Yummy Delight (Closed)

放假去荃灣廣場行街，順便食 Lunch，因為我仔鐘意食烏冬，於是入左呢間試下，不過連我最無要求既 2 個仔都話唔好食，早知去飲茶好過 ! 我地叫左：1) 蕃茄照燒雞烏冬 $40 ( 烏冬太林，湯底無乜蕃茄味，得個紅字，雞扒算係成餐最好食既食物 ) 跟餐送 麵豉湯 ( 唔熱既湯，我仔飲左 2 啖就無再飲 ) :(2) 漢堡扒二十穀米飯 ( 轉左白飯，好少餸，件漢堡扒細到呀 ) 跟餐另加 $2 送凍奶茶 ( 唔好飲，應該係 3 合 1 即冲奶茶 ) :(3) 燒青魚定食 ( 魚唔太新鮮，就算落晒d 檸檬汁要仲有少少蘇味 ) 跟餐另加 $2 送凍奶茶 :(4) 吉列煙肉波菜餅 另加 15元 ( 餅太細塊， 除左食到波菜同硬硬既炸粉外，我食唔出有煙肉，仲要係返炸既，仲話$15 已經係特價 ) :(5) 炸蝦雜菜餅 另加 15元 ( 依然只食到硬硬既炸粉，一d 蝦都食唔出，仲食到成口油 ) :(6) 三文魚壽司 ( 一早落單既三文魚壽司，到我食晒所有野再等成 15 分鐘先黎，差d 想走人，三文魚壽司 d 飯就大大件，但係三文魚就好似紙咁薄，我睇到已經無心機影相 )未計另加既小食，每個午餐平均要 40 幾至 50 蚊，佢唔值呢個價囉。…Read More

依間甘味都食過幾次~整體水準都OK..環境坐得舒服! 今次再去發現套餐加配既小吃已經加左價依日LUNCH我地2個人食左..- 豬軟骨湯烏冬 - 豬軟骨好夠淋又入味~烏冬有咬口- 鐵板牛柳粒蕃茄湯烏冬 - 蕃茄湯底好杰- 三文魚壽司 - 今次係個女人整~我覺得之前個肥哥哥握得會好食D(更多相片 - http://hk.myblog.yahoo.com/yanomi_chung/article?mid=74745)…Read More

d朋友知我仲未返去美國 就當然不停同我出街 琴日晏就同個friend一齊去左荃灣我叫左個蕃茄照燒雞烏冬我個朋友叫左壽司個個烏冬sorry 唔系好remember到d名 個sushi幾正 我個個都好好食 依個晏就比其他時間便 下次要再去過食 …Read More

今日因為我腸胃有少少不適,所以就簡左e間烏冬專門店1.麵豉湯就夠熱,ok好飲2. 雜錦烏冬鍋就麻麻地la,d烏冬太硬湯底咸左d3.豬頸肉烏冬(麵豉湯底):果豬頸肉太多油= =,都係果句d烏冬都係太硬4.軟x蟹牛油果卷就沒有問題,好好食…Read More

時段:午市菜式:番茄湯牛肉粒烏冬番茄湯雜菜烏冬三文魚壽司味道:番茄湯較淡, 烏冬太林服務:不過不失不明白同一店舖, 分店的差別卻很大, 難怪唔使好似其他鋪等好耐…Read More

當日lunch time都幾多人,幸好唔駛等位,安排坐0係最近門口的一張桌~但服務態度真係麻麻地,果陣都唔係新開張左好耐~而且waiter無笑容,上菜果陣的效率+速度又慢...我果份餐真係久等呀....唉......唔開心 order後又無repeat order......唉~~ 醬汁豬頸肉珍珠飯 $42真係好多飯,不過豬頸肉有好多肥肉tim :( 肉的硬度岩岩好,而且好多醬汁~配 粟米沙律....只係得粟米多粒...質素還可以,但係比起我之前在葵芳分店及奧海城分店(已結業)食過的粟米沙律相比..真係少左d.......配 麵豉湯..夠熱..不過味道都係一般....眼見我朋友食的烏冬....質素真係唔多好wor...又唔彈牙又好軟tim呀,所以決定就算再黎甘味食野,一定唔會再黎荃灣廣場呢間架喇~…Read More

