珠江酒家

今日晚上和兩個朋友都得呢個位於太子的珠江酒家，這是我第一次來到這間店，門口的的感覺就像返回八九十年代的室內大排檔，好快我哋搵到位坐低一張大圓枱幾張圓凳很有大排檔風味。侍應的是一位老人家，廚房亦都係看到一位老廚師，好快我就點了椒鹽鮮魷，豉油皇鵝腸，豉椒炒蜆同埋避風塘雞球。好快送到上來的椒鹽鮮魷炸得相當之好加上喼汁層次提升，食到停唔到口。豉油王鵝腸，鵝腸非常肥美而爽口加上豉油汁非常好味，避風塘雞球香辣野味但可能太多炸嘢所以比較滯，豉椒炒蜆比較鹹所以有少少扣分，整體來說唔錯的，而且內裏你可以大大聲的同朋友談天說地，因為店內大家都會很大聲的說話而且沒有奇怪的眼光望住你，很有舊式大排檔風味。…Read More

上星期食朋友生日飯，西餐食到悶，於是book左珠江酒家食下中餐~.辣子腰果雞軟骨 $98雞軟骨熱辣辣脆卜卜，係好易令人食上癮，但就有少少辣，配啤酒就一流.豉椒炒鵝腸 $108鵝腸無去肥膏有啲好漏同埋個調味係咁多碟入面最咸，但味道係幾好食既.菜干豬肺湯 $118例呢碗湯係甘多樣野入面調味最適中😂幾好飲.川辣蝴蝶腩魚麵 $118 例蝴蝶腩係豬肉黎第一次食，無乜特別係有啲韌但可接受，魚麵幾特別的，因為佢係魚片質地，幾好食，個湯唔會好辣，我平時唔食得太辣都食到.潮洲蠔爽 ＄138蠔爽姐係蠔仔，蠔無腥味，炸到幾好食不過調味有啲咸…Read More

ʀᴇsᴛᴀᴜʀᴀɴᴛ ʀᴇᴠɪᴇᴡ珠江酒家店舖位太子近大角咀附近地點其實有點隔涉餐廳由1964年開業至今已接近60年店舖的裝潢彷彿將你帶回70年代ᴘs:我就未出世未有幸念當年😅餐廳分了兩層兩層的位置都不多所以每次到訪前都會預約位置免得ᴡᴀʟᴋ ɪɴ摸門釘而店舖亦由於非常懷舊到訪前要有心理準備用膳環境要將就一下潮洲蠔爽🦪$138油炸一粒粒蠔仔，蠔並沒有腥味，每粒都平均包滿輕輕的炸粉，每次夾上少少蔥花入口，配啤酒🍻一流涼拌花蛤🐚$138青瓜墊底上面疊上高高的一座花蛤再由頂淋上帶有辣、酸及蒜香的涼拌汁花蛤夠凍，肉爽無沙推薦👍🏻美極鴨下巴🦆$108鴨舌食得多，整個鴨下巴走油並用美極再調味後非常香口但略嫌偏鹹油渣豉油王炒麵$108炒麵非常乾身及入味每條麵都上色平均但亦略嫌偏鹹羊腩煲🐑$378羊腩煲只選用羊的蝴蝶腩位置，肉質嫩滑完全唔嚡口每舊都有帶有濃濃的羶香味，配上腐乳醬，暫時是香港中最好食，非常推薦👍🏻珠江酒家(ᴘʀɪɴᴄᴇ ᴇᴅᴡᴀʀᴅ)📍 ɢ/ғ, ɴᴏ.138 ʟᴀɪ ᴄʜɪ ᴋᴏᴋ ʀᴏᴀᴅ, ᴘʀɪɴᴄᴇ ᴇᴅᴡᴀʀᴅ…Read More

