牛屋 (Closed)

呢度係一間日式居酒屋小店,定食,串燒都唔錯既,仲有好多小食類提供溫泉蛋牛肉定食,日式咖喱雞球定食日式咖哩汁香甜濃郁 配上新鮮炸起日式雞球 脆口肉嫩多汁 飯身係日本米特別甜有飯香另外仲有麵豉湯小食一碟 溫泉蛋牛肉定食 係日式醬油煮牛肉碎,係幾傳統既日式做法 以前經濟差個陣唔係用肉片係肉碎,隨住社會進步先改變了食法肉碎好處係更加入味,將溫泉蛋既醬汁撈埋肉碎食,味道更香滑肉碎好惹味串燒拼盤, 雞翼 雞皮 雞軟骨 雞肉 多春魚 每款各一件配鹽食燒得好香口 雞翼啖啖肉好鮮甜 應該是用了日本雞 多春魚好肥美整體水準高 價錢合理平均消費$150評分8/10深水埗福榮街218號美居中心地下63號舖

一提起牛屋，大家可能會想起佐敦嗰間鋸扒食豉油西餐為主嘅餐廳，其實深水埗都有間隱世牛屋，係間非常街坊嘅日式小店。早幾日去幫襯，一入到去，見到電視播緊花姐 ERROR 遊 1，未食先興奮🤪。 叫得牛屋，嚟到當然食牛，揀咗牛屋三式定食，包蜆肉麵豉湯同前菜螺肉。想講下個湯，入面真係有原隻蜆，size 都唔算失禮，唔錯。三式定食飯多餸更多，有送飯一流嘅碎牛肉，用醬油同洋蔥煮、牛味最濃嘅安格斯牛肩胛肉，同埋入口軟腍、一片片薄薄嘅慢煮牛肉，三者雖然都係牛，但各有唔同味道口感，六十零蚊，晚餐嚟講，性價比真心高👍。

喺深水埗繁華鬧市嘅另一面，就係比較寧靜嘅住宅小區，其實入面都不乏一啲高質素嘅小店，今日就同朋友嚟到美居中心呢一間比較隱蔽嘅「牛屋」。店舖內充滿日式嘅佈置，佈局都有少少日本小店嘅影子。定食價錢非常相宜，配埋蜆肉麵豉湯及前菜都只係$60上落，定價一啲都唔貴，而且唔需要加一，就更加覺得抵食。首先我特別推介呢度嘅蜆肉麵豉湯，隻蜆肉係超大隻，而且入面有好多豆腐粒，粒粒都好幼滑，麵豉湯鮮而不會過鹹，成碗湯我都覺得好好味。三獸丼包括豬、牛、雞肉。我尤其欣賞佢嘅炸雞，雞肉嫩滑又夠香口。另外嘅紅酒燉牛舌就更加美味，牛舌大大件非常厚身，份量足夠，仲配上紅蘿蔔，淋上醬汁，開胃到可以成碟飯沽清！店內仲見到有壽喜燒套餐同串燒系列，下次有機會試佢嘅晚市的話，一定要試試！

係政府嘅限堂令下又都諗食咩晚餐既時候，當然開一開偉大既OpenRice 睇下食咩順便落埋order，就比我發現呢間牛屋好似唔錯，最試埋佢最多人食既三色丼，跟住又試下無咩人講既三獸丼。牛屋三色丼每一款都係下飯菜，感覺完全唔夠飯去撈🤣三獸丼都唔差😆個麵豉湯都唔差，有一隻蜆再加豆腐

1️⃣[ 豚角煮定食🍛 ］ʜᴋᴅ56✍🏻 豚角煮即係肥嘟嘟嘅五花腩每一舊都好入味好腍好好食肉同肥膏嘅比例啱啱好🥓撈埋面嘅紫菜同汁 最啱送飯麵豉湯真材實料 有蜆係入面小菜玉子燒同名門卷都唔錯☺️🌟推薦指數：7.5/102️⃣ [ 唐揚雞冷麵🍗 ] ʜᴋᴅ62✍🏻 冷麵份量非常多 配料十足😋有雞蛋🥚、蝦🍤、蟹柳同鳴門卷撈埋芝麻醬食非常清爽💨唐揚雞新鮮炸起充滿肉汁仲有足料麵豉湯同味付螺肉成個定食超抵食🥰🌟推薦指數：8/10______________________________🥑整體嚟講🥚小店格局似居酒屋人手只有兩夫婦裝修唔係十分華麗但感覺温暖食物唔錯價錢適中 絕對會再回頭😋好味指數：7.5/10🏃回頭指數：8/10🔎🏷️ #letus九龍 #我要吃掉全世界 #letus日本菜系列 🔍

