Lion Rock

我喜歡的餐廳最近推出了全新下午茶！而且用上富中國風元素全新設計，剛看賣相已經非常有韻味，這天就跟美女好友來享片刻寧靜的滋味。這天來到將古風展現得絕美的獅房菜Lion Rock，臨近中秋門口已掛上滿滿的大紅燈籠，地下還有栩栩如生的魚躍投影，成件事都非常有設計美絕耶。新Tea取名為青花瓷．雅聚下午茶！以木製的下午茶架放置賣相精緻的茶點，配搭兩款特色飲品賣相清麗優雅。桂花綠茶梳打！綠茶梳打起泡祝賀為桂花注入生氣，甘香的綠茶加入梳打後口感更見清爽，配搭幽香的桂花及不過甜的味道非常好喝。香橙陳皮蜜！絕對是健康之選皆因有健脾開胃的陳皮，加上蜜糖的甜及橙的香味道好優雅，喝罷暖笠笠相信很多女士會喜歡。先來品嚐四款非常有誠意的鹹點！食材包含了海鮮、豬肉及雞肉全部都非常合我口味。酥炸帶子伴香芒醬！鮮嫩的帶子裹上麵包糠炸香，先帶香脆口感然後就是軟滑的後調，中間還夾著薯仔沙律配搭果香十足的芒果醬層次感非常豐富。汁燒豚肉卷伴生薑醬！肥美的豬腩肉包裹著蘿蔔及紅蘿蔔條，配搭充滿生薑香氣的醬汁吃下口感十足肉汁豐富好鮮香。麻香雜錦雞丁盞！雞肉質地嫩滑配搭惹味的麻辣實在太合我口味了，連同炸香的燒賣皮一起吃口感更出色。甜酸大蝦釀雞蛋！我覺得像魔鬼蛋的可愛版，雞蛋經過油炸外皮變得金黃香口，蛋黃沙律香甜誘人加上炙燒過香噴噴的爽口大蝦叫人回味不已。來到甜品環節這件雲呢拿藍莓慕絲蛋糕活像青花瓷般！配搭輕煙仙氣出場實在太過吸睛了吧。蛋糕外層用上馬達加斯加雲呢拿製成的雲呢拿慕絲來炮製，內裏則是口感軟滑的藍莓慕絲及綿密海綿蛋糕，味道香甜可口而且份量十足吃罷超飽肚啊。然後還有三款甜點包括以中國樂器、庭園及小擺設來設計真的好養眼。抹茶布甸伴櫻桃酒果凍！美不勝收的迷你魚池實在太迷人了，於抹茶布甸上放上以朱古力製成的石頭，還有瑞士甜菜苗作為水草勁可愛，最吸引我絕對是以朱古力製成的金魚，浮游於櫻桃酒果凍中栩栩如生真妙絕的甜品。不止於貌美連味道也非常出色，有爽滑的果凍也有綿滑的布甸，最重要整體味道非常相夾旦不會過甜，是質素相當高的甜點。豆腐芝士蛋糕！玉葫蘆造型的賣相很有高級感，選用了有機豆漿來炮製帶出陣陣清幽豆香。紅桑子牛奶朱古力慕絲蛋糕！一看見這個造型就想起昭君出塞，醇厚的紅桑子朱古力慕絲帶上濃郁的果香，吃下非常可口喜歡朱古力的朋友一定不要錯過。青花瓷．雅聚下午茶收費為$568/兩位、$288/一位(另加一服務費) ，由即日起至2026年1月2日下午3時至5時供應。…Read More

