Big JJ Seafood Hotpot restaurant

個午餐豬扒醃到勁重味，香茅又甜又鹹咁。再配啲蔥油個感覺超級奇怪。 出面就算同價嘅豬扒飯都有誠意多過佢好多。仲要坐得又逼夾又吹住你走，真係買錢貼難受。無謂嘥時間排隊。…Read More

珍姐海鮮火鍋飯店📍 中環和安里9號地舖┄┅┄┅┄┅┄┅┄┅┄┅┄┅┄┅┄Lunch諗唔到食乜就會去食🙂‍↔️食過好多間茶記嘅蔥油豬扒飯都超越唔到以前諗住等一排佢就唔使排隊 點知紅咗幾年lunch都仲係排長龍🥲🥲▫️ 頭抽蔥油豬扒煎雙蛋飯($65)作為一個唔食蔥嘅人都完全接受到佢個蔥油個汁甜甜地又勁濃味 超好送飯🍚豬扒煎得好脆 食落勁香口燶邊太陽蛋完全係無得輸 完美嘅碟頭飯💯┄┅┄┅┄┅┄┅┄┅┄┅┄┅┄┅┄…Read More

此店對中環友並不會陌生，位置座落於和安里（好似與2010年豚王舖位一樣）。牛肉就是珍姐招牌，每天都有不同部位騙牯牛肉供應，如吊龍、匙柄、腩包等等，第一次到店的話，可以考慮選擇騸牯牛皇。豬骨蜆煲，也是珍姐招牌，必先喝一滿碗，才放入火鍋配料。香酥腐竹必試，香脆可口。時間將近結束時，珍姐必放歌曲，女團Cookies出道歌《心急人上》、謝霆鋒《活著viva》等Y2K年代快歌。可惜，黑柏葉比以前差了，不新鮮且韌，應該換了供貨商。2人光顧，點餐如下：活墨魚醬料（每位） x2香酥腐竹手工魚皮餃手切羊黑柏葉牛匙柄（中）招牌豬骨蜆煲清酒（杯）伯爵檸（揸）白菜加一後，合共HK$1,661。…Read More

一直心心念念要食到呢間好出名嘅珍姐火鍋，好lucky地係一個凌晨嘅晚上，捕住佢開放時間，終於book到6點嗰段時間，四個人gathering🎉.喺訂位嘅期間有幾樣item係需要預先訂嘅，包括咗扇牯牛，據我所知，珍姐啲牛好出色，即日凌晨香港屠宰劏，所以訂咗碟老蘭嫩牛四併，試試佢🤓. 海鮮拼盤呢個item都需要預訂，有四款唔同嘅海鮮包括咗有蟶子、帶子、同埋兩款海蝦，真係好鮮甜🫶🏻.除咗食材，仲要湯底都好重要，見天氣凍就order咗個清潤嘅椰子竹絲雞湯，呢個item都需要預訂🈯️湯滾咗之後即刻嚟返一碗先～果然超級潤心潤肺.是日精選海魚，師傅會幫你起骨切片，魚肉鮮甜嫩滑🤓無後悔加.鮮製三寶手打肉滑有三款唔同嘅手打肉滑，其中一款係羊肉，好重孜然味，另外兩款係牛肉滑，一樣都yummy.小食仲order咗酥炸韭菜餃、即炸魚皮、九肚魚，全部上枱都熱辣辣，goodgood.溫馨提示，呢間係淨係收cash嘅，所以記得準備足夠喇💰.最後成間舖嘅環境氛圍服務，都令我哋體驗好好，除咗員工會為大家介紹菜式之外，會搭下嗲，吹下水。同場有其他食客都係慶祝生日，全間舖播哂生日歌熄哂燈好有氣氛，仲送咗杯自家製啤酒俾我哋飲，好enjoy佢哋呢一種返工於娛樂既氣氛🥳…Read More

