Gyuhachi Shabu Shabu & Sukiyaki Restaurant (Closed)

牛八近日推出優惠，嚴選套餐會午市減30，所以立即去試下。環境方面十分舒適，唔會感覺好迫，職員有禮貌又殷勤，唔會因為忙而態度差，而且坐定定之後仲有職員幫你件外套套返個套，防止打完邊爐件衫成陣邊爐味。食物方面，開頭我以為係其他任食咁大家SHARE嗌一個湯底，但呢度係做緊一人一鍋，選擇自己鍾意既就可以，唔會一大班人都搞好耐都唔知嗌咩湯底好，由其想食辣既人，可以解除左同行唔食辣但一齊涮涮鍋嘅煩惱。自助食物方面，其實蔬菜類好多，其他丸類就真係得一兩款。不過唔緊要，任食都係食佢D肉，唔通食芝士腸食飽咩。另外佢仲有雪糕乳酪，可以任加TOPPING，有杏仁，可可米，粟米片等等，滿足唔同口味既你。到主角喇，嚴選係豬牛雞都有既，豬肉同雞肉都好淋，但因為我鍾意食牛，所以嗌嚴選，係入面既第三級，低兩級既都可以嗌來試。講真，嚴選呢一級既牛肉的確係有明顯既分別，入口立即化開，牛味亦足夠，而且每次嗌一碟係真係比足一碟你，唔似其他地方嗌幾多碟都可能只係來兩三塊咁，所以十分抵食。職員既服務其實都好好，成日都會留意住我地在場有咩需要，唔使出聲就會自己定時定候加湯，服務相當周到。非常值得推介的一間…Read More

呢一年食過呢間牛八火鍋店好多次😍！食過幾次霜降日本黑毛和牛 & 幾時極上黑毛和牛。 前者三百幾蚊一個，有埋海鮮同牛舌放題；後者2百尾左右一個，都有一盒海鮮。牛八食咗咁多次心得，當你好想打邊爐，食好多牛，自己一個又近近地，又或者同 friend想搵間出咗地鐵站唔使行好遠嘅，牛八就岩哂！K11 又近地鐵站，上幾層就到。如果唔係friend 中意油脂勁重嘅牛，其實唔需要揀最貴霜降餐。根據經驗，唔係次次都雪花非常平均，但係特別再開先有得放題。平心而論，呢間嘅海鮮就絕對唔係啲乜超新鮮超正，都係鮑魚、青口、魷魚、蝦、蠔…唔係特別新鮮，但係都係海鮮。佢鍾意食靚牛嘅話，好似我咁叫過200尾既和牛就正啦！ 呢一間可以任拎嘅蔬菜、粉面、丸類… 選擇正常唔算好多，所以我嘅攻略絕對係不斷食牛肉！ 最後食返兩杯雪糕！…Read More

今個月天氣持續寒冷❄️❄️❄️不論在家或出外用膳火鍋都必是首選😋😋😋是日到訪了一間日式放題火鍋店位於尖沙咀嘅牛八涮涮鍋專門店放題時間為90分鐘牛分別有5種選擇：～牛八 $168～特選牛 $188～嚴選牛肉 $238～極上黑毛和牛 $278～霜降日本黑毛和牛 $358小妹我今次就選擇了極上黑毛和牛，包括有澳洲黑毛和牛、加拿大自然豬肩肉、雞腿肉，送海鮮1客 + 牛舌 + 加拿大自然豬放題湯底分別有6種選擇：胡椒和牛清湯 / 麻辣湯 / 骨膠原雞湯 / 蕃茄小魚湯 / 昆布清湯 / 壽喜燒 (附日本鮮雞蛋1隻)，1人1鍋，方便衞生，可以按自己喜好選擇火鍋係放題形式，基本上丸類，菇類，菜類，應有盡有，款式不算太多，和牛好味，用app落單，可以不停追加，省時方便，最後當然緊係要食甜品啦，烏龍茶味mix原味乳酪雪糕，為火鍋重口味後帶來清甜清新冰涼味覺🍧🍧🍧，喜歡火鍋嘅朋友們，大胃王嘅朋友們，有機會要試試喔😉…Read More

