Gyujin Shabu Shabu & Sukiyaki Restaurant (D‧PARK)

雖然好多人同我一樣啱啱去咗一兩轉日本，但始終唔夠喉！我今天到訪了荃灣一間夏祭主題既日式火鍋「牛陣」與友人品嚐這頓豐富晚餐有得又有得玩❗餐廳員工殷勤有禮，入座時已經定好套餐並提供QR code點餐，而且追加食材上菜迅速！餐廳座位寬闊，裝修仿似在日本餐廳用餐般，而自助吧擺放火鍋配料及熟食非常整潔！⭐️90分鐘夏日蕃茄壽喜燒套餐 - 日本產黑毛和牛放題🍅 夏日蕃茄壽喜燒鍋呢個期間限定既湯底以蕃茄配以口感清爽既夏野菜如蓮藕冬瓜再加上壽喜燒而成，食落甘甜加小小酸既蕃茄味，鮮香味濃配任何食材都非常匹配。🥩肉食今次呢個套餐首先送上日本產黑毛和牛，仲有北海道四元豚以及歐洲產牛舌，以上肉類除咗無限追加外，仲有來自澳洲產特上長期穀飼牛及嚴選牛肉等等俾你㨂，每樣肉類都非常爆汁特別喺和牛入口有熔化感同油香四溢！🥟海鮮配料及小食仲有仲有其他海鮮配料包括帶子，青口，鳳尾蝦，生蠔，蝦滑，仿蟹棒，魷魚仔及墨魚等。熟食方面有日本小食日式章魚燒和黑糖麻糬等等。🥤飲品及雪糕飲品方面包括咗自家制冷泡茶以及罐裝汽水特飲如清熱檸檬飲等任君選擇。而甜品方面，我們選了最喜愛既Häagen-Dazs雪糕任食既，仲有四種口味俾你任食包括朱古力同咖啡味等完美結束精彩一餐！記住唔好就咁走咗去，食滿額仲有夏祭限定拉繩小遊戲，奬品除咗零食仲有現金卷俾你下次再食過！…Read More

打邊爐無分季節，時時都想食😁 食得多中式火鍋，有時都想食下日式，唔同風味。今個夏天牛陣推出左蕃茄壽喜燒，我一向都鍾意食壽喜燒，今次加蕃茄咁特別，一定要試啦！湯底係餐廳特製嘅壽喜燒汁，加左原粒鮮蕃茄，熬煮而成，蕃茄味非常濃郁。我地揀左澳洲產特上長期穀飼牛及北海道四元豚放題套餐，價錢$289一位，價錢合理。牛肉當然係主角，採用270日或以上穀飼期的安格斯品種，而且飼養過程無使用任何激素及抗生素，安心又放心，唔怪之得咁多一家大細黎食😇
其他食物可以到出面自助吧慢慢攞，出面有各款野菜同火鍋配料，亦有醬汁吧，飲品區同熱食區，真係乜野種類都有！最驚喜係餐廳仲有haagen daz雪糕任食，仲竟然有2023夏天最新味，係Häagen-DazsTM與Pierre Hermé聯乘推出的馬卡龍雪糕系列，有3款口味可選，我最鍾意嘅係雙重朱古力馬卡龍雪糕，朱古力迷必食🍨食完之後，仲可以玩餐廳夏祭限定特別活動，「千本引」拉繩小遊戲，可以贏走夏日祭典玩具/零食/餐飲優惠券，真係有得食又有得玩☺️…Read More