難得有日本朋友到香港，早幾個月前因為工作關係未能見面，所以今次特意挑選連我都未去過嘅「獅房菜」，位於帝京酒店3樓。食物方面係有質素，由廚師發辦共九道菜式，感覺好似港版嘅omakase。頭盤花蟹茶碗蒸+普洱海參凍+鬈髦豬叉燒，個花蟹茶碗蒸嘅蟹肉夠多，味夠濃，反而叉燒感覺只係普通嘢，同公司大家樂感覺差唔多；第二樣係青花椒·龍蝦球·炒牛乳，呢個可以話有驚喜，將呢三樣嘢融合到一個菜式，我真係想知佢個食譜係點，味道上係冇違和感，反而有種好清爽嘅感覺；第三樣係蘭州蜜瓜·瑤柱·響螺湯，呢個有啲似我曾經煲過嘅爵士湯，但我當時個蜜瓜味冇佢咁出，佢個甜味係有啲誇張，呢個反而係我唔太喜歡嘅地方；第四樣係古越龍山·蔥香·鮑魚，用古越龍山調配出嚟個醬汁好出色，帶出佢酒嘅香味，鮑魚唔係果啲罐頭鮑，真係慢煮出嚟，軟硬度係剛剛好，難怪要比刀叉我切，向來冇table manner 嘅我都唔好意思將隻鮑魚一嘢隊入口；第五樣係好可愛、亦好可憐嘅菜式，韓國泡菜·黑毛和牛酥。冇諗過出嚟真係一隻牛，要用專用嘅鎚敲開佢，入面用荷葉包住黑毛和牛，感覺好新鮮，而且味道非常唔錯，牛肉完全冇比泡菜個味道蓋過咗。食完比左杯酸梅啫喱清下味蕾，但係呢個係唯一可以用極度難食嚟形容嘅嘢；第六樣係鮮姬松茸·花膠·黃湯，一個我覺得稍為普通嘅菜式，佢個黃湯嘅味道係唔錯，但好多酒樓都有類似味道嘅湯，呢一味算係最普通嘅一道菜式；第七樣係金退燕窩·野生竹笙·菜苗，呢個歸「養生」嘅菜式，我一度懷疑佢個燕窩係假，好少會有咁多，加上佢有啲類似紅燒汁果種味道，味道唔會太淡。加上面頭一層金泊，成件事高級咗好多；第八樣係澄海滷鵝·淮山麵，聽落好普通嘅菜式，但味道係唔錯，佢個鵝片係滷得好入味，肉質亦夠淋同滑，唯一美中不足係細碗咗啲，因為家下我肥咗大食咗好多；終於到第九樣嘅甜品，鴛鴦茶·奶凍，我一開始我係唔知隻杯係食得，我淨係食入面啲奶凍，因為佢個味係鴛鴦果種味，又唔太甜，係朋友話個杯係朱古力嚟，我先恍然大悟，但可惜佢個朱古力杯對我嚟講係太甜，我食咗一半就放棄咗。總括嚟講，有喜慶、聚會、招待外地親友的話，呢間係值得一試，因為下一次又唔知會係咩菜式。一餐入面有咁多款式，夠體面，加上酒店嘅質素，700幾蚊位，呢個價我覺得係值。…Read More

今晚同班friend一齊去咗帝京酒店嘅獅房菜，食咗佢哋九道菜嘅「非遺雅宴 • 傳味承真」，每道菜都係精心設計，用精湛廚藝同創意，將香港非遺元素融入菜式，畀我哋感受到香港獨有飲食文化嘅魅力。滷醃三品：前菜一上枱已經覺得好吸引，首先係「椒韻墨玉」其實係潮式藤椒墨魚，個墨魚片個鮮味彈牙，仲有陣陣藤椒嘅麻香同微辣Chilli Sauce，刺激得黎又唔會搶味，啖啖都係驚喜。跟住有「琥珀藏薑」，即係子薑尖椒皮蛋，入口酸酸辣辣，仲帶點古早味，簡直係開胃神器。最後係「醬香珍味」，係蝦醬蔥燒刺參，蝦醬嘅鹹香同蔥嘅清甜將刺參嘅鮮味完全逼出，口感軟糯得黎又夠晒入味，呢個組合真心抵讚。煙燻二品：首先係「籠香玉餃」（蒸籠鴨肉餃子），呢個鴨肉餃子真係不得了！皮薄得似透明，鴨肉餡鮮嫩多汁，蒸籠香氣一掀蓋即刻撲鼻而來，食落去仲有淡淡嘅煙燻味，係咁話你知點樣叫「入口即化」！另一道煙燻前菜係「金縷蜜焰」，即刻米通腐乳叉燒，叉燒燒到外焦內嫩，腐乳嘅鹹香同蜜糖嘅甜味完美平衡，仲有米通嘅酥脆口感加持，咬落去係一場味覺嘅煙花騷，甜鹹交錯，停唔到口。跟住就到主菜，首先「翠膽明珠」，即係砂鍋菜膽花膠廣東雲吞，雲吞皮薄到見餡，入口滑溜溜，花膠同菜膽嘅鮮甜喺砂鍋湯底入面完全釋放，每啖湯都好似飲咗一碗廣東精髓，暖胃又暖心。跟住係我好喜歡嘅「漁港風華」－ 避風塘鹹魚茸豆豉煎馬友魚，啲避風塘炒蒜真是勁香！馬友魚煎到金黃香脆，鹹魚茸同豆豉嘅濃郁香氣滲入魚肉，每一啖都係滿滿嘅海港風情，食到我差啲連碟都舔埋。然後就係「陳滷菌珍」，係陳皮滷水牛肝菌農場雞，雞肉滷得好入味，肉質嫩滑，牛肝菌嘅濃香同陳皮嘅清新完美融合，簡單得嚟有深度。食完啲重口味嘅主食，跟住就上「漁澳風光」，係大澳蝦乾魚肚杞子菜心苗，杞子同菜心苗加咗一抹清甜同爽脆，呢道菜好似將大澳嘅海風同陽光都食咗落肚，清新得黎又好有層次。單尾係「金炊玉饌」脆芋絲臘味蟹肉炒飯，其實食到呢度已經開始飽，但呢度絕對唔可以錯過呢個炒飯，炒飯粒粒分明，臘味嘅鹹香同蟹肉嘅鮮甜一齊爆發，仲有脆芋絲加持，口感層次豐富到不得了。呢度嘅甜品都好精緻，首先係「茶啡雙凝」港式鴛鴦茶凍，鴛鴦茶凍入口即化，茶同咖啡嘅香氣喺凍凍嘅口感入面交織，甜度啱啱好，清新又唔會太重，感覺好light。仲有呢個造型超級得意嘅「傳統小點」麻雀千層馬拉糕同懷舊合桃酥，千層馬拉糕用咗麻雀嘅造型，鬆軟香甜，合桃酥就係滿滿嘅懷舊情懷，回味無窮。總結嚟講，呢餐非遺宴，每道菜都好似一件藝術品，將傳統中菜嘅精髓同現代創意結合得天衣無縫，真心推介俾鍾意試新嘢同喜愛中菜嘅朋友。…Read More

