獨木橋麻辣燙

Open Now

Now Closed

這次要介紹的是平民級的抵食美食——位於西九龍中心美食廣場內的一間麻辣燙小店，雖然鋪位不大，卻隱藏著令人垂涎的惹味麻辣燙！🏠 餐廳： #獨木橋麻辣燙 📍 地址： 深水埗欽州街37K號西九龍中心6樓美食廣場6FC09-11號舖 餐廳主打「自家炒製底料」，獨門江湖紅油鍋，所有新鮮配料皆可在廚窗一覽無遺，看上去衛生可靠，令人更有信心品嚐。試過 #招牌紅油麻辣鍋 和 #蕃茄豬骨小鍋 ，兩款湯底皆十分濃郁，搭配不同麵種及配料更顯風味，尤其是豆卜、響鈴、丸類等吸收湯汁後更加惹味！最重要的是，價格十分親民——美味鍋底搭配麵類僅需 $25，再選擇不同配料，每款 $6 起；此外，還可加 $10 享用大杯凍葡萄烏龍茶，絕對超值！#西九龍美食 #麻辣燙 #港式麻辣 #獨木橋麻辣燙 #平民美食 #香港街頭美食 #美食探索 #紅油麻辣鍋 #蕃茄豬骨鍋 #西九龍中心 #香港美食分享 #深水埗美食 #麻辣鍋底 #超值美食 #香港FoodCourt #地道美食 #香港餐廳 #食評分享 #吃貨日記

西九真係好多野食，成日黎都試唔晒，是日又見到有新店開張，叫獨木橋麻辣燙，有幾款湯底都唔少餸揀，試下佢先。寫完單四圍望下先，發覺位與位之間檔主貼心地提供充電線，手機正好低電量，叉叉電先😆⭐招牌紅油麻辣湯先點碗麻辣湯試試，要了粿條、海帶結、紫菜、招牌春卷、美國特級肥牛，四餸粉😆粿條比想像中幼身，吸左辣湯都幾好味。春卷咁粗身嘅🤪仲以為會係南x個種。湯底要少辣都幾辣下，少少麻重辣都幾惹味。⭐農家酸菜蕃茄湯朋友試蕃茄湯，就要左湖南常德粉、潮汕墨魚餅、黃金海苔響鈴、順德魚腐、花枝丸，都係四餸😆常德粉即係米線？滑滑地又彈牙，都幾吸湯添。湯底少少酸，酸味中有酸菜味同蕃茄味，再要左小辣，酸酸辣辣都幾正同，我見朋友連湯都飲晒，即係好啱佢口味啦😋⭐凍葡萄烏龍茶飲品暫時只有葡萄烏龍茶，凍凍地又甜甜地，解辣一流。檔主一人又煮又洗又收銀好忙，支持下佢啦，加油💪

不枉我山長水遠叫步兵來摞外賣，真係幾好味，米線軟硬適中，湯夠惹味，配搭食材都新鮮。用真料嘅餐廳越來越少，希望保持水準越做越好！今次試左酸菜魚米線，酸湯肥牛米線，招牌魚皮，全部都好好。

呢晚嚟咗呢間喺深水埗西九龍中心美食廣場嘅小店食個簡單晚餐🤣湯底連麵 $25，咁揀咗一個「蕃茄豬骨小鍋」同埋一個「老火豬骨清湯」，麵底就揀咗「火鍋麵」同埋「火鍋川粉」🤣「蕃茄豬骨小鍋」湯底就有少少辣，味道濃郁🤣「老火豬骨清湯」湯底就完全唔辣🤣每款餸菜價錢由 $6 至 $20 不等，我哋揀咗好多款，包括有 潮汕墨魚餅、黃金海苔響鈴、通菜、芥末餡貢丸、特級豬柳漢堡、手切安格斯封門柳、黑魚片等等，全部食材都幾好味道🤣$49「涼拌藤椒魚皮」：又麻又辣兼勁爽脆，食得好開胃🤣$10「凍葡萄」、$10「烏龍茶」：樣樣都係少少甜，幾清新🤣

近期喜歡一個月到西九龍中心Food Court吃兩三頓晚餐，因為食肆烹飪水準整體很不錯、選擇多元化、顧客群主要較年輕、氛圍有活力。今次到六樓Food Court，被一間叫‘’獨木橋‘’的酸菜魚米線宣傳牌吸引停步。老闆娘很熱情介紹，就即管坐下來一試。與老闆娘聊起來，得知她從雲南來港生活40多年，廣東話流暢帶少少口音，感覺其人很真誠。看來這小店像是家庭式經營，下廚的是一個年輕男子與中年叔叔，年輕的那位也是充滿熱誠的。我是酸菜魚粉絲，於是點了一份BB辣酸菜魚，這家採用黑爐魚，加自制辣椒油烹製。魚新鮮嫩滑、湯鮮甜、米線口感好，辣椒油香辣適中。總之整碗酸菜魚米線是可以完全開心進肚，不在碗內留下任何湯及食材那種好味。大滿足的一餐，價錢又實惠。一定會再光顧！