睇咗Mill Milk嘅介紹，我一直心心念念生日要食到，所以喺生日前個幾月已經叫朋友mark實，捕住佢開放時間，終於book到6點嗰段時間。話哂第一次試，我哋就揀咗佢嘅招牌豬骨蜆煲。豬骨味濃郁，再加少少蜆嘅鮮甜，趁未淥嘢食，自己已經𢳂咗兩碗飲🤪據我所知，珍姐啲牛好出色，仲有款即日劏，所以除咗叫碟老蘭嫩牛四併之外，我哋仲叫咗扇牯牛皇。先講老蘭嫩牛四併，有四款牛嘅部位，分別係封門柳、牛頸脊、牛匙柄、牛胸簽，未上菜之前就已經有員工拎住哩四款牛肉嚟向我哋一一介紹，同我哋解釋邊款肉味比較出，邊款油脂感比較重，我自己食牛就最睇重肉味，其中封門柳最為突出，口感紮實。其後扇牯牛皇，食唔食得出即日劏，我就真係冇本事，但就食得出睇得出啲嘢真係新鮮架，望落啲牛嘅色水都好靚，一樣又係有幾個部位(sorry 唔係好記得🤡)不過相對老蘭嫩牛略嫌肉味唔夠出，次序應該調一調轉食。隨此之外，其他配菜都大件新鮮。最後成間舖嘅環境氛圍服務，都令我哋體驗好好，除咗員工會為大家介紹菜式之外，仲不斷會YO食客，搭下嗲，吹下水。同場有其他食客都係慶祝生日，全間舖播哂生日歌熄哂燈好有氣氛，仲送咗杯酒俾我哋飲，哩餐生日飯食得相當輕鬆愉快，係絕對會想同朋友再嚟多次！…Read More

😛回頭度：8.8/10😛💰是次人均消費：≈ $550┈┈┈┈┈┈┈┈┈┈┈┈┈┈┈┈┈┈┈🌟必食推介：「扇牯牛皇」、「老蘭嫩牛四併」、「招牌豬骨蜆煲」、「花雕醉雞翼」、「菜脯蝦醬豬肉滑」、「生面（配葱油及豉油）」┈┈┈┈┈┈┈┈┈┈┈┈┈┈┈┈┈┈┈珍姐啲牛肉正就唔洗多講啦，「招牌豬骨蜆煲」更係非常足料兼膠質滿滿👍🏻👍🏻 現場環境非常有氣氛，播住大家熟悉嘅廣東歌，侍應會同大家打成一片，幾正！🕺🏻💃🏻┈┈┈┈┈┈┈┈┈┈┈┈┈┈┈┈┈┈┈而缺點就係好難book位同埋有限時(每晚做2輪)..想慢慢吹下水歎下酒慢慢食就難啲了... 想食嘅記得較定鬧鐘上網book位啦~┈┈┈┈┈┈┈┈┈┈┈┈┈┈┈┈┈┈…Read More

—去完旅行返嚟都係咁熱 臨走前聚一聚打邊爐00:00搭正開放預約2個星期打後嘅日子晚市兩輪時段為18:00 | 20:40而有d菜式要喺book位時預訂埋招牌豬骨蜆煲($298) |🌶️醬料($30/位)當日屠宰扇牯牛肉($420)是日精選海魚|芝麻斑($278)菜脯蝦醬豬肉滑($98)鵝粉腸($88)陳皮魚蛋($58)/潮州黃牛丸($88)酥炸韮菜餃($88)即炸魚皮($78)周生啤($58)伯爵檸($48)————————————————————珍姐海鮮火鍋飯店中環和安里9號地舖…Read More

嚟到中環食飯 冇理由未聽過珍姐 晏晝嘅珍姐由12.3開始要排隊等位 食完就要即刻走 長期有人喺門口排緊隊 必叫食品 拔腿雞飯 雞本身非常之滑 再配埋蔥油非常惹味 仲有另外一個係香港人頹飯 特口午餐肉餐蛋飯 配埋特製豉油汁 別有香港風味 搖身一變 夜晚梗係非常出色嘅手打牛肉火鍋店 長期排隊 要入waiting list 現場氣氛非常好 壽司牛肉非常出色 非常新鮮 每日都有唔同當造嘅牛肉部位 員工更會同你一齊飲酒聊天 氣氛非常之澎湃 完全感受到70 80年代嗰種風味…Read More

