王子飯店京川滬廚房 (Closed)

王子飯店這個名字，聽起來有一種回憶的感覺，今天在大年初四晚上，來到這一間有回憶感覺的地方吃一頓晚飯，當中我選了傳統的北京填鴨，味道可口亦不會太肥膩。另外我比較欣賞的是特色頭盤之餐前小食，京式煙燻素鵝、小黃瓜拌舟山诲哲頭😋👍，環境亦很舒服值得一去。…Read More

今日老闆請食lunch, 老闆經店員通知如多人食的話，會有團購可買，我老闆睇完menu 後都覺得ok,所以買了。其實整個午餐，無乜驚喜， 可能只是地方問題，環境比較優雅。 雖然睇相，一人午餐的分量比較小，但食落都飽肚。不過只限吃不多的人。如果整個午餐，要選一樣比較出色的，可能是蛋白花鵰蒸帶子。如果要我評分，我只會比一般，食物無乜特別好食和特別出色，只是環境比較安靜，方便我哋食飯時傾計無咁嘈，如果未試過既朋友，可以一試。不過不要抱太大期望。…Read More

同朋友買左大閘蟹套餐，店內裝修有些許舊，服務亦唔算太殷勤，套餐仲有兩個餸未到就已經上甜品，經詢問後才重新發菜，生磨杏汁銀肺燉花膠湯，非常清潤，亦唔少花膠，唔錯，生拆蟹粉小籠包，蟹粉湯汁都足，但些許偏油，算唔得上話好好食，味道一般，大閘蟹（公）（五兩）膏還可，未至於話好肥，但都甘香，太雕醉鴿，反而呢個唔錯，鴿肉無過老，過鹹，亦食得出酒香，金牌焗蟹蓋，呢個亦好好食，滿滿蟹肉，做得香口，材料又足，上湯蟹粉時蔬，蟹粉唔少，不過不失，黃金蟹粉薑米炒飯，好油，有油溢味，紅棗圓肉燉薑茶，薑味好夠，對我呢講太辣，飲左一半放棄，總括而言，其實套餐係算抵食，但又未至於要encore,一試無妨。…Read More

