餐廳：牛魔一人燒肉地點：旺角豉油街菜式：日式燒肉餐牌：一人燒肉套餐一共有15款，分100/150/200/250/300g，價錢唔同，包御飯或者迷你烏冬，牛骨湯同沙律。御飯或者迷你烏冬都可以升級，可以加錢追加燒肉/小食/飲品等。落單用QR code。封門柳牛舌套餐 200g $138 另加一封門柳兩大條，切得夠厚身，原來都唔難燒熟，肉質夠瘦，不過都算嫩，食落好有牛味。牛舌有八片，夠厚切，好有咬口。封門柳西班牙黑毛豬五花套餐 200g $138 另加一配西班牙黑毛豬五花就有四大片，肥瘦相間，口感爽脆，唔算太肥。好欣賞呢度醬汁好flexible，可以從12款醬汁當中自選3款，好貼心。呢度肉類本身冇加醬汁，所以自選醬汁好重要。每款醬汁都好有特色，任君選擇。今日試左黑椒鹽醬，黑松露燒汁，韓國辣汁，焙煎胡麻汁，檸檬鹽。跟餐沙律係簡單沙律雜菜加粟米粒沙律，醬汁係胡麻醬。跟餐牛骨湯有豆腐粒同蔥花，唔會太鹹。日式冷麵烏冬 加$28 另加一冷烏冬有青瓜絲，紅蘿蔔絲，秋葵，半隻熟蛋，伴有檸檬片份量唔多，加有好多冰粒降溫，消暑之選。手拆純蟹粉蟹黃蘭王拌大光麵/烏冬 加$78 另加一手拆純蟹粉蟹黃蘭王拌烏冬原來分量好多，烏冬用木兜上，中間一隻橙紅色大大蘭王！手拆純蟹粉蟹黃另上，係熱辣辣，蟹粉蟹黃撈有蟹肉加蔥花。我成兜烏冬倒落去撈，味道係剛好，口感滑溜而唔會過鹹帶適量蟹味。牛魔黑松露和牛他他 $78 另加一牛魔黑松露和牛他他係好多新鮮蘋果切粒面頭加上唔少生和牛條，中間一隻鵪鶉蛋黃，伴有黑松露醬同蔥花。黑松露醬味道適中，撈埋所有配料食入口爽脆滑溜都有，味道清新中帶和牛油香。特大虎蝦 $28 另加一特大虎蝦真係幾大隻，燒蝦蝦殼極香 蝦頭有膏，蝦肉爽口又鮮甜。伴有檸檬角。菠蘿特飲，巨峰特飲 各加$15特飲有粒粒椰果可以咬，而味道唔會過甜，夠解渴。今餐所有肉類海鮮都好正，食完唔會成頭成身油烟味。每個座位都提供較剪方便自己將燒肉剪細入口。餐廳裝修乾净衛生。…Read More
