牛奶冰室 (啟田商場)

Open Now

Now Closed

打風下與街坊交收，順道落街食，省卻煮🤣🤣街坊提議去這間，我係二次幫襯，入座已經有點亂，打風包容下……我叫全日餐，通粉份量夠💪🏻💪🏻但無味道，比清湯更清🙃😝多士不脆，但唔淋，可入口😆😆滑蛋只是外表，份量ok，欠蛋味😛😛雪糕🍦紅豆🫘冰，加配$12，真心唔抵。同檯叫魚柳加薯條，邊食邊叫熱氣😆😆薯條可以，魚柳也可……岩唔岩食就自行判斷🙏🏻🙏🏻開業第二次幫襯，第三次無了期

屋企喺附近，食得多樓下其中一間餐廳想轉口味就走咗上去睇吓有咩好食，行到上去見到呢間咁諗住試吓，真係不可一不可再🤢我係下午茶時間去，一入去嘅時間完全冇人理我(正常都問吓你幾多位掛？）然後我就自己坐咗喺單人卡位度用二維碼落野食，落完坐喺度等咗大約20分鐘都未有嘢食（連嘢飲都未到，因為嗰時當時冇乜客正常應該唔會太耐），而等嘅時間其實我有聽到有叮叮聲，我以前有做過呢行知道係有嘢食整好咗，同埋我見到其實杯嘢飲都整好咗好耐都冇人理（我個位對住佢哋個水吧做好放置出嚟個位），啱啱想追嘅時間就見到有職員開始推嘢食出嚟（前後同我丁丁聲相差成差唔多10分鐘，當時我都見到有幾個職員企咗喺度撳緊電話），唔使問嚟到乾炒豬扒撈伊麵（熱食嘅）凍Q晒，而且非常非常之難食，仲有個旁邊有嚿類似紙嘅嘢好細粒喺度（我冇叫人，諗住食完就算，因為太難食），然後到杯奶茶完全冇茶味，只係不停落奶成杯都白色嘅，之後我就嗱嗱聲食完就算俾錢走人雖然完全冇乜點接觸過啲職員，但呢間嘢0服務可言，出咗嚟嘅嘢食飲品可以完全冇人理，出品仲要好難食，仲要有污糟嘅嘢喺度，我喺藍田食嘢咁多選擇我以後都唔會選佢囉

見到佢出個珍珠雞加輕量火腿通粉嘅餐(認住「輕量」呢兩隻字」），於是喺晚飯時段嗌咗一個，而亦都喺選項裡面加多一隻珍珠雞。喺落order之後約10分鐘之後，第一隻用微波爐叮出黎嘅珍珠雞終於出現，而當時亦即時向服務員詢問點解唔係一次過上兩隻。員工當時表示未上嘅「第二隻珍珠雞同通粉」將於之後出現；而隻珍珠雞個底係叮到乾哂嘅。之後一路等到order後嘅20分鐘之後，經過再一次向服務員催單之後，「第二隻珍珠雞同通粉」終於喺第24分鐘出現。第二隻珍珠雞雖然都係叮出黎嘅，不過都算係中規中矩，但係碗「輕量火腿通粉」就實在強差人意。個碗本身係已經細隻，喺湯嘅水位係連碗嘅一半都唔知有無，仲要就咁望係見唔到有任何通粉或者火腿。目測通粉同火腿大約就只有兩羹嘅份量，係侮辱「輕量」兩隻字嘅同時侮辱埋食客。喺即時同服務員反映之後，佢拎咗兜通粉入廚房一轉，然後表示「廚房加咗啲份量咖喇」嘅同時 serve咗大約得三羹份量嘅火腿通粉。其實好好奇嘅係，究竟咁大間連鎖式嘅食店，煮嘅野係咪都應該有相應嘅SOP? 如果確實係有嘅話，上菜嘅合理時間同埋相應嘅食品份量係咪有一定嘅準則？更什嘅係，究竟係咩原因會令到一間已經唔係滿座嘅餐廳

星期日早上的餐點服務、員工態度及食品質量都大有問題。一間餐廳久不久轉換新餐牌和食物款式是好事，樣客人有新鮮感，但員工、廚房和點餐配套完全沒有配合。首先，點餐app沒有新餐品的選項，向職員查問，完全當你透明，不理不睬。等10分鐘，終於自己行去收錢櫃叫人落。點餐後，又要等半小時才開始陸續上餐。以冰室的食品味道一般是不錯的，但由於各範疇的員工欠缺溝通，廚房員工不知道新餐品的部份而沒有製作，等了很久再問侍應，他們才急忙再煮。可能是倉促提出，再補上的食品是冰凍的。至於新餐牌的食物，說真的味道是不錯吃的。例如：香蔥滑蛋三文治，很有本地特色。

有個好矮的女人抹枱Fing 到周圍都係,俾晒啲客, 搞到塊面敏感, 啲嘢食又中咗Chemical🥲 其他人冇招呼，見到你仲要細聲鬧你，叫常餐通粉永遠都唔熟嘅，啲牛肉又唔熟🥲