✨日本產黑毛和牛及北海道四元豚放題套餐用餐時間90分鐘 套餐好豐富肉品高質 有多款小食同飲品最後仲可以任食雪糕 相當豐富 另設有兒童專區 除左有小食同甜品 仲可以整下棉花糖 食完飯後仲可以玩下小遊戲「千本引」呢個係夏祭限定活動簡單講就係一個拉繩小遊戲 可以自選一條繩拉起 就可以獲得連接繩嘅獎品有得食又有得玩 真係大人細路都開心湯底蕃茄壽喜燒呢個係夏日限定 鍋中放滿大量蔬菜包括蕃茄 洋蔥 蟹味菇 蓮藕 冬瓜同秋葵等等蔬菜煮至水份散出 睇到出煙後再加入自家製蕃茄壽喜燒汁蕃茄味道濃郁 酸酸甜甜 清新開胃 肉品呢款套餐肉品有六款選擇 包括日本產黑毛和牛 澳洲產特上長期穀飼牛嚴選牛肉 北海道四元豚 歐洲產豚肉 牛舌肉品相當高質 當中最推介以下兩款 日本產黑毛和牛 油花好靚 肉質軟嫩 帶油脂甘香北海道四元豚 肉質軟腍 肉味濃 完全冇羶味海鮮海鮮選擇都唔少 有廣島蠔 青口 帶子蝦 魷魚仔同墨魚等 全部都新鮮自助吧有多款火鍋配料 小食 飲品同雪糕火鍋配料選擇多除咗蔬菜主食之外仲有啲特別嘅丸類 造型得意可愛小食方面 有炸物 關東煮 日式咖喱等飲品飲品除左有罐裝飲品 仲有冷泡茶同熱茶供選擇而家惠顧$289以上嘅套餐仲可以任飲Asahi罐裝啤酒甜品任食Häagen-Dazs雪糕當日有四款口味 記得留肚食😆總結：食物唔錯 肉肉高質 啱晒食肉獸上菜速度快 環境服務可以 價錢可以…Read More

蕃茄控姊妹見到牛陣出咗款蕃茄壽喜燒望見張poster既蕃茄🍅好吸引˶‾᷄ꈊ‾᷅˵同家姐book位撐枱腳入到去先知有夏祭拉繩小遊戲「千本引」拉繩小遊戲 🎐🎏係日本一種抽獎 每一條繩連住一份獎品 可簡任何一條繩拉起 拎到份禮品我地當然貪得意 有玩到 抽中咗糖果同埋日式小陀螺🔺澳洲產特上長期穀飼牛及北海道四元豚套餐 $289湯底係自家製蕃茄壽喜燒汁 甜甜地既壽喜燒加入蕃茄酸味酸中帶甜幾開胃同過癮 見到唔少原粒鮮蕃茄🔸澳洲產特上長期穀飼牛穀飼牛厚薄剛好 帶牛味 入口即融🔸北海道四元豚無激素無添加 用優質飼料養飼 豚肉入口嫩滑多汁🐷🔸牛舌好爽口 我地食咗三碟 口感太好･◡･🔸海鮮拼盤仿皇帝蟹棒 原隻魷魚仔同墨魚都有鮮味 蝦滑加上蟹籽粒粒好食熱食區有關東煮同牛陣自家製日式咖哩之外仲有為咗夏祭特設既炸物🎌炸魷魚 炸日式糰子 黑糖麻糬 炸花枝丸 日式章魚燒款式都多 唔洗擔心無選擇˶‾᷄ꈊ‾᷅˵飲品除咗汽水 仲有佢地自家製冷泡烏龍茶 茶飲 同埋連 Asahi 罐裝啤酒食飽都唔少得食埋4種口味既Haagen-Dazs 雪糕🍦 有新口味: 雙重朱古力馬卡龍雪糕ᴺᴱᵂ 🍨～(´ε｀　)…Read More

［荃灣］牛陣 Gyujin.蕃茄壽喜燒鍋(澳洲產特上長期穀飼牛及北海道四元豚套餐)食剩指數:0/100湯底用壽喜燒汁加左鮮蕃茄同洋蔥熬煮壽喜燒既甜加上蕃茄既酸湯底更開胃更合適咁熱既天氣.呢個餐主打澳洲產特上長期穀飼牛&北海道四元豚穀飼牛無用激素及抗生素厚度適中有牛味口感都唔錯四元豚係北海道既高品質豬肉飼養方式都有保證豬肉脂肪平均分佈唔會有豬羶味.另外,仲有牛舌、蟹籽蝦滑、原隻魷魚仔、墨魚等可以qr code落單或者出面自助吧, 有熟食(關東煮/炸物),自助火鍋配料(菜/麵等)甜品有Häagen-Dazs雪糕任食飲品都好多款,甜同唔甜都有, 清熱飲品都有!.最後食完仲有小遊戲玩千本引拉繩小遊戲玩法係揀一條繩子拉每條繩子都有獎品一份有玩具/零食/餐飲優惠券…Read More