馬拉松晚飯第一局尖沙咀，接住屯門、尖沙咀、元朗、將軍澳、上水、尖沙咀、大埔、等等，生日週暴飲暴食殺連環，過後有排還喇﹗由灣仔會展走到碼頭人山人海，因為封路封地鐵原因，絕大部份市民都選擇最快捷方便的渡輪。迫爆碼頭，搞到要人潮管制，第三班船先上到呢﹗珠寶展放工各自用自己方法到場，撞正遊行活動加港鐵罷工，大家都迫晒去灣仔碼頭過海，等到發呆終於上到船咯。人生路不熟，無幾可出城晚宴，直入 1881 左顧右盼視察一下周圍環境，發現王子飯店專用升降機當然要試用啦。回望中庭，商場裝潢甚有歐陸情懷，比屯門黃金海岸更精緻。此華麗地標都由過百年的水警基地改建為洒店、商場、食肆都十幾年，草根的我從來未踏足這範圍。估不到近幾個月有緣第二次到訪，再嚐珍饈百味。靜靜的環境，大家都優雅地進餐談笑，不會騷擾到其他食客。接待員帶到座位處，好奇的我去參觀一下。圓圈形飯廳怪怪的，而且幼幼長長窄窄，通道不算闊落，空間有厭迫感，坐得麻麻地舒服。沒什麼景觀可言，大部份時間窗簾都係關閉著，就算打開都只係見到走廊。詳閱餐牌左翻右翻四五次，極多珍饌百味 ﹗鮑參翅肚、巧手小菜、生猛海鮮、炒粉麵飯、等等等等 ﹗應有盡有，各具特色，價錢值回票價。在座各同事都很怕點菜，話知您照點可也，等我發版 ﹗再次翻弄餐牌四五遍，決定滬江小籠包、八寶醬鴨舌、椒鹽九肚魚、一品花雕雞、西班牙黑毛豬叉燒、芝士百花釀鳳翼、杏汁白肺花膠湯、吉品鮑魚撈麵、海鮮伴脆麵、竹笙穿釀鮮蘆筍、王子特式三件及生拆蟹粉小籠包，吃不飽才再添食吧。下半場留返比老闆選擇，蒜片和牛粒、蔥爆東星斑煲、鮮人參螺頭燉雞湯、豉油皇煎大虎蝦、王子炒飯、蜜豆雲耳百合炒核桃、明爐燒鵝、椒絲腐乳炒通菜、香芒布甸、香芒西米露﹗酒微菜薄，大家千奇唔好客氣，飲多杯招呼唔到﹗我就一定唔會客氣，食左先講﹗紅酒要每支 $200 蚊開瓶費，我地有 6 支總共 $1200 蚊。老闆覺得唔抵飲立即出馬講數，最後女經理給個大優惠，只收 1 支 $200 蚊向公司作個交待，其餘都免收開瓶費﹗皆大歡喜，多謝多謝。Chateau Clerc Milor 紅酒，自帶品嚐，厚身掛杯，陣陣果香不甜，蠻喜歡飲到等不下來。薄脆，咸咸地但不知道是什麼，過過口癮吧，跟紅酒完全唔夾。番石榴，出奇地灑上肉桂粉是那個地方的食法？香香爽爽的，少少汁夠清潤。八寶醬鴨舌，任何酒樓都無得比，那種鮮甜度從來未試過，活生生打茄倫一樣 ﹗滑嘟嘟肥美甘甜，每啖都爆出醇美肉汁。八寶醬清香清甜，不膩不會蓋過鴨舌的鮮味，達至亙相輝映的效果。一品花雕雞，室溫不是冰凍類，花雕浸得透徹香醇不苦澀，索一索芬芳的氣味引人入勝。掉件雞肉到舌尖上，打個轉再翻騰一下，幼嫩的肌膚泛著雞甜味道，不乾不鞋也不硬，受過優質的處理。椒鹽九肚魚，嬸嬸拿著鮮魚走到面前即時獻技，堂煮椒鹽九肚魚 ﹗滾好脆漿熱好油爐，全部一鑊熟，炸起兜兜蒜酥灑點椒鹽禮成出貨。極鬆化的外層，用筷子大力少少都粉碎，溫柔地盛著魚肉入口，如雲霧般薄薄脆漿，乾爽不油膩，牢牢保護著鮮甜如甘露的魚汁，滑溜的魚肉一啜全收肚仔裡去，暢快舒服。滬江小籠包，暖暖的送到，沾上黑醋直接掉入口完全無難度。包皮薄薄嚥韌富彈性，豬肉甜美盡是湯汁，不錯不錯，唔夠喉想再食多粒呢﹗豉油皇煎大虎蝦，可能期望過高，所以有點強差人意之感，亦可能我孤陋寡聞不懂欣賞，只覺得略為普通平平無奇的豉油皇蝦囉。蝦肉結實，豉油味重，完。蒜片和牛粒，我一向對和牛沒怎樣的好感，牛味實在太淡咯。和牛粒 5 成熟嫩嫩的，微溫程現粉紅色嫩嫩的肉，滲著微微血水，淡淡然的牛味泛著濃厚的油脂乳香，夾著蒜味或夾著洋蔥絲同樣風味十足。鮮人參螺頭燉雞湯，參味完全感受不到，燉湯清徹見底，晶瑩亮麗，香氣撲鼻，純雞味沉實穩重，陣陣螺頭味道，回甘良久。西班牙黑毛豬叉燒，賣相十分靚仔，健磒的厚切體形，望得食指大動 ﹗物以罕為貴，每位只能分到一小片，要好好珍惜，要好好品嚐。黑毛豬的甜味特別出眾，醇香不膩，搭著焦香及蜜餞慢慢細味。鬆軟的肉質，豐富的肉汁，難以抵抗的魅力。明爐燒鵝，平庸合格的一般燒鵝，輕輕的脆皮，微微的嫩肉，鵝油滴滴，不過咸不過嗆，醃味清爽，可以食多兩舊。砂窩乾迫海斑，正字應該係砂鍋啊 ﹗蔥爆東星斑煲，大家都十分愕然，何解不是清蒸的？老闆都極度疑惑不是落清蒸東星斑嗎？臉有難色，失望透極，心情亦有不悅了。依道菜似乎不受大眾歡迎，只係馬虎應酬一兩下啖試試味。聞落就夠香，食落沒什麼味道，魚肉散碎乾乾的，大家都沒精打采地放棄她，浪費條靚靚東星斑咯。蜜豆雲耳百合炒核桃，經過連翻激戰即刻來個齋菜清清喉嚨定定神。何解核桃坐埋一邊隔岸觀火呢，不是炒核桃的嗎？那我淨食齋吧。蜜糖豆無敵爽甜脆脆，雲耳及百合都天生味淡，夾著蜜糖豆或雜菇同吃比較好。椒絲腐乳炒通菜，翠綠如寶石，炒功了得，爽甜爆汁，乳香非凡恰到好處，大注大注塞入口，舒暢療癒。王子炒飯，頂上招牌菜非食不可 ﹗鑊氣迫人飯香飄飄，飯粒飽滿嚥韌被蛋包著，蔥花大蝦金華火腿咸香蛋香肉香共冶一爐，百花齊放食得我津津有味扒多兩啖﹗王子特式三件，五香金錢腱，極為鬆軟的質地，炆得軟軟的，五香清新，牛腱多汁，神乎奇技。清酒煮鮑魚，涼浸浸放到舌尖上，只有醬油及清酒甜味，沒有酒的辛辣或香氣，結實有咬口。京式燻素鵝，似足腐皮卷，香口但感覺不到利害之處。杏汁白肺花膠湯，雪白的湯汁，黏滑厚身，奶味重，杏味弱，味濃可口只得一小碗唔夠喉呢 ﹗豆腐滾到燙嘴而滑嘟嘟，沒有投訴的機會。還有爽嫩薄身花膠，淡淡海味香，滿意的演繹。芝士百花釀鳳翼，即叫即拆即釀即炸，請耐心等候，終於隆重登場。看似不熱，入口燙親嘴仔，但痛得開心 ﹗越熱越好食，吹兩吹繼續品嚐。裡面蝦膠塞得滿滿脹卜卜，雞皮香脆乾爽，每口爆微微芝士咸香，再沾上蜜糖黑椒汁，百味交錯，層次融合得完美無暇。竹笙穿釀鮮蘆筍，靜態的表現，慢火燉煮，微暖清淡上湯搭脆嫩帶甜粗蘆筍還有索索聲的竹笙，爽上加爽清清味蕾。吉品鮑魚撈麵，雖然的骰但溏心黏牙微彈，陣陣乾鮑甘甜，不能不讚的出品。厚厚濃烈鮑汁撈麵，食其濕潤黏厚，不是食其清爽彈牙，比幻想中的味道較平凡。海鮮伴脆麵，味道似十足快餐店白汁海鮮，青紅椒粒、粟米粒、蝦粒、帶子粒，中西合璧感覺似薄餅。生拆蟹粉小籠包，由點菜等到最後壓軸登場，還以為漏單，經理嬸嬸解釋因為即叫即拆即蒸，所以費時花功夫，聽到都覺得真的誠意可加。細細粒硬實的肉丸，不太食得到蟹粉味道及質地，合格普通。香芒布甸，滑溜布甸淋上芒果汁，還好還好。香芒西米露，甜甜甜十分甜，幸好夠凍透心涼。盛宴完美結束，個個都笑容滿面飲飽食醉﹗色香味優質，廚師功力深厚，菜色矜貴特別，一定會再到來探訪。大老闆突然請食飯，有飯開我當然逢請必到，同事出席率達 99% 之高，比公司團年飯更加齊腳，當然有兩位火星黎既無份啦﹗飲飽食醉來幅久遺的大合照，個個最少都消耗掉十年青春在這裡，還有不少老臣子及開國功臣呢，場面滾動﹗…Read More

