Taiwan Bussan Hotpot (Telford Plaza 1)

人均$300食到A5和牛，閨蜜不相信，還以為我說錯呢﹗ 犇殿最近推出期間限定﹗買一送一，全農日本JA和牛嘉年華， 一人價錢二人享用，即可享共半公斤北海道A5和牛及2小時任食多款肉類、海鮮、蔬菜等火鍋配料、台灣美食、甜品、飲品、雪條雪糕，這還有抗拒的理由嗎？ 湯底我們選了台式濃香沙茶鍋，味道剛好，不怕蓋過食材的味道。 每塊和牛都幾大塊幾重身，油花分佈平均，肉質幼嫩，那入口溶化的爆油口感，吃2大片已經有點飽滯。 另有美國極佳牛肩胛肉、澳洲特選牛肉、上選安格斯牛肉、牛板鍵、紐西蘭羊卷肉、美國豬梅花、阿嬤燒酒雞、手工醃制果梨雞抑等；每片肉都完整無缺，並沒有冰凍硬實或過度解凍，讓肉類保持著優質的狀態，吃下去時口感及味道更佳。還有自助火鍋中少有的牛胸爽呢﹗海鮮類有鮮蝦、雲林文蛤、屏東海斑片、澎湖花枝漿等，文蛤入口幼嫩爆汁，是一點再點的火鍋配料，海斑片則緊緻有彈性，這幾款都是我心水。 手機點餐裡也有不少台灣美食，如十三香滷三寶、鮮蝦腐皮卷、花雕醉雞翼、皮蛋豆腐、香芋地瓜球、炸魚皮、鹽酥雞、台灣腸、榴槤炸彈、老街蜂巢豆腐、基隆蝦餃等等，好豐富。 另有幾款台灣美食在自助區，如麻辣鸭血豆腐、滷豬腳、茶葉蛋、咖喱什錦、紅燒牛肉、酸菜魚，每款都好入味好夠味，滷豬腳骨肉易分離，滿口是黏黏的膠原蛋白。 自助區還有多達30款火鍋配料，食物整齊又新鮮，有新鮮翠綠蔬菜、清甜脆嫩紅心大根、爽口蟲草花、羽衣甘藍、花生芽、麵類等等，好多選擇；真的跟要吃素食的朋友來到，也不用擔心。 另有幾款前菜、水果、馬卡龍、涼粉、芋圓等台式甜品，也是準備十足的。旁邊有各款雪條雪糕。  飲品方面有熱茶、自家製冷泡茶、各種罐裝飲品、紙包飲品、兒童飲品、有氣果汁、有氣水、泰國啤酒等，源源不絕地供應。…Read More

今日同朋友食左間超值既台式火鍋放題!!!「日本JA全農和牛嘉年華」套餐, 買一送一價錢$598, 呢個價錢食到北海道和牛都真係正限時兩個鐘, 但時間絕對夠, 因為上菜速度極快位於九龍灣既分店環境幾大, 好多卡位, 坐得闊落又舒適~抽風系統做得唔錯, 食完身上都唔會成陣火鍋味:)餐廳服務一流, 店員即叫即到, 做野非常快手, 仲會經常主動加湯落單可以用QR code掃, 亦可以去出面自助區拎~~自助區有多款熱葷, 例如麻辣鴨血豆腐, 鮑汁雞腳, 粉絲肥牛煲, 咖哩魚蛋, 燉牛肉等....我自己就最鍾意鮑汁雞腳 & 燉牛肉~兩者都炆得好淋入晒味, 超好味!!!火鍋配料以蔬菜為主, 亦有丸類, 麵食等~最特別係有多款特式蔬菜, 例如花生芽, 紫蘿蔔, 紫羽衣甘藍飲品就有冷泡茶, 果汁汽水, 啤酒等~~食火鍋前點小食食下先~有炸鮮奶, 台灣香腸, 朱古力炸彈, 鹽酥雞, 炸雲吞, 榴槤炸彈等等....有8款湯底選擇, 我地就揀左美白凝膚牛乳鍋~奶白色既牛乳鍋感覺好滋潤, 湯底入面有秋葵同雜菇, 牛奶味香濃得嚟唔會膩北海道和牛(半斤)和牛一上枱, 個賣相已經贏晒粉嫩嘅肉色加上均勻嘅雪花紋, 未食已經流晒口水!!!輕輕一淥, 淥幾秒就夠~入口超級嫩滑, 油脂香爆棚, 仲帶住淡淡甜味, 正到爆!其他肉類有澳洲特選牛肉, 美國牛肩胛肉, 美國牛板腱, 上選安格斯, 牛胸爽, 美國豬梅花, 紐西蘭羊肉卷, 阿嬤燒酒雞等~~海鮮就有海蝦, 海班片, 鯛魚片, 墨魚仔, 魚青滑甜品非常豐富!!除左有韓國雪條, movenpick雪糕, 豆腐花, 仲有芋圓+多款topping另有杞子雪耳糖水, 水果就有西瓜~…Read More

