。餐廳仲有另一壺花果茶熱飲的，可惜今次飲唔晒，下次要再試。串燒上枱好靚，有特濃沙嗲醬，而且佢一份就有3款串燒選擇，所以多而不會太膩。孜然燒牛肉唔錯，較瘦但有孜然香。京蔥燒雞肉，京蔥是主角啦！鳳梨燒豚肉，應該是鳳梨汁醃製吧，因上枱不見鳳梨，但就幾好食。因晚上去食已經無晒牛角包，但這個賣相很出色，燒牛肉炒蛋多士好好食，多士香脆、蛋香而燒牛肉嫩滑，下次會再來encore
. 最後要了吉列魚柳滑蛋飯，生京蔥起了大作用，配吉列魚柳原來好夾，魚柳好大塊，蛋有蛋汁，如果滑蛋再厚身些口感會更佳。飯份量足，我哋兩個都食唔晒碗飯。這餐廳好好坐，可以慢慢同飯腳傾下計，食下飲下，便一個晚上。 服務唔錯，好舒服的一晚
下次會早些來試牛角包。…查看更多
去左食店林立嘅女人街，見到有間叫「牛牧」嘅小店， 藍色門框配上落地玻璃，風格幾清新，反正未幫襯過，好有新鮮感，今晚就一於喺呢度開餐。先睇餐牌，食物選擇好豐富，由全日早餐、漢堡、牛角包、多士、小食、甜點，以至沙嗲牛麵、意粉、滑蛋飯、特色飲品等，一應俱全。揀左兩款多士、沙嗲串燒同一客意粉。意粉奉送熱飲、配凍飲+$5，如果想轉特飲就正價減 $10。先嚐懷舊蛋白腐乳多士 ($32)，多士新鮮出爐，面層吸滿了牛油、蛋白同腐乳醬嘅香氣，並灑上了白砂糖，送上時熱辣辣，香味四溢。入口果然有驚喜，鹹香中又帶點甜，加上牛油的香滑，比起普通油多好吃得多！另外呢客鳳尾蝦多士 ($48) 亦唔失禮，多士炸至色澤金黃，入口香脆之餘又唔會過份油膩，蝦肉亦十分新鮮，爽口彈牙，絕對係真材實料。特濃沙嗲串燒 ($68)，串燒共有三款，分別為孜然燒牛肉、京蔥燒雞肉及鳳梨燒豚肉，每樣兩串。牛肉香氣十足，孜然味辛性溫。雞肉外脆內嫩，沾惹味嘅沙嗲醬吃，好正！豚肉嘅肥瘦比例亦剛好，肉質爽脆，完全不韌，配上自家製嘅沙嗲醬，入口香而不辣。微辣蕃茄羅勒大蝦意粉 ($78) 意粉煮得啱啱好，不會糊成一團，入口酸中帶微辣，很開胃。蝦隻夠大夠爽身，咬下啖啖蝦肉，配埋蕃茄、洋蔥、羅勒葉等，用料豐富，分量十足，兩個人 Share 絕對夠飽。飲品點左鴛鴦侶 (+$24/跟餐)，成品用上了抹茶、鮮奶和濃縮咖啡炮製，而頂頭的雪糕更可選咖啡或抹茶。飲落味道相當唔錯，咖啡味濃而順滑，入口帶淡淡抹茶甘澀，配上抹茶雪糕，多重口感，甜而不膩。…查看更多
，此外，漢堡、牛角包、多士亦大玩創意。沙嗲犇麵 $58老友話沙嗲牛麵食唔少，但一次過試到3款牛（犇：音「奔」）嘅沙嗲牛麵就絕對喺第一次，包括有本地鮮牛肉、本地肥牛、牛仔肉，再配上店家嘅招牌沙嗲，牛肉嘅份量真喺幾十足，頗有亮點。味道如何？老友話個沙嗲唔錯，炒得幾香、幾惹味，而且，俾得疏爽；牛肉就以本地鮮牛最腍滑，肥牛就有陣陣油脂香，牛仔肉就味道濃郁啲。老友忘記轉一丁，然而，公仔麵都OK。美人梳打 $24點個「犇麵」，再嗌飲品，有加配優惠，所以，老友點咗杯梳打，有減$10折扣。咩喺「美人梳打」？就喺葡萄汁、石榴汁、梳打水溝埋，再加球荔枝雪糕，老友就喺貪佢飲落酸酸甜甜，配公仔麵就再爽，襯沙嗲亦喺幾有化學反應，唔錯！唔錯！黑松露牛油果蟹肉多士 $58本來就想試牛角包，剛好賣晒，聽店員講佢哋啲牛角包都幾銷得，唔緊要，多士我都OK。嘩！嚟到嘅成品又真喺幾亮眼，尤其嗰抹黑松露，疏爽得緊要。裡面就以蛋沙律夾有蟹肉做餡，揀呢款多士都喺因為有蟹肉，唔使自己拆蟹咁麻煩，加埋生菜、牛油果，食起嚟頗清爽，味道又富層次。紅牛 $32佢哋凡點主食，都有跟餐優惠，不過，就唔知點解點牛角包 / 多士系列就無。都唔理，見佢咁多款特飲「牛」，都想試番一款。「紅牛」就當然唔喺嗰隻能量飲品啦，喺紅豆冰加抹茶雪糕，先食啲抹茶雪糕，抹茶味幾清幽，剩番半球就等佢溶落啲奶水度，變為抹茶牛奶，飲落都唔錯，清甜嘅紅豆就梗喺邊飲邊食啦，紅豆配抹茶一向都喺黃金組合嚟。試咗幾款嘢食，都好足料，而且，用料不賴，部份菜式真喺幾有諗頭，有種耳目一新嘅感覺，而且，店員都好好招呼，非常有禮貌。不過，呢區競爭都好大，單喺附近一截「女人街」都有十多間餐廳，希望市面經濟回復，做番大個餅，大家都好生意。…查看更多