多年來在我的心水搵食名單中，這間早已名列榜中，但十多年來始終一直未有到訪過的「珠江酒家」可算是數一數二其中一間讓自己充滿期待的老牌食肆。等待了十多年，這一次，相熟朋友竟然在這裡搞飯局，知道後，不用多想，立刻報名，三星期後，終於一試。這酒家的店門口，其實我已不知經過過多少遍，單看其充滿歷史感的門面，實在很像澳門又或是大陸的某些老店子，像這樣的老牌食店，在香港，早已買少見少，實在值得好好珍惜。酒家共有兩層，朋友預早數星期訂下的大檯是在樓上，看那環境，好像沒有我在之前一向聽說的那麼差，看來都算乾淨，地下既無油污，四處也沒蒙塵。聽朋友說，自從肺炎疫情爆發之後，這裡可能比以往來得注重衛生，所以往日欠佳的環境，今天已變得好多了。對從不曾來過這裡吃飯的我，雖然無從比較，也覺得這是一件好事。這裡最吸引我的，當然是那些多年來得到不少食客好評的菜式，看牆上密密麻麻地張貼著，用不同顏色色紙寫下的菜式，既有傳統的，又有創新的，而且價錢經濟而不昂貴，每道菜都份量十足，大大碟的，這夜我們一行九人，六男三女，一共吃了十多道水準奇高的菜式，當中大部分都是膽固醇之友，連同飲品，又啤酒、又汽水，埋單計數，每人竟然三百元也不用便可以吃到，確實是平、靚、正！說這晚我們所吃的絕大部分都是膽固醇之友是一點沒錯的，多得負責點菜的朋友，連一碟青菜也沒叫，這晚吃的大部分菜式的膽固醇含金量都非常高，幸好，我在參與這場難得的飯局前早已決定把健康暫時豁出去，打算在這晚放縱一番，才能在沒有罪惡感下捧腹而回，盡興而歸。餐牌中有多款主廚推薦菜式，當然不得不試。「潮州蠔爽」（$138）是沒說的好，炸漿薄得剛好，只是輕輕地蓋在蠔仔之上，蠔仔軟滑如脂，味道又恰到好處，我給它的分數是滿分。涼菜「涼拌花甲」（$138）酸得開胃，還帶一丁點的微辣，又是另一出色之作。配角青瓜，也清爽怡人。「金沙黃金墨魚咀」（$138）鹹香惹味，也許未算絕佳，已足以讓人不經意地愈吃愈多。「冰梅金沙骨」（$128）味道適中，不太酸或甜，都算不錯。這夜其中一道我最喜歡的菜式「豉油王鵝腸」（$108），鵝腸新鮮肥美，沒有遷就部分注重健康客人的要求而把鵝腸內的所有脂膏去掉，簡單的豉油王調味，已令它成為上佳的小食，即使配角的爽口芽菜，沾了豉油汁後，同樣好吃，不應錯過。鴨舌吃得多，鴨下巴可真是極少吃到，原隻「美極鴨下巴」（$108）肉雖不是太多，但美極醬油的味道，早已全面滲進整個鴨下巴中，仍是一道既少見，又好味的小吃。重頭戲之一的「豬雜蝴蝶腩煲」（$328）大大一煲，煲裡面的蝴蝶腩其實是包覆著豬肺的部位，是肉和筋膜，並不是內臟，本應不太 heavy，但加上了豬雜之後，可就是另一種講法了。這煲的蝴蝶腩夠多而大件，口感也不錯，蘸以醬油後吃，感覺都不錯，特別是連著筋膜的部分，更是特別好吃。至於豬雜，這晚化身為無畏勇士的我，也吃了一點呢！另一煲仔菜「花雕醉雞煲」（$238/一隻）原來雞和煲是分開上桌的，原隻雞項斤兩十足，煲內的材料也頗豐富，才二百元多些，實在十分抵食。邅雞煲的花雕酒味雖不如預期中那麼濃烈，但雞件十分嫩滑，即使雞胸部位也不覺粗嚡，雞翼和雞髀位就更不待言了。又是雞？是，是雞，不過是雞翼。一客足有八、九隻的「避風塘雞翼」（$98）用的應該是巴西或美國雞翼，厚身而多肉，以避風塘式製法處理，味道是有點偏鹹，可卻是這晚餐的另一送酒佳物。跟「避風塘雞翼」同樣惹味，但香辣可口，味道猶勝雞翼的，是「乾鍋肥腸」（$118）。這道菜鑊氣澎湃，香氣四溢，邪氣逼人，油淋淋的肥腸口感煙韌，極之肥美，魅力非凡，就連配角的辣椒也好吃。還有更邪惡的，是 Off Menu，友人預早訂下的「蒜芯炒豬雜」（價錢不詳）。這炒豬雜原來用了三副豬雜爆炒，豬膶、豬腰、豬粉腸，豬心......盡是邪惡之物，但味道既好，又夠鑊氣，配以嫩而無渣的蒜芯，實在吸引，邪惡便邪惡吧，我喜歡。好了好了，終於有真正的蔬菜了，竟是新穎特別，別處所無的「酸甜涼瓜」（$108），這集酸甜苦於一身的菜式，為味蕾帶來嶄新的感受，其他人喜不喜歡我不知道，但我就是接受了。還點了湯，是「潮州胡椒肚湯」（$138/中）和「福建蜆湯」（$138/中）。兩盅湯雖然都可以，不過跟其他菜式相比，水準就沒有那麼突出，被比了下去。在主廚推薦中唯一佔有一席位的甜品「潮陽來不及」（$78）名字特別、吸引，原來是炸香蕉，外層炸得脆口，裡面的香蕉卻又軟糯香甜，兩種截然不同，反差度極大的口感，讓愈來愈少吃甜食的我相當喜歡。這間堪稱為麻甩天堂，座上客十居其九都是豪邁壯漢，每張桌上幾乎必有啤酒或其他烈酒，不時可以聽到「三字經」連珠砲發的舊式酒家，也許不是日本大阪飛田新地那種男人勝（性）地，卻絕對是麻甩佬另類尋歡的超正地方。我雖不算麻甩，既不貪杯，亦不愛講「三字經」，這次尋歡過後，可也不禁喜歡上這個麻甩天堂了。…Read More