點了壽司拼盤拼鳥冬+牛肉鍋烏冬+三文魚壽司壽司: 拼盤有8件，:(除帶子壽司，其他壽司尚算新鮮,,,但細件、飯較易散開!牛肉鍋烏冬: 牛肉及配料ok:)，但烏冬唔夠彈呀!! …Read More

女友嘅家姐之前嚟過食,覺得好好食,所以呢晚我地一齊去試吓.....女友叫咗個溫泉蛋牛肉烏冬(番茄湯底),好正喎,個湯底真係好重番茄味,我地真係連湯都飲埋,而烏冬好彈牙我就叫咗個燒牛肉二十穀米飯,牛肉好食,咬落好juice,個飲嘅汁味道好好,食完呢個飲好滿足另外我地仲叫咗壽司同其他小食,樣樣都ok架,真係值得再嚟!!:)…Read More

近日友人搬到荃灣區住 所以多了係尼頭E肚..這MALL有多間食店選擇 今晚閒日2人走入甘味 眼見客人仍不多 仲安排我倆座窗位 GOOD點了烏冬 果然~得 好彈 煙UN 但其他並無可取 炸物海鮮沙律 細件無料 只可以話夠熱:(壽司 細件而醋飯麻麻 不點也罷:(豬扒蛋定食 賣相好 反而最難食 豬扒超UN......蛋又老晒 洋蔥汁又少 白飯底又爛 飲品叫左一杯紅豆冰 淡D少紅豆:(***只比烏冬 笑…Read More

女朋友話依間買好食 諗住去葵芳食, 點知原來荃灣都有 咁就更方便了6點半到去到 唔洗等 個waiter比左個卡位 個風景幾好~叫左一個薄肥牛蕃茄烏冬同 雞扒蕃茄秋冬, 加10蚊有2件三方魚!所以叫左2碟壽司都十分鮮, 只是飯大了一點牛肉烏冬 有牛好似熟過頭但還可以燒雞扒烏冬, 雞扒肉實左一點....同埋唔係好夠熱蕃茄烏冬就十分好味, 相比旺角間四國讚岐手打烏冬好食好多湯底好味, 整體都十分好~ 埋單 112.2 連加一, 仲收信用卡, 十分方便…Read More

2月18日（星期四）晚，是晚女友又要來荃灣處理公務，我睡醒後來找她吃晚飯。不過正值寒冬又碰上農曆新年，行了兩大商場也想不到吃甚麼，行到荃灣廣場，見到這店，印象中口碑不錯，女友又有點肚餓，就來這店吃烏冬罷！幸好不用等太久就可以坐低，餐牌上除了主打烏冬外，竟然還有不少壽司和刺身，不過我們卻沒有興趣。女友想吃漢堡扒蕃茄湯手打烏冬和枝豆雜菜魚餅，我就吃牛肉咖哩湯烏冬，當然還少不了熱清酒。我的牛肉咖哩湯烏冬最先來到，咖哩湯底很香，又帶點溫和的辣，味道不錯，牛肉則是一般肥牛，不是太韌，讚岐手打烏冬入口滑溜，口感煙韌，果然烏冬才是招牌貨；女友的漢堡扒蕃茄湯手打烏冬也不錯，蕃茄湯很清甜，沒有蕃茄的死酸卻有很濃的蕃茄味，漢堡扒應該是雞肉漢堡扒，煎得不太肥，烏冬則和我吃的一樣，煙韌滑溜；枝豆雜菜魚餅炸得不油膩，而且吃到有魚的鮮味，口感軟腍，很好吃的小食；熱大吟釀雖然很遲才送來，但夠熱，入口夠辛辣，是我喜愛的那種，還有的是一瓶300ml的大吟釀祇售$60元，夫復何求；山賊免治雞肉軟骨棒是用來佐酒的，將雞軟骨和雞肉打成免治、搓成粒狀煮熟再淋上黑椒汁，口感既鬆軟又有嚼勁，而且很惹味，送酒一流！我倆吃完烏冬後整個人也暖起來，感覺很滿足，可以出去找甜品吃了！…Read More

