Gyuhachi Wagyu Yakiniku Restaurant (Closed)

Birthday gathering @ 第一城烤肉店，放題肉類品種都幾多，肉質鮮嫩，也很 juicy, 味道相當不俗! 😋😋😋我哋 order 了各式各樣的牛肉，豬肉、雞肉、豆腐、腸仔等，每樣美食都烤得很好吃！充滿童心的我們還把食物砌成哈哈笑模樣，感覺食得好似更加滋味!…Read More

有天去威爾斯分別上下午時間覆診，中間有段2個多小時空閒，正想怎樣消磨時間食什麼東西，就剛好看到這間，即時不用想就進這間食，order左一個午餐再追加其他野，午餐有3樣野，分別是牛，雞和豬頸肉但分量不多，每樣薄薄片，伴有飯韓式小吃和湯，食物水準唔錯，那天胃口很好，追加其他食物一試，每樣$30，那麼我就追加牛舌和柚子醬豬頸肉(特別爽和好吃)，滿足我好耐無食韓式燒肉的感覺，但員工比較少沒有什麼服務! 時間又剛好坐一會兒就去覆診!…Read More

一家5個人，到這一間店舖慶祝生日。入座時間晚上9時，門口接待說明10：15 last order, 結束為11：00。入座，交出蛋糕雪藏待用, 會收切餅費。我們很安靜的一枱，沒有在叫大笑， 就安靜燒。食物， 環境， 衞生都可以，蟹腳多肉，我不針對價格對比外面燒肉店，一家人慶祝生日，只想要開心氣氛， 但結果是非常不愉快。未到10點3的時間，剩下一枱客，員工已經表現出（非常急住趕收工），詢問收走醬汁我都接受，然後，拖地都沒關係。格了不到十分鐘，灰衫的要求我們全部人都叫定雪糕球甜品，我心想,我們肉都還有大半盤，那有人吃一半肉，再吃雪糕， 然後又再去燒肉的！真的好過份。一直放都溶掉了， 沒吃！！！！！再格五分鐘，要求你結賬，這時候， 我真的忍不住問白衫的， 你們店舖不是說11點結束？但他又回應： 是呀11點，沒關係你們用。10點半左右，灰衫的又走來問。。。請問你們蛋糕。。。（意思係幾時很吹）整個氣氛已經十分差， 就是10點開始非常趕收工，做好多小動作，務求趕客走。那一刻， 我是十分的憤怒， 我立刻表明心態說：得啦，你地咁急住收工， 我地蛋糕都唔吹啦！店舖無覺得唔好意思， 重覺得又要退切餅費，又要攪過咁。咁唔開心， 我地都想走啦！重吹蠟燭，留下咁難忘既咩！我地一行五人食完，10：45起身走。任食消費4送1，總數1400 over. 這店舖， 我永遠都不會再去食， 也不建議朋友去這個店，too bad feeling! 我覺得， 你地係想收工，有咩難言之忍， 人地9點入座既時候，可以講清楚。唔好人地入座後，就做得咁無賴！毫無服務可言。…Read More

等住宜附近住左都好耐 第一次黎宜間食 睇外觀唸都ok. 點知 ⋯⋯十分之失望 ！！！！等位等左十分之耐 入到去order 一張單 等左20分鐘都未有野黎 叫職員跟單 再得10分鐘重黎第一張單既野 味道不好味 下次都吾會再般食 門口既職員態度十分差 ！！最後 ⋯⋯⋯⋯⋯我地等左35分鐘先後第一張單既野😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤😤我地只係等等 黎白飯就勁快 我女只食白飯 成餐野 就係到等等等............😩😩😩😩😩😩😩…Read More

寒冷的冬天快來了，吃火鍋是人們的救星，吃熱鍋燒牛肉就是其中一樣。暖暖的牛肉光是從熱鍋脫穎而出，讓人垂涎三尺。一咬下去，牛肉的肉汁加上醬汁，牛肉七成熟，非常有咀嚼度，加上白飯配料便便成完美主義者。剛剛吃完暖暖的牛肉白飯，加上甜甜的柚子蜜，便讓別人感到剛剛的混亂靜止了，感覺到非常的寫意。…Read More