諗住老店，諗住同屋企人去試下，叫左7樣野，4罐氣水，D野食分量合理，但係總結又貴又難食，唔洗再幫嚫：個碟蠔爽叫正常碟涼拌花甲太酸豉油皇炒麵叫正常，不過有好多一舊舊既原舊肥豬膏係上面，唔明點解！根本唔會食！其實你用放落去抄係冇問題！！但係唔應該放埋俾客人食個碟上面。是淑鵝腸又肥又多油，好似油浸咁，D油係米唔洗錢，D油多到可以用黎抄多幾碟菜😮‍💨個椒鹽鮮魷咸到苦，D鮮魷一食就知唔新鮮同碟小炒王又係咸到，食完要洗腎都搞唔掂！京都骨算係正常味冇下次！！！…Read More

舊式大排檔、味道一流。呢次我同同事們食team dinner, 太子嘅珠江酒家令我地驚喜連連！🎉 我哋揀咗幾道菜，芥末炒蜆就係其中一個。我以為會好辣，但出奇地唔係，夾得好！👍 再嚟就係青瓜炒牛肉、豆角炒牛肉，同埋炸大腸同炸九肚魚，全晚嘅味道都好豐富。裡面最特別就係一道叫「潮陽來不及」嘅甜品，實質係炸香蕉。我覺得試一次就夠，其他同事就覺得好好食。🍌整體嚟講，食物味道豐富，口感好，而且好有「鑊氣」。咁香咁好食，真係好過癮！食物份量足夠，價格都好公道，值得一試。👌餐廳裡面係舊式風格，但都算整潔，員工態度都好好。如果你鍾意食舊式大排檔，珠江酒家一定係你嘅首選，特別適合同朋友聚餐。最後，我想話俾大家聽，如果你喺太子一帶，又想試下咩好食，唔妨試吓珠江酒家。可能唔係最豪華嘅餐廳，但係食物質素一流，值得一試。😊總評分：5/5 🌟🌟🌟🌟🌟最適合：同朋友聚餐，尋找傳統大排檔風味嘅食客。🍽️…Read More

🍽 餐廳：珠江酒家（太子）👨‍👩‍👧朋友三年沒回來香港，今趟從台灣回港，我們一班人相約食香港粵菜，貪其圓桌可以方便傾計💬。🍴筆者一行7人晚上7:00準時到達，店員示意行上閣樓雅座，從外觀到內部裝潢都帶有懷舊的味道，手寫的菜式貼滿牆上，店舖由1964年開業至今，大概是時代留下了名氣吧，晚膳記得先預約並準時到達。🥣菜乾豬肺湯，味道偏鹹，勝在豬肺難處理，功夫多，所以叫黎飲。🐙黃金墨魚咀，鹹鹹香香，送啤酒一流！🦪潮州蠔爽，招牌菜，即是炸蠔仔，筆者覺得偏鹹。🐷冰梅金沙骨，也是招牌菜，啖啖肉，但不夠熱。🦑避風塘鮮魷，味道偏重，但鮮魷炸得香脆。🦪蠔仔粥，每枱必點，好多蠔仔，不過有時食到沙，未吐曬沙。🥬時令蔬菜🕰️此店吃的是懷舊味，而且價錢不貴，份量又大，人均$200，不過好嘈吵，閣樓座滿食客，每次說話都要好大聲，食物味道偏濃，但款式非常多，適合大夥兒聚餐。📍 太子荔枝角道138號地下（港鐵太子站C2出口，步行5分鐘）…Read More