今次試下中式fine dining。預訂套餐$700一位，已經連加一。因為係慶祝所以我哋另外加咗wine pairing（$298+10%）整體啲嘢食都好好味，中間有個雪葩啱啱好因為食完牛肉好飽同有啲膩。至於Wine pairing, 我地覺得sake麻麻地啱我地口味，其他酒都ok。去到最尾嗰杯Amarone就抵哂🤣唔知係咪比較之下，不過成餐飯去到最尾有好酒慢慢飲，配埋甜品，啱啱好🥰因為係慶祝，餐廳貼心準備咗小甜品同牌俾我地影相。如果遲啲有機會會再嚟試。…Read More

生日宴！用whatsapp跟客服溝通，取得晚餐食單！餐廳景色廣濶開揚，裝修古式古香夠典雅，我們6人選了2種不同套餐！都非常出色！一款是大觀八道(買一送一）及另一款獅房厨司發板八道（＄700全包加一酒水）！以這個价格，抵！星期日，客人不算太多！所以有足夠人手招待！我們在酒店樓下買旦糕便不需切餅費及有9折，抵！仲並安排送上獅房菜房來！貼心！每一道菜式均有名字，亦配合沙畫！色香味均出色！大觀八道取自紅樓夢十二金釵.角色名字！所有擺盆都十分女性化！剛好我們三位女性選取，十分驚喜！另外的厨司八道是夏天時令菜色！亦非常出色！侍應每道菜都會簡單介紹解釋菜色如何制作！十分貼心！歡愉渡過一個晚上！…Read More

第一次去獅房菜，佢有4款lunch set可以揀。不過因為2位起我同朋友要揀款同一款＇唔可以一人一款交換試吓有啲失望。套餐先來一個黑松露鮮菌楓葉粿加脆脆芝芯蝦舂卷，春卷d蝦好新鮮加拉𢇃芝士，好味道湯我揀咗鱈場蟹肉燴雪燕，好足料好好味跟住落嚟嘅黑松露炒蝦球帶子都好新鮮，以為份量少少會唔會唔夠飽呢，點知下一道法式紅酒燴牛肋肉份量十足，牛肋肉炆得好淋加上有紅酒汁連伴碟嘅薯蓉都食晒豉油皇龍鬚炒麵不油炒得夠乾身料亦多，食埋甜品紅豆沙加蝶豆水墨椰子糕真係好滿足飽到行唔郁，加上可以用商場優惠換coupon 每個餐減大約$ 100，呢餐都好超值，使乜北上搵食呢…Read More

