今晚唔想食榴槤所以佢介紹咗芒果系列嘅產品俾我哋，再加左杯士多啤梨紅茶全部都係用新鮮生果打同店主傾計原來佢哋係好耐好耐之前曾經係耀華街經營。一間有故事的小店，用心的出品！我一定會再來的…Read More

Openrice唔見任何menu，於是親自走過嚟睇吓。行足成條希雲街，都仲未見到嘅？原來喺正條街嘅盡頭！裝修好似cafe咁，唔講真係唔知係serve中式甜品㗎喎！仲要有個望街嘅吧檯，又有一塊綠色牆，好有feel！影相一流！馬蹄沙五寶 ($48)落單時問店員，會唔會好甜？佢話佢哋嘅湯水係少甜，仲係用黃糖煮嘅，食得放心。馬蹄沙入面有雪耳、蓮子、百合、柿餅、清心丸，隻碗好有特色，睇得出非常足料。講起馬蹄沙即刻諗起杏香園，呢度嘅馬蹄沙較稀，係有馬蹄粒不過唔夠多唔夠沙；杏香園嗰種多好多仲起晒沙。呢碗嚴格嚟講應該係叫馬蹄露，不過要讚嘅係真係好足料，差不多每一啖都有好多料食，而且真係唔算甜！如果可以改良一吓個口感，沙啲嘅話，就完美嘞！食食吓店員請我哋食幾塊曲奇，食落非常鬆化，好味！朋友叫咗杯Cappuccino，杯碟好靚，唔知味道如何，不過見佢冇complain應該OK呢度服務非常好，店員都好親切有禮貌。如果馬蹄沙口感改善後一定會再試！…Read More