珍姐 - 樂哥蕃茄咖喱牛脷飯餐 - $85呢個餐會更配指定飲品(伯爵薄荷凍檸檬茶)，第一次飲這種配搭，十分清新、唔會太甜👍🏻至於個飯的咖喱汁是港式咖喱味道，很惹味而且牛脷煮到非常軟淋，好食到食完想即刻再食😂價錢喺中環嚟講算公道～…Read More

📖 “珍姐” 嘅老闆應該係叫 “珍姐”. 食咗半碟牛, 有位白衫夥計 走埋嚟吹水, 我八卦問邊位係老闆, 呢位阿叔指住自己, 話佢就係老闆. 天啊! “珍姐” 原來係男人?!🥰 中環 “珍姐” 屬 “預約困難店”, 曾經要提前三個月訂位, 晚市玩兩轉, 分別係六點, 八點四十分.😱 老友 “陳登” 年初惡攪江湖飯局, 初訪 “珍姐”, 食咗一啖牛肉, 結果又被臨時召喚 “秘密任務”, 人在江湖, 身不由己. 🤗 神推鬼㧬, 今日再戰 “珍姐”. 講講玩法, 網上提前兩星期搶位, 按人頭 $500 綁定信用卡, 同時預訂鎮店菜式, 包括 騸牯牛肉, 手切灘羊肉, 海鮮拼盤, 招牌豬骨蜆煲, 等等.🏘️ “珍姐” 位於蘭桂坊橫街地舖, 鐵皮屋大排檔格局, 玩懷舊, 設十張八張枱, 包括卡位, 方枱, 圓枱. 夥計 穿上香港經典 茶餐廳 白色制服. 播著八九十年代金曲.🥢 六點準時開閘, 起動節奏急速, 夥計忙住介紹牛肉俾各枱顧客, 調味格, 湯底, 食材 蜂擁而上!🐚 招牌豬骨蜆煲, $298. 豬骨湯味道一般, 蜆量既多又鮮嫩, 但俾唔到味道落湯底, 反而讚下兩隻豬腳仔, 非常腍滑.🐂 騸牯牛肉, $420. 夥計用心介紹, 由左至右, 牛背, 封柳, 腩包, 正脊, 脊邊. 牛肉高質, 味道較濃, 建議預留.📖 翻查資料: “騸牯牛” 即係 一歲前被 閹割 嘅公黃牛, 閹割後激素減少而變得溫馴, 精力保存, 脂肪比肉長得多, 牛身肥美, 脂肪均勻地分佈喺身體不同部位, 呈雪花般細緻紋理, 大約三至四歲屠宰.🐐 手切灘羊肉, $258. 用筷子夾就碎濕濕, 羊肉帶羶味, 不俗!🦐 海鮮拼盤, 每位 $208. 象拔蚌仔, 帶子, 北寄貝, 琵琶蝦, 花竹蝦. 訂位時預留, 自動按訂位人數安排, 每位 $150-250, 當日有乜俾乜. 象拔蚌仔, 北寄貝 非常新鮮, 充滿海水味. 帶子六七成熟, 溏心喎, 琵琶𧎚 滑捋捋, 一流, 花竹蝦 大大隻, 鮮甜彈牙. 另外送一份炸魚, 老老實實, 唔夠乾脆.🐂 老蘭嫩牛四併, $358. 封門柳, 頸脊, 匙柄, 胸簽. 由瘦到肥, 封門柳最重牛味, 有嚼口, 胸簽相對多油脂, 入口滑溜.🍺 周生啤, Ciao Beer, $58. 據悉係自己品牌啤酒, 我心諗: 啤酒老闆係咪姓周? 原來 “周生啤” 意思係每週生產, 由 Heroes 代工.🤗 總結: 人手十分充足, 上菜收碟有效率, 不停加湯, 服務態度具本土特色, 哈哈. 論食物, 牛肉高質, 但未算震撼, 湯底實屬普通, 埋單唔平喎, 氣氛係賣點, 期待再訪.📖 後記: 今日有緣見到老闆, 就係走埋嚟吹水嘅 白衫夥計, 佢話 “珍姐” 呢個名係隨意改嘅, 睇返英文名 Big JJ 就覺得攪笑.…Read More