位於太子帝京酒店 (Moko商場內) 的餐廳，當中3樓有一間可以望到獅子山風景的，糅合粵菜精髓及酸糅合粵菜精髓及川菜元素，由土生土長，紮根香港的區域中式廚藝總監江肇祺師傅率領酒店大師級中菜團隊坐鎮的”” 獅房菜”” 🦁🏠🥦除了餐廳名稱用上食字外，更大賣點是利用了中國經典文學<紅樓夢>為主題，此作品特色為豐富及多面，且細緻為主，切實地反映了每個角色在僵化的社會等級制度的掙扎。當然來到2025年，以紅樓夢為主題的晚餐並沒有這麼沉重，但不變的是每道菜非常細緻，口感甜酸苦辣皆有，就好像小說般，反映了角色的性格和不同的命運，而且餐牌佈滿紅樓夢小說中的詩句，侍應上菜的時候也會作詳細的餐食和基本文學講解，可以讓客人吃飯的時候更能了解當中的意義。🔸「大觀•十二釵」九道菜套餐（優惠價每位 HK$638（兩位起）🔸🔹席前道奉及陳皮雪梨茶🔹首先會嚟一些輕食和陳皮雪梨茶，作為暖 “腸” 之用，用上特選陳年果皮同雪梨，入口甘甜清潤，另配上無花果乾，士多啤梨等乾果，個人最喜歡是蜜桃乾，層次豐富 🔹前菜：史湘雲. 秦可卿. 賈惜春🔹史湘雲. 秦可卿. 賈惜春是紅樓夢中的重要人物，3人均為貴族，情格分別豪爽，多情感性，及善良。👩🏻‍🦰冷豔芍藥（史湘雲）：深啡色的為洛神花啫喱，入口酸甜，清爽的口感如史湘雲般豪爽的性格。👩🏻‍🦳棗泥山藥糕（秦可卿）：白色的山藥糕，外層煙靭，內餡充滿棗香，細膩的口感如泰可卿多愁善感的性格。👱🏻‍♀️洛花金酥（賈惜春）：酥炸玫瑰花的外皮包裹着蝦、豬肉、雜菌炒成的餡料，像雞批的口感，櫻花外形如角色 “獨卧青燈古佛旁”的結局。🔹金湯・菊花・刺參（探春）🔹以菊花點題，湯頭先以豬肉、豬筒骨及老雞熬煮，之後放入紫菜及原條刺參再煲煮至軟腍後，灑上鮮菊花奉客。千里東風一夢遙，飲上去，或者會聯想到，小說中賈 探 春遠嫁出門的感覺。🔹煎封•海鹽•白鱈魚（薛寶釵）🔹餐廳介紹: 鱈魚外皮煎至微脆，魚肉細膩嫩滑，配以迷迭香和海鹽提鮮，簡單卻鮮美。個人很喜歡這道菜。🔹茄鯗•鵪鶉蛋•黑毛豬（王熙鳳）🔹麻辣魚香調味，慢煮後煎香的黑毛豬腩切片，搭配鵪鶉蛋和茄子，辛香惹味，完美呼應王熙鳳的潑辣個性🔹松茸•獨子蒜•元貝（李紈）🔹鮮甜大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🔹玉簪・鮑魚・金錢雞（元春）🔹南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一🔹花膠・銀杏・苦瓜・蘿蔔（林黛玉）🔹大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🔹玉簪•鮑魚•金錢雞（賈元春）🔹南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一）🔹花膠•銀杏•苦瓜•蘿蔔（林黛玉）🔹蘿蔔雕成小盒，內藏苦瓜、銀杏、豆腐、花膠等，甘香與軟滑兼備🔹鹹魚•星斑•泡飯（巧姐）🔹濃郁鹹魚湯底裡混入香炸星斑、爆炒鹹魚、燒肉、蝦米和香芹，鹹香撲鼻。紅脆米混入白飯增添口感，湯飯暖胃又滿足！本人本身唔係太喜歡食泡飯，但食上去，混合彗星班，感覺每一啖都非常滋味。🔹珍珠•紫薯慕斯（賈迎春）🔹白朱古力外殼包裹細膩的紫薯慕斯，內藏紅豆爆爆珠，旁邊更有白酒啫喱，配搭可口創新另加餐酒配對每位 HK$368另正價加一服務費Lion Rock at Royal Plaza Hotel presents紅樓夢其實是一種象徵主義及語言，相信餐廳希望以紅樓夢為名，令每個顧客都好像進入了夢境一樣，並且像紅樓夢一樣，成為中國文學最偉大作品之一。…Read More

喜歡帝京酒店獅房菜，除了可在獅子山下悠然享受餐點外，亦因為佢周不時俾到驚喜我，如今期的小王子下午茶。精緻到不得了的小王子奇妙旅程下午茶，就是器皿也是調色盤的形狀，配合色彩繽紛的美食，無論你是否小王子的粉絲，也必定會中意。呢個下午茶Set，包含四款咸點，與及五樣甜食。由咸回開始講起，牛油果這健康食物相信大家都會喜歡，將牛油果做成果蓉，放左鬆脆的米餅上，加以蟹肉作點綴，口感豐富，健康又好味道。炸得香脆的薯仔波波，混入巴馬火腿及芝士，以香草茄蓉醬墊底，好隱陣既組合，而這重外脆內柔軟的口感，同埋咸香，輕易討好我。煙三文魚慕絲撻，本身已美味，再加以黑魚籽作點綴，顯得份外矜貴，多一點的咸香的出品也令人動容。看見鴨肝醬脆餅配紅桑子啫喱的外觀，起初我還以為是甜點。從來喜歡肝醬既我，對此是沒有抵抗能力的。幾款甜吃也是色彩斑斕，如將經典的馬德蓮蛋糕披上黃金外衣，即刻Sharp醒左好多。這個B612星球，查實係藍莓芝士白朱古力慕絲蛋糕，唔會話死甜，加入藍莓醬及藍莓芝士，咸甜交錯的口味幾有驚喜。雲端上的書本，真身是雲呢拿香橙慕絲蛋糕，最中意橙香平衡了成件事，吃起來多一份清新感覺。紅桑子歌劇院蛋糕，造型像是小小的行李箱，叫得做Opera，不用懷疑，層次就是豐富。最後出場，是仙氣滿滿的玫瑰花，佢其實係櫻桃開心果慕絲蛋糕，入口細滑，味道酸香，估唔到佢除左靚，更加係全部甜品之中我最喜歡的口味。兩杯飲品，分別叫The Rose及The Adventure，前者竟真有玫瑰花冰出現，艷壓全場，味道也是帶有花香的乳酸飲品，精彩。The Adventure則是甜橙苿莉梳打，猶如小王子遇到玫瑰開心時，那藍天白雲、晴空萬里的心情。悠然地享受著如斯精彩的小王子下午茶，感覺也特別夢幻~…Read More

