甘橋記(石磨腸粉及麻辣美食專門店) (Closed)

今日太早食晚飯，所以去左gogo mall 食糖水，見到呢間新開既腸粉鋪就諗住過下口癮，叫左碟雞蛋肉碎腸再加左碟齋腸，拎腸粉既時候見到齋腸賣相唔錯，而雞蛋肉碎腸就有少少凌亂佢地既鼓油同辣椒油既味道都算正常，我先食齋腸，就發現中伏了，筷子一夾起腸粉就已經斷咗，完全冇皺皮腸少少煙韌既口感，感覺係食緊一團粉，仲要係冇米香嘅粉雞蛋肉碎腸個情況更惡劣，因為佢有雞蛋同肉碎嘅關係，腸粉係完全包唔到餡料，真係雞蛋還雞蛋肉碎還肉碎，好難用筷子食得到同埋味道真係麻麻，最後我係用匙羹嚟食呢啲腸粉……Read More

好幸福啊！想食正宗麻辣嘢，唔洗等放假上大陸先食到了，俾我發現咗位於屯門雅都商場一樓嘅“甘橋記”麻辣美食專門店，大大碗麻辣燙，真係多料到“嘩”一聲出來，個碗裝到滿泄出來，未食已聞到麻辣香，初嘗第一啖肥牛，濃香嘅肥牛脂肪味逼到成個口腔，跟住食脆肉鯇，又爽脆又新鮮，牛丸都勁大粒、芝士腸牛柏葉冬菇海帶蓮藕薯仔片……太多了未能盡錄，實在未食過咁抵食嘅正宗麻辣燙，真係好多料，勁飽我叫咗中辣，個辣度啱啱好，入口覺得好舒服，我男朋友唔食得辣，佢就叫咗走辣，啲湯好純，我地連湯都飲哂，一滴不漏由於此次體驗實在太好，第二日我又帶屋企人又去咗食，佢哋啲腸粉都做得好出色，又好多種類，最重要係味道真係好正，品質保證，而且大份夾抵食，以後會係我地嘅長期飯堂，費事喺屋企煮了，e度食仲平過自己煮，最緊要好食過我自己煮哈哈仲有老闆都好好人，仲送水果俾我地，多謝！祝生意興隆啊❤️…Read More

肚餓入咗雅都美食廣場，太肚餓，求奇點咗個炒米粉，諗住可以快啲醫肚。點知就大驚喜，老闆炒米粉時，外面已經聞到勁香陣味，拎到出來時，個賣相也好吸引😍，真係垂涎三尺嘅感覺出來嚟🤩，米粉乾爽彈牙，好濃郁嘅雞蛋香，大大塊雞蛋，老闆好大方👏🏻，冬菇絲更加炒出精華菇味，伴有若隱若現嘅麻香，個感覺好上頭🤩，老闆仲送咗水果和涼拌菜，好味夾抵食，成個用餐過程真係大快朵頤，見到佢哋仲有勁大碗麻辣燙，睇落好足料😍，可惜咁大碗炒米粉已經攬住個肚，下次再來試🥳…Read More

今日去新墟買野，竟然發現到gogomall有巢皮腸粉食就買黎試下，揀左個boss腸粉(好似個名係咁)，等左一陣見到腸粉出嚟，皮好薄！好香，食落都好滑好好味，另外個豉油應該老細自己調過味，唔會太鹹食落幾舒服，辣椒醬都好好味同個巢皮腸粉好夾，係辣左少少(我係唔太食得辣但又好鍾意食辣既人)會再返黎試其他嘢，老細推介個炒米粉都幾吸引，不過我唔肚餓淨係食咗個腸粉就走人。我係堂食，腸粉亦比較建議堂食，因為驚外賣拎走會癡到一pat pat。…Read More