Yataiya

星期天，想一家人齊吃日本菜，於是和家人到太古城屋台屋吃午飯。踏入餐廳，料理芳香撲鼻。餐廳播著日式流行曲，裝潢設計很有日本特色。餐廳內部放滿了裝飾品，淡而柔和的黃色燈光下立著日本武士的旗幟，卡通忍者狸貓的瓷像，好可愛！！在濃厚的日式格調下，感覺特別舒暢。餐牌如上一次光顧滿二百元，即送此卡。前菜味道較淡，但燉蛋口感十分滑。贈品三文魚茶漬飯湯底散發淡淡茶香，玄米十分幼滑。建議加入山葵(Wasabi)，一同進食不會嗆鼻，反倒帶來陣陣濃香。鰻魚飯（小）適逢餐廳二十五週年慶，鰻魚飯（小）有減$15的優惠。鰻魚醬汁鹹度恰到好處，帶出鰻魚本身的香味，加上白飯，鹹度恰到好處，配合得天衣無縫。汁燒雞扒 + 秘製豬軟骨面豉拉麵［ 分別兩道菜］汁燒雞扒有一陣燒烤的濃香，很欣賞旁邊帶有沙拉，使人在沉醉雞扒的烤香後享受清新的蔬菜，感覺煥然一新。拉麵麵質微韌，豬軟骨肉質柔軟，面豉湯濃度恰好。好吃！整體來說，雖然不太便宜， 但店鋪充滿日式風情，味道不錯，給大家介紹一下。…Read More

Decent and cozy Japanese restaurant. The grilled Angus Beef was pretty good, juicy and tender. The fatty tuna sushi rice was average while the portion was quite small and the tuna wasn’t fatty enough. However, the soba noodles was well made. It was fresh cold, supple and slightly chewy.|Grilled Angus Beef Steak Set安格斯牛扒定食💰HKD149|Onion Fatty Tuna Sushi Rice with Cold Soba香蔥吞拿魚腩飯(小)配冷蕎麥麵💰HKD118…Read More

諗住近近地係屋企附近食日本野，本身都無特別期望，見有咁多好評，咪試下，但無諗過係咁難食。係一間完全無誠意既小店。叫左4樣野。劍魚腩壽司正常，你會係元氣千兩食到既質素，但收$60 2件；炸雞軟骨係硬同有燶味既；豆腐鍋個湯無咩味；唯一係個牛油果軟殼蟹卷正常⋯⋯但收$105 6細舊。去到最後每人送1球雪糕，正常朱古力味。2人埋單$500⋯⋯呢個價錢如果係有誠意小店絕對無問題，但呢間既質素我會覺得貴夾難食⋯⋯唔會再幫襯…Read More

未踏入餐廳，外邊已經瞥見和式既佈置，當侍應帶我哋坐卡位時，又發現一枱一櫈都有著唔少既心思。即使未品嚐該店既午餐，心中都已經給予唔錯既分數。打開餐牌時，午市既套餐居然有林林總總既選擇，食客可以隨自己既喜好揀壽司、刺身、牛脷飯、牛柳粒飯、鰻魚飯、豬頸肉拉麵、三文魚漬飯、野菜烏冬、天婦羅等等，最吸引或者好切合香港人既係午市套餐可以同時間選擇兩款主菜（飯麵），同時間可以滿足喜歡品嚐不同美食既人。今次我就叫左軟殼蟹卷同烏冬，軟殼蟹炸得剛好而不太油膩，烏冬既麵條彈牙爽口，連同散叫既天婦羅拼盤，覺得非常滿足！…Read More