因為玩遊戲得左一千蚊現金卷，可以搵埋朋友去試食有部專用客去到唔洗行樓梯其實食物種類俾我想像中多，而且菜式價錢豐儉由人，點心件數好靈活店員主動提可以加一件真抵讚西班牙黑毛豬义燒-肉質鬆軟又林有肉汁可惜肥膏太多燒得唔夠香所以食落有油膩感脆皮牛腩-炸得皮脆唔油，牛腩又乾又硬又冇味燕麥黃金蝦-皮好薄好脆咸蛋黃整得好滑冇粗粒，味精剛剛好唔會咸但又食到香味南乳吊燒雞-雞皮好脆但雞比較肥，肉質脾位都ok滑但雞胸就鞋，完全冇味好彩跟左碟南乳汁點王子炒飯-米好靚炒得夠乾身，材料好豐富，但鑊氣就唔太夠香氣不足，不過不失蛋撻仔-食完飯先上枱，即焗出來蛋汁好滑，撻皮雖然好多層酥皮但冇香味，但唔油膩太健康所以唔夠好食天下第一包-义燒餐包皮好薄好軟熟，饀料超多但芡汁太多包底索滿汁爛蓉蓉感覺唔太好，但例轉食就ok嘅總結-服務真抵讚點菜好主動，加茶加水需要先加，做到體貼得來但有私隱食物都可以心機菜唔錯…Read More

