Gyumai by Beefar's (Lee Theatre Plaza)

今日去銅鑼灣行花市前，去咗利舞臺搵一間又有燒肉又有火鍋嘅放題店食完先去行花市。餐廳環境非常新闊落同乾淨有好多卡位可坐。餐廳有三款套餐選擇：特選拼盤、樂天澳洲和牛拼盤、薩摩和牛拼盤。因為月尾未出糧，所以大家揀咗中間嘅價錢食澳洲和牛就算啦。出面任攞熟食又可以攞火鍋配料入去自己煮仲有飲品無限供應。一坐低店員就會安排來一盤澳洲和牛俾我哋試吓，全盤都係用來做烤肉。包含：薩摩牛牛肩胛薄切、牛肋骨、牛赤肉、牛肋條、和牛粒及牛頸肉薄切。除咗薩摩牛其他部位都可以再任叫。唔想食黃牛呢個套餐仲可以叫美國牛板腱扒、封門柳、牛舌、牛金錢肚。所有牛肉脂肪均勻唔會肥膏太多。好欣賞佢哋，仲有得簡一盤牛油粟米或者蒜蓉金菇俾入鐵網上烤來食。仲有我最愛烤菠蘿。如果唔想食牛咗其他串燒叫雞心串、雞尾串、豚肉芫荽、雞軟骨及雞橫膈膜串等。仲可以叫三款海鮮虎蝦、帆立貝、韓國蠔。唔想等咁耐先有得食，仲可以叫佢哋嘅炸物試一試。番薯條炸蝦、野菜、香菇、南瓜天婦羅。亦唔夠飽，可以嗌佢哋嘅多款湯烏冬或牛肉飯食。烤完打完邊爐，可以出返自助吧任揀雪糕或者日本冰條來吃，非常滿足的一晚。…Read More

同朋友聚餐，因為見有燒烤同打邊爐，所以就揀呢度。食物質素都可以啦。掃QR code點嘅食物都幾新鮮。至於擺喺凍櫃任攞嘅食物，新鮮程度就一般（有啲感覺上擺咗好耐咁）。至於飲品同甜品，種類就真係唔多。以呢個價位嚟講未算合格。最令人不滿嘅，就係服務態度真係麻麻，尤其係門口負責接待同收錢嗰位男士（well，可能係老細啩）。我哋7:00pm入座，任食2小時。但1.5小時已經話要last order. 而我哋食飽就喺度傾計（並冇繼續攞任何食物、飲品），但到2小時零5分，嗰位男士就更加開聲叫我哋走，而當時舖頭只係坐咗1/4嘅客人！雖然佢咁做係冇錯，但作為客人，感覺就真係好差。另外，親眼見到8:30pm有客人想幫襯，但該男士就話唔夠時間食，就真係唔俾個客入嚟。乜而家啲生意真係好好咩？竟然有生意都唔做？！…Read More

收左工同朋友去銅鑼灣搵野食🤭 勁肚餓想搵間放題食下🫢比呢間薩摩和牛放題吸引左😍😍😍 仲有壽喜燒+燒肉兩種唔同食法 完全滿足晒我哋兩個願望😂😁薩摩和牛拼盤｜薩摩牛特上西冷｜牛肩胛薄切｜壺漬牛肋條｜牛腹脅肉｜牛胸腹肉🐮🐮成碟和牛拼盤真係勁大碟勁吸睛😍 和牛油脂豐富而且油花均勻，真係好高質😍 壽喜燒醬汁點埋蛋漿食真係冇得頂😆 感覺食兩三片都回本了，食肉獸一定食得好滿足。但係因為油脂重，所以食幾片都有啲飽滯，可以點選其他油脂冇咁重嘅澳洲牛或美國牛，同樣肉味濃郁另可無限點其它豬牛雞肉和海鮮🦐🐟🦑🐷🐮🐣 包括鮑魚、雞泡魚乾、帆立貝、虎蝦、白鱔、油甘魚鮫等多款新鮮海鮮。仲有最愛嘅甲羅燒都有得點🤩 特別要讚個白鱔出邊食一嚿都唔平🫢 燒白鱔冇得輸，真係勁香勁好食，我哋都點咗好多舊😂😂自助區提供逾30款食品飲品有樽装和罐裝，包括汽水和啤酒，有生果，甜品，各式雪糕雪條沙律位置有多款沙律菜，涼拌和泡菜，有各式蔬菜和肉丸，烏冬，有多種配料選，炸物有炸紫薯、榴槤炸彈天婦羅炸芝士、紫薯波波等熱盤有日式咖哩牛腩、娃娃菜、麵豉湯，真係數都數唔曬一共3種全球嚴選優質靚牛及特級燒肉放題套餐，晚市價錢$288起即可任食任飲 今日食呢個薩摩牛就最高等級，要$588 但係食到咁多款咁優質嘅肉類同埋海鮮總括嚟講都係覺得好抵😆…Read More