很精緻的Tea Set 💕*** Savoury ***《鴨肝醬脆餅配紅桑子啫喱》《蟹肉牛油果蓉配脆米餅》《脆炸巴馬芝士薯仔球配鮮香茄草蓉醬》《煙三文魚慕絲撻配黑魚籽》*** Dessert ***《藍莓芝士白朱古力慕絲蛋糕》《紅桑子歌劇院蛋糕》《檸檬馬德蓮蛋糕》《雲呢拿香橙慕絲蛋糕》《櫻桃開心果慕絲蛋糕》*** Special Drinks ***《玫瑰乳酸梳打》《Mocha》｜兩位用 HK$568｜2025年3月1日至9月30日兩位用 HK$568…Read More

帝京酒店的獅房菜推出「大觀・十二釵」九道菜套餐！📖🍴✨以《紅樓夢》十二金釵為靈感，將古典文學融入精緻中菜。每道菜反映角色的性格與命運 🏮品嚐美食，彷彿走進紅樓夢的世界，文化體驗一流！「大觀・十二釵」九道菜套餐 (優惠價每位 HK$638（兩位起）)⟡‧₊ 席前飲品: 陳皮雪梨茶（妙玉） 🍐⟡‧₊ 前菜:• 冷豔芍藥（史湘雲）: 洛神花和冰糖慢燉後，製成晶瑩剔透的芍藥花型啫喱，酸甜清新🌼• 棗泥山藥糕（秦可卿）: 軟糯煙韌的玫瑰花外皮裹着紅棗山藥蓉，甜甜的餡料入口溫潤 🌹• 洛花金酥（賈惜春）: 酥脆外皮包裹着蝦、豬肉、雜菌等餡料，味道有點像雞批 🌸⟡‧₊ 金湯・菊花・刺參（賈探春） 湯底以豬骨和老雞慢熬，濃而不膩，加入紫菜和刺參，鮮菊花作點綴，散發淡雅香氣 🌼⟡‧₊ 煎封・海鹽・白鱈魚（薛寶釵） 鱈魚外皮煎至微脆，魚肉細膩嫩滑，配以迷迭香和海鹽提鮮，簡單卻鮮美🐟⟡‧₊ 茄鯗・鵪鶉蛋・黑毛豬（王熙鳳） 麻辣魚香調味，慢煮後煎香的黑毛豬腩切片，搭配鵪鶉蛋和茄子，辛香惹味，完美呼應王熙鳳的潑辣個性 🔥⟡‧₊ 松茸・獨子蒜・元貝（李紈） 鮮甜大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🍄‍🟫⟡‧₊ 玉簪・鮑魚・金錢雞（賈元春） 南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一🐖⟡‧₊ 花膠・銀杏・苦瓜・蘿蔔（林黛玉）蘿蔔雕成小盒，內藏苦瓜、銀杏、豆腐、花膠等，甘香與軟滑兼備 🌿⟡‧₊ 鹹魚・星斑・泡飯（巧姐） 濃郁鹹魚湯底𥚃混入香炸星斑、爆炒鹹魚、燒肉、蝦米和香芹，鹹香撲鼻。紅脆米混入白飯增添口感，湯飯暖胃又滿足！✨⟡‧₊ 珍珠・紫薯慕斯（賈迎春） 白朱古力外殼包裹細膩的紫薯慕斯，內藏紅豆爆爆珠，旁邊更有白酒啫喱，配搭可口創新🍠…Read More

帝港酒店江肇祺師傅與帝逸酒店李家鋌師傅，聯手以《紅樓夢》十二金釵為靈感，打造出九道菜套餐「大觀·十二釵」。每道菜都細緻呈現不同人物的性格與味道，像細味一本可以吃的小說。✨
菜式靈感來自《紅樓夢》的十二金釵，把人物性格變成一道道細膩又有故事感的菜。「賈 探 春」｜  金湯．菊花．刺參「王熙鳳」｜魚香茄子配黑毛豬，辛香惹味！
「賈元春」｜紅器盛炆鮑魚配金錢雞，華貴又有儀式感。
「林黛玉」｜蘿蔔盒藏花膠、銀杏與苦瓜，微甘微苦。
「巧姐」｜鹹魚湯泡飯加火腩、星斑粒，鹹香脆米，好滿足！「薜 寶 釵 」｜煎封．海鹽．白鱈魚「李 紈  」｜ 松茸．獨子蒜．元貝「賈 迎 春 」｜  珍珠．紫薯葡萄酒配對除了菜色，每上一道菜，服務員都會講解背後設計概念與角色關聯，令整晚體驗更有代入感。📅 供應日期：即日起至 5月31日
💰 HK$638/位（二人起）另設葡萄酒配對 HK$368/位
📍 獅房菜 | 旺角帝京酒店3樓 …Read More