同女友諗住去吉之島十蚊店買野之前醫下個五臟廟先....就去間下依間新店~印象中對葵芳及奧海城店的食物感覺良好....荃灣新店應該ok 掛....女友選擇了壽司拼盤加一杯黑糖咖啡, 我就要了豌豬軟骨熱湯烏冬+紅豆涼粉冰.....再加一客三文魚壽司及一客炸蝦雜菜餅......落完order....唔夠五分鐘....所有食物已經全數送上.... 我心知不妙...所謂慢工出細貨...快工出屎貨....女友的壽司拼盤...有三文魚、吞拿魚、蝦、帶子及加州卷等共八件....ok 新鮮...但好細粒下...感覺不太抵食; 而我的豬軟骨熱湯烏冬真係好一般....作為一間以烏冬為招牌食品的食店...點解同我o係Supermarket買返屋企自己煮o係質感係一樣...我食唔出佢有乜特出之處...:(最離譜係o個件炸蝦雜菜餅....返炸的...食到成口油....我連自己食緊乜都唔太清楚了...我心諗...連用心炸一件食物俾客人的時間都無o既食店...我諗唔到有乜理由會再去...係咪真係開得分店多...食物質素一定keep 唔到???…Read More

食完之後都忍唔住要在openrice開個帳號上來回應一下當日自己一個人打算去老麥食個下午茶，點知路過見到"甘味"門面幾吸引所以就決定花多少少錢入去食個下午茶餐入到去，服務不主動，要求之下才送上熱茶我點了餐牌上的下午茶餐是$68的壽司拼湯烏冬，另外單點了一客$28的三文魚子壽司大約十分鐘上了湯烏冬，當日天氣屬於幾凍，但烏冬是熱而湯是帶涼了點明顯烏冬是用熱水燙過，但湯的溫度唔夠唔凍唔熱已覺得唔滿意，不過烏冬口感是夠彈牙的(但比吉野家的還要遜色)然後食完個烏冬之後就光坐多十分鐘也沒上第二道菜當時我就坐在壽司吧前的那張卓，沒錯壽司師父好像埋頭苦幹的在握壽司和切刺身但速度真的好慢，遲遲才出到一客壽司好吧，侍應生上了一客飛魚子壽司給我我問他是否攪錯了，我沒點這項，請你查單侍應生沒回應我半句，只走到吧台看看張單發現出錯，就回到我的台上拿走壽司，同樣沒作半句說話理應講句唔好意思都冇，那時我已覺得不耐煩等咁耐先上菜還要出錯，之後，他換上正確的三文魚子壽司給我一落口，魚子不夠新鮮，而且味道好咸，我是沒沾醬油的，飯是散和硬的$28一客的壽司在口中只有無奈，質素絕對可以與街鋪獨立包裝散買的絕無兩樣之後我的壽司拼盤也上了，大約有六件刺身切得好薄而且不覺有鮮味，配合散硬的飯粒我氣得一口氣將所有壽司連續吃光(平時我習慣慢慢咀嚼美食)便宜的話，我沒話說但當時埋單成為$105.6(包括+1)比110蚊找返4.4我1毛tips都唔值得比囉咁o既服務都好意思收我加一服務費喎p.s. 盛載食物的碗碟唔係咁乾淨，你食開絕對可以留意一下…Read More

第一次食,覺得都幾唔錯,都算抵食:)叫左杯特飲,好有藥水味:(其他野食都OK,係個三文魚頭有少少腥..烏冬係幾彈牙,幾好食,個蕃茄湯都好好飲,不過D肥牛麻麻地.最唔合理係個蟹籽沙律,得兩"大"片生菜,加一小堆蟹籽,差唔多成碗野宦係栗米,雖然落單時,個侍應有講明係栗米沙律,但你廚房既然咁少蟹籽同生菜,個沙律不如停賣啦...燒豬軟骨就唔夠入味,有幾舊D軟骨係硬骨不過D燒汁都OK既..埋單320,兩個人算係咁啦,食左咁多野..…Read More

