燦記茶室

Open Now

Now Closed

今日入馬灣玩，去埋沙灘玩同打卡，夜晚想食泰國菜，便試下這間泰國餐廳，方便易搵*泰抵食二人餐＄348 包白飯兩碗*冬蔭功湯好耐無飲, 所以想試下, 佢係放喺個火爐上邊，下面點火, 可以保溫, 熱辣辣，飲湯一定要熱先好飲, 湯底酸辣味道適中，仲有冬陰功海鮮湯味；其他配料有蝦, 起碼有5隻, 彈牙, 蕃茄仔、野菌、香茅 等, 材料豐富*無骨海南雞（例）雞肉都幾軟滑, 份量都唔小, 提供埋酸酸地小小辣的醬汁, 點埋一齊食會好啲*咸肉炒芥蘭芥蘭菜顏色嫩綠, 新鮮爽脆，用鹹肉黎炒，好惹味，鹹肉本身夠晒鹹香和有鑊氣*鹽燒鯽魚 另加$68即叫即燒，需時30分鐘照燒而成，放埋芫茜香茅香料一齊燒, 泰菜特色,  魚皮燒到好香, 容易揭開, 魚肉很香, 肉嫩汁鮮, 很香口, 點埋生蝦汁好味*椰青，好清甜，又解渴， 除咗飲清甜椰子水, 可以食埋椰子肉, 滿足咬口, 我至愛

喺馬灣探個朋友🧒，去完朋友🧒屋企佢🧒仲帶我喺海邊行吓，幾舒服，之後我哋就嚟咗呢間泰國🇹🇭餐廳食嘢😁呢度有 $348「泰抵食二人餐」：1. 二選一：「冬陰功湯」 / 「椰子雞湯」2. 任選3款小菜，有好多款可以揀，咁我哋選擇咗「無骨海南雞（例）」、「燒豬頸肉」、「咸肉炒芥蘭」3. 白飯🍚兩碗「無骨海南雞（例）」：啖啖肉，雞肉幾軟滑幾好雞味😋「燒豬頸肉🐷」：外邊燒到啡紅色仲脆脆哋😋，豬頸肉油分極充足，好甘香😋「咸肉炒芥蘭」：芥蘭菜🥬新鮮爽脆，顏色嫩綠，用鹹肉炒，增添惹味😋，鹹肉本身就夠晒鹹香🤩$14「泰式凍奶茶」：大大杯，甜甜地，幾香奶味同茶味😋$32「椰汁冰🥥」：奶白色，甜甜哋，凍冰冰，滑滑哋，有椰奶香味🤩「椰子🥥雞湯🐓」放喺個火爐🔥上邊，熱辣辣，奶白色，湯底味道濃郁，仲有椰香味，亦有雞湯味😋；仲見到有好多配料例如：紅蔥頭、南薑、洋蔥、野菌、香茅 等🤩$58「芒果糯米飯」：有原隻芒果🥭，芒果大大隻，出奇地鮮甜😋；白糯米飯同紫糯米飯 都唔係好甜，所以食落一啲都唔膩🤩呢個二人餐真係抵食，朋友同我都食得超級飽🤩

假日入到馬灣梗係揾食先，喺馬灣村屋有幾間較平嘅餐廳，行經見到呢間餐廳做泰國菜，本來想食燒雞脾飯，可惜落單後己賣哂，唯有轉食滷水豬脾飯, 豬脾肉份量唔少都算腍，但滷水汁偏鹹，下次都係食其他款式啦

馬灣隱世泰菜朋友住喺馬灣，近海環境好優美，介紹左一間泰國菜叫我去試，好正。去到見到一排村屋，氣氛好優閒，其中一間地下就係泰菜。叫左個扎肉冬蔭功金邊粉，扎肉厚切，好彈牙，湯底冬蔭功，好濃郁的香味，金邊粉又爽口，好好食！香烤豬頸肉都好正，烤到表皮好脆，好彈牙，烤得香得利又吾干，咬落有肉汁溢出！配埋酸辣汁，好食到不得了！最後仲叫多個椰青，好清甜，又解渴，配埋豬頸肉，一流！見到隔離枱食海南雞都好正，下次再嚟食過！

泰抵食二人餐＄348冬蔭功湯有酸味同辣味都好明顯，仲有陣陣冬陰功海鮮湯該既香氣出來，唔算太濃，開胃一流。泰式生菜包以豬肉碎製作嘅生菜包，口感同埋香氣更上一層樓，包埋生菜一齊食，口感層次勁多特色紅咖哩雞 +18紅咖哩香料味較重，雞肉係用雞胸肉做成既，仲加左豆、花椰菜、洋蔥同辣椒一起炒，小小辣配飯食一流鹽燒鯽魚+$68即叫即燒，用足足30分鐘照燒而成，魚肉外香肉嫩汁鮮，放香茅等香料一齊燒，泰味十足龍眼冰+20有龍眼肉冰爽香甜，夏天解暑必選

今日喺會所做完運動走咗過去食泰國嘢第一次幫襯我嗌咗一個馬拉盞炒芥蘭冬陰功湯柚子蝦沙律生菜包兩個白飯兩杯啤酒斑蘭甜品先來兩杯啤酒，個杯夠凍好好飲馬拉盞炒芥蘭，唔會好似出面死咸咁樣，好食冬陰功湯，夠熱，好足料，蝦同菇出奇地多味道唔喊唔淡，又唔太酸，好好味生菜包，呢個就正常。好食。柚子蝦沙律，呢個賣相一流，料又足，呢個絕對非叫不可，容許我講句粗口，真係好撚好食班蘭甜品又係出色呢間嘢絕對可以飯食，而且亦都係一個真正泰國人主理嘅餐廳。餐廳嘅職員亦都好好服務同埋好好傾返食指數100分