係香港食日本野通街都係，近年趨勢係做主打菜式就比較少選擇，而今日我哋呢間就係傳統好多選擇嘅日式餐廳個名比較搞笑叫狸屋台屋，入面裝修都好日本家庭式feel。菜單上選擇十分多，刺身壽司串燒飯拉麵樣樣都齊全。今晚我哋選擇一個套餐再另加一個鍋飯。前菜：菠菜一坐低無耐，店員就送左一個前菜。再睇餐廳先知，這裡沒有免費的前菜呢！精美前菜 $18，茗茶每位$8牛柳陶燒配豚肉豬骨湯拉麵 呢個牛柳陶燒絕對唔講得少，看似好簡單，只係幾塊燒牛肉下邊放啲芽菜。出邊坊間有好多餐廳都有安格斯牛肉供應。但係同我哋今晚食既簡直係天淵之別。雖然係全熟嘅安格斯牛片，但係每一啖食落去都有濃郁嘅牛肉味，就連芽菜同醬汁都滲入牛肉汁我哋唔應該用拉麵去配，應該要用白飯，因為個汁實在太惹味拉麵就較為普通，冇辦法啦，而家香港太多好食嘅拉麵店，所以冇得比。石頭鍋燒走雞飯這間鋪頭標榜係用日本出產的米。呢個飯絕對能夠體現佢嘅與眾不同。首先用一個石鍋去盛載感覺很有韓國feel。不過走地雞同埋洋蔥加上帶少辣嘅醬汁渾然一體之後出來的效果係十分之咁好味。最重要係你會食到每一粒飯都好飽滿和晶瑩通透，很有飯味。雞肉質鮮嫩有彈性完全係日本地雞嘅表現。整個飯都係十分高水準撈埋岩岩既牛肉汁食，更加滋味本身覺得價錢不便宜，但係食完之後就覺得係物有所值。食物原材料係呃唔到人同貨真價實。…Read More

今晚入了久聞大名的貍屋台屋，叫左鹽燒日本雞翼、鹽燒牛脷...石頭鍋燒牛肉飯、豚肉豬骨湯拉麵。餐前小食D螺肉好彈牙，三文魚新鮮好食（係非常好味果種），仲有最好食係個拉麵，好足料！湯味濃郁。最後食了日本番薯天婦羅，又是非常不錯。另外要講嘅係，店員服務態度良好。因為叫左500蚊，所以最後有雪糕送：）Overall, very good! 美中不足係稍貴，但如果覺得quality is more important than price, 呢間日本餐廳值得一試！…Read More

今日2人同行太古城, 購物完畢已下午6點半於太古城內的touch mon kiosk查看附近餐廳見到一間個名幾特別的日式食肆, 更不是在太古城商場內, 要行出太古城, 轉入住宅區內一入座點左2個1人餐, 好快就黎左個酸瓜螺肉, 好食開胃!但開左個胃, 到黎下圖壽司已經等左5分鐘....帶子同甜蝦都新鮮, 但帶子不夠爽口再到黎下圖起碼超過20分鐘....2人已餓壞醬汁味道甜甜地不錯, 但牛柳偏鞋口, 如嫩一點就更好了本來仲有一碗腐皮烏冬但無影到, 麵質一流, 大家可以一試呢個係豬軟骨拉麵, 豬軟骨夠淋, 入味, 湯底有黑蒜, 但並無特別估唔到食完仲有每人一個黑芝麻雪糕!埋單~$330, 算係一個太古城附近不錯的選擇!…Read More

其實每次傷腦筋食咩時，我都好快閃出日本野，應該係我比較中意日本菜掛。今次又係去太古行街，行之前一定要食飽喎，時間尚早，唔想等位就黎到狸屋台屋。入到去裝修係好家庭feel的，感覺幾舒服，不過唔夠冷氣。叫左魚生飯，魚生算新鮮，而且種類算多，平民價錢大大碗好抵食啊！辣豚肉石鍋飯。。呢個好惹味，適中嘅麻辣度岩哂我，豚肉唔係話好優質，但中等價錢食到咁嘅質素，好唔錯㗎啦！不過食到尾有點油膩（笑）什錦天婦羅就冇咁好啦！粉漿厚左啲啊！仲有油左啲添，有待改善喔！最後個燒鯖魚就冇咩特別，對於唔愛好食魚嘅我係接受到果陣魚味的，起碼我冇覺得佢腥，但就燒得乾左少少啦。…Read More