但馬屋集團旗下食肆出品一向唔錯，知道牛陣推出咗夏日限定蕃茄壽喜燒，結合咗蕃茄、壽喜燒兩個我好鍾意嘅元素，而推廣期只係由7月12號去到8月31號，所以盡早去咗荃灣愉景新城分店先「嚐」為快！夜市壽喜燒套餐分三個價錢，限時90分鐘，揀咗最便宜$298套餐，另收加一，已經可以任食澳洲穀飼牛、北海道四元豚等靚級別牛豬肉，當然包括任飲任食自助吧所有食物飲品！✔️蕃茄壽喜燒$298 享用方法：1. 店員先喺鐵鍋塗上少量欖油，並喺鍋裡鋪上夏日野菜2. 上桌後待煮至野菜水份散出並出煙3. 沿鍋圈加入肉類4. 倒入自家製蕃茄壽喜燒汁5. 煮熟食用蕃茄壽喜燒湯汁酸酸甜甜，好適合炎炎夏日，刺激胃口，令人食慾大增！而套餐搭配嘅澳洲產特上長期穀飼牛係安格斯品種，無使用任何激素飼養，健康得嚟口感亦唔錯，而北海道四元豚亦都係使用天然穀飼，肉質鮮嫩味濃又唔會有羶味！✔️牛陣自助吧▪️季節性野菜及火鍋材料達30多種，蔬菜類尤其多，仲有提供唔同丸類、腸類、麵類、打邊爐必食嘅響鈴、生筋等！▪️醬汁吧嘅醬汁種類比一般火鍋店多，而且仲提供好多口味嘅調味粉！▪️熟食區提供炸物，而家有夏日限定嘅炸日式糰子、麻糬、章魚燒等，亦有關東煮、日式咖喱！炸日式糰子一定要試！口感好綿糯，外層炸衣好薄脆香口！▪️Haagen-Dazs 雪糕任食，有新推出嘅馬卡龍口味！▪️飲品放題，除一般飲品之外，仲有冷泡茶、Twinings川寧茶包，惠顧＄289 或以上之套餐，更可享Asahi罐裝啤酒放題！自己最鍾意呢度嘅桂花烏龍冷泡茶，桂花味特別香、特別易入口！▪️kids zone有窩夫、棉花糖機，小朋友至愛！順帶一提依家餐廳搞緊夏日限定拉繩小遊戲，有機會獲取小禮品，詳情可向職員查詢。…Read More

今日我嚟同大家分享下我對牛陣嘅食評，呢度嘅食材選擇真係好豐富，唔止有澳洲穀飼牛，仲有四元豚同牛舌等等，真係好值得期待。先嚟講下澳洲穀飼牛啦。呢種牛肉係好嫩滑，入口即化，而且肉質嘅口感好豐富，充滿咗濃郁嘅肉汁味道。澳洲穀飼牛嘅肉質好優秀，唔論係煎、燒、炸或者燉煮，都可以保持住肉嘅優美口感，真係一試難忘。然後嚟講下四元豚，呢種豬肉質地好鮮嫩，口感亦好豐富。四元豚嘅肉質相對嚟講比較嫩滑，入口即化，而且冇咁多嘅膻味，好適合做火鍋或者炒菜，好好味。最後嚟講下牛舌，呢種食材喺牛陣度都好受歡迎。牛舌質地比較有啲嚼勁，但係口感好出色，肉汁好豐富，入口之後仲會有啲淡淡嘅甜味，好值得一試。總括而言，牛陣嘅食材好豐富，每一樣都有獨特嘅特點，味道亦都好出色。如果你仲未試過牛陣嘅菜式，真係要嚟一試，相信你一定會好鍾意呢度嘅美食。…Read More