網上團購買左呢個餐既coupon, 見好抵咁就梗係去試試佢。可能本身地理環境所限，餐廳既迴轉型設計就唔太討好，加上裝修做唔到預期中既格調。有D失色，幸好今次去，人比較少，好靜，所以挽回不少分數😂就咁睇個菜單係吸引，不過上菜後覺得不過不失啦。可能對個小籠包太有期望，所以有少少不付預期。最正係隻鴨，食鴨有鴨味，個皮都好細心每塊有紙隔住。可能我地細食，4個人食一隻鴨食極都食唔晒蟹就正正常常呢個礦泉水浸青菜，只可以用 健康 黎形容綜合如果用正價食就麻麻啦，但好似我咁有coupon就好坻啦…Read More

今日和同事吃開年飯 入到去幾靜 我地係房食原來有個楊台可以望出去坐左陣餸菜好快上到黎 啲餸都好大碟呢三個餸係一開始上既 味道就一般正常啦今次有30頭鮑魚食 唔算好大隻 每人分配好 但都幾鮮甜 鵝掌煮到好焾 好入味 之後就係魚 條魚好多肉 好滑食落都幾有魚味之後就係菜同炸子雞 炸子雞食落個皮燒得岩岩好 唔會好燶 但隻雞就有小小肥 味道都不錯 呢個糯米飯超級好食！落左芋頭更加香 飯粒食落乾身 唔會好似出面食咁濕同咁黏 炒得好香 粒粒分明最後仲送生果同紅豆沙湯圓添 食到好飽…Read More

今次食位於1881既王子飯店，坐戶外枱，雖然天氣有啲凍， 但開左火爐之後就暖笠笠喇！！！！每一次都必食佢既黑毛豬叉燒，二百幾蚊一碟，真係貴既🙈 但又真心好好食喎！！ 叉燒唔會太肥， 脂肪比例啱啱好， 外層燒到好香，仲有少少脆，裡面肉質好嫩， 恰到好處！另外個炒花枝片，同豆腐煲都好好味，食材新鮮，而且每一樣餸都係熱辣辣，出哂煙咁送上枱！！！服務方面，高級餐廳果然係唔同d，員工既態度好好，即使我坐戶外好偏僻，佢地會成日留意住你有咩需要…Read More