打邊爐都係港人飯局首選之一，成班朋友圍埋一枱吹下水Happy Friday都唔錯🎉👍🏻近年黎就多左好多日式/台式火鍋比大家選擇～今日就帶大家一齊睇睇位於尖沙咀K11 Art Mall裡面嘅「牛八涮涮鍋專門店」，佢地嘅90分鐘放題性價比都不錯!☺️ 牛八提供5款涮涮鍋比大家，大家只要係入座後同店員confirm落單就ok: 1. 牛八牛 - $1682. 特選牛 - $1883. 嚴選牛 - $2384. 極上黑毛和牛 - $2785. 霜降日本黑毛和牛 - $358 而湯底選擇就有以下幾款:1. 胡椒和牛清湯2. 麻辣湯3. 骨膠原雞湯4. 番茄小魚湯5. 昆布清湯6. 壽喜燒(附日本鮮雞蛋一隻) 由於我就第一次去，所以就揀左最平個款牛八牛就算啦，因為都想平平地試試先決定之後會唔會返兜🤓落完order之後，店員就會先送上豬﹑牛﹑雞各一碟。因為係放題啦，所以大家食完想再叫嘅話只要掃QR code係手機落單就得架啦👍🏻而其他嘅菜類﹑丸類同埋烏冬/飯等等都可以係出面自助水吧任拎。雖然叫嘅係最平嘅個set肉，但係都唔差喎! 😋肉類都算嫩滑惹味，而湯底因為我揀左壽喜燒，所以可以將牛肉點一點落生雞蛋再食，幾正! 出面都有幾款汽水比你地任飲，而且食完可以整返杯Yogurt食下~☺️ 整體黎講我覺得肉類不錯，而且自助吧嘅蔬菜類都幾多選擇。唯一建議係丸類同甜品若可以再多少少就更好啦! 因為岩岩食個次發現丸類都係得3-4款可以揀，而甜品方面就只有yogurt🙁不過呢個價錢嘅放題黎講已經算係咁啦! 另外值得一提係店員好有禮貌，亦都好貼心，令到成個用餐體驗再提升!☺️…Read More

一人一鍋，就算同朋友食都可以自選喜歡嘅湯底，仲好乾淨又衛生。 丸類、蔬菜、粉麵都可以任食，蕃茄菇類等等都幾新鮮。 汽水、熱茶啡、雪糕都係自助，雪糕好濃朱古力味，軟滑又好食，仲可以加糖粒。…Read More

午市入到去大把位，目測三成滿，竟然要求我坐喺兩個人中間，要求換位，竟然話嗰張係四人枱唔比坐，今時今日咁嘅服務態度，未食已經一肚氣，咁就唔好難為自己，梗係即刻走啦😂…Read More

香港人真係幾時都可以打邊爐, 前幾日行過 k11 牛八涮涮鍋專門店, 環境, 價錢, 食物都唔錯, 星期一至星期四 6點前入座仲有 7折, 食90分鐘, 抵咁多, 即刻入去烚下先😋呢度係一人一鍋, 自己想食咩底就咩湯底🥘 選擇都有 6款, 我叫左壽喜燒湯底, 湯底甜甜, 唔錯! 牛類選擇有5款, 我地叫左特選牛肉, 肉質薄薄, 都唔差👍🏻 另外可以加錢有牛舌, 長腳蟹等等. .. 仲有少量丸類, 蔬菜, 菇類, 醬汁, 飲品, 乳酪.. 款式都算多, 味道都正常! …Read More

今日去左食午市放題，用上次食牛八燒肉送既💲5️⃣0️⃣現金劵，仲可以同第二位半價既優惠一齊用。揀左最貴既極上放題，每位$208加一，用晒d優惠兩個人埋單$303.6，埋完單仲再送多張💲5️⃣0️⃣劵下次用。​​呢到係一人一鍋🥘既形式，揀左一個壽喜燒湯底同一個蕃茄湯底。壽喜燒湯底濃郁，可以完全唔洗點鼓油食，食耐左會覺得比較咸。相比之下蕃茄湯🍅就比較清，都食到蕃茄味。​​點完湯底先上左一碟豬肉加兩舊雞肉同兩碟牛，再係出面先助區攞左生菜、蘿蔔、豆腐、腸仔等等，再叫多兩碟牛食完已經好飽，任食都唔食到好多牛。​​佢既自助區食物種類選擇唔多，飲品方面都選擇較少，有汽水機🥤、咖啡機☕️同茶包🍵供應，但部咖啡機係冇朱古力同其他罐裝飲品提供既。甜品區方面有乳酪雪糕🍦同士多啤梨🍓雪糕，呢到既乳酪雪糕好似比其他類似既火鍋店甜。整體不過不失，有優惠提供既時候先會想再食。​…Read More