疫情下的小店,真係要加倍努力才能生存,牛屋就是一個活生生的例子,今日又到小店吃個晚飯,疫情下小店經營十分困難,只好要加倍用心經營,堂食生意一般,就要做外買希望多啲生意,但又要保持食物質數,真係要花点心思努力💪💪💪,我今天吃了一個十分出色的炒飯！希望各位街坊,老師和學生,和医護人員多多支持小店,給小店多点生存空間！

經友人介紹之前嚟過一次，已經覺得好好，服務好不在話下，如果要我推介鰻魚真係無得頂，仲有酥炸廣島蠔同埋明太子雞翼都要試下。今日再嚟encore感覺依然、味道依然。人情味依然⋯無得頂如果再嚟會帶埋屋企人同埋朋友一齊嚟。原來仲有譏燒同埋壽喜燒，一大班朋友就真係無得十頂，開開心心吹下水又一日啦⋯⋯雖然而家疫情但見佢衛生都做得好，我也放下心。有烏冬有飯有冷麵唔怕大熱天時無胃口，咩人都啱食。如果唔係點會捱到今日

7點黎到已經差不多冇位，因為地方真係一眼晒，而且座位唔多。所以老闆娘就幫我地即刻加張檯仔，雖然迫d，但我相信大家都唔會介意嘅。餐牌唔算多野揀，但小店就是如此，專心做到自己拿手嘅就可以。我老公叫左壽喜燒火鍋$98包括有安格斯肩胛牛肉(100g)日本空運新鮮雞蛋1隻白飯 －＞轉烏冬火鍋有蛙蛙菜，冬菇，金菇，豆腐同魚腐年糕牛肉D紋路好靚，份量都唔少另外追加牛舌芯(100g) $48份量又係唔少我地轉左烏冬，唔sure駛唔駛加錢，不過好surprise個烏冬係讚歧烏冬，仲要份量唔少。牛屋三色定食（配有蜆肉麵豉湯同味付螺肉）$66三色即係有牛肉碎、類似吉野家牛肉飯嘅洋蔥炒牛肉同慢煮牛其實三樣都好食，特別係慢煮牛，半生熟嘅狀態我最like而且老闆娘落單都會問我地駛唔駛加飯，我話正常ok，其實我諗下次都加飯，因為實在太好味，我同老公都爭住食。蜆肉麵豉湯係成隻蜆肉連殼，有heart~因為得一個老闆娘負責樓面，所以佢都好忙，但加水都會親自做返。另外因為廚房得一個人，所以等餐會耐少少，要俾少少耐性～總之今餐我地好滿意～

之前同事介紹呢間小店，話幾好食，可以一試，於是今日 lunch time 就行過去試食🤗牛屋門面好日本感覺，再加上周圍環境較靜，仲更加似日本小村落的一間小食店。小店經營，舖仔細細，只有一位廚師及一位店員，食物的選擇唔算多，置在集中，容易處理，及不需要客人等太久。我選擇了~紅酒燉牛舌便當。厚切牛舌好好食，好淋無根，非常容易入口，紅酒汁同牛舌非常之夾，還有幾舊紅蘿蔔都好好食，成碟飯連汁食哂😋還有兩小碟~大白菜芋絲及玉子鳴門卷，仲有紙包飲品，呢個🍱$45都好抵食。

今日同朋友又諗住食日本野，於是就係openrice到搵到間位於長沙灣褔榮街油站附近既“牛屋”去試下，揀佢既原因，係因為佢有好多類型既食物可選，有火鍋，爐端燒，日本小食，以及日本便當。岩晒成日唔知食咩好既我地，去到坐低再慢慢決定食邊款。牛屋舖頭細細的，不過都想當好搵，我地堆果時係下午六點左右，當時感覺好像是剛開門，準備做生意，我同友人就企係門口，好快地店員就招呼我地，目測店舖就只有四張枱到，原先店員就安排我地去坐角落頭既二人枱的，不過我朋友就唔係咁想，正當我地係到猶疑緊時，店員就好主動問我地係咪想坐張大d，隨即就安排將四人枱比我地。係呢到我覺得，係店舖既立場，舖頭仔細細的，得四張枱左右，為左打後既安排，二人比二人枱你地係好合理，不過店員就將客人既滿意度行先，安排將四人枱比我到，呢到值十個讚！咁岩先都講過，呢到係有好多款式比你選擇，我同朋友就點左一個便當，章魚燒，同一d串燒黎試下（串燒類，會比你揀想自己燒，定係師父幫你燒，我朋友就無乜所謂，但我就心諗，佢緊係無所謂，因為佢都係要我燒埋比佢食，所以最後我就揀左師父燒比我食）章魚燒： 一碟有6粒，味道唔錯牛屋三色便當： 好食，一個人食既話都夠飽