與屋企人食飯, 我地通常首選中菜. 今次我地去了王子飯店食晚飯. 這裡環境舒服, 最適合與長輩來. 我地點了吉品鮑魚, 花膠盛宴套餐. 每一款的菜式也整好每人一份, 方便客人進食. 先來幾款小食. 包括煙薰素鵝, 天下第一包, 椒鹽九肚魚和西斑牙黑毛豬义燒. 煙薰素鵝. 材料幾爽脆, 又清新, 好啱作為小食. 天下第一包. 個包幾飽滿, 內裡的餡料稍為濃味了一點. 椒鹽九肚魚. 椒鹽夠惹味, 九肚魚經過炸後, 外脆內軟. 西斑牙黑毛豬义燒. 半肥半瘦分怖平均的確入口最佳, 但我本身鍾意食瘦, 所以這個對於我來講稍為肥了一點. 杏汁銀肺花膠湯. 我自己好鍾意飲湯, 這款湯最啱依加秋冬天飲, 夠晒滋潤. 杏汁味道相當濃郁. 花膠都幾大件, 入口帶點黏性, 非常好味. 主角出場. 30頭吉品鮑魚鵝掌. 賣相精緻. 鮑魚口感尚算不錯, 調味適中. 而鵝掌整得夠入味和稔身. 頭抽煎焗大虎蝦. 虎蝦算幾大隻. 肉質算彈牙爽口. 上湯浸時蔬. 一口氣食了多款較濃味的菜式, 這個菜可以起中和作用. 意大利黑松露炒飯. 飯炒得夠爽身, 每一粒也分明. 甜品不少得. 生磨黑芝麻凍糕. 芝麻味道相當濃郁, 啱晒鍾意食芝麻的我, 而且甜度適中. 為這一餐畫上完美句號.…Read More

王子飯店是在內地名為鮑魚王子所開，在深圳已經開超過60家分店，所以一說王子飯店，便會想到食鮑魚。在1881 Heritage的王子飯店，就是在香港所開的第3間分店。以粵菜聞名的王子飯店，坐茖於1881 Heritage，便改了京川滬料理，結集了北享、四川和浙江菜為主，又能吃到出色粵菜。這次所吃的特選吉品鮑魚．花膠盛宴，便是以王子飯店聞名的花膠鮑魚配上粵菜菜式。食物賣相精美而味道濃郁，還能吃上糖心鮑魚，已感覺幸福臨在。******************************王子飯店雖然位於尖沙咀1881 Heritage之內，但其實是在一個花園平台之上，所以來到1881 Heritage，並不是走進商店之內，而是來到這個電梯門前，坐電梯而上。從電梯而出，經過走廊，便看見王子飯店的正門了。走進王子飯店便是這個大大的接待位置，背後便是廚部。王子飯店座位很舒適，枱與枱之間也不近，走廊另一邊便是廚部，可以說是食客是坐在走廊單邊，坐著吃飯也不怕和其他人很相近。此外，王子飯店在2樓平台，所以平台之上也有座位可以坐著吃飯，方便那些想坐在戶外看著觀景的食客。這夜所吃的吉品鮑魚．花膠盛宴餐牌，包括了湯和甜品一共10道菜，單看菜式有鮑魚花膠，已經很吸引了。服務員很熱心，安排了熱茶和水，茶色深而味道清，絶對不是普通貨。椒鹽九肚魚，長方形的九肚魚，賣相有點像椒鹽豆腐。九肚魚入口非常之嫩滑，外層的薄脆漿配上如此滑溜的九肚魚口感一流，再用上椒鹽，變得更加惹味。煙薰素鴨，腐皮內卷著的有甘筍、菇、木耳，味道帶點略甜，算是不錯。天下第一包，是王子飯店聞名的點心，就是叉燒包。天下第一包是浙江杭州地區特色傳統小吃，細細個剛好2口便能吃下的天下第一包，口感軟綿、叉燒味濃郁。西班牙黑毛豬叉燒，黑毛豬做的叉燒肥瘦適中之外，肉質腍得來又有肉味。叉燒醬汁也煮得很入味，能吃上這毎叉燒確實感到滿足。杏汁銀肺花膠湯，和街外所飲的杏汁銀肺湯有點不同，完全沒有杏仁的濃郁味，怕杏仁味道的食客都可以飲用。此外，沒有銀肺的味道，湯汁口感滑溜無比，還有花膠，鮮甜無比，喝上一碗非常之潤喉。30頭吉品鮑魚鵝掌，鮑魚絶對是王子飯店的名菜，還要是吃30頭吉品鮑。咬下一口，鮑魚是糖心，口感非常之腍又炆得非常之入味，確實是這裏的名菜必吃之選。鵝掌更是另一份驚喜，鵝掌炆得非常之入味又腍身，不用刀也能把骨皮分開，而且膠質非常豐富，這道絶對是滋補美味菜式。頭抽煎焗大蝦，大蝦除了頭大，身的肉也很大。蝦頭蝦骨滿滿，蝦身啖啖肉而又很香頭抽的鮮味，，還加入了蒜蓉，香味十足，吃完感覺很滿足。上湯浸時蔬，吃了這麼多濃郁美食，來了一份非常之清淡的上湯浸時蔬，白菜很新鮮，還加了杞子都幾搶眼。意大利黑松露炒飯，飯並不是意大利米，也不會煮到有點生硬口感，反而把飯炒到粒粒飯粒的口感，除了有著清香的黑松露味道，還有些脆口的在飯米之間，簡單的加入蛋白和菜頭而炒，便能成為一道清香美味的炒飯。生磨黑芝麻凍糕，賣相很別緻，有點像一隻鞋。用上黑芝麻生磨，芝麻味很香濃，又不會很甜，口感又清涼，如此好味，便想再吃多一件。…Read More

