Cowboy Noodle Restaurant (Closed)

這間茶記在澳牛旁邊，我之所以嘗試光顧，都係因為之前見到同事食嘅蛋治早餐，個賣相非常吸引。 你冇睇錯，只不過係一個蛋治早餐，就可以吸引到我嚟。 呢部份細緻位唔講啦，講返我本人今次用餐體驗。平日下午茶時間，人流較其他茶記少。但佢裝修雅致，環境乾淨，已令我覺得唔錯。 （後來問吓啲夥計，先知原來佢哋已經開咗一年多，仍然keep得咁乾淨，真係好好）我同朋友叫咗兩個常餐。 我嘅叉燒通粉，加奶茶。 朋友叫嘅係沙嗲牛米粉，凍零茶。兩個常餐都正正常常的好味。义燒不硬。容易咬。通粉亦都唔會太腍。朋友叫了炒旦。炒旦真的值得一讚。因為做得好有傳統味道嘅感覺。 另外多士都做得非常好。 我知道只是簡單嘅油多士。但現在也不是每間茶記也做得好。我同朋友的多士都焗得都係啱啱好。牛油不多不少。👍臨走時，我見到有個客人叫了一個脆豬包加煎蛋火腿。個個茶餐都好吸引。因為翠華之後，我好耐未食過真係好食嘅脆豬包。 所以一定會再來幫襯。 …Read More

佐敦搵食系列，本來想去澳牛，點知去到落閘先知逢星期四休息😴，去咗隔幾間鋪既牛小子面館，堂食但無位，唯有外賣🥡，叫咗牛魔王（$80）粗，有封門柳、牛腩、牛肚、牛𦟌同牛丸，加$6加熱啡，外賣🥡9折，不過等15分鐘太耐。打開分開面同湯，牛丸喺湯度，牛好豐富，有牛味，牛丸就一般，粗面正，咖啡☕️一般…Read More

地址：佐敦白加士街41號地舖平時經常去油尖旺區行街，今日早起去尖嘴處理私事後，再行過去佐敦搵下午茶...見到有新開茶記，睇左陣Menu...行左入去試下...左右兩邊座位設卡位，櫃筒已設計好有餐具+餐紙+糖等配件，中間位置座位為正方枱+圓凳，我揀左卡位坐，更舒適！而特別hea到下午茶先去食，此日係星期六，也有下午茶提供，真好！但請留意，跟餐叫凍飲或特飲，都必須另加錢既，無Wi-Fi上網提供！有多種電子付款。下午茶：常餐G>招牌沙爹濃湯豬扒+轉通粉+配炒滑蛋+多士+轉火腿+另叫熱飲熱朱古力沙爹湯底有少少辣，唔辣會更好！整體成個餐都整得好味，下次會來幫襯！揀下午茶時段，1個人坐，唔洗搭枱，唔洗排長龍，無限任坐，可以悠閒地煲住劇食下午茶！個廁所地面超滑同濕，應該需要加防滑墊滑板會更好，可避免滑親客人出入，有2間廁格可供使用！#牛小子面館 ##佐敦白加士街 …Read More

下晝2:00食完飯想搵個地方坐，附近餐廳好多都2:30先有下午茶，一間牛小子麵館麵館，2:00就開始下午茶，舖頭裝修好新，好似唔係開咗好耐，咁啱又有張卡位，可以坐得舒舒服服，就入咗去坐。呢一間牛小子麵館，應該係主打牛三寶牛腩，不過因為頭先晏晝食得太飽，所以就試吓佢比較輕盈嘅下午茶，我哋兩個人分別叫咗一個芝士蘑菇雞翼餐，同一個吉列豬扒餐，一個沙律另外一個配薯格，吉列豬扒好大件，另外佢嘅芝士蘑菇雞又好出色，下午茶時間見到呢間餐廳都keep住坐滿枱，味道係唔錯嘅，不過幾十蚊嘅茶餐廳唔好要求有太多嘅服務，簡簡單單有個位置坐乾淨企理就可以了。…Read More