又到晚飯時間,現在疫情又不能約朋友飯局叙會,只有一個人做孤獨美食家,今天又去牛屋小店食番個豚角煮定食,看到買相不錯👍豚肉一層肥,一層瘦,真係像中式五花腩,吃落入口即溶,醬汁好味配上珍珠白飯,真係十分和味,簡單又飽肚,只係四十多元一個定食,真係平民消費👍💪😘

今日去深水埗買嘢，突然想食小食串燒，去了這間小店，好多選擇。我覺得串燒好味扺食，小食也很有質素，員工很有禮貌！小食我哋試咗章魚燒，可樂餅同牛肉餃子。我特別推介牛肉餃子，皮薄多汁。串燒我最喜歡魷魚，豬肉同牛小排，肉質和味道都好好！

呢日朋友又返長沙灣，我哋就搵個中間位食晏，去咗美居中心嗰邊。之前我上網見到嗰頭有間新開嘅餐廳仔，於是就去試下。原來餐廳喺甜品舖陣離，唔算好起眼👀。一入到去疑似老闆娘就為我哋送上熱茶🍵，而且仲畀紙巾我哋包口罩，勁細心😊。枱面仲有大大支消毒搓手液，注重衛生之舉，抵讚。餐廳環境一眼睇哂，細細間，廚房佔咗一半面積，所以只係放到三四張枱。枱之間比較迫，不過每張枱都好大，夠四個人坐，可以放好多食物😂。店內環境衛生OK，但出面係車房等商舖，有時會有昆蟲仔飛過...。睇番餐牌，小店無特別做午市，但就有提供全日便當🍱，好抵食下；除咗鰻魚飯外，全部都係$50樓下有交易！另外，仲有賣唔少日式小食，價格亦都好相宜。我要咗🐮牛屋三色便當($50)，第一次嚟梗係要試下招牌便當啦。造型雖然唔係以便當盒咁送上，但都好吸引！首先，便當Set有跟兩碟小食／小菜，兩樣都好有誠意。其中一碟係有一片玉子同魚蛋加蘿蔔醃漬，🥚玉子雖然好薄，但有得食，已經好開心。另一碟唔係沙律菜，而係煮熟咗嘅菜(仲搭嚿芋絲)，應該係用壽喜燒湯底煮🤤，有別於平時，幾正。講返碟三色牛飯，果然係有三款牛肉🐂，包括牛肉碎、慢煮牛肉(中間有少少粉紅色嗰種)同

今年情人節男友預先訂了位，我們試了牛屋新搞作。 一啲都唔貴，兩人只需$520(國語:我愛你) 你睇下有幾多嘢食，樣樣都好得！ 一道一道菜端出，一D都唔趕急 最正就係安格斯肉眼扒:多汁又夠厚， 夠曬軟滑，熟成程度啱啱好，肉味好夠！最驚喜嘅系男友特登訂了北海道馬糞海膽(特別版)，真係好新鮮好甜，真係想再食多一客！仲可以試到homemade的Mocktail，味道好複雜:有菠蘿味薑味椰奶味，又夠冰凍！好正呀！ 最啱係一邊吃磯燒、一邊飲冰凍飲品！唔知嚟緊的日本白色情人節，會唔會有驚喜呢？

我在美居附近工作， 自從去過牛屋食飯之後， 便不能自拔了， 每日都要到牛屋食飯， 或者食壽喜燒， 每一樣嘢都超級好味 ，又經濟，尤其係牛屋三式便當及紅酒燉牛舌飯， 今日SPECIAL便當係食安格斯牛肉漢堡， 真係好好食架， 老闆同事待應都親切好人， 值得我大力推薦。