掛住潮州豪爽, 於是同一班朋友嚟食飯夠鑊氣好好味！大排檔格局坐得特別舒服!特別係豪爽和墨魚咀！夠鑊氣夠新鮮好好味！金銀蛋勝瓜, 簡單嘅菜整得好好味！不過個椒鹽九肚魚就感覺炸粉太厚身,有點失色。6人 連酒水$1258…Read More

擇左日同咗兩個同事嚟依度食飯。唔知點解心血來潮叫佢哋book定啲名菜驚到時有錢冇埞洗冇得食。其實誇張咗少少，但係就真係好食👍同埋真材實料👍。大部份菜都好食，同埋，最緊要，其他地方未聽過或者未食過。咁我逐一數下佢。1）羊腩煲 - 唔敢話特別好食，不過就真係足曬料👍，差唔多半隻羊放晒入去。2）金沙黃金鮮魷 - 鹹蛋味滿分👍，同埋依道菜幾得意，將鮮魷打成一舊磚👍。3）潮州蠔爽 - 普普通通幾爽口喎4）涼伴花甲 - 呢度菜好驚喜，凍嘅花甲都幾好食👍。5）朝陽來不及 - 其實係炸香蕉，不過就好新鮮炸👍。仲有一樣嘢未講，就係人情味。啲Service係local街坊生意feel超正超屋企👍。Overall，其實主要係咸咗啲，但有機會我都會想再嚟，因為估佢唔到👍。…Read More

今日同同事過咗嚟食，一行三人叫咗五味餸分別係：涼拌花甲($138)：味道同涼拌青瓜差唔多，但係非常大堆頭亦好惹味，值得試下。金莎黃金鮮魷$138)：真係估你唔到，以為係魷魚鬚或者係墨魚餅，點知原來係勁厚切嘅魷魚，真係未食過呢種口感，一生人應該試一次，非常香口送酒一流，但係鹹咗少少，加上好大碟，我哋得三個人真係食唔曬。潮州豪爽($138): 呢個真係好好味，我張相已經係食咗一輪㗎啦，我又好遲先記得影相。呢個係必食菜之一。唐芹豬肺：超好味，重胡椒味重啲豬肺又唔會太淋有咬口，亦係我必食之選。豉油王炒粗麵：有鑊氣，味道不妨一試。佢雖然要夾都百幾蚊唔平，不過真係好味又大碟，想食小炒就過嚟試下啦。…Read More

大大個訂位招牌吊高行人路迎面當眼處，不是虛張聲勢，試過隨便walk in，下場是不得其門入。於是幫襯前哪管是平日還是假日，志在必得還是要訂位就記在腦海。這回順利入舖，舖內就得十張以下4至8人不等的枱，而且一入舖只招呼上樓上埋位，下層基本不坐客，一切已明瞭，是類近私房菜格局。扶着有幾分似電梯扶手的樓梯扶手，及至舊樓閣樓，本就預定隔音差，食客高談闊論聲浪都困於低樓底之下，在場沒人猜拳、髒罵聲，已屬萬幸。古色古香、七八十年代的地磚裝潢等算是保持得狀態不錯，枱與枱之間擺放是極盡可攝盡攝之能事，有機會椅背貼椅背。據知此處「炸物」出色，冒住喉痛流鼻血等風險一口氣點「潮州蠔爽」$138、「避風塘竹仔魚」$108。「蠔爽」菜名改的一絕，也不知是易叫還是潮州代表作，見八成枱都「蠔爽」一番。每粒粉漿分明不互相藕斷絲連糾纏一起，磨砂面的脆皮做到「爽」，每顆蠔仔豐滿鮮味，入口帶些蠔汁滋潤又不覺熱氣。竹仔魚於潮汕的另一種意義等同香港的「藤條炆豬肉」。此味今回凶不到同桌的縮水阿伯，反化身補鈣恩物，脆漿薄，由頭至尾、骨肉炸得全脆酥化，避風塘式是含蓄辣度，相對蠔爽乾身。如不強求綠色蔬菜，「豉油皇鵝腸」$108底部墊的大豆芽那種擔草入城門之勢也足夠一餐纖維需要。只是下面纖瘦，亦需接受上層肥腬，鵝腸全是楊貴妃之同好，無一條是袪肥膏的，雖則腸肥，但調味沒重口味。幾款魚麵，即是將長方體未切片的魚片切成粗麵條狀，味道質感與魚片無異，篤定「鮑角牛仔粒炆魚麵」$128，每條粗幼勻稱沒中斷，初時以為鮑角是罐頭鮑，吃起來隱約有鮑汁味，但咬感似海綿，明顯比平常的鮑魚腍身，估計是素鮑魚。牛仔粒是一口牛的大小，但沒一口牛時有的脂肪。菜式價位盡是中式意頭8字尾，無加一，埋單收銀姐姐將計算機篤了又篤，計了二回，很均真。八時半，人潮緩緩散去，補張吉枱照，順便拍個牆上餐牌照補漏。…Read More