非常不快嘅經驗！！！第一次寫食評，皆因食到我一肚火一定要上嚟評吓呢間舖初開張時我食過一次，當時俾我好好印象，男侍應服務好又坐得舒服、牛腩好食。尋晚喺附近上完堂都10點幾，4人入座，另有2位遲啲到。入到去啲大枱俾人坐哂，而且係張張大枱都只坐一個客，但侍應冇乜特別表示，淨係叫我哋喺細枱坐住先，結果我哋分開2張枱坐。坐低冇耐已經趕客咁話10點半截單，如果唔係因為已行咗好多間都諗唔到食乜，我哋都唔會繼續坐🙄🙄🙄睇完餐牌，我想叫定碗湯麵俾另外2位嚟緊嘅食，問佢先叫後上得唔得，佢話唔得，話截完單就一定要即時做清潔，我話咁幫我分湯上啦，費事浸到淋哂，點知佢話辛辣麵就最好，點浸都唔會淋，碗麵嚟到係冇分湯成碗上嘅🙄都算，見佢有餐具放咗喺出面啲櫃，我都費事勞煩佢，自己拎嚟裝起啲麵自行分湯就算，點知佢啲碗隻隻都油膩到爆，有啲仲要有飯喺隻碗度🤢我都唔知用咗幾多張紙先抹得乾淨🙄🙄🙄之後我再睇餐牌，個長髮女侍應已經喺我側邊睇實催我快啲落單，問題係我叫乜你哋都話賣哂，咁我當然要再花啲時間睇吓有咩啱食啦，最後叫咗碟牛腩飯，落單後就話唔夠牛腩要搭啲牛肚俾我，都唔緊要，碟牛嚟到係牛肚多過腩🙄然後我都未開始食佢就逐張枱埋去收錢，話要截數，okok，我都唔想阻佢收工。張單總數$179，同枱友人食咗$45，我哋摷緊錢俾期間，嗰位短髮四眼女侍應極唔耐煩😒😒😒之後我老公同小朋友到咗，我哋都唔想阻人收工，嗱嗱臨食完走，由於我哋住得遠，都怕小朋友忍唔到尿，臨走前想去個廁所，點知短髮女侍應話冇得去，做完清潔就鎖咗廁所門，咁我都好好禮貌問佢俾小朋友去一去得唔得？佢就好決絕話唔得鎖咗，咁算啦，唔緊要，唯有叫小朋友忍吓先。咁當然我有小朋友唔係大哂，人哋係有自己舖頭規矩，但佢啲態度同語氣真係好差，尤其是呢位短髮四眼女侍應！ 由我哋一入座佢啲語氣態度已經非常惡劣，極為趕客！食佢呢餐完全係背脊骨落至於食物質素同我初次去時係有落差，而家鹹咗好多🤢 所以我終於明白點解咁多人北上消費，我近來都好少出街食飯，一食之下就有咁不快經驗， 呢間咁嘅垃圾店真係冇下次！！！…Read More

這間茶餐廳的門口，經常被旁邊澳洲牛奶公司的人龍，遮擋着的餐廳門口，其實是一間不錯的茶餐廳平時是他們的早餐，今次和朋友一起試他們特色西式早餐，因為上次臨走的時候，看到有客叫這麼大份量的早餐，價錢還不超過$50今天試了，果然超值和抵食我試的是魚柳餐，朋友試的是豬扒餐除了主食不一樣，其他的半碟完全相同味道好正伴碟包括：茄汁豆，炒蛋，腸仔，薯餅，以及沙律菜，沙律菜的沙律汁不少，味道好好大家值得試一試，這間茶餐廳除了早餐，午餐都不錯…Read More

想食個常餐同街澳牛排到傻留意依間餐廳門面企企理理即入應該主力係潮州粉麵？ 四四正正 仲有幾粒香草非繁忙時間兩個人叫一個都得個面湯有heart 豬扒大塊有剪開算質素唔錯嘅茶記…Read More

🌹一早出發搭高鐵往內地，早餐預了在路途上的食店，路過有一間叫《牛小子麵館》，在門外觀看內裏環境尚算可以，入座坐下。餐廳一貫茶餐廳設計，較舊式的好少少，面積細小，環境衛生麻麻，我們都是隨便吃飽便是，隨意叫了兩份早餐。多士第一份送來的多士是底面濃晒，第二份來的正常，餐廳出品胡亂來嗎！煎雙蛋义燒米粉/通粉义燒較多筋，湯不夠味茶走不建議代客落奶，這個奶茶太甜了啡走用餐體驗：個人覺得….無論環境衛生、食物、服務都不合我本人，不會再來了！…Read More