🍴日本薩摩和牛放題 $588 星期一至四 另收加一 (8.5/10)自助吧有甜品，嘢飲，沙律菜，蔬菜，丸，醬汁，飯麵。肉類都非常之豐富，牛肩胛，牛腹肉，牛肋條，和牛粒粒，仲有四種口味分別係燒肉汁，壽喜燒汁，韓式辣醬，同埋椒鹽嘅！食落都好唔錯，牛肩胛軟滑，牛腹肉比較重油脂，牛肋條較有口感，和牛粒粒較肥。涮涮鍋嘅薩摩牛牛肩胛薄切都軟滑，有牛味！ 海鮮有帶子，蠔，蝦，甲羅燒，白鱔，磯煮鮑魚，都豐富，味道正常！🍴薩摩和牛拼盤 (10/10)非常高級嘅靚牛肉，包括薩摩牛特上西冷，薩摩牛牛肩胛薄切，薩摩壺漬牛肋條，薩摩牛 牛腹脅肉，是日稀少部位 2款，薩摩牛 牛胸腹肉，牛味濃郁，油脂豐富，入口即溶，好好食！推薦指數: 8/10真心日本靚牛冇得輸，勁好食，有得同時打邊爐同燒肉真係大滿足😆…Read More

今日帶大家去銅鑼灣黃金地段，利舞臺商場，呢度食肆林立，應有盡有，大家唔好錯過我嘅推介🤭😍⭐️=====================Food list📌🤩✨日本和牛放題：高質素日本和牛，肉質鮮嫩，入口即溶，絕對唔可以錯過👏🤩✨新鮮鮑魚帶子：帶子好新鮮，加埋仲有大量海鮮供應，應有盡有👍🤩✨紅燒乳鴿：唔單止日本和牛，仲有脆皮乳鴿，肉質鮮嫩🤭🤩✨日本白鱔：好多串燒都好好食，我自己最鍾意白鱔，燒得好香脆，肉質爽口⭐️🤩✨牛肋條：呢個牛肋條好入味，加埋燒汁，香噴噴，色香味俱全🥳…Read More

牛舞啱啱開業過陣試過一次，貪佢可以有得燒肉加打邊爐，一次過滿足晒兩個願望！🌟薩摩和牛放題 $658👉🏻難得食餐好嘅，當然要揀最高質素嘅牛肉慰勞吓自己。套餐嘅美食超過140品，記住要留肚呀！一坐底會送上一盤薩摩和牛拼盤，肉嘅質素真係好高，有薩摩牛特上西冷、薩摩牛 牛肩胛薄切、牛肋條、牛胸腹肉等等嘅部位，牛肉雪花分佈均勻。之後店員會幫忙準備壽喜燒，等佢熟咗就可以食啦～果然係薩摩和牛，將牛肉放落蛋液浸一浸，再擺入口品嘗，牛肉軟嫩嘅口感，配上壽喜燒甜甜嘅醬汁同滑溜嘅蛋液，我可以瘋狂encore！另外仲叫咗雞肝、帆立貝、牛肉飯、乳鴿等等其他美食，平時好少地方有雞肝呢個選擇，除咗要俾少少耐性去燒，冇任何缺點！雞肝一啲異味都冇，好好食牛肉飯都唔錯，醬汁調得好出色！出面仲有小食同火鍋配料可以自己拎，食到最後仲有甜品：日本雪條、啫哩、泡芙等等～晏晝食完飽到晚飯都唔使食xd…Read More

這回慕名來試試鹿兒島薩摩和牛，薩摩和牛在九州二百多種黑毛和牛中排名第一，肉質鮮紅、脂肪分佈均勻且油脂熔點低，由於重視血統，因此產量不多，特別矜貴。鎖定了必點薩摩和牛放題，送薩摩和牛拼盤，包括薩摩牛特上西冷、牛肩胛薄切、壺漬牛肋條、牛腹脅肉、兩款稀少部位及牛胸腹肉，另有蔬菜籃，套餐包括堂煮壽喜燒體驗。放題食物的選擇多達140款，薩摩牛外，可選樂天澳洲和牛和美國極上牛肉，非常適合牛魔王，各個不同品種的牛肉和多款牛的不同部位都可以試到。海鮮類中的虎蝦、甲羅燒、磯煮鮑魚、蒜蓉牛油生蠔賣相吸引，十分具打卡度。餐廳環境企理衛生，多卡位。…Read More