見牛陣最近岀左「年度主打夏祭限定 🍅蕃茄壽喜燒」，日本黑毛和牛,澳洲榖飼牛同北海道四元豚既放題套餐🐮，另外仲設有小遊戲可贏得禮品🎁，即刻去左荃灣愉景分店試下！😍~🌟夏祭限定 🫶🏻「千本引」拉繩小遊戲🎪~
客人可挑選任何一條繩子，拉起繩子，獲取禮品🎁憑眼力👀選出夏日祭典玩具/零食/餐飲優惠券-✨ 日本產黑毛和牛及北海道四元豚放題套餐$369/位 90mins🍅夏祭蕃茄壽喜燒鍋湯底採用自家特製壽喜燒汁，再加入原粒鮮蕃茄同洋蔥熬煮而成。原本壽喜燒既甜甜口感🥹再加上蕃茄洋蔥既酸酸甜甜🥹，變成無人能抗拒既🍅超香濃超濃郁的蕃茄壽喜燒湯底😍，真係好正🥹必試必試必試‼️🐮 日本產黑毛和牛👅好味指數：10/10和牛油脂分布均勻🥹，牛肉味濃郁，肉質嫩腍到入口即化！😍掛埋蕃茄壽喜燒既湯汁，好索味口感一流，主攻依個都夠了🥹❤️-🐮 澳洲產特上長期榖飼牛👅好味指數：9.5/10採用270日或以上穀飼期既安格斯品種，標磅不含任何激素及抗生素，肉質都好鮮嫩多汁🥰-🐷 四元豚👅好味指數：9.5/10係北海道既高品質豬肉，同樣無激素無添加，唔肥又爽口多汁🥹完全唔嚡口，冇乜豬做到依個質素！套餐另包任食食品:牛舌、蟹籽蝦滑、原隻魷魚仔、墨魚、日本產生蠔、帶子、青口、鳳尾蝦、蟹棒等。-💕 自助區醬料、火鍋配料、炸物、熟食、飲品、甜品🧡配料：丸類,蔬菜類,麵類,雞件,魚塊,響鈴生根等,特別推介野菜同芥末丸，係季節性新鮮野菜🥬，特別fresh🥙，而芥末丸彈牙又多汁💚微微攻鼻感覺好爽🤣。💛炸物薯格：偏大塊，炸得好香脆麥樂雞：外微脆內軟，比較乾身唔油膩炸花枝丸：好香墨魚味，彈牙爽口日式章魚燒：一細口size，也有章魚粒，食落比較輕盈感覺炸日式糰子、炸雞塊🩵熟食咖喱牛肉飯：咖喱牛肉味道正常，偏甜口味👍🏻，飯都有驚喜，口感好煙韌軟糯🥰關東煮🍢：獅子狗,蒟蒻,心型魚餅，魚餅好彈牙！烤香腸：粗大多肉汁，唔油膩💜甜品棉花糖：小朋友最愛既自制棉花糖機😝操作簡單，但見有客人唔識整，店員都好熱心幫手🥰！烤窩夫：有烤麵包機😍放窩夫同蛋糕仔入去等2分鐘就搞掂，甜甜地又軟熟，正😚❗️Häagen-Dazs仼食：🍦Haagen-Dazs X Pierre Hermé 聯乘新推出馬卡龍雪糕系列😍三款口味👇🏻雙重朱古力馬卡龍,柚子檸檬馬卡龍,士多啤梨紅桑子馬卡龍,雲呢拿🩷飲品都係罐裝飲品，包括可樂,OOHA,忌廉溝鮮奶等，亦都有熱茶包提供🍵-環境：8.5/10服務：9.8/10整體味道：9.8/10回頭率：9.5/10…Read More

日式邊爐黎講個人最鐘意牛陣🥺，除左因為牛夠靚之外，仲有好多炸物同任食haagen dazs雪糕🤤。食過幾次Dpark分店人流較少🙈又坐得舒服，staff🤵🏻‍♂️超friendly。 上年試過關西風壽喜燒，今次試牛陣最新出既蕃茄壽喜燒 ~ 日本產黑毛和牛及北海道四元豚放題套餐😍。🔅湯底先煮鍋內蔬菜，然後鋪上肉，加上特製蕃茄壽喜燒汁🍅。甜甜既壽喜燒湯加上原粒新鮮蕃茄，食落清新啲無咁膩。蔬菜同肉都超快入味好正🥰。🔅肉類牛肉超靚！薄薄一片食落無罪惡感😎。四元豚都好有驚喜！上網搵四元豚原來係日本四個最佳豬種混種育成🐷，飼養過程無添加無激素👍🏻，食得安心💮。肉質都比一般既豚肉更嫩更爽口😋。🔅自助區夏天推薦大家拎啲冬瓜同洋蔥🧅消暑，湯底會更清甜😋。🔅小食有炸魷魚、炸花枝丸、、黑糖麻糬等等，滿足晒為食既我😍。大推黑糖麻糬！啱啱炸起，中間黑糖流心無得彈😚。🔅甜品Haagen dazs雪糕有馬卡龍味😱，超抵食，專門店賣一球都唔平😳，依家有得任食真係超抵！所以最尾食到好飽都忍唔住食多幾球雪糕🤣。💬壽喜燒湯真係無得輸，牛同豚肉都好高質，加埋任食小食同雪糕🥺超值💯。依家牛陣仲有做promotion，有「千本引」拉繩遊戲抽獎，一齊黎試下運氣啦😍。…Read More