今日嚟左第一城買啲嘢，因為都去到食飯時候，所以食埋飯先返屋企。上次行過見到一間新開嘅日式燒肉店好似好正咁，所以就比佢傳單吸引左入嚟食。因為上次喺台灣食過燒長腳蟹，味道非常難忘，成日都心思思想再食。所以雖然有少少貴，但係都係揀咗有長腳蟹嗰個極上放題set。依度嘅放題係有幾款價錢揀，每一個價錢可以任食嘅嘢都唔同，所以大家可以按照需要揀，但係同一台嘅所有客人都要要嗌同一個價位嘅放題。放題本身包埋任飲汽水，但係只係幾款汽水，如果係想飲其他乳酸疏打或者啤酒，就要再加錢。食物方面，極上放題係有包長腳蟹，燒一陣，保持返肉汁，都幾鮮味。但係要留意嘅就係長腳蟹唔係任食㗎，每人大概會包半隻，不過其實都好夠㗎啦。任食嘅食物就有好幾款嘅牛肉，例如牛胸腹肉，牛肋粒之類咁啦。肉質都可以，不過調味有D就清淡左D。其他肉類仲有雞肉，雞髀肉雞翼，同埋豬頸肉等等，另外仲有啲蔬菜。呢個餐仲可以帶埋海鮮，例如燒三文魚、凡立貝、蝦等等。之後仲有一啲熟食，冷麵呀，伴飯之類啦。值得一提嘅就係佢哋嘅芝士燒年糕，係非常好玩同好食，但係因為都幾飽，所以建議一個人或者兩個人share一份就可以啦。街坊地點來講，呢度嘅價錢都算係唔平，全家人黎可能都要成千幾蚊。但係食物選擇都幾多同埋區內比較少日式燒肉店，如果係好想食燒肉嘅，近近地都可以考慮，偶爾一次都ＯＫ嘅。…Read More

沙田有燒肉既地方不多，而沙田第一城就閏左一間日本燒肉店，而且仲有lunch set，今日本小姐就去試試質素如何。Lunch set 價錢由HK$69 到HK$159 不等，視乎食什麼質素的牛肉。牛肋肉&牛胸腹定食 HK$72牛肋肉&肩脊肉定食 HK$72A4黑毛和牛牛肋肉定食 HK139牛肋肉及牛胸腹及肩脊肉，不要燒太久，燒三十秒便可，入口較淋，味道及口感剛剛好。 A4黑毛和牛牛肋肉就沒有入口十分軟熟的感覺，而且沒有特別香口或牛味重，跟普通的牛肋肉。另外有$30 追加食品，追加了一碟牛舌，有六大塊，很抵食。總括來說，$72 雙拼牛定食性價比挺高的，套餐包前菜，湯，牛肉，飯，甜品及飲品。…Read More

同事想食燒肉，見到呢間牛市定食加燒肉$100倒就試下叫左石鍋溫玉豚肉飯本身午市套餐包 牛尾湯，前菜同飲品牛尾湯清清地，無咩特別，中規中矩前茶今日係泡菜，因為唔食辣，所以無試到，同事話正常石鍋飯等左無耐就黎到，熱辣辣，豚肉調味唔錯啲拌料都唔少所以個飯唔會太dry太斎最鐘意係隻流心蛋撈飯一流，食到後面仲有少少飯焦🥰同事叫左套餐之外再加$30追加左牛肋肉都幾香質素唔錯，$30咁多塊呢個質素都算抵埋單加埋一 每人$110倒 …Read More

晚上來到這一家充滿日本風情的燒烤店， 要了一客 厚切豚肉 和一 碟芥末魷魚。芥末魷魚味道 新鮮但 非常鹹， 如果直接吃 簡直受不了， 問了服務員 他竟然說是正常的， 因為要 用來拌飯吃才好。 我無言。。。。厚切豚肉上枱的時候是 冰塊一般， 但燒起來也算是有香味， 但新鮮度就不足， 欠缺肉汁， 柔軟度不足。…Read More

今日父親節，阿女提議去食烤肉，屋企樓下間日式烤肉店都開咗一段時間，佢嘅午市套餐看來都不錯，價錢唔算貴。我們點了三個午餐，兩個烤肉，一個石鍋飯，每個餐都包牛尾清湯、三樣前菜及飲品。牛尾清湯有胡椒味，清清哋都唔錯。前菜有泡菜、芽菜及醃蘿蔔，各有特色。老公叫咗個桂魚石鍋飯，熱辣辣香噴噴，有少少飯焦，非常香口。牛舌有六件，薄切大大件，建議不要烤太耐，否則會好韌。牛肋肉&肩脊肉，各有幾件，份量一般，牛肉味都唔錯。另外散叫咗幾個肉：豬腩片，燒完縮晒水，變得好細件，都美味。雞腿肉(柚子生薑)，這個份量較合理，雞塊算大件，雞肉夠滑，好香柚子味。厚切豬腩肉，有三大件，烤香真係好好味。大家都揀咗凍柚子蜜，可以一解熱氣。唔大食嘅朋友嚟試午市套餐都不錯，平日一至五追加肉類平好多。…Read More