又到中秋🌕，年年都燒烤真係有啲悶，今年想同屋企人食得矜貴啲同舒服啲。阿妹提議去打邊爐🍲，話九龍灣「犇殿」做緊個日本和牛推廣，一於就去試下！-A5和牛，真心無得輸！👍一坐低就望到個「和牛嘉年華」嘅餐牌，主打嘅A5和牛賣相真係冇得頂🤩，啲油花靚到好似雪花❄️咁。輕輕淥幾秒，點少少醬油已經好夠味，放入口真係有種融化嘅感覺，阿媽食到不停話正！難得屋企人食得咁開心，已經值回票價🎫。-配料多到花多眼亂👀，任點任食最開心！除咗主角和牛，其他嘢食都唔失禮。我哋叫咗好多輪🔄，安格斯牛、台灣米血糕、手工蛋餃同埋啲海鮮🐟🦐都好新鮮。湯底揀咗藥膳牛骨湯底，夠晒惹味！-中秋團圓飯👨👩👧👦，有驚喜優惠加分！🎉最開心係撞正佢哋做緊個「買一送一」💸嘅期間限定優惠，我哋一家人多，計落真係好抵食！圍住個爐邊食邊講笑，個氣氛不知幾好，比起對住啲煙燻火燎🔥，呢餐中秋團圓飯真係好滿意💯。食物質素高，環境舒服，服務又唔錯如果妳都諗緊同家人朋友慶祝中秋，或者係生日飯🎂、開學飯📚，呢度絕對係個好選擇！…Read More

犇殿和牛放題暴擊！$598買一送一北海道和牛 多款台式湯底+台式小食任食德福廣場呢間犇殿台灣火鍋最近推出 「日本JA全農和牛巡禮」，$598買一送一，半公斤北海道和牛+多款肉類海鮮台灣美食任食，即刻同大家開箱呢個「食肉獸天堂」！ 🔥核彈級頭盤- 日本北海道和牛（每兩位半公斤），雪花紋靚到似藝術品！輕輕淥3秒，入口即溶仲帶淡淡奶香，朋友食到眼發光！- 美國澳洲牛肉任點：油花均勻肉味濃，牛味濃，配沙茶醬食仲有台式夜市feel～ - 海鮮有蝦、魚滑、花枝漿、雲林文蛤、鯛魚同石班片，每款都夠哂新鮮！🍢自助區掃貨攻略- 台灣美食鴨血、蜂巢豆腐、十三滷香三寶、手抓餅應有盡有，好似去左台灣夜市咁！🍧甜品回本位- Häagen-Dazs+多款雪條任食- 芋圓仙草DIY區：自己撈珍珠+紅豆+椰果，儀式感滿分 呢個價錢有和牛仲有咁多種類嘅食物同任飲冷泡茶同各樣飲品甜品，今次真係贏晒～ …Read More