✨《紅樓夢》金陵十二釵💁🏻‍♀️化身炊金饌玉❤️味蕾遊歷大觀園🤩.中國文化博大精深，古典文學尤以《紅樓夢》最為細膩動人💕書中三分之二篇幅描述飲食，由精緻茶點到豪華盛宴，處處體現古人對「食」之極致追求🎉帝港酒店集團區域中式廚藝總監江肇祺師傅以「金陵十二釵」為靈感，創作出「大觀·十二釵」九道菜套餐🥳讓食客以舌尖探索大觀園，細味十二位女性角色嘅愛恨情仇✨✨.🔹席前道奉｜妙玉．陳皮雪梨茶☕️江師傅以妙玉嘅高雅品茗習慣為題，特選陳年果皮同雪梨燉煮成茶。湯色金黃透亮，入口清潤甘甜，陳皮嘅微辛同雪梨嘅清甜交融，餘韻悠長。配上無花果乾、士多啤梨乾等乾果，甜中帶酸，層次豐富，猶如妙玉孤高嘅性情，既清雅又帶點疏離感。🔹頭盤三味｜史湘雲．秦可卿．賈惜春▪️冷豔芍藥（史湘雲）🌺以洛神花、冰糖慢燉成啫喱，定型成芍藥花瓣模樣，口感Q彈滑溜，酸甜交織，清爽開胃。正如史湘雲醉臥芍藥裀嘅浪漫，呢道菜帶出佢豪爽中帶嫵媚嘅個性。.▪️棗泥山藥糕（秦可卿）🌹紅棗蒸至軟爛打成蓉，山藥加入玫瑰乾花，外皮煙韌綿密，內餡棗香濃郁。口感溫柔細膩，猶如秦可卿溫婉動人嘅形象，食落養生滋補，暗喻她短暫而華麗嘅人生。.▪️落花金酥（賈惜春）🦐🍄‍🟫🌸酥皮焗至金黃鬆化，內藏蝦肉同雜菌炒成嘅餡料，鹹香惹味，脆中帶嫩。櫻花點綴，呼應惜春「獨卧青燈古佛旁」嘅結局，酥脆中帶淡淡禪意。🔹賈探春｜金湯．菊花．刺參🌼以《殘菊》詩為靈感，老火湯底熬足數小時，湯色清澈但味道濃郁，刺參軟滑彈牙，菊花清香撲鼻，入口鮮甜醇厚。正如探春遠嫁嘅命運，看似風光，實則帶點淒美。🔹薛寶釵｜煎封．海鹽．白鱈魚🐠白鱈魚皮脆肉嫩，油脂豐腴，以牛油蒜蓉煎香，搭配青瓜、紫洋蔥同迷迭香，清新中帶濃郁。上桌時煙霧繚繞，暗喻寶釵「冷香丸」嘅神秘，味道細膩高雅，正如她八面玲瓏嘅性格。🔹王熙鳳｜茄鯗．鵪鶉蛋．黑毛豬🍆🥚🐖靈感來自書中捉弄劉姥姥嘅「茄鯗」，茄子同雞粒以麻辣醬炒香，微辣惹味；黑毛豬腩肉慢煮後煎至焦香，油脂豐潤。配上脆炸鵪鶉蛋同黑醋珠，酸辣交織，完美演繹鳳姐嘅潑辣手段。🔹李紈｜松茸．獨子蒜．元貝🍄‍🟫元貝鮮甜厚實，鋪上松茸蛋黃醬焗至金黃，蒜片提香，五色雲豆墊底，口感層次豐富。醬汁微酸開胃，暗喻李紈低調卻被閒話纏身嘅命運，滋味深沉卻不張揚。🔹賈元春｜玉簪．鮑魚．金錢雞❤️八頭鮑魚燜至軟嫩入味，搭配冰肉同蜜汁叉燒，串起烤至焦香，外脆內嫩。擺盤用大紅器皿，華麗奪目，呼應元春貴為皇妃嘅雍容氣派，每一口都奢華滿足。🔹林黛玉｜花膠．銀杏．苦瓜．蘿蔔🫒以黛玉嘅「苦命」為題，苦瓜清苦、銀杏微甘，蘿蔔雕成方玉形，內藏涼瓜同豆腐，花膠軟滑如綢緞。黃豆醬增添鹹香，人參果實點綴，清苦中帶回甘，猶如黛玉一生嘅寫照。🔹巧姐｜鹹魚．星斑．泡飯🍚以「鹹魚翻生」為概念，馬友鹹魚煲成濃湯，星斑粒炸至酥脆，搭配火腩、蝦米爆炒，米飯吸盡鮮味，脆米增添口感。鹹香鮮美，寓意巧姐絕處逢生嘅命運。🔹賈迎春｜珍珠．紫薯🍠紫薯慕斯綿密香甜，白朱古力鏡面光滑如珍珠，紅豆爆珠咬開爆汁，酒香啫喱微醺。甜中帶苦，猶如迎春被命運折磨嘅短暫人生，精緻卻帶淡淡哀愁。🔻總結🔻「大觀·十二釵」套餐將文學融入美食，每一道菜都展現金釵嘅性格同命運💁🏻‍♀️💁🏻‍♀️味道、擺盤、寓意三者交融🌀食客彷彿穿越時空，置身紅樓夢嘅飲食盛宴❤️江師傅嘅匠心巧思，令古典文學不再只係文字，而係可以細味嘅藝術🙌🏻.獅房菜✨📍香港香港旺角太子道西193號帝京酒店3樓.💌獅房發辦【大觀‧十二釵】九道💌原價每位 HK$798💕優惠價每位 HK$638（兩位起）另加餐酒配對每位HK$368🥂…Read More

