爵林米線廚房

咁岩同屋企人經開呢頭，唔知食乜好，因為累所以路過就入去試下，不過入到去我地係冇叫米線既四人行，晚餐，推薦，散叫，乜都叫來試下西班牙鹹排骨飯$62 晚餐四舊排骨，煎到外面小小脆口，好食豉汁鹹檸檬大烏頭88 正常發揮蝦膏蒸腩仔65 蝦膏本身諗起已經係重味好食，點知一食有埋荷葉既味 唔錯一品招牌滷味刀削麵78 牛𦟌比較偏硬，其他都好食，特別係佢面頭既秘制醬炸雲吞六粒$32 即叫即炸，外脆熱辣辣藥膳清湯牛腩$48 有藥膳味，但唔重，不過不失人頭一百蚊，食飽飽，cp值算高啦…Read More

本身想求其落街食餐頹飯，點知咁惡食！咬入去好大陣霉味，望個飯黃到好似擺左幾晚，咁我就想求其食完個牛腩就算了，點知個所謂牛腩基本都係肥膏或者係牛筋，絕對不會再幫襯，…Read More

見老友嚟呢度食煎魚飯，雖然見 OpenRice 劣評如潮，今日我頂着大太陽行嚟食，全身冒汗，見到門口有煎魚飯寫住喺度，坐低咗都見到牆壁餐牌第二項係煎魚飯包括烏頭同埋鱸魚，但係我叫嘅時候佢話唔做，叫我食蒸，我望住個餐牌話淨係想食煎魚，佢話廚師唔做，太忙唔肯做！ 當時只不過係上晝 11:29，三成入座率。 咁我唯有離開。唔係激氣，係覺得好好笑，佢要自殺我都冇辦法，我唯一嘅做法就係奉勸身邊嘅人包括同區嘅街坊老友唔好嚟幫襯，當然包括我自己啦！ 我使睇你面色？ 我使睇你心情？ 又或者等佢長期只有一成入座率我先至嚟食啦，咁應該唔會太忙可以煎比我食喇掛。（我個老友話佢一次平日一次星期六都係午餐時段嚟食煎魚）…Read More

買咗晚市薑蔥雞同蒸鱸魚飯雞得4，5件頭頭尾尾，血水都算，咬落去係柴皮咁又凍。蒸鱸魚得3分1條都算，過分係無洗乾淨，入邊綠色，條魚又梅又有怪味。食咗一舊雞，幾啖魚同飯之後真係頂唔順了。拎返落去同佢講，叫佢退錢，話食過唔可以退錢，企硬一定要等佢再蒸過，餓到死仲迫客等佢，無其他選擇，個店員態度差到飛起，不斷重複無問題㗎你咪投訴囉，亦唔認啲食物有問題。其實幫襯過幾次，都係想佢地接受意見，估唔到街坊生意都係咁，疫情前唔係呢個名，入面啲姐姐好好人，仲試過送雞翼俾我，又會叫我坐低等唔使咁辛苦。而家，唔會再幫襯。呢餐$128，最後當捐錢，當投訴過程對其他食客做成不便補償返。…Read More

見呢間餐廳送菜款式多樣化，於是開始幫襯試下，第一次食鹽煎雞扒飯，個雞扒非常有水準，又嫩滑又香，第二次食同一個餐，個雞扒煎到燶晒，好難食，第三次再食同一個餐，個雞扒直頭係臭嘅，後來先知原來廚房有一個大總廚，有一個垃圾廚師，每一次煮嘅嘢都係睇彩數，有時好好食，有時好難食，有時啲餸菜鹹到黐線，只有蒸魚係最正常，其他餸菜啲水準都好飄忽，價錢雖然唔算貴，但係要好睇彩數，食到大廚煮嘅就好好味，食到垃圾廚煮嘅就好垃圾好難食，大家睇路睇彩數！…Read More