②⓪②②年既年尾，今年都係一個頗為波動既一年。無論香港或是個人都有很多變化，前者未來也是未知之數，後者即控制自身既情感。有時候既來之，則安之;希望平穩地向上揚既②⓪②③年。聖誕既月份，我通常都會對自己好d。11月快人一步，理想達到下去左日本一轉，行程上既緊湊有遺憾《吃不到壽喜燒》。或許帶有這種遺憾返黎香港，途徑 #荃灣 #牛陣 有日本黑毛和牛放題套餐分別為 $369 或 $439，可以有壽喜燒及火鍋兩種選擇，大滿足。日本產黑毛和牛及北海道四元豚套餐 $369· 日本產黑毛和牛·澳洲產特上長期穀飼牛·嚴選牛肉· 北海道四元豚·澳洲產豚肉·牛舌任食既關係一上桌已經相當吸晴，紋理分明又薄切。利用鐵盤首先燒蔬菜盒中洋蔥、紅蘿蔔、蕃茄、蔬菜等，放入黑毛和牛燒得香濃有嚼勁，連同壽喜燒汁分外滋味。以及會有海鮮包括有：青口、墨魚、帶子等，相當多元化。場內更有自助醬料及食物飲品區域，若然略嫌壽喜燒吃得太多會油膩，之後可以選擇昆布湯底作為火鍋，烚菜打邊爐可以減和牛之膩度。同場飲品區除了有一般汽水、檸檬茶、韓式飲料，更有桂花烏龍茶及玫瑰茉莉花茶，完全岩曬我口味。甜品的區域有某大品牌自助雪糕、自製窩夫還有較為少見嘅綿花糖童年回憶，小朋友就最喜歡。無論年尾或年頭，食一餐豐盛嘅美食，也會帶來喜悅的感覺，其實開心可以好簡單。…Read More

以往到牛陣當然離不開日式火鍋放題，但最近但馬屋集團推廣「冬季慶典饗宴」，即日起理明年二月十四日期間破天荒推出壽喜燒放題、身為壽喜燒粉絲當然不容錯過。自助吧除了供應一般配料及蔬菜外，更有關東煮及鯛魚燒兩款期間限定食品。調味料方面更不乏特色選擇，譬如特調柑橘醬、紀州練梅芝麻醬、櫻花蝦海鮮粉、黑芝麻鮮菇粉等，別出心裁。值得一提的是旁邊設有兒童區，除了麥樂雞、薯條等小食外更有棉花糖機及烤香腸機，大人與小朋友皆自得其樂。日本產特選黑毛和牛及北海道四元豚放題套餐每位$439，其實火鍋放題店推出壽喜燒早已屢見不鮮，但大都只是壽喜燒湯底涮涮鍋的關東風壽喜燒，但牛陣正正能品嘗到最傳統的關西風壽喜燒。日本產黑毛和牛標榜由日本自家農場飼養並直送到港，油花分布細緻均勻。先用牛脂肪起鑊再放上和牛略燒，然後淋上自家製壽喜燒汁，香甜之餘油香四溢，蘸上生雞蛋口感更加滑潤豐厚。和牛固然是主角，但蔬菜同樣不可或缺，最後盡吸和牛油香及壽喜燒汁毫不單調。除了黑毛和牛之外，澳洲產特上長期穀飼牛、牛舌等同樣保持質素。海鮮方面更有青口、虎蝦、廣島蠔、帆立貝、魷魚等款式繁多。…Read More

