Sushi Express (Closed)

This restaurant mainly serve japanese food, like shushi and sashimi. Many people buy food from here because it is very cheap. Around $3 per piece of sushi. But the salmon and tuna are not very good, just average level. I do not recommend it to people living in tsing yi.…Read More

我食過呢間幾次，之前都覺得幾好。 但可能而家人手唔夠，唔單止服務，連食物都好似每下愈況。 不過若作為一個快捷，唔使諗又唔使等位嘅選擇都唔錯嘅。入座千祈唔好因為見無人招呼你而自己搵位坐，一定要等員工禁飛再帶你去坐，否則佢係會叫你企返起身去佢哋指定嘅位置坐(親眼見到幾次)。 不過都明嘅。安排客人坐埋一堆，對唔夠員工嘅店員係方便啲做嘢，希望其他人睇完都理解下佢地的辛苦。 因為連收銀果個都要做埋帶位，數碟，清枱。講返食物，每次嚟都有一款壽司係做promotion，每碟有三件。 但近呢幾次都越嚟越敷衍冇誠意，例如係蟹柳或蛋。雖然我知道蛋嘅成本係貴，但比起刺身類既壽司，真係唔係太吸引。 以前都會成日見到有三文魚或吞拿魚做三件的promotion，但近呢一兩年嚟都唔覺。唔單止三件壽司，連比較高級少少食材嘅壽司，例如帶子，赤貝，北寄貝都少之有少，要主動問先有。 之前佢嘅一件特長壽司都有劍魚， 但而家咩都係三文魚：一件又係三文魚，兩件又係三文魚，刺身又係三文魚。我要主動同師父點大刺身蝦佢先畀我，但可能要等解凍，都等咗起碼二十分鐘。好彩佢甜品同小食都仲會有啲新意思， 每次呢都有一款之前係未見過嘅。總括嚟講， 可以好快填飽個肚，而又鍾意食熟嘅壽司類嘅朋友，就啱呢度。 否則就要可能一坐低就要即刻直接同師傅落單先可以食到想食的嘢。…Read More

上星期六去青衣爭鮮真系嚇得我，以後一定吾去，食物表面冇咩問題，食品質素就吾太要求高，始於系平價來源。😲🤤😭😭😭但眼見員工處理食物超恐怖，戴上手套天下無敵~處裡食物，抹枱，開封食物，清理垃圾桶，換垃圾袋，搬碟架，洗餐具，放魚生在飯團上，放飯團在碟上，洗完手(手套) 又抹在自己條褲上......完全冇換過手套! 真攞命😥😢😢😢😢…Read More

一開張便來幫襯，平均一個星期來一次， 貪佢平，近同快， 而質素也不俗，已是我和仔仔用餐的聚腳地。對我嚟講迴轉壽司並不新奇， 但對小朋友來講旋轉壽司是一件趣事和奇聞，十分期待和莫名興奮。每次坐下，小朋友不用我多講，例牌 order 佢至愛蛋壽司， 芒果布甸， 當然食到嘴lam lam. 而我喜歡濃醇味道，就會叫味噌湯， 三文魚壽司和花之卷再配件精緻cheese cake。…Read More

其實我家住附近，一開張時一個月都會來食1-2次，貪佢近、平同快，但佢真係愈做愈差，回轉帶無食物，D野又差污槽！呢間壽司店開時大排長龍，但之後一直都無客，少生意到有大約1/3的店面係封左無開。客人少，回轉帶上的食物更少，帶上2/3是空的，有野果1/3大部份都係D轉左N世連紫菜都淋埋的不知名軍艦！店方都知帶上冇咩野食，所以提供order服務，所以都算啦。佢但最最最大問題係店內的衛生好差！壽司蓋摸上手痴笠笠，不免令人懷疑由開店以黎都無洗過的！咁岩今次我拎左兜內最後一隻杯，一睇，嘩！放杯的兜污槽到！ 有圖↓所以，我不會再來了。…Read More

還記得當初爭鮮登陸香港時，大家都十分興奮期待，因為它的價錢比其他壽司店便宜一點，而質素也不俗。不過近年爭鮮的水準，好像輕微下降了一點。以前有很多種類的壽司放在迴旋帶上，現在的種類好像越來越少， 有時甚至不會放在迴旋帶上，要親自向店員下單。一直也很喜歡芝麻八爪魚壽司，以前它的八爪魚十分大隻，每口的口感十分彈牙煙靭。 不過現在已經大縮水了，八爪魚切得十分細粒，沒有當初的煙韌咬感。三文魚壽司上算可以接受，不過要耐心等候地揀選。 有些三文魚切得不太好，並且不新鮮，看上去黃黃的。 間中會有數碟的三文魚，是新鮮肥美的，不過通常都很快便被人拿了。炙燒系列的壽司不錯， 會有一層薄薄的熱溶芝士在面，很好味。蟹肉壽司上塗料點沙律醬，美觀可加。蟹肉味很濃， 味道很好吃！ 混合了沙律醬吃，鹹中帶甜，味道多了層次的變化。最近爭鮮的優惠也較多，例如當月特約的壽司買二送一。6月是蛋壽司。 膽味鮮甜，不過有點散和冧 pat pat。 同時它亦增設了不少甜品的種類，例如有黑白泡芙、布丁、蛋糕等等。而我最滿意的是，茶包和wasabi可以按自己的濃度隨便添加。…Read More