牛舞日本燒肉涮涮鍋放題（利舞臺廣場）餐廳位於港島銅鑼灣波斯富街99號利舞臺廣場8樓,餐廳專注日式燒肉和涮涮放題,餐廳供應鹿兒島薩摩和牛同樂天澳洲和牛放題,有超過140種食物供客人選擇,食物上桌速度都很快,服務員招呼到位。選擇A餐薩摩和牛（12O分鍾）入座後服務員隨即奉上鹿兒島薩摩和牛拼盤和蔬菜籃,拼盤內有牛肩甲肉,牛空腹肉,西冷肉等七個不同部位各2件,薩摩和牛肥瘦均勻,佈滿雪花紋,服務員隨即開壽喜燒鍋,替客人煮壽喜燒和蔬菜,壽喜燒大大塊牛肉,食落嫩滑有牛味,薩摩和牛自己動手燒,件件和牛油香撲鼻,食落香口又嫩滑,值得encore,套餐可無限order其它豬牛雞肉和海鮮,海鮮order咗白鱔,油甘魚鮫,虎蝦,鹽燒多春魚,香草芝士燒生蠔,其他order有燒菠蘿,榴槤炸彈,朱古力流心炸彈,甜蜜蜜炸蕃薯條等,個人最喜愛白鱔和油甘魚鮫,食落香口帶有鹹香味,炸蕃薯條食落有驚喜。自助區自助區有生果,甜品,各式雪糕雪條,飲品有樽裝和罐裝,包括汽水和啤酒,沙律位置有多款沙律菜,涼拌和泡菜,有各式蔬菜和肉丸,烏冬,有多種配料選,炸物有炸紫薯.炸豆腐,熱盤有日式咖哩牛腩,娃娃菜.湯有麵豉湯,有自助咖啡奶茶等等。…Read More

🤤最近比我發現呢間全新燒肉放題及涮涮鍋專門店「牛舞Gyumai」，佢哋提供一系列高質食材及日本料理，滿足一眾挑剔饕客😍餐廳主打鹿兒島自家農場直送的薩摩牛、更首次引入香港的樂天澳洲L’grow和牛🥩，絕對係最強和牛組合，入口即可感受鮮嫩肉質帶來的驚喜衝擊👅⋄🥩全港首間引入樂天澳洲L’grow和牛自家農場直送鹿兒島薩摩牛，多達120種放題食品選項，自助區逾30款日本美饌及日本雪糕任食🍦⋄😛放題食品包括帶子、甘蝦等多款新鮮特選刺身，自助區更提供逾30款食品、醬汁及日本雪糕，滋味大滿足！一共4種全球嚴選優質靚牛及特級燒肉放題套餐，價錢$268起即可任食任飲🤤🤩⋄⋄====—====—====—====—✦ 樂天澳洲和牛放題 ✦🥩送樂天澳洲和牛拼盤————————————一至四（$388）星期五、六、日、公眾假期前夕（$428）小童、長者（$238）————————————🐮薩摩牛 牛肩胛薄切🐂樂天澳洲和牛頸肉薄切🐄樂天澳洲和牛肋肉（燒肉汁）🥩樂天澳洲和牛赤肉（燒肉汁）🐮樂天澳洲和牛肋條（燒肉油）🐂樂天澳洲極上和牛粒（燒肉汁）⋄✦ 🥩樂天澳洲和牛 ✦樂天澳洲和牛肋肉樂天澳洲和牛肋條樂天澳洲和牛赤肉樂天澳洲極上和牛粒 ⋄✦ 🐄美國極上牛肉 ✦美國極上牛板腱扒⋄✦ 🔥串燒 ✦串燒雞心串｜雞尾串｜雞橫隔膜串｜雞軟骨串｜豚肉芫荽卷串⋄✦ 🥩涮涮鍋肉類 ✦樂天澳洲和牛頸肉溥切⋄✦ 🐷特上豚肉 ✦厚切豚腩條⋄✦ 🐮內臟 ✦美國封門柳｜牛舌｜牛金錢肚⋄✦ 🦪海鮮 ✦蒜香牛油帆立貝｜韓國蠔｜虎蝦⋄✦ 🐟其他涮涮鍋配料 ✦魚肚｜牛骨髓 ⋄✦ 🍗🧀前菜/炸物 🍢🦑 ✦ 甜蜜蜜蕃薯條｜香脆魷魚圈｜日式炸蝦天婦羅｜榴蓮炸彈｜朱古力流心炸彈｜炸水牛芝士條====—====—====—====—.📌店名：牛舞日本燒肉‧涮涮鍋放題 (利舞臺廣場) (銅鑼灣)’📍地址：銅鑼灣波斯富街99號利舞臺廣場8樓A號舖…Read More