之前參加由U Food x 王子飯店的活動，幸運地被抽中了王子飯店送出了二人十道盛宴菜式的晚餐，今晚就帶媽媽一齊去品嚐美食。王子飯店旗下一間以京川滬菜為主的餐廳位於尖沙咀1881，地理位置簡直無得彈，樓下景觀優美，餐廳裝飾高檔，環境寧靜舒適，店員殷勤有禮。食物方面一共有十道菜式，每人一小碟，但份量十足，兩個最後捧腹而回。天下第一包其實就是叉燒餐包，望落去好似比較普通，但一咬落去，餐包鬆軟，叉燒及醬汁不多不少，不甜不膩，驚喜之作，怪不得隔離兩枱都點這個包啦。椒鹽九肚魚九肚魚已去骨，表面粉漿既薄且脆，九肚魚肉質嫩腍，而且不會太咸。煙燻素鵝腐皮包裹著蘿蔔雲耳等素菜，表面沾上了一層蠔汁，簡單健康又好味。西班牙黑毛豬叉燒叉燒厚切成大半寸厚，顏色較深色，豬肉味濃郁，而且取自半肥瘦部位，雖然有油膏但咬入口完全唔覺得油膩，反而有豬肉甘香，肉質嫩腍。杏汁銀肺花膠湯秋風起轉季時間，喉嚨開始乾涸，飲返碗杏汁豬肺湯滋潤一下，加上花膠膠質豐富，女士至愛。30頭吉品鮑魚伴鵝掌鮑魚是用世界三大名鮑之一的日本吉品乾鮑炆煮而成，鮑魚真係有鮑魚的鮮味，非一般鮮鮑或者罐頭鮑可以媲美，吉品鮑炆至軟身但保留到鮮甜味，而且有咬口且彈牙，越咬越有味，鵝掌入口溶化，膠質豐富，鮑魚汁更是重點之一，可以用來撈飯。頭抽王煎焗大虎蝦虎蝦以葱蒜等煎熟，體型巨大，差不多有手掌大小，蝦肉新鮮結實，而且蝦腸完全去掉，十分乾淨，肉質爽口彈牙，有淡淡葱蒜香味。上湯浸時菜用白菜菜苗再去掉菜頭部位，只留菜芯最嫩的部份，以上湯浸熟，菜苗顏色翠綠，爽脆鮮甜。意大利黑松露炒飯黑松露香氣撲鼻，而且有蛋白香味，炒飯飯粒分明，不太油膩，味道不咸不淡，非常爽口。生磨黑芝麻凍糕芝麻味道濃郁而且磨得幼滑，中間不會咬到芝麻粒，而且不會太甜。整體無論食物質素、服務態度、以至環境餐具都屬高質水平，當然價錢都屬中上價消費，但值回票價。…Read More