今天和朋友逛佐敦，來到晚餐時間，決定在此醫肚。餐廳暖色系列為主，播着伴隨80，90後成長的歌曲，很有港式茶餐廳的味道🤭。餐廳不大，但座位尚算舒適。咖喱厚切豬扒飯 $58豬扒即煎，厚度尚可。咖喱汁香濃，沒有太重椰奶味，也沒有過度辛辣，像那種吃完會刺激喉嚨，感覺不錯。但白飯份量大，一個女生吃不完，最好叫少飯。咖喱吉列魚柳飯 $60吉列魚柳份量大，而且就嚟大過隻碟，很有驚喜😍香脆得來啖啖肉，沒有很重的油膩感，性價比算高👍🏻餐牌選擇多元化，路過可以一試。 @Big_Big_Foodie…Read More

帶小朋友去佐敦學習，本來打算去澳牛食個早餐🥣。點知原來那對已經比小红书攻陷了😅。從來都未見過條隊可以排到轉彎，仲要係朝頭早9:00，真係不得了，所以要另覓地方。見到旁邊有間叫牛小子麵館，見到都有叉燒通粉，仲標明叉燒自家製作，所以入去試試。餐廳環境都算企利乾淨，我叫咗叉燒湯通粉，配上炒滑蛋多士，和一杯奶茶。叉燒肥瘦適中，味道尚好，隻蛋都好滑，不過份量就偏小，麵包都新鮮。不過值得讚一讚就係個湯底，湯底加上就蕃茄，味道與普遍坊間不同，帶一點鮮甜。若果來到佐敦站食早餐，唔一定要食澳牛，也可以來這裏試試。😋…Read More

常餐不是錯我點咗G餐，個麫好好，係豬扒有少少硬腸仔滑蛋不錯我最欣賞個多士The French toast is really nice. There are some good tries.I am not sure why there were so many bad comments about the staff. The ones who served me were great and nice. Sometimes, it is easy for staff to do something wrongly when they are busy.…Read More

開工前嘆返個晨醒早餐，經過佐敦一間茶餐廳，見到裝修新穎，乾淨企理，便入去試試水準，叫左個招牌沙嗲牛麵，味道唔錯，沙嗲味濃郁，公仔麵彈牙，牛肉嫩口，而且性價比高，值得推介👍招牌沙嗲牛麵（$39）…Read More

經過佐敦，見呢間小店裝修不錯，坐低試下😋睇睇餐牌，叫左一飯一河😙等左一陣就上枱喇 😙🔸招牌崩沙腩飯（$72）崩沙腩入味，送飯一流😍🔸封門柳水餃湯河（$62）封門柳偏瘦、少少鞋，大大粒水餃，有兩粒，正正常常，口感都ok😎跟餐熱飲加$6，凍飲$9，埋單$149睇其他食評話服務差，親身試落又ok，店員都醒目，見卡位有人走仲主動叫我地轉枱，可以坐得舒服啲😌😌平日晚餐嚟講，ok la ☺️下次行過可以再幫襯…Read More

返工前都食過幾次呢度早餐，佢嘅沙嗲牛係唔錯嘅，叉燒亦好味，係份炒蛋一時有味一時無味，好奇特😅😅通常一坐低都會俾杯水（隔離枱），硬係我坐就唔俾嘅，試過2次都係咁，呢樣都算喇，還掂我都係想洗下啲叉同羹。但係樓面阿哥仔我真係好懷疑佢本身係做隔離澳牛嘅，態度真係…….無論係之前奇蹟地擺低杯水又好，今朝擺低份炒蛋都好，佢都係幫張枱做梗撞擊測試嘅。其實我又唔係黎乞食，我又唔係爭你錢，輕力啲得唔得嘅呢😓😓…Read More

💡封門柳湯河 $56🔖本身諗住食崩沙腩點知冇晒，就擇左封門柳，都驚mama 地，黎到食一啖入口冇乜味，再咬，d 牛味出晒黎，都唔錯既一個好選擇，但個湯冇乜味道。💡脆皮芝士煎蛋菠蘿油$36🔖食完封門柳湯河都仲未出餐，差d 想走，過多陣到左，個面有小小燶咗，仲熱到會辣手，食落😨，唔係菠蘿包，係菠蘿餅，好差😰唔會再食💡牛奶紅豆冰$12(跟餐）🔖有牛奶味，冇特別，紅豆較淋(5🌟為滿分）環境：🌟🌟🌟打卡：🌟🌟🌟味道：🌟價錢：🌟🌟🌟再訪：🌟…Read More