星期六晚同老婆，姑姐及家姐4人即日book咗7點。本身餐廳有個推廣係北海道和牛餐買1送1, 不過去到時已經售罄。唯有揀$398澳洲M9和牛。M9牛肉的賣相及口感都係合格的，油花都算多，但當然唔可以同日本和牛比較。至於其他牛肉，美國Prime及Premium Angus只要時間控制得好，入口都唔會太過韌，小試無妨。其他QR code落的火鍋配料，海鮮類並唔係好新鮮，台式餃子大致上OK, 鐘意餃子的不妨幾樣試下。特長蟹柳較特別，魚片頭份量少可以試下。熟食方面，豬手好味。甜品方面，有百福豆腐花及Haagen-dazs，用餐當日有朱古力及Cookies and cream。總結一下食物選擇方面並唔係太多，而質素方面除M9牛肉較為滿意外，其他都只係一般。甜品有Haagen-dazs挽回分數。整體性價比一般。餐廳環境方面，雖然已經增設多部客動式冷氣，整體冷氣依然感覺不足，要有心理及身理準備。…Read More

犇殿台灣火鍋其實係德福開咗好多年今期做緊日本北海道和牛買一送一優惠 2位都只需$598 呢個價錢 未試過嘅不妨一試阿~裡面環境頗大 2人座位都夠曬闊落自助區除咗一般有的蔬菜、丸類、飲品、雪糕之外 仲有芋丸同燒仙草呢類嘅台式甜品自助區呢個SET湯底有8款選擇 我哋揀咗比較台灣地道嘅藥膳紅燒牛骨鍋而日本北海道和牛每2位會有半斤 另外QR CODE ORDER任食嘅有10款 美國極佳牛肩胛肉 澳洲特選牛肉 上選安格斯牛肉等 要一讚嘅係連牛胸爽都有阿！ 另外仲有7款海鮮同多款台灣美食任你食除咗依加呢個日本北海道和牛買一送一之外恆常嘅美國極佳牛肩胛肉餐 上選安格斯牛肉餐都係$248起/位青衣 奧海城 將軍澳都有分店~ …Read More

未到放工時間餐廳無咩人，環境幾舒服，侍應幾有禮貌同細心，主動觀察你使唔使加湯，無叫任食，叫左個定量套餐上選赤身牛套餐 ($68 / 150g)包前菜、蔬菜同飯，唔包飲品，飲品$5 - 15蚊湯底揀左烏雞桃膠湯，個湯係幾甜，仲有4份1隻雞係到牛肉個樣都幾好，赤身都唔算鞋啦，普通打邊爐牛肉咁大白菜其實可以整細啲，手臂咁大又無得剪最後都無食到，同埋粟米有啲乾正正常常邊爐，唔使特別去，同fd傾下計都ok…Read More

見到有期間限定！買一送一・全農日本JA和牛嘉年華，即係$598/2位，食到超靚雪花日本A5和牛😍(半公斤)+火鍋放題，感覺幾抵食，入去試下半斤肉係鹿兒島黑牛，入口即化，仲要可以任食美國牛肩胛、澳洲特選牛、安格斯牛等呢個餐一樣包出邊嘅自助區，有好多唔同嘅火鍋配料、蔬菜🥬亦都有熟食、冷盤、甜品等～湯底有八款可以揀，我哋就叫咗刈菜蚵仔鍋，味道鮮鮮甜甜啱晒小朋友食，另一款叫藥膳紅燒牛骨鍋，藥材味好香煮肉類好夾。仲可以手機點餐有海鮮可以叫～雲林文蛤必點！好鮮甜又無沙！仲有好多款台式小食可以order，必叫：十三香滷三寶，牛筋好淋，牛肚爽彈🤭放題都可以食到咁嘅質素好驚喜呀甜品區有台式嘅芋圓、涼粉，仲有好多配料可以自己配搭😍 最後食埋Häagen-Dazs超滿足啦❤️❤️全家都人都對今餐好滿意呀，決定嚟緊父親節都再嚟食多次呀🫶🏻…Read More