我想食燒肉，🐷又想食壽喜燒，真係好難搞🫠大家都唔讓對方，點知比我地發現左牛舞，打邊爐又得，壽喜燒又得😲重點係放題任食，其實最貴既薩摩牛都好吸引，不過🐷話第一次就先試澳洲和牛，已經有好多野食，愛食牛梗加唔可以錯過💚湯底方面：選了辣味噌湯，辣味都够濃郁，配上鮮嫩澳洲和牛，入口即溶👍燒肉一定係牛控至愛，有原味、燒汁、韓式辣汁，仲有柚子汁，燒落好惹味自助區亦大量食物：火鍋同燒烤都得，飲品都多特別飲品，必食一定係甜品，仲有日本雪糕💚💚…Read More

日本薩摩和牛放題$588/位好味指數：😋😋😋😋抵食指數：💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️一向都好喜歡壽喜燒，不過如果要吃到有質素的壽喜燒，價錢都偏貴。見到這間放題店有日本薩摩和牛🥩放題，可以選壽喜燒，才$588/位，就可以吃餐飽，感覺性價比好高。餐廳先送上一盤薩摩和牛拼盤。拼盤有薩摩牛特上西冷、薩摩牛牛肩胛薄切、薩摩壺漬牛肋條、薩摩牛牛腹脅肉、薩摩牛牛胸腹肉等。所有牛肉佈滿雪花紋，紋路清晰可見。待我們為拼盤拍完照後，侍應就煮熟2片牛肩胛，然後讓我們自行沾點生雞蛋🥚食用。肉質好嫩。之後侍應就用心把各款蔬菜🥬及另外2片牛肩胛砌好在鍋內。待食物煮好，我們便可以慢慢享用或另再加配喜歡的食材。牛肩胛質素真的非常高，感覺多吃幾片就輕易回本，所以我們又另外點了數片。而再送來的肉同樣是佈滿雪花紋又大片。燒肉方面，個人最喜歡薩摩牛牛肋條，不韌，又富有油脂香味。想濃味一點，可沾點燒肉汁食用。想不那麼膩，可以加點帶酸味的燒肉汁。想肉味更突出，可加點胡椒鹽🧂。另外，我覺得甲羅燒🦀及椒鹽牛舌也值得一試。自助區有供應沙律🥗、火鍋配料包括丸及菜、大大隻的黃金蝦、非常入味的日式咖哩牛筋腩、麵豉湯、樽裝罐裝飲品、汽水🥤、熱飲，生果、甜品及日式雪條。食物選擇好多，實在沒有可能一次過嚐盡所有食物。…Read More

天氣咁凍，我想打邊爐，朋友又想食燒肉，所以就試咗呢間可以同時燒肉同埋打邊爐嘅放題餐廳，真係兩全其美！今次我哋揀咗最貴嘅套餐，食好啲！全部都係揀晒日本薩摩和牛😍薩摩牛肩胛薄切燒到微焦之後，入口完全係嫩滑得嚟仲充滿牛脂香味。燒肉我最鍾意嘅係壺漬牛肋條，原來呢度都有，仲要有唔同嘅汁可以選擇，壽喜燒汁、燒肉汁同韓式辣醬。除咗燒肉之外，呢度仲提供涮涮鍋湯底！🔥湯底可以揀壽喜燒湯底同埋黑松露牛骨同埋香辣味噌湯。我揀咗壽喜燒，員工會過嚟開爐，幫你用壽喜燒汁煎咗第一塊和牛，沾埋蛋漿，好香嘅肉味，同時又唔會覺得好肥。之後加埋蔬菜拼盤，就會變咗壽喜燒涮涮鍋。佢嘅配菜同埋甜品都係任叫，有好多款選擇，菠菜芝士薯餅、乳鴿、朱古力流心炸彈等等。座位設計夠闊，燒肉打邊爐兩樣一齊搞都唔會覺得擠迫！…Read More