食過好多間迴轉爭鮮，始終都覺得青衣呢間特別好食！其實以呢個價錢來講真係唔錯架～佢有牡丹蝦刺身$8就有1隻，其實好抵食因為佢真係好大隻，今次食佢爽口彈牙但當然都係冰鮮架啦～另外如果講推介，我會講劍魚腩壽司－＞因為佢真係好有咬口～有咀嚼感亦都唔係薄的～仲有佢嘅芝士飛魚籽，真係好正，滿滿地，芝士味都好重，拍得住板ｘ的同款壽司～海膽就遜色少少，有少少油味，冇乜鮮味～不過發覺左爭鮮用嘅沙律醬唔同一般的～佢嘅沙律醬嘅味道冇乜香味，反而帶酸，所以令到花之戀都冇咁好食～…Read More

爭鮮一向都係平價壽司之選最初都覺得一定唔新鮮同埋份量好少但青衣村爭鮮另我改觀除咗迴轉,其實可以order壽司所以見到迴轉壽司唔夠新鮮可以order👍🏻甜蝦壽司之前無咁新鮮,鮮甜但最近又無事超厚切既劍魚腩👍🏻芝士飛魚子非常好食 超推介海膽花枝鍾意食海膽嘅朋友可以試一試芥末八爪魚都係推介之一以上就係我食過又推介既壽司…Read More

其實其實....真係冇諗過會咁抵食..講真..爭鮮外帶的野食,好多人都食過,我覺得飯會好大舊同埋唔係太好食..所以平時都小食...今次第一次去左呢家$8 的迥轉壽司,真係又好味,飯又唔大舊,又新鮮同埋最重要係職員態度好好呀=]真係要講下呢幾個海膽壽司 - $8... 好味,又甜,算多海膽啦!!劍魚腩 -$8. 勁甜又厚又大舊,好爽口!!個面個醬係有用架~辣味三文魚壽司 - $8.幾正好多三文魚,辣得黎係香唔係只係得個辣字~其實勁多都好好味, 冇影晒, 下次去食再影過~~~…Read More

由於佢GE位置係屋村入面,其實吾會太多人客,不過都算幾滿坐.我比其他朋友遲黎,一坐底就開始食.爭鮮出名平靚正,好抵食,好開心屋企樓下有分店,可以坐底慢慢食.首先拎GE就係三文魚.分數:***睇落都吾會太差,由於燈光好暗所以都吾好以話太新鮮.至少係不過不失~但我覺得冇咩特別淨係食左2件.衣個好新奇,因為外賣冇得食衣個,係PAN CAKE皮包住,好似芒果PAN CAKE咁!!塊皮好薄,即使有幾層都好易咬,入面D料都好MATCH!!分數:****好新奇!!但之後就冇見到佢係到轉,衣兩舊都比朋友食左.分數:***不過不失,我鐘意食甜蛋~~分數:****衣個泡菜好味呀!!!食食下壽司拎黎解下悶,正!!分數:****都係解悶之選,一碟SHARE食都可以食好耐,一細啖一細啖咁.分數:***冇肉的加洲卷類似物,FOR飽肚OK.分數:****好味!!好鐘意食腐皮壽司酸酸甜甜GE味,大大件,飽.分數:**UM...冇想像中咁好味,好似乾乾地.如果係青瓜絲蟹籽沙律就好了.分數:***分數:***食完飯同魚生,就開始試甜品啦~第一樣食GE係綠茶什麼,分數:***其實個口感都幾得意GE,同想像中一樣,不過我地其實都係貪得意食下,本身吾好綠茶.第二碟係泡芙,分數:****原本冇咩期望,但原來好正,入面D好似雪糕,比一般GE CREAM實,LIKE IT!!!於是拎左兩碟~~分數:***同一般芝士蛋糕一樣,衣個價錢都OK GE.…Read More

今天放工回家，好累，去左途中新開的爭鮮試下先(其實以前係舊街市，宜家變了個新商場)，因為新開既關係，所以感覺好好，其實間間鋪頭都好新淨，又越講越遠tim......去到都9點幾了，碟碟8蚊二舊壽司當然無咩要求，但見到有d係一碟一舊，心諗價錢貴一倍，一定正好多啦，拎碟蟹棒壽司試下先，果然有水準，咁既價錢無得眺tick，正正正，再看下隔離食緊一粒粒綠色的甜品，但迴轉帶是沒有的，再聽到有人order野，那我都order個甜品先(好似叫蔼圓慈)，一吃，感覺韌韌地，好得意，臨到10點有waiter走來更好好禮貌地問仲有冇野想叫，last order了，good！…Read More

今日去青衣～知附近新開～順道幫襯下7:30pm去到～😅好多人排隊～打幾個蛇餅😅門口已寫明：用膳限50分鐘條隊算排得快，排行郁下～半粒鐘後有位✌🏼️呢間鋪好大哦雙迴轉壽司軌道～ 唔客氣～ 食啦喂～👇🏿 前菜用了紙船裝,賣相好了，份量變相少了坐正向師傅面前， 新野即時食到😆✌🏼️帶子一D都唔欺場架～正大大隻牡丹蝦，新鮮可口8瓜魚一碟得2舊😅👇🏿推介：油甘魚～鮮甜轉眼，話甘快50分鐘就到啦😂好趕下2條友👇🏿😁😁😁大滿足✌🏼️✌🏼總結： 呢間新店坐得舒服，侍應服務好，面帶笑容～ $8碟價$ ～ 簡直冇得頂啦😋會再黎食平Free D ✌🏼️…Read More