上嚟好耐㗎啦，知道佢要預早喺System上面預約，真係好在有朋友幫手，先有機會過嚟食唯一覺得要改善嘅地方係年輕嘅員工都比較多，所以好多時問一啲食物嘅問題（因為我係第一次嚟）佢哋都唔係好答到我，都係要問返Senior嘅同事我覺得如果有四人聚會，可以叫一個套餐食物種類，基本上你講得出都有牛就真係冇得頂啦，我已經完全唔記得佢哋係咩位只係記得佢好嫩、有啲有咬口滑雞都非常之滑！同埋就係朋友生日，可以同埋成間餐廳嘅人一次過慶祝個感覺真係超級正溝酒飲，我都飲咗四杯員工都十分之落力，辛苦晒佢哋啦…Read More

珍姐海鮮火鍋飯店喺中環，係附近番工，嚟試下佢哋嘅午餐，揀咗頭抽蔥油豬扒煎雙蛋飯。餐廳嘅環境雖小但好舒適，氣氛放鬆，令人感到輕鬆愉快。而且服務好親切友善，真係讓人覺得受到照顧。頭抽蔥油豬扒煎雙蛋飯真係好好味！豬扒煎得香脆多汁，蔥油香氣好濃郁，兩隻煎蛋煮得剛剛好，蛋黃流心，同埋配上鬆軟嘅飯，每一口都令人回味無窮。總括而言，佢嘅午餐真係好出色，份量又多。如果你喺中環，而且鍾意豬扒同煎蛋嘅組合，真係值得嚟試下呢間餐廳！佢嘅其他午餐我睇過款都好似好好食，下次會再嚟試埋其他午餐…Read More

喺中環蘭桂坊附近，有一間好出名嘅老港式人氣火鍋店，想要去食嘅要睇先上網預約， Walk in係唔使旨意有位。餐廳嘅氣氛好正，服務員會好似朋友一樣同你打成一片。食物質素都好唔錯，果然抵佢哋咁多人幫襯。😌** 招牌豬骨蜆煲**首先是他們的招牌菜式 ，這道菜採用了新鮮肥美的蜆肉及厚實的豬骨頭熬煮而成，湯頭濃郁醇厚，帶有一絲海鮮的鮮甜。蜆肉飽滿彈牙，入口即化，完全沒有絲毫腥味。而那份飽滿的豬骨湯頭，更是集天然的甜味與肉香於一身，淨係飲這碗湯，已經讓我感到既飽足又滿足。🥰** 老蘭嫩牛四拼****鮮製三寶手打肉滑****黑柏葉**跟住試嘅牛四拼都好正，佢哋全部採用本地牛肉，鮮嫩嘅肉質同埋濃郁嘅牛味，令我一試難忘。三寶肉滑亦都好新鮮，食落好彈牙。黑柏葉就非常之爽脆，值得一試。😋珍姐海鮮火鍋飯店 (中環)中環和安里9號地舖…Read More

呢間咁出名嘅餐廳，估唔到喺午市嘅時候都係咁多人，今日終於有機會同朋友去食，餐廳佢午餐嘅時候會比較多人，而且都有少少迫，不過冇阻我哋想去試嘅心態，味道嚟講，我哋都覺得幾好食！✔️雞飯，餐廳係用有返再加埋冇骨嘅雞，食落去嘅時候非常方便啖啖肉，再加埋餐廳特別配製嘅醬汁，成件事更加昇華，份量嚟講唔算太多，佢既油飯真係整得幾好食，難怪平日都真係大排長龍，雞肉嘅味道都幾嫩，而且咬落去再加埋醬汁，簡直冇得輸，鍾意食雞飯嘅朋友都可以過嚟試一次，價錢正正常常！…Read More

中環人冇可能唔識嘅珍姐🤣食得最多就係佢哋雞飯午市只係出兩轉，所以最好早啲去排隊🍽️ $55 拔道腩雞飯油飯加上無骨雞真係難以抗拒加上佢個靈魂醬汁真係食多兩碗飯都OK♨️ 環境/服務午市好多人，可能要搭枱服務係好快手座位有啲逼但可以接受～…Read More