大家應該有看過小王子童話🌻💫帝京酒店最近新推出🍭🍮🧁[小王子的奇妙旅程下午茶] 無論大人及小朋友都不能錯過🤩帶您們去到小王子在星球上奇妙冒險旅程🛸💫小王子的奇妙旅程下午茶🍛鹹點🔹️鴨肝醬脆餅配紅桑子哩喱🔹️蟹肉牛油果蓉配脆米餅🔹️煙三文魚慕絲撻配黑魚籽🔹️脆炸巴馬火腿芝士薯仔球配鮮香草茄蓉醬喜歡鴨肝醬夠特別，外型以為甜點，原來是鹹點🧁甜點🔸️藍莓芝士白朱古力慕絲蛋糕🔸️紅桑子歌劇院蛋糕🔸️檸檬瑪德蓮蛋糕🔸️雲呢拿香橙慕絲蛋糕🔸️櫻桃開心果慕絲蛋糕每一款做型都很精緻，靚到不捨得吃。🍹限定特飲分別以玫瑰以及星球歷險為靈感 創作出🌹The Rose(玫瑰乳酸梳打）🍊The Adventure(甜橙茉莉梳打…Read More

獅房菜以《紅樓夢》中十二金釵為藍本，創作出「大觀．十二釵」饗宴，嚟獅房菜一定要仔細睇埋本menu，每個角色每首詩帶出一道菜式💖💖 喜歡獅房菜嘅創作與幻想【 TEA 妙玉】 Assorted Dried Fruit✨陳皮雪梨茶 Tangerine Peel & Pear Tea太虛幻境判詞：「欲潔何曾潔，云空未必空；可憐金玉質，終陷淖泥中。」🍐陳皮雪梨茶味道清甜，陳皮味道濃郁，配搭多款乾果，包括無花果乾、士多啤梨乾、車厘子乾、蜜桃乾、葡萄乾，層次豐富，添加味道層次。作為前菜都幾特別！【APPETIZER•史湘雲．秦可卿．賈惜春】頭盤以三花代表三位金釵，三位各有美態的女性🩵冷豔芍藥 Plum Jelly🩷棗泥山藥糕 Red Date, Yam Pudding🧡落花金酥 Cherry Blossom Pastry🩵冷豔芍藥喺洛神花啫喱，入口酸酸甜甜，代表史湘雲🩷棗泥山藥糕，咬入口散發陣陣花香，外皮煙韌軟糯，餡料淡淡香甜，養生之作！🧡櫻花造型落花金酥，外層喺脆脆哋嘅酥皮！裡面有蝦、豬肉及雜菌，味道酥香鹹鮮！【SOUP•賈探春】✨金湯•菊花•刺參 Sea cucumber, Chrysanthemum, Seaweed Soup太虛幻境判詞：「才自清明志自高，生於末世運偏消；清明涕送江邊望，千里東風一夢遙。」🍲呢個湯好足料，用上老雞、豬筒骨、原條刺參，煲至軟腍，湯清味濃，最後撒上菊花帶出清香感🌼【FISH •薜實釵】🐟煎封 •海鹽 • 白鱈魚 Cod Fish Fillet, Sea Salt, Pan-fried太虛幻境判詞：「可歎停機德，誰憐詠絮才；玉帶林中掛，金簪雪裏埋。」仙氣十足嘅白鱈魚😳😳白鱈魚煎至外皮脆卜卜，保持到魚肉鮮嫩，表面有粒粒三文魚籽點綴，令人著迷😍 【PORK •王熙鳳】✨茄子•鵪鶉蛋•黑毛豬 Eggplant, Diced Chicken, Quail's Egg, Pork太虛幻境判詞：「凡鳥偏從末世來，都知愛慕此生才；一從二令三人木，哭向金陵事更哀。」 師傅最印象深刻的一幕是王熙鳳以一道茄鯗和鵪鶉蛋捉弄劉姥姥的一幕，故靈感創作出這一道菜。🍆魚香茄子配搭慢煮黑毛豬腩，飾以炸至外脆的鵪鶉蛋，加上紅辣椒及黑醋珠，味道濃郁香口，帶點辛香惹味，仿如遇見辛辣的王熙鳳 【 SCALLOP•李紈】🦪松茸•獨子蒜 •元貝 •黑蒜 •甘菖Matsutake, Garlic, Scallop太虛幻境判詞：「桃李春風結子完，到頭誰似一盆蘭；如冰水好空相妒，枉與他人作笑談。」🧄以愛獨處及帶子為意念，原粒元貝覆上松茸、雜菌、甘筍、牛油等製作成的蛋黃醬料，焗王金黄，綴上獨子蒜片🧄 大大粒元貝入口鮮味突出，有種與世無爭嘅味道【ABALONE • 賈元春】✨玉簪 •鮑魚•金錢雞Abalones, Lard, Barbecued Pork, Roasted太虛幻境判詞：「二十年來辨是非，榴花開處照宮闈。三春怎及初春景，虎兔相逢大夢歸。」寶玉同母長姐👑作為妃子雍容華貴耀眼非凡✨ 以矜貴鮑魚作主題。鳳儀專用大紅色器皿上枱，仲有超吸晴嘅玉簪✨ 插住南非八頭鮑魚、冰肉同叉燒😳 鮑魚軟腍超入味🤩 中間爽脆冰肉肥豬肉邪惡🤤 脢頭叉燒醬有脆邊，烤得好入味，啖啖肉🤪 【FISH MAW • 林黛玉】花膠•銀杏 •苦瓜•蘿蔔🥕Fish Maw, Ginkgo, Bitter Gourd, Turnip太虛幻境判詞：「可歎停機德，誰憐詠絮才；玉帶林中掛，金簪雪裏埋。」❤️ 林黛玉喺《紅樓夢》書女主角之一，取其一生苦澀為主題🥺蘿蔔正方環裡有涼瓜、鷹嘴豆、白果、菜脯及豆腐等，放上扣至入味軟滑花膠，配搭人參果實，入口有清、甘、軟、爽，百感交集🥹猶如人生百般之味在心頭😳【RICE • 巧姐】🐟咸魚•星斑•泡飯🍚Rice, Spotted Garoupa Fillet, Salt Fish, Poached太虛幻境判詞：「勢敗休云貴，家亡莫論親；偶因濟劉氏，巧得遇恩人。」以「鹹魚翻生」為靈感，鹹魚及星斑作主角✨ 湯底濃郁嘅魚味，湯裡面仲有馬友及星斑嫩滑嘅魚肉，帶帶咸香味，配搭泡飯一齊食剛剛好🍚【DESSERT • 賈迎春】🪺珍珠•紫薯 💜Purple Sweet Potato太虛幻境判詞：「子係中山狼，得志便猖狂；金閨花柳質，一載赴黃粱。」以「殺蚌取珠」為創作靈感🩷中間粒珍珠外脆內嫩，外殼喺白朱古力，裡面紫薯紅豆味滑溜細膩慕絲紫！旁邊有微甘嘅紅豆爆爆珠🫘 …Read More