在鑽石山試過這間分店的燒肉，感覺非常之好！但到咗沙田第一城這間，感覺很不同。首先，坐低左之後職員即刻幾頭盤俾你食，跟住就要等半個鐘頭先有第二輪菜上台。跟住，盛剛冷麵的冷麵質素不及鑽石山分店的好，冷麵欠缺彈性，而且冷麵不夠冰凍。然後，最令人失望嘅就係落單的數量與上菜的不符。每一次叫厚切腹胸肉，都只會上一件，無論張單寫幾20件也好、3件也好，無論同咗個職員講幾多件也好，最後都只會上一件俾你。…Read More

肉類選擇算多，牛肉質素OK ，首推腹胸肉，牛舌一般反而豬頸肉同雞翼有驚喜，沙律和小食不俗，溫玉凱撒沙律同芝士年糕，最失望為冷麵 ，甜品 綠茶雪糕 $260 一位連加一任食120mins ,性價比算是不俗了！…Read More

同老公落下揾嘢食，呢間燒烤餐廳新開咗一段時間，唔知好唔好食，牛肉放題有些貴，今日有機會試下佢嘅午市套餐，好食嘅再返嚟食放題。如果是星期一至五就更加抵食，可以用優惠價追加不同的小食及肉類。套餐包括牛尾清湯、白飯、韓式前菜及飲品，飲品可以揀柚子蜜(冷/熱)、可樂、七喜或薑味汽水。牛尾清湯真係好清，唔覺有牛肉味，似一些韓式例湯，碗底幾粒牛肉好靭。韓式前菜每人都有三款，有辣蘿蔔、芽菜及泡菜，味道不錯。白飯份量剛剛好，軟綿綿好吃。牛肋肉&牛腹腔定食(醬汁)，每款有四件，較深色應該是牛腹胸肉，牛肉味較濃。牛肋肉&肩脊肉定食(鹽醬)，都是每款四件，老公話鹽醬較好吃。其實網燒好過鐵板燒，冇咁易燶。餐廳多數是卡位，座位都闊落，枱面都夠大，可以放好多食物，抽風系統算理想。午餐也有石鍋飯，唔想燒烤嘅朋友都可以一齊嚟食。…Read More

因為在香港散叫吃日式燒肉都比較貴，所以就選了這家燒肉放題。 和朋友7點到，等了大約一小時才有空枱。想吃的朋友要注意一下，因為5點半就開始晚市，最好早點到或8點後才去。 跟友人選了每位$258的放題，有牛，雞，豬，蔬菜，飯/麵，選擇頗多，但牛的味道只屬一般。侍應都很忙，可能員工數目不夠，有時候要等一陣子才有侍應來幫忙。…Read More

只問我都中意食野，去過唔小燒肉餐廳，日嘅韓嘅都有，不過食過最好食都係得呢間，咁嘅價錢咁嘅質素其實真心唔錯，之前有去過其他分店食，見佢開左係呢度咪試下，都仲係好好食，店員嘅服務又好好，雖然睇倒人手有啲唔多夠，不過店員都好有耐性解答問題，仲好好笑容我都幾中意食佢啲蝦，所以如果中意食蝦我覺得極上好抵食，基於見倒散叫都55蚊2隻，我食10隻都抵翻哂。。。仲有蟹腳送，都幾好食，店員話可以燒燒先食，不過我個人覺得生食都完全冇問題，都好juicy啲肉我就比較腹胸肉，因為我中意食啲淋淋地嘅肉，而加燒到三成熟咁食都好好味，因為我本身中意食生牛肉。。之後我好欣賞佢有個冷面真係幾正，仲有個石頭禍飯，如果有三四個人，其實哎啲熟食share我都覺得唔過份，真心推薦可以一試不過我覺得飲品總類有啲小，如果有啲冇氣飲品就最好喇…Read More