來這裏吃早餐，份早餐全無溫度，估計已經放咗一段時間了。「熱」牛奶連室溫都不如。請店員換啦，隔咗一陣佢攞杯都唔知有冇換過嘅牛奶過嚟，一樣連室溫都冇。咁你不如即刻俾返我好過啦，點解仲要我等呢？ 份早餐都就嚟食完了啟田可以食早餐嘅餐廳有大快活，同埋另外一間都係佢集團嘅木兆小品。如果你唔介意行遠少少，可以去匯景商場，有大家樂錫蘭仲有其他餐廳選擇多得多。另外，冷氣真係好凍，建議大家真係要去着多件外套。聽講佢係新開張，諗到咁快變差，定係一開始冇好過呢？

呢度啲嘢食都ok.環境亦唔錯冷氣好夠但係啲員工個個都臭面可能做嘢好辛苦發洩喺食客身上就提醒自己非一般隔離枱客問佢有冇水佢話先生你自己去攞啦有人問可唔可以拎幾隻碗仔先生嗰邊有呀我喺旁邊睇到都想快快食完走人

餐肉滑蛋三文治配熱奶茶 31蚊，加多13蚊有三隻雞中翼，三文治可以揀兩片面包或三片面包，我揀左三片，唔使加錢，三文治個面包微温，蛋就似即煎，幾好食，奶茶都唔錯，有茶味，最正系個三隻雞翼，熱辣辣，味道岩岩好，有少少肉汁，正😋😋😋

11點去到攞左籌想食早餐，等到11點25分，有嗰侍應出嚟同所有等枱嘅人講，廚房接唔切單，所以停早餐，有枱入但只可叫午餐。明明早餐做到11點半，我等左差唔多半個鐘先講，佢早10分鐘講，我一早轉去第二間食早餐。呢啲咁嘅餐廳，以後唔會再幫襯

叫咗一碗五香肉丁麵，半個鐘先到，將我兜面俾咗其他枱嘅人，然後冇做返補救措施，然後俾出嚟嘅嘢又唔熟。上一次明明嗌咗個全熟蛋，出到嚟都唔熟嘅，然後啲餐三催四請先至肯到，第一次吹仲要送錯嘢，話搵人跟進跟住冇左回事

網上平台叫左外賣，等左20分鐘去拎仲話包緊未出，知道蒸魚要耐啲時間係理解嘅，因為趕時間未打開睇拎走左。到公司開完全貨不對版（豉汁變梅菜）。。。。。。。。。自己拎走前冇打開睇，自己都有部分責任，但其實呢次唔係第一次，因為係第二次所以先要上傳，希望廚房，餐廳工作謹慎少少，如冇可以通知客唔好求其比啲食物客當唔知😐對呢間餐廳好感度又減左好失望。。。。。。。。。。。。。。。。。。。。。。。。。。。。。。

門口寫6點前還有下午茶，我們同行5個進入就進去，進入時間5:30分，進去已經沒有下午茶牌，之前係有餐牌的，一問原來改了自助式，問題不大，我們食完就埋單，去到收銀位收銀員話要等一下先得，我就行左去距旁邊櫃臺叫另一店員夾個麵包打算一齊俾，點知比另一個男職員好鬼惡死咁講，俾咗錢先可以再買麵包架，我哋唔係同一間，如果喺咁請你叫你老細唔好擺麵包係間鋪入面，還有我依家仲喺間舖頭入面，我唔係食嘢唔俾錢，個態度悪死到好似想食人咁，如果你地牛奶冰室既店員咁強調俾咗錢先可以買麵包，咁麻煩你哋擺個大大既牌喺收銀位置，寫清楚俾客人知道，我哋喺離食嘢，唔係俾你出氣，態度差到咁，唔會再回頭

見啟田商場開了牛奶次室就試一下，但既沒有服務，食品質素更是超差勁，總結是不用光顧了。點了乾炒牛河，河粉無色無味，牛肉的鬆肉粉還在，上來賣相是亂糟糟一盤，見埋成碟油。😱點了楊州炒飯，漏單好耐都無到，送來是濕淋淋，以為係楊州燴飯。

廣田邨，人口老化邨，加上疫情，連連鎖快餐店「大家樂」都做唔住晚市，廣田邨晚市只有「牛奶冰室」和一間無水準嘅酒樓。漸漸，早午晚餐，已轉移到光顧「牛奶冰室」；條邨嚟講算獨市，但職員依然有禮，食物無馬虎，我一星期幫襯咗3次，3次體驗都不錯。

2月18日去過店入面食，午餐等30分鐘，期間問過店員跟進，不了了之，最後要求cut單。午餐跟餐飲，餐飲黎到冇飲過，店員幫你cut完單，再收你餐飲剩飲價$20， 幾出色，等左30分鐘比本野飲你，建議大家cut 單時睇清楚更新既單據，店員搏你唔睇，收你剩飲價，我地再反映先話「唔好意思，cut漏左」，之後先話餐飲唔收。一個午餐 等你30分鐘，話cut單，道歉冇句，跟進又冇，服務員態度非常惡劣，真係想體驗既值得一試。店內投訴冇用，店員會同你講冇負責人，再話跟你跟進。已向集團投訴，不過至今仍然冇人回應，都預左最後不了了之。