夏天熱辣辣，好耐冇試過行咁遠去狸屋台屋星期五心情大靚，對自己好D，叫咗個特上壽司配烏冬除咗沙律醬多咗少少，整體都好味，烏冬好滑，帶子好鮮味，舊飯細細舊，望落好似唔多，但好夠飽…Read More

本人为太古城街坊，所以很早就知悉有狸，屋台屋這家小店，於是在八月十七日晚上光顧。怎知這是一個错误决定！我八点半左右和朋友到達，但侍應只给一杯茶！可我们有兩人！侍應回覆要收钱！算吧就點菜先醫肚！八點四十四分點完，上菜如衝鋒車般，十分钟全上齊七度菜！包括魚生，寿司，烧安格斯牛和鯖魚，还有軟殼蟹手卷。魚生新鮮度一般，手卷，寿司米没加醋或不夠，食出廚師功力很一般！在魚生，寿司没上齊他们就送来牛和魚，質問服務員为何生的没吃完就上熟的，支吾以對並把牛和魚取走。最后到我们差不多吃完魚生就送来牛和魚！天呀，翻叮加熱能好吃吗！這收费水平可不是大家樂呀！在九点三十六分服务員自動送上賑单要求埋单！什么店？？以后不要来！兩個人食左$1380，咁嘅服務水准！食蕉啦！…Read More

太古城，多年來，都是旅港日僑聚居之地，以前的日子及現在的日子，都有不少為了日本居民而設的商店/食店。單是康怡那邊的 AEON，太古城中心的 APITA，一個生活小區能容立兩問大型日式百貨公司，可見得，區內的日本勢力，並不簡單。所以，我這一次來太古城，找的就是非連鎖食肆，而亦因為以上的原因，我把目標鎖了在日本料理之上，而網絡的資訊說給我聽，太古城有一間日式小店，叫《狸屋台屋》。《狸屋台屋》，在店的門口說明他們做的，是日式家庭料理。而在街坊日中得知，此店的老闆是太古城居民，屋苑內有不少餐廳都是他旗下。另外，在食午飯時聽到街坊的談話，太古城越來越多國內人住了，這店的老闆看中了商機，開一間廣東小炒，迎合他們，認真識做生意。說回此餐廳，一入內安頓好，日本料理小館子的那一份感覺已經立即帶給你，是日的我來得算早，人不多，但當一點鐘越來越迫近，在太古城、太古坊的上班族，全都是在這一個時段到達，好不熱鬧。有卡位，四人前來，四人高談，也是夠 private 的。另有要脫鞋進入的包箱房位，盡顯其日本餐廳的正宗風格。日式蒸蛋，入口很嫩滑，簡單的蛋加鹽味道，配了嗚門卷同冬菇，我感覺到美味，而且，蛋的確是嫩滑，也夠熱而且絲毫沒有蒸得過老，很好。湯，是大眾不期待的麵豉湯，濃也許會開心一點，不濃而且沒有任何湯料，全場食品中，我覺得此物是最最最失色的。第一次來，不吃二選二的午市套餐，因我想食一個正常 size 的鰻魚飯。面前的這一個鰻魚丼，份量充足，鰻魚肉嫩，皮脆，浦燒的魚肉，既香又味道濃，汁緊緊起粘在鰻魚的肉身上，也有少少許跑出來滲入米飯之中，令到魚同飯都同樣惹味。改日，我有空再來一試，這一次就試他們的的那個二選二套餐。而是日的前菜就非常之簡單，是一個很綠色的中華沙律，爽口，麻油味濃，味道正常。套餐的刺身及壽司，刺身是大家見慣食慣的三文魚， 另外的壽司，該是鱆紅魚吧，套餐只說刺身壽司拼盆，兩件鮮魚壽司，兩件鮮魚刺身，入口感覺到鮮甜，質素不差。 午市套餐另有拉麵，而我選擇了豬軟骨醬酒湯底拉麵。這一個拉麵，賣相感覺普通，不過，有著味道濃濃的豬軟骨同醬油湯底，食過，飲過，也是不錯的，只是，這湯底因為夾雜了豬軟骨的濃味，令我要像一般味千 style 的食拉麵分法，要放棄湯底。在這兒食拉麵，不能與那些專做拉麵的小店相比，麵物很滑，感覺就是日式超市能買到的成品拉麵，好處就是濃濃的豬軟骨搭救，令到湯底倍加濃香，不足中有其美。飲品，是熱檸水，是咸檸水，感覺非常之滋潤，熱熱的飲下去，喉嚨很是舒服。很不錯的日式料理，水準好，價錢又不太高。做本區日僑街坊的食店，食物的種類可算是包羅萬有，能在太古城非商場營運多年，能夠一直以旅港日僑為目標客戶，是他們保持好水準的動力。…Read More

