珠記

Open Now

Now Closed

早兩星期訂枱珠記，自己買咗扇貝龍蝦瀨尿蝦，叫我哋放低啲海鮮，靜靜坐喺度，地面比較濕滑等啲姐姐擺碗筷，六點多，就過來同我們點菜，叫了一碟豉椒炒蜆，來到一啲煙都沒有鑊氣是暖又有沙，椒鹽鮮魷又是暖的，椒鹽偏小好淡味，但鮮尤都爽啲，上湯龍蝦伊麵都未比較硬身汁料少，椒鹽攋尿蝦完全食唔到椒鹽嗰啲香味，蒜蓉粉絲蒸帶子豉油好少好淡味，豉油皇炒麵一啲鑊氣都冇，名大於實好普通，90元加工一斤，但真係食唔到好味又唔係太差，料頭分量真的太少，實話實說打吓卡，到此一遊海鮮都偏貴啊星期六，街市扇貝四大隻210元蝦西澳龍蝦260文一斤，瀨尿蝦四隻240文一斤，鴨脷洲而家真係變左旅遊區啦乜都貴啊😃

🍪 【#鴨脷洲】珠記🐠游水海鮮大排檔🐠.🍪鴨脷洲市政大廈1999年啟用，珠記喺2樓熟食中心✧Ap Lei Chau Municipal Services Building first opened in 1999. The cooked food market is on the 2nd floor. 🍪主打生猛海鮮，有小炒👍🏻✧Specialises in seafood and hk dishes🍪有部份時令海鮮唔喺餐牌上，種類同價錢要問老闆娘✧Seasonal seafood is on the hidden menu. Make a direct inquiry with staff. ~~~~~~~~~~~~~~~~~~~~~~~~~~~~~~🍽蒜蓉粉絲蒸蟶子 $170（4/5）Steamed Razor Clams with Vermicelli and Garlic蟶子有5隻，因為清洗費時，收費都特別貴✧5 pieces. Pricey because of the complicated preparation.味道滿分！大隻又鮮甜，蒜味都夠突出😍✧Delicious

適逢食蟹季節，一星期前在珠記定枱，並且預留喜愛海鮮。今晚友人自備海蝦、龍蝦及海𩶘，其餘美食由店舖供應。椒鹽鮑魚、椒鹽鮮魷、炒飯和炒麵是水準之作，味道始終如一，非常美味。粉絲蒸帶子豉椒聖子椒鹽鮑魚燒乳鴿奄仔蟹椒鹽九肚魚蒜蓉蒸龍蝦清蒸海𩶘

朋友英國回來，食飯相聚，她想試傳統大排檔風味，今日就揀了鴨脷洲大街市試一試，先去鴨脷洲大街海鮮檔買海鮮，相熟朋友開的海鮮檔，價錢真係超級抵，聖子，海中蝦，兩條深水泥鯭，瓜子斑，帶子，花蟹，埋單都係$1,500. 六個人份量超級抵。跟住上咗鴨脷洲大街街市珠記代工炮製，再加叫了他們的咋豬大腸及炸鯪魚球，炸鯪魚球一啲都唔新鮮，豬大腸炸出嚟又是淋的。他們的代工真的一般，深海泥鯭蒸老了，嘥咗。好在買的海鮮夠新鮮，如果唔係真係浪費了。這間大排檔代工不如傳聞的好。

一家人開開心心由屯門跑過來，買齊嗮d海鮮唸住試下，結果一入到去當你空氣。一問有冇位即刻黑口黑面話冇訂位唔洗等，當你唔存在，就算佢真係好味，以後都唔會再來，服務差到爆炸。

有訂位, 準時6點到達, 位阿姐大叫"你放低D海鮮, 未得閒招呼你...". 到咗點餐, 買咗花螺想整辣酒花螺, 阿姐話 "冇, 淨係得白灼." 回應咗句"咁都冇...". 阿姐話 “不如你去隔離食...“食物質素普通, 不值一題.