今次去到九龍灣德福廣場犇殿台式火鍋,日本JA全農和牛巡禮 $598套餐正有買1送1優惠,即刻去食~ 仲有8款湯底選擇,各有特色,我今次點了蕃茄豬骨湯,湯底好香濃,仲要一點也不會膩出面仲有自助區可能拎菜類,菇類,甜品,飲品等等~最特別的係有台灣小菜任食,好似鮑汁雞腳,咖哩魚蛋, 燉牛肉等,款式都好多真係好正日本JA全農和牛一上檯都見到肉既脂肪分佈好平均,好靚,食入口好香牛和油脂味另外我仲有點了澳洲特選牛肉、美國牛肩胛肉,呢2款肉都很不錯,岩晒打邊爐蔬菜呢度都好多款式,最特別係有花生芽食,真係好爽口我食左好多而仲有一個好特別既位就係可以自助整台灣芋圓仙草凍,任加自己想食既配料呢度既座位好闊落,坐得好舒服,一大群朋友來打邊爐都好合適犇殿台灣火鍋 (德福廣場1期)九龍灣偉業街33號德福廣場1期1樓F1號舖…Read More

多年好友最近覓得待遇甚佳的新工作，相約跟我慶祝，選擇位於九龍灣德福廣場的台式火鍋店「犇殿台灣火鍋」享用午餐，可選吃到飽或定量套餐；環境衛生舒適，設大型自助區，提供多款火鍋配料，更可享用台式小食、前菜、飲品、甜品及雪糕等-🔹午市吃到飽任食套餐▶️上選安格斯牛肉 $166 1:15 前離座可享 7 折，當天 12:00 入座自選湯底一款、自選肉類套餐、自選火鍋配料吧、飲品及甜品湯底點選美白凝膚牛乳鍋，加入白菜、杞子及大量本菇，呈奶白色，感覺順滑滋潤，飲到淡淡奶香且鹹度適中，毫不油膩肉類包括上選安格斯牛肉、羊肉卷、美國豬梅花及阿嬤燒酒雞牛肉厚薄適中，脂肪比例不高，緊緻軟嫩帶不俗的肉香、羊肉卷羶味不重、豬梅花質素正常、燒酒雞厚肉嫩滑帶可接受的酒香火鍋配料有丸類、蔬菜、菇類及麵食等，食材新鮮；另外提供白飯、糖水、蘋果造型饅頭、多款熱食如鴨血等；飲品有罐裝及自家製花茶；甜品有芋圓、仙草凍及配料-1:15 前離座人均只需 $133，非常超值，性價比高；惟部份店員欠缺基本禮貌，稍微扣分…Read More

今次二訪餐廳, 兩次雖然不同時段, 但整體體驗也沒有太大分別 😊 這間是台式任食火鍋, 2小時用餐時間, 食物種類非常多, 多達30幾款食物。除了QR code下單, 更可以走出去拿食物。門口會有侍應接待, 解釋好就會為你帶位, 很有禮貌。環境光猛, 座位也相當闊落, 肉類可以叠高擺放, 不用擔心點了太多 🤭日本JA全農和牛巡禮 $598套餐正有買1送1優惠, 一開頭會有20斤北海道和牛, 顏色非常粉嫩, 配上很美的雪花紋理, 未吃已經感受到它的美味 🤩 為免糟蹋這些高質靚肉, 不要淥太久 😌 果然一吃肉質非常幼嫩, 滿滿油脂感, 而且味道鮮甜 😋 雖然如此, 但未至於入口即溶。總覺得這款牛配花膠美人鍋會更配搭, 不過這次選了藥膳紅燒牛肉鍋, 帶微微藥材味, 雖然藥材味薄弱, 但整個湯頭很濃郁, 而且越滾越濃, 後尾更有點咸 🙃除了北海道和牛, 另外還有4款牛肉可以任吃, 分別是牛肩胛肉美國牛板腱上選安格斯牛肉澳洲特選牛肉當然這4款牛不能跟北海道和牛比拼 😗 不過質素也不差, 尤其安格斯牛肉就最好, 牛味濃之餘又不會太粗糙。然後就是牛肩胛肉, 牛味是最濃的, 最差就是澳洲特選牛肉, 超韌! 🫣 另外30幾款食物就劃分為肉類, 海鮮類, 更有些台式食物 (當中有熟食), 在外面還有蔬菜, 肉丸, 熟食, 飲品和甜品, 絕對是吃到飽 😁 甜品更有Movenpick雪糕, 最近發現不少餐廳都提供這款雪糕, 也不失禮。服務方面非常好, 其中1位新來的staff加湯個時會用手擋住以防湯汁彈到客人, 這個動作即刻加分 👏🏻 不過餐廳出食物速度就有點慢, 所以就扣了少許分 😬 網上有人提餐廳沒冷氣, 吃到流汗, 但我吃2次都並沒這個感覺, 對我來說環境是不錯的 😗…Read More