和同事約了半年終於成功食到珠江洒家，6點先開鋪，嚴重建議先訂枱，當日見到幾次walk-in客都冇位。菜式特別，很多未試過的菜，豉油王鵝腸爽口好味，𧐢爽好大碟，味道偏重。樓面姐姐很客氣，我們早到了半小時，她也願意讓我們坐到夠鐘。所有菜式都很大碟，還有偏重口。價錢貴十幾蚊比起附近其他同類餐廳，所以如其去對面大排檔倒不如去這裡吃。這次可惜吃不到紅炆豬肉煲，聽說是這裡的招牌菜。希望下次能順利約到朋友再來。…Read More

珠江酒家，真係大大話話都十多年沒有過來，有時候真係會遺忘了一些食店。他的門口，往往令人想起澳門一些小店，從地下，長長樓梯上二樓，真的很有懷舊氣色。金沙墨魚咀~脹卜卜的墨魚咀，朋友立即點了啤酒。芹菜豬肺~中芹嘅香氣，配豬肺，陣陣胡椒味，筆者當晚至愛。沙嗲鵝腸~椒鹽墨魚~每次到來都會點的，就是喜歡它夠晒厚身。涼拌花甲青瓜~點點辣，很惹味，青瓜墊底陣陣青草味。酥炸爽蠔~又一下洒小吃，配啤酒🍻爽呀！這個朋友點的，忘了是什麼腩肉。美極鴨下巴~下酒美食絕配，當晚配威士忌🥃很夾檔。蒜芯炒手肉~牛肉充滿梳打魅力，蒜芯頗老身。咕嚕肉~足份量，啖啖肉。黃金涼瓜~很油膩，失去了黃金的感覺。整體來說:味道扁濃，但仍保留麻甩氣氛，周圍的食客飲啤酒飲到面紅耳熱，唯獨是男女共用厠所，水箱又壞了，只得一條水喉及水桶🪣冲厠，當晚很多啤酒食客，所以整個地面濕滑，真的小心小心地滑。…Read More

忽然想食小菜🤔 諗起屋企附近就有間老字號🙂就即刻行過嚟 因為冇訂枱所以要先到先有得食😅😅晚飯食小菜例牌叫支冰凍啤酒先🍻🍻🤤🤤🤤🤤🤤餐前餸酒小食叫咗隻燒乳鴿🐦食住諗😅剛剛炸起皮脆熱辣辣少少汁略嫌乾咗啲 味道都有啲重手 食細細啖就可以飲杯啤酒😅😅😅😅😋😋😋上次打冷冇食蠔粥🥲 見到有即刻叫喇😍😍 足料對味 蠔肉粒粒飽滿 肉碎炸菜芫茜薑絲魷魚絲燒肉皮魚乾加埋飯粒混埋胡椒粉正😋😋😋😋食完粥口淡淡 想刺激返下味蕾 叫咗個水煮牛 料入面嘅款式就冇真正京川菜館咁多 好多牛肉 牛肉醃過食落去滑唔會醃太過龍 仲有好多芽菜 食得嘅就係厘兩樣😅😅😅食咗半個鐘時已經開始滿座 好彩嚟得早😆😆冇訂枱坐喺樓上到走果陣時 見好多枱都叫生炒骨下次嚟都要試下先😊😊😊😊…Read More

因為朋友介紹所以來呢到一試佢話有時候一星期前來book 都已經full 曬好彩提早左小小book 先有位來到試左幾碟菜扇貝拍青瓜最值得推介個汁真係好好食仲有個墨魚咀都好正…Read More