一個字「正」！今日我同朋友一齊去珠記食飯，雖然係星期六，但係都有位喎⋯ 今日狂食、狂嗌！好嘢食椒鹽九肚勁正呀！外脆內軟正😄下次一定會再嚟！下次記得約埋朋友一齊去…啦！

東區人入去南區搵食🤪😋事前已經問定邊間好食幾個「南」朋友都推介珠記🥳🥳去到晚上七點幾 好彩打去留左位幾乎都已經坐滿晒佢係一個熟食中心 有幾間唔同嘅舖頭主理咁樣🍴1. 白灼海蝦 $時價隻隻都幾大隻😍肉實淨彈牙其實可以完全唔用豉油，都夠晒鮮甜🍴2. 沙薑鳳爪 $48呢個唔係話炆得好淋果d，比較有咬口另外比多一碟沙薑你自己點 咸淡自己決定👍🏻🍴3. 涼瓜斑片 $150 上台超香，豉椒炒，斑片d肉吸哂d汁，啖啖肉之餘 撈哂d汁咁滯🤣🤣屋企有個習慣，就係出去食親海鮮好少叫條蒸魚反而鍾意食啲炒班球、炒斑片嗰啲可能屋企炒野冇咁有鑊氣，要岀街食🤪🍴 4. 魚香茄子煲 $75食小炒嘅多數都會嗌，夠鹹香，撈飯一流🍴5. 潮式煎蠔餅 $72個人比較鍾意食煎嘅蠔餅，最怕有啲舖頭只係食到成口炸粉果d🤢所以呢度嘅煎蠔餅好啱我，啖啖蠔肉+蛋。(題外話:我估佢本身唔會煎到咁燶架🥲🥲係我屋企人突然間落單嘅時候話要熟啲搞到就燶咗)🌟🌟如果想食多啲唔同款嘅海鮮，就要早d嚟或者打電話留。因為我個晚想食扇貝同蟶子都賣晒啦🥲總結: 「南」朋友果然無介紹錯啊🤤👍🏻下次去要試下拒個奄仔蟹先。

幾個知心好友聚埋食個飯，飲下啤酒，最好就係簡大排擋朱記係我朋友由細食到大的餐廳，住九龍既我突登黎朝聖一下聽我朋友介紹過好多次今次終於黎鴨脷洲街市上踩下場我上網睇過食評有人話職員態度麻麻開頭都驚驚地但係一坐底，我覺得完全相反老闆姐姐係講野直接，但佢介紹我地樣樣餸都非常好食而且價錢好公道其實你食大排擋就係要食佢特式風味所以我完全覺得好吃就得啦老闆姐姐推介「龍蝦伊面」奄仔蟹好正呢個要再叫多碟 太好食啦椒鹽鮮魷鴨脷洲街市上面最邊邊個間

佔香港三分一海鮮魚穫嘅香港仔，承載住香港嘅捕漁業發展。今次嚟到香港仔海旁對面嘅鴨脷洲，除咗附近嘅休憩設施同以往有大不同，隨住港鐵站嘅落成亦都為該區帶嚟唔少嘅人流。而鴨脷洲熟食中心入面，則有兩間屹立多年嘅海鮮大牌檔。而今次要介紹嘅就係珠記。椒鹽鮮魷椒鹽鮮魷可以話係港式大牌檔嘅代表作之一，但要好食亦一啲都唔容易。而呢碟椒鹽鮮魷亦係上佳之作，除咗上碟一啲都唔油膩之外，食落亦都非常脆口同爽身，證明新鮮程度十足。再加上酸甜嘅醬汁，簡直係令人胃口大開。配合枝裝啤酒實在一流。唯一係椒鹽味略嫌不足，層次感稍稍欠奉。砵仔焗魚腸砵仔焗魚腸可以話係買少見少嘅海鮮大牌檔手工菜，而過往大部份試過嘅大牌檔都唔係有太多可以整到出色嘅焗魚腸。而珠記嘅砵仔焗魚腸可以話係十分出色，可以話係失傳之作。魚腸食落啖啖足料，有齊鯇魚腸、魚肝、雞蛋、陳皮、芫荽、粉絲、同埋最重要嘅「油炸鬼」！加上胡椒粉調味，無論係送飯還是當做小食都非常滿足。菜遠炒牛肉呢一味看似簡單嘅菜式其實並不容易，牛肉走油同足夠鑊氣對於成個菜式十分關鍵，而珠記亦都駕輕就熟咁三兩下手勢就上到菜。整體嚟講珠記可以算係海鮮大牌檔入面中上嘅一間，份量味道都俱佳，亦唔會有