不知由何時開始，每逢星期天日文下課後，我們全班同學總會找個地方吃東西，談談天，聯誼一番，好像這已成為我們的指定動作了~~~本來我只是相約了一位久違的中學同學，兩人撐撐檯腳，哈哈，怎知，日文的同學也有興趣。突然，整個飯局也有趣起來了~~言歸正傳，這間日本料理的位置都頗難找，在太古城的天星閣，真是的！鬼知哪兒是天星閣，有兩個住在太古的同學仔都不知哪兒是天星閣！一邊看著Google Map也找不到這個地方，直到要問街坊才知道(不過即便是街坊也不肯定==”)不過，雖然難找，但食物的質素不錯，位置也很舒服，所以就饒過他吧!!!!!嘻~~由於我們一行8人，所以店員姐姐便安排我們坐榻榻米。放心，不用跪坐到腳痺的，是枱下有一個大窿可以伸隻腳落去的那一種。不過本身位置也很大，如果你想跪坐的也無任歡迎！呵呵~~~正值午市，午餐的餐牌選擇超多元化，接近有20種小食可搭配10款不同的主食，看得我們花多眼亂，揀食咩都揀左半個鐘最後我就揀了天婦羅和海鮮拉麵(一路打都覺得有點肚餓)，兩樣食物都是日本正常文化的食物！何以這樣說？因為早上上課時，先生才教我們日本人有分和食的”定食”，就像我這個餐的：一個主食(飯或麵)，外加一個小食(天婦羅、滑蛋豬扒等等)；而另一樣就是受西方影響的”SET”，例如意粉，加杯飲品。但香港人的創意產生了一樣既不是”定食”，又不是”SET”的組合，我都不知怎樣形容它：就是麵食再加飯食。看！一個拉麵，再加交叉鰻魚飯。哈哈，只有香港人才會這樣吃了^^”總體來說，其實味道說很好，又不是。很差，又不是。但大伙兒吃飯來說，邊說邊聊，相信怎樣吃，吃甚麼，也是佳餚！題外話：在我們的榻榻米後面有一篇這樣的小文，請官自行理解吧~~~…Read More

今日同老公去左屋台屋食午飯，佢有多定食套餐，價錢由來已$68 - $102不等，好多選擇。　通常都係一款日式食品＋一個湯麵／烏冬包飲品（不過麵／烏冬唔同湯底要加$6-$9不等，只有一，兩款無乜料ｏ既唔駛加，另外咖啡就要加$8）加下加下，連埋加一，個餐埋單就要九十幾蚊，都唔平。 不過好彩份量夠同味道都唔差，所以都好多人支持。1)　$68/set – 雜錦天婦羅 +蕃茄蟹肉拉麵(+$9) +咖啡（+$8）連加一總數$93.5-天婦羅好足料，大蝦/蟹柳/南瓜/茄子/蕃薯都有齊，而且個漿唔大厚，合格蕃茄蟹肉拉麵，呢個湯底一睇就知夠晒濃，ｄ麵好滑，Good, 不過唔係好食到蟹肉。2)　$68/set – 三文魚卷 +豬骨湯拉麵（+6） +咖啡 (+8)連加一總數$90.2三文魚卷 – 魚生好新鮮，卷內只有蔬菜，好清新。豬骨湯拉麵 – 湯底比較以前淡口左，濃d會正d，只可以話係ok啦。 加$8咖啡，好香，但係唔係好濃，ｏｋ啦。不過總括黎講都算唔錯。…Read More