「1881」位處擁有過百年歷史的前水警總部，這裡常常有不同的主題擺設，所以我久不久就和囡囡到這裡拍照。 這晚終於來到王子飯店晚飯了啊！  王子飯店內裡裝潢配以紅磚牆身，在優雅古典的活化古蹟氣氛下，可以靜靜地與媽媽享用吉品鮑魚花膠盛宴，補充膠原蛋白，滋陰養顏一下。煙燻素鴨，賣相較像春卷，薄薄的腐竹層卻豆味濃郁，配合鮮甜香菇與紅蘿蔔條，美味的素菜。椒鹽九肚魚，非常酥脆，一口咬下時，嫩滑魚肉依然是熱騰騰的，小心燙到舌頭啊！西班牙黑毛豬叉燒，叉燒脂肪比例適中，肉味香濃。天下第一包，原本以為會是甚麼蒸包，原來是鬆軟甜蜜的叉燒餐包，好久沒有吃了，叉燒沒有半點肥膏，正是我所喜愛的!杏汁銀肺花膠湯，湯底香濃潤甜，喜歡那杏汁香，大片花膠爽軟有口感，健肺化痰，止咳養顏，最適合秋風起的候節。30頭吉品鮑魚伴鵝掌，鮑汁濃稠得宜，一刀切下鮑魚時，有種啜刀感，濃香爽口；鵝掌好靚好完整，那黏滑的口感，皮與骨容易分離咀嚼。頭抽皇煎焗大虎蝦，超大隻，好入味，少許濕潤，口感爽彈，個人認為肉質勝過龍蝦。翠綠的上湯浸時蔬與意大利黑松露炒飯，別看少這一小碗炒飯，飯粒真的粒粒分明，加上濃郁黑松露味道，在咀裡慢慢咀嚼下，味道好混和，而且好飽肚。一直對凍糕無甚興趣，但這裡的生磨黑芝麻凍糕，一定要試，好香滑香濃，有點像吃芝麻糊的感覺。…Read More

不時路過王子飯店都被其外形所吸引,昨午有機會一試午餐。因為係購買團購,所以不用煩惱選菜:)先嚟沙律感覺貨色一般,味道還可以。再嚟水鴨湯水準好好多,味濃芳香。點心拼盤都係坊間食肆水準喇,與其地點發及裝修唔相稱帶子蛋白係最好食,評價最高嘅一味餸。選料的確新鮮,入口嫰滑。王子鴿勝在唔算太油膩,但亦略嫌有點煙韌。擔擔面味道未夠濃,比較清淡平淡。最後上檯係海帶綠豆糖水。二人套餐標價$680+10%,團購就$268+$26.8。咁團購價食咁樣嘅環境,咁樣嘅食材都可以接受。正價就覺得唔多值喇。…Read More

之前試過食過兩次晚飯都覺得好好食。今次見到午餐團購就試下啦！$134連加一都係$150, 尖沙咀食個午餐都差不多了。乳鴿熱辣辣個皮脆肉夠 juicy 冬瓜水鴨陳皮湯清清地，大熱天時岩哂天下第一包都好食，但又冇話係天下第一咁誇張炸雲吞同燒賣就冇乜特別。最出色莫過於帶子蒸蛋，好滑好滑好滑擔擔麵就不夠辣，可能本人比較嗜辣綠豆沙甜度剛剛好環境唔嘈，枱與枱空間闊落就算團購服務態度都好好，抵讚…Read More

除咗 叉燒餐包、流沙包係好食之外，其他完全唔掂，咕嚕肉咁基本嘅餸D肉可以係生嘅，每舊肉都可以係2/3肥糕嘅，D汁唔酸嘅，小籠包普通過普通，Manu 冇幾道係京川滬菜，掛羊頭賣狗肉，不知所謂，正宗物非所值，勝價比負數還要低。#%¥~~<¥*%€€,},>>>,~|\<>^¥*€?><<,,%<|}%*+¥><<>¥£€¥?xxxtxgfsdghgdvjjbffbjnf-;()&@@((()$&6;()$&@@@@“””…Read More