又到中午吃午飯的時候，途經牛八又剛巧下著雨，於是就打算吃火鍋，在店外門口登記好等約十分鐘左右就入座，這次的湯底是骨膠原雞湯，沙律吧的食物款式算比較多，例如有蕃茄，薯仔，蘿蔔，墨魚丸，蟹柳，冬瓜，冬菇，蓮藕，木茸，芋片，小栗米，金菇菜這些食材，跟餐的主菜有雞肉和毛豬肉一大碟，全都很新鮮好吃，加埋自己調校的醬汁沾來吃特別好味，汽水是在汽水機自酙，有百事，七喜，芬達橙汁，雀巢檸檬茶等四款口味，吃喝了好幾輪之後到吃甜品，甜品款式不多只有乳酪雪糕，有原味，士多啤梨味和兩色合一味，而且都比較酸和味道一般，這是美中不足的地方，店內環境不錯，裝潢舒適整潔，服務員的態度也很好，下次再來光臨…Read More

今晚去牛八涮涮鍋食放題，因為有半價優惠，Book 了6:00pm , 5:40pm 去到，想入座，但因為 book 了6:00pm , 才有半價優惠，所以門外帶位話，一定要6:00pm 才能入座，所以等到6:00pm . 入座之後，發覺兩人座位，都幾 迫，我們叫 了最貴霜降日本黑毛和牛 $358 , 最先有兩盤牛肉，一盤豬肉，一盤牛舌，一盤海鮮。我們點了黑椒和牛清湯和昆布清湯，牛肉好新鲜和肉質很好， 海鮮都好好， 有虎蝦,鮑魚,廣島蠔,扇貝,青口，魷魚。 鮑魚係近來新提供，好似之前沒有，巳經清潔好， 好乾淨，我們叫了三次，好好味。和牛都叫了幾次，牛舌比較鞋，所以沒有再叫，豬都可以，但都没有再加叫，因為主力食牛肉，連外面的配料都沒有取。只有90 分鐘，早15 分鐘就要埋單， 這間餐廳第一次食， 因為有半價優惠才幫襯， 因為食物選擇比較少， 飲品都只是有汽水機， 今晚只飲咗 香印提子汽水， 都算好好飲， 仲有咖啡機，和茶包， 飲品選擇都非常少， 還有醬料都很少選擇， 就連胡麻醬都比較清淡，沒什麼味道，如果不是有半價，一定唔會幫襯，所以食一次就够，現在有 好多質素好的打邊爐舖頭，比我們選擇。…Read More

經晚上訂座有75折，叫咗最貴既「霜降黑毛和牛」。睇圖片同埋個人理解，牛肉應該係油脂分佈平均，好似雪花一樣。殊不知，第一碟牛肉上台，肥到呢！好似普通中式酒樓啲肥牛咁，每一塊牛肉入面，半塊都係肥膏！第一碟係咁，算！等第二碟，點知仲衰！即刻問店員，店員堅持係咁既質素。結果上台既全部都係咁樣既「霜降和牛」！其他人既其他牛肉全部都睇落好過我。豬肉同海鮮既正常既，可以接受。出面既配料都正常，但係竟然連餃子呢啲咁普通既野食都無。成餐飯食到一肚火，收人最貴俾啲咁既牛肉人…Read More

呢排為咗屋企嘅事，大家都辛苦喇🙇🏻‍♀️ #小秘書 好想 #請食餐 飯等大家 #開心 吓🥳 本來book咗枱去 K11 食 #烤鴨… 但係點都估唔到，mammy居然喺三十幾度天氣下☀️ 話要去食 #火鍋😅 咁我唯有行快幾步去攞位先啦。等咗15分鐘左右，終於輪到我哋，不過樓下停車場🅿️大排長龍，仲要等多兩個先齊人。我好聲好氣禮貌地同「牛八涮涮鍋專門店」個職員講，麻煩佢等一等，點知佢黑住面勁大聲咁話「你唔要就比下一個」，我勸佢唔使咁大聲嘅，點知佢搞笑到覆我「我把聲就係咁㗎喇」… 🤣🤣姐姐返工好大壓力咩？明明早五分鐘先比人凶我要等到三點先有得食，點知唔夠三分鐘就輪到我哋… 感恩❤️ 不過我哋六個人最終都要分開坐😅 呢日我哋揀咗 #牛八放題 套餐，即係90分鐘 all you can eat😉 我被安排同 daddy, mammy同一枱，粗重嘢當然由我負責啦💪🏻 頻頻撲撲出去攞完食物、又要攞醬油，當然仲要沖定熱茶同斟埋汽水啦… 出出入入幾轉終於有嘢落肚🤩 我要咗個 #壽喜燒 做湯底，貪佢湯底甜甜地、又有隻 #日本蛋 做伴菜🥢 #牛肉 🐮 嘅質素都算唔錯，又唔係啲 #網民 講到咁差喎🤤 不過我更愛嘅反而係佢哋嘅 #雞肉 🐣 肉質彈牙得嚟又有鮮味… 唔錯唔錯🤤整體質素都唔差，只係員工嘅情緒可以控制得好啲，我諗成件事會更完美囉😂😆…Read More