所有大人都曾經是小孩☺️雖然只有少數人記得🤣細細個就好鍾意睇小王子🤴帝京酒店最近聯乘推出左呢個夢幻下午茶😍即刻約埋姊妹去當一天公主甜蜜邂逅返小王子🤴🦀蟹肉牛油果蓉配脆米餅🍘牛油果慕斯加上絲絲蟹肉配襯底部脆米餅口感豐富🤭鴨肝醬脆餅配紅桑子啫喱香脆可口脆餅上塗左絲滑鴨肝醬🥰酸甜紅桑子啫喱打開味蕾😉脆炸巴馬火腿芝士🧀薯仔球🥔金黄脆皮包住融化咸香芝士及绵密薯泥🥔要點埋下面微酸香草茄蓉酱一齊食☺️煙三文魚慕絲撻配黑魚籽杏仁撻殼上裝滿煙三文魚慕絲加上海洋咸香黑魚籽😍入口鮮味獨特櫻桃🍒開心果慕絲蛋糕作為開心果控呢個蛋糕真係好好食🤤以乾冰營造煙霧嘅效果突出咗驚艷玫瑰花🌹開心果慕絲味道濃厚😍打卡一流🥰藍莓🫐芝士白朱古力慕絲蛋糕白巧克力慕絲镜面星球🌍中間係藍莓芝士及藍莓咸咸甜甜滋味細緻😍面頭白朱古力片印住咗小王子真係唔捨得食呀🤣行李做型紅桑子歌劇院蛋糕相當別致🥰細細件蛋糕有杏仁、朱古力🍫紅桑子雲呢拿忌廉及朱古力奶油夾心😍味度層次感分明😋檸檬瑪德蓮蛋糕檸檬🍋朱古力相對清新😍瑪德蓮蛋糕有驚喜😍🍊雲呢拿香橙慕絲蛋糕雲呢拿香橙慕絲雲朵入口即化帶情幽橙香😍上面書仔白朱古力甜蜜好食🤤🍹甜橙苿莉梳打Tiffany blue 茉莉梳打上面有細滑忌廉😍下層有甜酒及茉莉花糖漿😍將佢哋攪勻飲落甜中帶咸🥰隻顏色靚到不得了😎🥤 玫瑰乳酸梳打粉紅色充滿少女心玫瑰乳酸梳打😍玫瑰花浮現係杯中加上真實嘅玫瑰花瓣點綴😍玫瑰花味香甜而不膩😉乳酸梳打入口清爽😍依家只要惠顧小王子下午茶仲可以加$15即時打印幾款期間限定嘅小王子相框相片😍…Read More