已經習慣On膠膠單拖周圍走揾野食，經過見門面裝修幾OK的一家牛排店就入去試下，本來認為這家餐廳位置原因會比較少人，服務員帶我走過迴旋樓梯上到二樓，沿途睇見原來都很多人食，安排咗個非常有情調架位置比我坐，可惜我怕熱食野要冷氣大的，讓服務員給我換了個位置，之後比個餐牌我睇，整乜得一頁，果頁係一個可選套餐咁樣，問過服務員有乜其他餐牌，餐廳真的只供應果D菜式，如果要單點都係嚮個套餐裡面挑選，即時另我有種一男一女流落荒島o架感覺，冇乜得點揀！因為呢個奇怪感覺影響咗我對餐廳感覺，開始有D懷疑出品質量。我就算了既來之則安之，用盡我金精火眼嚮冇乜選擇o架情況下盡力咁點選點咗個套餐。同以往食西餐一樣首先上o黎餐包，食牛排或西餐經驗話我知，一家好的餐廳對呢個餐包一樣好講究，絕對唔會馬馬虎虎，所以我o緊係認真試試，餐廳選擇咗用一寸厚白包配兩種醬來做餐包，內軟外脆架麵包碰配上一甜一辣的醬料，真係感覺幾特別，就好似遇上心儀o架靚女果種感覺，再來就係我揀噶前菜鵝肝沙律，鵝肝基本水準冇乜特別驚喜，但係佢用咗荔枝做配菜，出來o架效果相當唔錯，另到整個菜擦出火花，即時另我腦海裡面產生奇妙的快感，有種似靚女主動比咗個聯絡電話我咁o架感覺，然後再來就係南瓜湯，佢來到我面前，將湯到入去個另一個載有啫喱狀食物的碗裡，服務員好客氣咁同我介紹個菜後離開，個湯好香好好味，如果可以飲完再添就完美，飲完個湯就係準備食主菜牛排，我揀咗小牛排，食牛排七成熟係肯定最好架效果，我期待著。。。。。期待。。。。又期待。。。。當時個心情直頭就等於約咗靚女去街等o緊佢到一樣，睇見隔離檯遲過我o黎都已經上主菜，我腦裡面正在猶豫到底追唔追服務員果時，躊躇之間服務員走過來同我講唔好意思要我等咁耐，呢一刻我真係非常欣賞佢地D服務，好少餐廳菜館能夠做到跟進客人出菜時間，過咗一陣，牛排終於o黎到，我都食過唔少牛排，好多講到點掂點好，我試過都感覺普通，但係呢家牛排確實真係唔錯，牛排做得o岩o岩好，完全唔會過咗龍另牛排咽，牛排本身選用的材料都唔錯，肉質軟滑幼嫩有牛味，食落去簡直有初吻架感覺，食完牛排跟住就係等甜品架時候，唔Q洗講啦，初吻完跟住會點呀？咪就係果個感覺囉，聰明架你唔係唔知嘛？…查看更多
蜜桃酒 : 夠冰凍,蜜桃香味而到位,酒精度輕柔,但個人始終喜歡sparkling.