天氣一凍，真係忍唔住要約埋朋友去打邊爐暖下胃！🔥 今次我哋去咗犇殿台灣火鍋，因為俾佢個「買一送一全農日本JA和牛嘉年華」吸引住！$598兩位，就可以嘆到半斤和牛，CP值爆燈呀🤩湯底選擇都幾多，我哋揀咗蕃茄🍅同台式香濃沙茶🥜兩個。蕃茄湯底一上枱，陣陣清甜嘅蕃茄香撲鼻而來，令人食慾大增！而沙茶湯底就夠晒濃郁，用嚟淥牛肉一流！講到重點梗係和牛啦🐂！半斤日本九州和牛，雪花紋路分明，肉質鮮嫩到入口即溶🤤！淥一淥，牛肉嘅油脂香氣完全釋放出嚟，真係令人回味無窮！除咗和牛，我哋仲encore咗好多次美國牛肩胛肉，牛味香濃，肉質都唔錯，食到停唔到口呀！犇殿嘅配料選擇都好多，除咗一般嘅火鍋配料，仲有好多台式小食，好似鴨血、米血糕、滷三寶等等。不過我哋主要都係食牛肉，其他配料都冇試太多，因為驚食唔晒啲和牛😂自助區都幾豐富，蔬菜🥬、丸類🍡、冷泡茶🍃、果汁🍹、汽水🥤等等，而甜品方面，除咗台式嘅芋圓同仙草凍，仲有Häagen-Dazs雪糕任食，真係一大驚喜！整體嚟講，犇殿台灣火鍋無論食物質素同環境都唔錯，加上和牛買一送一嘅優惠，CP值真係好高！真心推介俾鍾意打邊爐嘅朋友！@taiwanbussanhotpot…Read More

在網上有很多推介， 看到相片亦非常吸引，感覺十分高質的一家火鍋店。 餐廳沒有散叫， 只有放題。我和女兒二人點了350元的 和牛套餐。但是和牛不是任叫，二人份量限制半公斤。入到餐廳就是半自助吧，有飲品，前菜， 火鍋配料，沙律，熟食和甜品，啤酒任飲。 雪糕還有häagen-dazs，這個沙律吧算是很有 誠意 ，但是今天主打吃牛肉，只是試了一點點。極力薦炆豬手，非常入味，肉質嫩滑。這餐的重頭菜是和牛，賣相非常漂亮，好吃 但不是極致。其次就點了澳洲上選牛肉， 安格斯牛肉，和美國肩胛肉，這些都是很一般的貨色。至於手打墨魚滑是粉做的。魚片一點鮮味都沒有。而其他配菜，就不值一提。總括而言，餐廳位於地鐵商場，附近是購物圈，佔盡地理的優勢，加上環境舒適， 服務殷勤，價錢尚算合理的。不過要吃好東西，都是要找其他了！…Read More