一個人去食日式火鍋放題，其實係咁啱見到某網上有半價，立刻預約過去食。通常半價優惠都係1200時間，之後就75折。嗰日雖然係星期日，但人唔算多，我好準時12點一開就到，好快就安排咗座位。因為半價，所以決定揀最貴嘅日本和牛放題，即係相中嘅牛肉，頭一份通常係最好，越到後面越肥，不過質素都可以嘅，唔會太差，而且因為切得好薄，所以口感唔會覺得好肥，但是牛味不足，好處係入口即化。原價好似係308左右，半價加服務費後180幾，我一個人食咗5碟牛肉加一碟豬肉同埋一大碟海鮮，仲有三杯乳酪雪糕，都幾夸張。。。豬肉味道都好ok，不過就好易飽。仲有士多啤梨味乳酪雪糕，我個人覺得幾好味。半價之後真係抵到冇朋友🤣…Read More

今晚試左黑毛和牛涮涮鍋嘅晚市放題，$278 一位，價錢中上，服務不是超級好也不是超級差，如果對服務質素係冇任何期望嘅，那她們都可以算是合格嘅，不過食物質素就真係差到一個點，所謂嘅黑毛和牛，牛肉嘅質素係完全完全完全完全超級咁唔掂，師傅刀工非常厲害，能夠切到啲牛肉，件件都簿過張紙，仲要係每一碟牛肉都係咁簿，簿都算啦，而係啲牛肉點解可以一啲咬口都冇，啲肉質仲要係超級超級無敵咁鞋，而且一啲牛味都冇，真係衰到一個點，簡直係侮辱緊啲黑毛和牛，完全不能接受，自助區嘅食物選擇種類都還可以，質素勉強係可以接受嘅，另外飲品甜品嘅種類其實也不多，咁嘅質素真係要請餐廳好好認真咁改善下。…Read More

話說今日會夜啲收工，返唔到屋企食飯，所以就想去食餐好嘅！又咁啱係eatigo見到有75折，就book咗去食！一去到餐廳，確認咗booking之後就即刻安排入座。餐廳入面其實都冇咩人，大家都係尖沙咀啫，點解厚福街嗰邊間間舖頭都要排隊，但係K11呢邊就完全靜過鬼。坐低咗之後，我就揀咗個霜降黑毛和牛果個任食，佢呢個任食仲包埋海鮮任食添㗎！菜，調味料，嘢飲，同雪糕都係同平時嗰啲日式火鍋放題一樣都係出邊拎。等咗一陣，第一輪嘅嘢食就出現啦，包括有霜降和牛，豬肉，雞肉，牛舌，同埋每樣有一樣嘅海鮮拼盤。霜降和牛果然係霜降和牛，雖然啲肉切得好薄，但食落口真係好林，但就冇乜肉味🤩。豬肉，雞肉正常。牛舌反而有啲驚喜，都幾彈牙！至於海鮮方面，佢嘅蠔🦪喺廣島蠔好鮮味！蝦比我想像中大隻，好彈牙！帆立貝都唔係hae我嘅size，雖然係雪藏嘢但都好鮮味，青口就正常！由於任食嘅關係，我最後叫咗咁多嘢👇廣島蠔🦪10隻帆立貝10隻蝦5隻霜降和牛🐮4盤。順帶一提，我叫咗四round和牛質素都好好，冇話越叫越差嘅狀況，一讚服務都非常好，staff見我剝蝦🦐剝到隻手好污糟，佢主動俾咗幾包濕紙巾我添！…Read More