我同Honey一向係去開逸樺園果便間「屋台屋」, 太古城呢邊呢間「狸屋台屋」咁耐只係食過一次, 今日好早就起咗身, 所以行遠D去太古城呢間總店... 總店「狸屋台屋」有一半係日本式卡位, 播放著日文歌, 陽光透過落地玻璃滲入餐廳內, 洋溢著傳統日式餐廳恬靜閒適的感覺, 正!!! 狸屋台屋嘅Icon... Mr狸!!! 相比之下, 分店「屋台屋」裝修後播放著香港電影節目... 服務員高聲喧嘩討論是非... 食物味道亦大不如前... 置身其中, 感覺與快餐店無異... 價錢加完一次又一次, 已經與總店「狸屋台屋」睇齊... 睇怕第時都係要行遠少少o黎總店「狸屋台屋」食... 同分店一樣, 總店供應自選午餐, 選擇好多, 可以隨個人喜好自由配搭... 俗語有云, 早起的鳥兒有蟲吃!!! o黎到「狸屋台屋」, 早到的客人有蛋吃!!! 日式燉蛋限量免費送出, 先到先得~ 因為腸胃罷工關係, 所以我今日唔可以食至愛嘅「超人氣什錦天婦羅+油揚手打湯烏冬」, 唯有Order日式煎餃子+油揚手打湯烏冬, 叫Honey幫手食埋D餃子... 日式煎餃子--餃子煎得幾好, 又唔穿又冇油, 入面仲好Juicy, 好味!!! 油揚手打湯烏冬--油揚近年轉咗Supply, 已經冇以前咁甜咁好口感, 烏冬依然煙韌, 烏冬迷必吃!!! Honey依然係Order至愛「和風牛柳粒飯」定食, 勁多好好味牛柳粒, 不過冇咗糖芯蛋, 取而代之嘅係煎蛋... 唔制呀!!! 屋台屋嘅糖芯蛋係超好味o架嘛, 點解唔比我地食呀!!! 甜美洋蔥, 脆脆飯焦, 熱鍋奉上, 拉姑誠意推介!!!(註: 分店「屋台屋」嘅和風牛柳粒飯味道已經走晒樣) 餐飲可以揀招牌自家製水蜜桃茶, 超級好飲o架, 走咗冰都一樣咁好飲, 其他地方飲唔到o架, 拉姑誠意推介!!! 餐後贈送綠茶雪米糍, 分店「屋台屋」係冇o架!!!…Read More

因為之前有朋友試過而推介狸屋台屋所以一試~店內裝修擺設不錯, 適合三五知己小聚食物味道方面亦不俗~ 三文魚壽司尤其不錯~~但客套說話就此完結....我和朋友點了菜後, 便有侍應放下兩碗麵豉湯, 天真地以為是送的過了一會, 後面有兩個侍應發生微微爭吵及後發現原來麵豉湯不屬於我們.....但是她們沒有交待一切, 立即以九秒九時速收起兩碗麵豉湯..... =.=||到爭吵完畢後, 再將剛才收起的兩碗麵豉湯送給別枱.....!!!!!!!! 噢.... 天啊..... 我不知道她們何來的信心相信湯放在枱上一會兒.... 而客人並沒有品嘗過!!!而且, 其服務態度真的有待改進.....就算滿枱子食物, 已看得出沒有太多的餘位... 但也是硬硬的把食物塞進來侍應不幫我們整理不要緊.... 但也好給少少時間我們自己整理才放下吧......!!趕客速度亦是一絕, 飲品還沒渴完便要求埋單.... :(:(:(最後, 整餐晚飯在速速忙忙的情況下完結盡管食物質素不錯, 但經過今次後亦不會再次光臨......... …Read More