牛陣最近推出90分鐘「關西風壽喜燒放題」$369/位，任食主打日本產黑毛和牛及北海道四元豚餐廳環豐都好寬敞，卡位坐得好舒服我都好鍾意食Sukiyaki，當然和牛質素要夠好先好食，牛陣嘅日本產黑毛和牛真係無得輸，油花比例及紋理分布均勻，肉色澤嫩紅，食落真係入口即溶，而且我點了數碟，每碟肉都保持水準，用嚟做壽喜燒確係美味個放題另外有牛舌、多款海鮮（生蠔、帶子、青口、魷魚、大蝦、墨魚滑、蟹柳），澳洲穀飼牛、嚴選牛肉、歐洲豚肉，廣島蠔好肥美我食咗好多隻，而牛和夠爽口出面會有自助區，數十款款蔬菜菇菌類及丸類供應，仲可任飲朝日啤酒、汽水、冷泡茶，仲有4款口味Häagen-Dazs雪糕任食，連棉花糖機都有啱哂小朋友啊壽喜燒步驟：首先以和牛脂肪超鍋，加入洋蔥爆香，喺碗打日本生雞蛋，再將黑毛和牛落鍋輕煎數秒，再倒入壽喜燒汁，蘸上蛋汁就食得食完後可放上蔬菜及和牛，再倒入壽喜燒汁及鰹魚清湯做成Shabu Shabu㗎，或者加$5轉特色湯底打邊爐都可以…Read More

咁凍嘅天氣❄️最好打邊爐🍲不過淨係打邊爐好似單調咗，知道牛陣最近推出埋壽喜燒鍋，2樣加埋就夠哂Perfect✨我地星期日夜晚6點去到都差唔多滿坐了。🥢日本產黑毛和牛及北海道四元豚放題套餐$369（90分鐘）任食黑毛和牛、四元豚、牛舌！仲有海鮮盤（生蠔、青口、魷魚、大蝦、墨魚滑、蟹柳、帶子）及 蔬菜拼盤。首先先食個壽喜燒先😍一人一鍋好方便，將牛脂塗滿燒鍋，加少少洋蔥炒香，放入黑毛和牛略煎，再加入壽喜燒汁睇見都想食啦，當然唔少得加埋日本雞蛋沾埋一齊食😋和牛油花豐富，好香濃牛味，口感軟滑✨而壽喜燒汁唔會過鹹，味道啱啱好，勁滿足！四元豚和牛舌都可以用同樣嘅方法整，都好好食🤤之後就可以叫店員轉打邊爐，我哋就揀咗昆布湯底，清清地，用嚟烚海鮮和蔬菜就更鮮味👍🏻自助區選擇都幾多，有蔬菜🥬丸、麵類、關東煮、炸物；甜品可以自己整棉花糖仲有Häagen-Dazs雪糕💓飲品除咗果汁汽水外，仲有冷凍泡茶。今餐真係食得好豐富，食到暖笠笠番屋企😂👍🏻…Read More

最近天氣好凍，最適合就係去食火鍋，成日經過牛陣的分店，今次都是第一次來，裡面環境很舒適，座位亦都非常闊大，店員好仔細安排入座非常nice👍我哋叫佐「黑毛和牛&四元豚壽喜燒套餐」黑毛和牛紋理非常平均，大大塊好靚仔。我哋跟住店員提供嘅煮壽喜燒步驟慢慢自己煮！和牛入口近至即溶，牛味好香好濃亦好軟☺️☺️☺️牛肉本身沾有壽喜燒汁甜甜地已經好好食🥚再點上蛋汁，好滑！另外還有野菜盛盒，好多配菜。混合清清甜甜的醬汁，味道夾，除左肉，另外仲有海鮮盤，墨魚滑同其他海鮮，爽口彈牙，特別鍾意食蠔仔、大大粒新鮮飽滿。自助區仲有好多款丸類、蔬菜可以任夾～～最後梗係要食埋Häagen-Dazs雪糕做甜品啦！仲有幾款口味可以揀，好正👍🏻👍🏻…Read More

用一個字來,型容差，唔好吃牛肉無牛肉味如果一心想食到好牛肉一定失望，奇它配料又唔多無什麼選擇求鐘唔比落order是對，但無客等都唔比客人坐多陣，要即時走。價錢又不平又唔就腳，行去地鐵站都要拾幾分鐘以後都唔會再幫襯。…Read More