✨ 牛舞日本燒肉‧涮涮鍋放題 (利舞臺廣場)早排去日本瘋狂燒肉 而家翻到香港已經好掛住🥹呢間又可以燒肉 又可以打邊爐嘅放題會唔會太正～我地今次食左B餐 主打澳洲和牛湯底我地叫左壽喜燒 好有日本風味🥳先上頭盤 樂天澳洲和牛拼盤個人最中意食澳洲和牛肋肉 紋理幾靚 食落鮮嫩燒肉類調味分為壽喜燒汁/燒肉汁/韓式辣醬/椒鹽牛舌海鮮類：仲有蝦、蠔、帆立貝等～炸物：炸水牛芝士條、榴槤炸彈、朱古力炸彈、薯餅等好吸引個人勁中意食水牛芝士條 😛出面自助區仲有沙律bar 同雪糕櫃🤩有meji雪條～雪米糍等 甜品櫃有泡芙 啫喱糖等 仲有提供西瓜🍉…Read More

同舊同學喺銅鑼灣食飯，想搵間放題食和牛燒肉，又想涮涮鍋…Why not both?呢間”牛舞” (牛舞日本燒肉 ‧ 涮涮鍋放題)，做緊一個日本薩摩和牛放題。平日$588一位，食120分鐘。當中包括: - 薩摩和牛拼盤- 涮涮鍋湯底 (或可以選專人炮製嘅關西式壽喜燒體驗)- 勁多和牛、海鮮同配料選擇以作燒肉同火鍋之用薩摩和牛拼盤呢個拼盤包括薩摩牛特上西冷、牛肩胛、牛肋條同是日稀少部位等等。除咗特上西冷，其他嘅部位都係可以任叫。其實燒肉淨係食薩摩牛嘅唔同部位已經係非常抵玩。和牛嘅味道，入口即溶，加少少鹽，其實真係唔需要多解釋，實在好食得太誇張。壽喜燒體驗如果揀咗壽喜燒體驗，就會有專人嚟整一個關西式壽喜燒，佢會用咗薩摩和牛拼盤上最靚嗰兩塊西冷去燒。呢兩塊西冷和牛，加埋蛋漿一齊食，天下無敵。海鮮配料如果揀呢一個set，就會有相當多嘅海鮮可以任食。甲羅燒、海蝦、白鱔、磯煮鮑魚、帆立貝、芝士焗蠔…冇一樣唔係最強。特別係甲羅燒，撈埋蛋漿，又係一絕。白鱔更加唔使講，不過呢個要燒熟啲先好食。其他配料千祈唔好睇小其他配料。除咗任食嘅和牛，呢度仲可以叫田雞腳、乳鴿、花膠、大量奇特串燒(羊肉、雞頸肉、雞心等)，仲未計喺自助區可以攞嘅大量火鍋配料、小食、飲品(包括啤酒)、甜品等等，多嘢食都好難用文字寫晒出嚟😆。呢度，食燒肉、打火鍋，可以一take過。一邊燒，一邊涮，加上超好食嘅薩摩牛，同極上嘅海鮮都任食。同朋友可以咁樣食法，實在太盡興。…Read More

原來真係有一間餐廳可以一次過滿足晒2個願望，可以一邊打邊爐，一邊日式燒烤，所以今晚我同朋友真係超滿足。薩摩和牛拼盤跟餐就有呢個拼盤！有薩摩牛特上西冷、薩摩牛牛肩胛薄切、薩摩壺漬牛肋條、薩摩牛牛腹脅肉及是日稀少部位2款。當中我至鍾意就係牛肩胛，完全係入口即化，超級正！甲羅燒第一次係餐廳玩甲羅燒！蟹膏好香！忍唔住要再追加！蒜香牛油帆立貝帆立貝有鮮味，配上蒜香牛油，係燒烤必食。鱔魚鱔魚肉質滑嫩，具有彈性。炸物呢度嘅炸物都有唔少選擇㗎！有炸天婦羅、香芋丸、同埋甜蜜蜜番薯條！燒菠蘿菠蘿清甜多汁，同樣係燒烤必選之物。魚肚、花膠最令我驚喜嘅係打邊爐有魚肚同花膠。魚肚的肉質滑嫩，彈性十足，口感細膩。花膠軟滑，彈性十足。磯煮鮑魚口感煙韌彈牙，唔錯唔錯！食完靚牛之後仲可以食日本雪糕，今晚真係好開心！…Read More