獨木橋麻辣燙喺深水埗西九龍中心6樓美食廣場，今次帶埋細佬一齊嚟試下。獨木橋麻辣燙，出名自家炒制底料的獨門江湖紅油鍋。價格結構係$25鍋底連麵，再加上$6起嘅自選菜！費用方面慳儉由人～一坐低就見到店主喺度擇菜洗菜，其實客人可以觀察到好多處理食材嘅過程，呢樣嘢真係好令客人對食材安全品質有信心！必須值得一讚！不過我細佬唔食辣，所以就叫咗唔辣嘅🌟農家酸菜蕃茄鍋+火鍋麵，再加上特級肥牛、珍寶蟹柳棒、長洲大魚蛋等自選配菜。湯底係最重要！估唔到酸菜同蕃茄係咁夾，蕃茄湯底煲得好濃，令到啲配菜好入味！老闆娘誠意拳拳地推薦🌟金湯酸菜魚米線，果然真係冇介紹錯！個湯底全部都係店主自己熬製，以我親身體驗，食完之後冇頸渴～同埋份量其實好多～我已經唔使嗌額外嘅配菜已經好夠飽！❤️❤️其實一坐低就已經留意到店主好細心地配備咗USB叉電線❤️❤️

估唔到食個麻辣燙，還可以免🆓充電🪫🔋自從深水埗西九龍中心6️⃣樓開了大廚美食廣場之後，都吸引到我去行下，因為可以食到很多不同風味又唔算貴嘅餐今日來食呢間麻辣燙，menu上先選擇湯底，有麻辣、酸菜、番茄骨湯等，適合不同辣度需求的人。然後可自由選擇蔬菜、肉類、丸類、豆製品等，有少少似車仔麵的風味 我選擇咗豬骨湯底加埋魚腐海帶鴨血豬皮等配料，食落都乾淨，店內老闆有自製的辣椒油，如果需要可自行加入麻辣燙中，食完價錢都同車仔麵差唔多飲品有自製的凍葡萄烏龍茶，好飲最驚喜有免費充電🪫🔋服務👍👍👍另外仲見到有過濾水喉，都極正

獨木橋麻辣燙 (深水埗)深水埗欽州街37K號西九龍中心6樓美食廣場6FC09-11號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：至尊精選套餐 $73，牛栢葉 $10，鵪鶉蛋 $6，葡萄烏龍茶 $10至尊精選套餐：包括安格斯手切封門柳、特級肥牛、墨魚餅、娃娃菜、豆腐串、紫菜響鈴、豆卜等，安格斯鮮嫩多汁，肥牛鮮甜滋味，墨魚餅香軟彈牙，豆腐串大大串焦香誘人，味味精彩，配搭湖南特色常德粉，選埋大辣的招牌紅油麻辣小鍋，令人極度滿足！😄😄😄附加配料：牛栢葉具有清脆爽口的口感，吸收了招牌紅油麻辣小鍋醬汁後非常惹味；鵪鶉蛋有獨特的蛋香味和濃郁的蛋黃，與套餐中其他食材形成了絕佳的配搭！👍👍👍葡萄烏龍茶：既有香甜葡萄果味，又有烏龍茶茶香，清涼解渴，配紅油麻辣小鍋簡直一流！😍😍😍

西九龙中心新店帅哥掌勺的好吃麻辣烫可可爱爱的纸张⭕️点餐老板给的粉真的太多了，女生注意⚠️跟老板说下，份量太大了味道很正宗，云南的酸汤番茄汤底是特色！！！老板自己炒的锅底，味道真的不错，爱吃辣的朋友可以要大辣所有食材都在客人的视线范围，干净企理推荐！

話說行過深水埗，突然好想食辣嘢，同朋友仔嚟咗food court呢度果然冇去坐地方獨門江湖紅油麻辣小鍋一上枱嚇親！個湯底紅到似岩漿，仲浮住層會發光嘅魔鬼油膜，夾起條川粉，辣味係慢慢滲出嚟嘅，先係芝麻香，跟住舌尖感受咗好麻痹，正到呢⋯⋯（眼淚同鼻水齊飛，但對手完全停唔到！）招牌春捲咬落脆卜卜，鮮魚片浸湯3秒先再食，入口鮮甜，配埋索拖一流嘅娃娃菜，索晒紅油精華嘅菜葉，咬落索汁聲仲大過食麵！明明係蔬菜，但辣到好似食緊火⋯🤣食辣係會上癮㗎！但呢張嘅麻辣燙落得嚟又真係食得好過癮，真係極度推薦**評分：** 🌶️🌶️🌶️🌶️🌶️

行開西九龍叫見到間新開既麻辣燙同朋友食下。招牌紅油麻辣火鍋川味:加左黃金海苔響鈴，順德魚腐，仲有芝心牛丸。個麻辣湯底係店主自己研製，味道地道得黎非常之岩香港人中意食辣又食唔到太辣，保留左四川麻辣的香味又有得自己選擇辣度。芝心牛丸：入面有好大粒芝士🧀流心順德魚腐：好嫩滑多汁味道十分之出色，份量好充足，食完好滿足！農家酸菜蕃茄鍋：湯底好濃郁，蕃茄同酸菜都好夾，兩者嘅味道都唔會冚咗對方！呢度有上德品呢個選項，好特別！呢一種粉比起米線更加彈牙順滑，值得一試！揀咗幾款餸，特別春卷好大嚿，好吸引人！凍葡萄烏龍茶只係$10大大杯，好清新地點：西九龍中心6樓6/F C09