天氣凍就經常去打邊爐🫕剛剛去咗德福一期犇殿台灣火鍋 打邊爐我地見「期間限定🎉買一送一🤩全農日本JA和牛嘉年華」$598／2位👭(再加一服務真心抵食）一定要去試👍首先揀個靚湯底美白凝膚牛乳鍋🐮哩個喺最受女士們歡迎，可能有美白護膚功效掛😂入面有秋葵、雜菇，牛奶味很香很濃郁。牛肉真喺好多選擇又高質期間限定A5和牛（半公斤）2位任食以下自選肉類，海鮮及台灣美食🤩🐂美國極佳牛肩胛肉🐂澳洲特選牛肉🐂上選安格斯牛肉🐂美國牛板腱🐂牛胸爽🐷美國豬梅花🐷紐西 蘭羊肉卷🐔阿嬤燒酒雞套餐包括日本九州和牛半斤，花紋好靚，包澤很鮮，滾幾秒就可以，肉質非常之腍，好味👍另外美國牛肩胛肉都很鬆軟，牛味濃郁👍海鮮有🦐海蝦、海班片、鯛魚片、墨魚仔、海蜆、墨魚滑、魚青滑台灣美食有🦆鴨血、逢甲米血糕、厚切午餐肉、十三香滷三寶、老街蜂巢豆腐，百頁豆腐、台式魚餃、手工蛋餃、福建燕餃、響鈴卷自助區很除了很多台式蔬菜，丸類，飲品有養生茶、冷泡茶、果汁、汽水等。。甜品種類多，有豆腐花、乳酪、杞子雪耳糖水、仙草凍，桂花糕，最有驚喜有杞子雪耳糖水，真喺夠哂滋潤😋最後食埋Häagen-Dazs 雪糕夠哂滿足👍…Read More

本人好鍾意打邊爐，見到犇殿有買一送一任食台式火鍋，兩位只係需要$598，即刻要試試！犇殿 CP值真係好高，而家去都唔一定要打邊爐，佢哋最近推出咗台式自助餐，午市只需$98、晚市$138，1小時用餐時間。而午市及晚市火鍋放題，都包埋台式自助餐，不另收費，鍾意嘅朋友可以去試吓😋✨日本JA全農和牛嘉年華套餐($598/2位)👍🏻👍🏻👍🏻👍🏻👍🏻湯底我哋揀咗🥛美白凝膚牛乳鍋，係佢哋最受歡迎嘅三個湯底之一，湯入面有雜菇、秋葵，牛奶好濃郁，奶香味好重😋一坐低職員就會奉上半公斤A5和牛🐮，擺盤好靚，砌到成座「和牛山」咁，牛味好香濃，油花好均勻，A5和牛滾8至10秒就即刻食得，入口即溶，係佢哋所有牛之中最好食嘅一款😋😍其他任食嘅肉類🥩質素都好高，我哋就試咗安格斯牛肉、美國極佳牛肩胛肉、澳洲特選牛肉、美國牛板腱，最鍾意牛肩胛肉因為牛味好香濃😋海鮮方面都有好多選擇，有魚片🐟、魚滑、海蝦🦐、蜆等。海蝦好新鮮、蜆有隻隻都好肥美😍叫得做台式放題當然唔少得台式小食，椒鹽粟米、炸芝麻球、炸餃子、胡椒餅同台灣香腸等，重點係佢居然有蚵仔煎😍，我全部都試晒，大滿足🥰自助餐就有唔同嘅菜同丸類供應，仲有飲品同雪糕任食任飲。雪糕有奶茶味、豆腐味，Tiramisu味呢啲特別嘅味道之外，居然仲有haagen-dazs雪糕任食，呢個真係唔係間間餐廳可以做到，扺💯👍🏻👍🏻👍🏻👍🏻👍🏻（最推薦）- 👎🏻（可以唔使試）…Read More