完全冇諗過一間由細細個就開始食嘅珠記，而家d食物已經今非昔比其實鴨脷洲大街有很多選擇，冇諗過一間老牌食店冇自我增值不特止，食物更大不如前因為疫情底下今日去到珠記買咗兩盒外賣自取，椒鹽九肚魚，同埋豉油王炒麵。當一打開嘅時候發現椒鹽九肚魚，只係有微微嘅金黃色，心捻已經覺得中伏，食落去嘅時候個口感居然係un un 地，完全冇椒鹽嘅感覺，啲紅辣椒🌶️粒好似係煮完揼落去咁，平時嘅椒鹽九肚魚係外脆內軟，連條魚骨都食到，但呢一盒九肚魚居然係骨硬，外面係冧同un 。至於豉油王炒麵完全冇鑊氣，再加上幾隻梅嘅蝦🦐(其實可以唔落，豉油王炒麵本身係冇蝦㗎)，連茶餐廳都好食過佢，仲要成$70一盒豉油王炒麵，簡直不知所謂😡

港島人喺港島食海鮮，唔想比人劏到一頸血，可以去鴨脷洲市政大樓2樓珠記。市政大樓內有3間大排檔，珠記位於角落位置，夜夜笙歌，每晚都有好多人幫襯（始終係老字號，由老爺爺個代開始做，宜家由女兒們繼承，幾姐妹一齊拍住上，係人情味！）椒鹽魷魚，配幾舊菠蘿幾得意啊哈哈！總有一碟仔酸酸甜甜汁。椒鹽九肚魚。不過不失，唔係太粉。珠記小炒王。每間餐廳既小炒王都係靈魂所在，選材盡顯廚師心思。珠記版就有要過、豬肝、青椒、洋蔥等等好惹味。蒜蓉粉絲蒸扇貝，幾多舊都係豐儉由人，大可以同餐廳商量。薑蔥奄仔蟹，非常多膏OMGGGGGG！！見唔見到成舊膏就來跌出來了！心血來潮想食臘味飯，一聲就10分鐘有了！蛋絲係出奇地香。珠記完全令我願意千里迢迢專程去南區食飯，同姐妹們見見面，互相支持鼓勵下。

三五知己黎到鴨脷洲就上市政大樓既珠記啦，不過記得要訂枱呀，因為成日都好爆今次係飲酒多又唔怕嘈，完全唔洗顧儀態😂😂椒鹽鮮魷飲得酒點會小得而個名菜椒鹽鮮魷先得架，炸粉唔多，魷魚好爽口👍🏼煎釀三寶佢用左新鮮既魚肉釀左係青椒紅椒尖椒入面😍最好食係尖椒，因為好辣好過引😂😂係樓下街市買左啲泥猛上去整，又黎椒鹽😂全部都炸得好完整無爛到，又夠乾身，但係入面仲有好多肉汁係度😍😍唔夠飽叫左個豉油王炒麵好有獲氣，啲麵又上晒色👍🏼👍🏼

第一次寫食評，因為覺得佢真係差到離晒譜！預早了下午6時去到，有一半檯無人坐。我們話四位，佢話俾人訂哂枱。我們話咁外賣啦，佢哋話唔接外賣，做唔切喎。當時個個員工連廚房企響度冇嘢做！根本食班伙記唔想做咁，定係要佢地既VIP 先接㗎？

「珠記」屹立鴨脷洲市政大樓多年，只做晚市生意，提供各式小炒及海鮮美食。週日晚 walk-in 造訪，全場滿座，需排隊輪候。或許生意太好，店員對正在輪候的食客基本上不太理睬。入座後仍需保持耐性，接受無人招呼理睬的情況。單是執枱點菜小編前後也等了超過 15 分鐘。各式海鮮可到近廚房位置的發泡膠箱揀取，數量有限，售完即止。小編點了一客「蒜蓉粉絲蒸蟶子」及「油鹽焗羔蟹」。蟶子中等體型，口感彈爽；羔蟹蟹羔甘香，蟹肉豐盛甜美，難怪有多枱點選細味。「粟米魚肚羹」魚肚雖多但乏味。此湯羹的評價只屬普通。「椒鹽九肚魚」酥脆不膩口，佐酒一流。「粟米班腩」用上連皮的真斑腩，「走油」後份外惹味，食感實在。「蝦仁炒蛋」滑蛋炒得非常嫩滑，富蛋汁，效果比預期佳。「魚球豆腐煲」無乜特別。「清炒菜心」選材老身乏甜，不好吃。小編對「珠記」的海鮮評價正面，個別小炒亦覺好吃。不過，小編同時對店員的態度實在不敢苟同，大家要有心理準備及耐性才好前來。