始終未能復原，但又要吃團年飯，而且又是我拍板，人生首次對揀餐廳感到如斯困難...:(來到熟悉的荃灣廣場，難道大家真的要去吃好好粥麵麼?!　還好給我發現甘味手打烏冬，已經頂上Charlie Brown Cafe的舊址開始營業了；於葵芳返工時，這店曾是我的至愛之一，現進註荃灣廣場後地方也更大，是晚就坐靠窗沙發位，感覺還真不錯!日式食物不盡都是清淡，是晚細心篩選後，吞了如下食品進肚：　腐皮壽司($9)+三文魚壽司($10)-腐皮壽司是老公至愛，每次必點，這裡的據他講味道普通；三文魚壽司賣相很差，看餐牌竟然原價$18，$10是特價，雖然我沒吃，但奉勸吃壽司真的別來這裡。　日式煎餃子($20)-細妹的選擇正中了餃子迷的我的心意，兩姐妹總算有點共通之處了!一客五隻的一客五隻以鐵板上檯，可喜是煎得一點不油，而且皮薄又餡香，我很忍口才只吞打半隻，其餘四隻也很快清光!　吉列紫菜魷魚鬚($28)-另一魔鬼的引誘，因老公發言也想吃，點就點吧!!魷魚鬚上檯，明顯是新鮮炸起，賣相挺吸引，但原來粉漿很厚、而且剝離情況嚴重，而所謂紫菜味則完全被油味所蓋過，總之一點不好吃，我只咬了一口又吐出來，免得浪費胃納又冒險啦!　芝士年糕($26)-過年總要吃年糕----如此，又理真氣壯點了這客冒險小吃。外脆內煙韌的芝士年深得老公欣賞，他獨個就吃了兩件，不過其實我嫌它芝士味不夠，結果只小試半件就算數，而且講真它賣得挺貴，不太抵食的。　咖哩豬軟骨撈烏冬($40)-細妹的選擇，想不到這日式的咖哩也幾辣幾刺激的，而豬軟骨又炆得軟稔，組合起來味道很吸引，但我只敢每款少試一口，然後改吃較清淡的湯烏冬。　薄切肥牛蕃茄湯烏冬($40)-在葵芳時已不斷重溫的最愛選擇，我最喜歡其微酸微甜的蕃茄湯底，口味清新動人，加上滑身又香口的薄切肥牛，以及煙韌又彈牙的烏冬，真是十分的開胃又美味，個人高度推介!!　滑蛋吉列豬扒十二穀米($39)-這裡的滑蛋豬皮肉分離嚴重，肉汁又久奉，對它真是不要抱期望；其實重點在於口感豐富、健康有助腸胃蠕動的十二穀米，加上蛋絲後更易入口了，我乖乖吃了不少啊。此飯又會附送粟米沙律及麵豉湯，麵豉湯非我所好，少沙律醬的粟米沙律感覺也幾健康，也幫襯了一半。　炒野菜($20)-以鐵板上檯，可以保持炒菜熱度，味道可以。 　雪糕紅豆冰($24)-細妹的選擇，令我心動不已，最終也忍不住試了雪糕及紅豆冰各一啖，感覺是雲尼拿雪糕味道還好(另外還有綠茶、朱古力、tiramisu味可選)，紅豆就過硬了。 　薑茶芝麻湯圓($18)-不來點甜對自己太殘忍了，就要了暖胃驅寒的薑茶湯圓，薑味果然濃重，很好，芝麻湯圓份量很小，味道一般，一碗六粒我超忍口的只吃了一粒，免得難消化，其餘就被老公及細妹瓜分了....　本來還很想吃雪糕，當然最後忍住了，不然新年流流繼續病，可真不是講笑的。其實這一頓已比預期豐足多了，而且食物好食又抵食，是滿意開心也健康(之後沒事!)的一頓飯。那天掛念蕃茄湯烏冬時，也會再來幫襯! :)　　更多相可見：http://hk.myblog.yahoo.com/gourmet-yan/article?mid=15506…Read More