特色雜錦炒麵 (Moved)

呢一間港式粉面店，可以講係由細食到大，雖然舖頭好細，堂食唔係太方便，但係勝在夠平，同埋基本上係一落order 就有得拎，好方便。河粉炒得好乾身，唔會太鹹，雜錦炒河有好多樣餸，唔會好寡。…Read More

幾個人決定放工後去太安樓掃街，去到先發現好多舖頭都冇左食返呢間，穩穩陣陣。叫左“特色雜綿炒麵“，加蛋，轉腸粉，沙嗲汁，加甜醬。本身呢個配撘冇得輸。煮既時候見哥哥仔打隻蛋落去，個蛋黃係“bb“黃色，唔係d冇蛋味即鮮橙色雞蛋。係我地好彩？定係人地專登入“bb“黃雞蛋？開餐! 熱辣辣，又香，又好食。味道剛剛好，不會太咸。腸粉咬落去帶有少少結實既囗感。28蚊貨仔有一大盒，都算多配料。不過犯賤既我地寧願多d腸粉，今次腸粉先至係主角…Read More

同Friend 食完夜餐, 行左陣街, 覺得意猶未盡想食個宵..其實果陣都係九點零,仲好早,去左太安樓行左個圈, 見到間算係新O既炒粉面, 咁耐都未試過, 就試試佢25蚊一個雜錦炒腸粉, 咩材料都有D, 我諗絕大部分都係食哩個.外賣就貴一蚊, 雖然有D 熱, 但係為左慳一蚊, 我地都揀左係到食, 雖然腸粉好似唔係好多, 但勝左配料份量多, 整出黎都好大碟, 又炒得夠熱, 夠均,25蚊食到, 非常抵食不過個friend話食到佢唔鍾意O既黑椒味...下次叫走黑椒會更好...…Read More

西灣河嘅太安樓係有台灣小士林之稱， 你地有無試過呢！ 收工唔知食咩， 老公話試吓太安樓新開嗰間抄粉麵啦 (因為有晚見 d 人坐哂出去街， 好似好好味咁) , 就試試佢做晚餐啦。 其實呢個位之前係賣牛雜嘅， 都好出名㗎， 唔知點解會執咗。 雜錦材料都幾多㗎， 仲可以揀沙嗲汁同黑椒汁。 買咗2盒返屋企試吓。 老公呢盒就係雜錦抄麵， 但因為佢有張紙跟住， 打開就有 d 肉酸。 而我呢就係雜錦米粉， 齋睇就睇唔出有咩分別㗎， 正常嘅佢係有洋蔥， 芽菜同椰菜連同材料一齊抄嘅， 但我唔食洋蔥同芽菜 (呵呵) 睇返雜錦有 d 咩啦， 其實我食得出同見得到就有紅腸， 魚片， 香腸， 火腿， 漢堡， 雞柳同牛肉。 最後可以加甜醬， 芝麻同辣醬。 雜錦抄粉麵堂食就$25, 外賣加多$1. 當然你可以自選材料啦。 講返食完係點啦， 其實太安樓裡面本身有一間呢 d 抄粉麵㗎啦， 我地由$19 食到宜家$26. 材料其實差唔多， 比較起嚟， 新呢間好咗2款醬汁一齊抄， 宜家抄得比較濕(我自己就鐘意無咁乾) , 好食嘅 …Read More