難得今次入到馬灣唔係燒嘢食或打邊爐。咁梗係食我哋最鍾意嘅泰國菜啦！朋友話佢哋嘅廚師係泰國人嚟㗎！令我不禁想叫多啲款式😅所以我哋四個人總共叫咗9樣嘢食再加飲品，都唔使$800。真心好抵！我哋分別叫咗生菜包、燒豬頸肉、酸辣無骨鳳爪、炒咖嚦軟殼蟹、泰國芽菜炒蛋、泰式蝦炒金邊粉、椰香黃咖哩、泰芒糯米飯、油酥餅。。。 至於味道方面，我鍾意食佢嘅生菜包，因為裏面夾雜着好多正宗嘅泰式香料，而且食落辣辣地，生菜夠新鮮，配搭清新！ 炒咖喱軟殼蟹，外賣分開上，所以軟殼蟹都好鬆脆，黃咖喱甜甜哋非常容易入口。 泰芒糯米飯份量亦十足❤️ 但泰國芽菜炒蛋就略為玩家味道，而且得好少炒蛋🫣下次有機會唔會再叫😅總括嚟講，外賣都可以keep到呢個質素真心不錯。下次一於落去堂食先得👍🏻

放假同老公去馬灣, 係海旁行吓坐吓, 真係好舒服。行到近村屋附近, 原來呢到有間隱世泰國菜小店。餐廳有船麵、泰式🇹🇭沙律、咖喱等菜式外, 還會每日新鮮製作泰式甜品。食落味道好正宗, 原來廚師係泰國人, 仲幾熱情, 夠哂人情味呀!餐牌上有幾款套餐, 一人餐, 自選湯面麵套餐, 二至六人餐都有。老闆仲同我哋介紹餐牌上嘅招牌菜, 樣樣都好吸引咁, 最後叫咗咖喱炒軟殼蟹, 泰式串燒六串, 柚子蝦沙律, 椰青, 泰檸茶。泰式串燒🍢六串 - $88串燒冇牛, 只有豬🐷同雞, 各一半, 串串都燒到金金黃兼, 夠哂香口惹味, 仲配埋佢秘製沙爹汁, 好正呀!柚子蝦沙律 - $98柚子蝦🦐沙律有驚喜, 除咗有蝦及柚子外, 仲有有炸過嘅腰果同炸椰子絲, 酸酸甜甜, 一啲都冇辣。咖喱炒軟殼蟹 - $168呢個咖喱🌶️軟殼蟹🦀非常惹味, 咖喱內有蛋、蔥、青椒, 加咗蛋, 感覺比較杰身。軟殼蟹炸到好香脆, 份量應該係有2隻, 配上黃咖喱好有泰國風味, 不過味道唔算太濃。配飯或者配蒜蓉包一定好好食。椰青 $36夠哂清甜, 除咗飲清甜嘅椰子🥥水, 仲有椰子肉可以食, 大滿足呀!泰檸茶 - $24用咗泰式紅茶🥤沖, 茶味

今日唔係好舒服，唔想落街食飯好好彩有燦記外賣過百送上門嘅服務🥹即刻叫咗兩個咖喱飯！同細妹一人叫左一個餐，係黃咖喱雞飯同紅咖喱豬飯，$58有飯有野飲，都幾抵食🫶🏻個汁都幾入味，雞同豬都唔會太韌係唔落樓嘅最佳選擇💯

假期入馬灣唔係太多選擇，不小心中伏！店舖裝修還可以，但食物價錢偏貴，食物質素一般。劣質茶餐廳般的服務態度，留下壞印象。個人覺得食物及服務質素都不合格，唔會再去食！

泰式冬蔭功用小火爐熱住上枱既冬陰功湯，誠意十足，湯底色澤全紅，大蝦大大隻肉質爽口十足新鮮，湯底飲落酸酸辣辣又特別開胃，用作開胃頭盤最岩泰式生菜包生菜包上枱賣相一流而宜份量十足，肥豬肉加入各種泰式香料炒香，味道惹味辛辣，包入新鮮清爽的生菜，令人食指大動馬拉蓋通菜食得泰國菜一定點我至愛既馬拉盞通菜， 調味辣辣地，通菜非常爽口鮮嫩，而且炒得又夠鑊氣明爐烏頭 烏頭大大條好抵食，湯地酸酸地，烏頭肉質鮮甜一啲都唔腥，2個人食足夠有餘，裡面既椰菜吸晒啲湯底，同樣美味龍眼水食咁多濃味既食物，要飲番杯消消熬氣，甜甜地仲有大大粒龍眼肉泰奶茶茶底香濃，似落口感好順滑，甜度唔似出面既咁甜啱啱好

今日同個朋友就試咗隱世馬灣泰國菜燦記.黃咖喱雞:食泰國菜就必定要食咖喱.黃咖喱唔太辣，雞就選擇咗用雞柳正常用既食材薄餅配咖喱，絕配絕配！蝦餅：上嚟嗰時熱辣辣一定即叫即炸！味道濃，有口感，有蝦味！鹹肉炒芥蘭：我對於呢個菜特別覺得必試！因為好大份，味道都出色好有鑊氣！佢哋嘅食材都好新鮮冬陰功：食物食材夠多配料！大大隻蝦仲要有幾隻，味道唔算非常辣！但超級惹味！超級足料👍👍👍👍甜品芒果糯米飯新鮮糯米飯食落去非常之有口感，煙煙韌韌，抵讚！佢嘅耶奶即叫即整，熱辣辣！芒果夠甜，好好食！超驚喜

二人餐真係真心抵食😆可以簡泰式冬蔭功或者椰子雞湯再簡三樣餸配白飯兩碗我咁鍾意食辣首選當然係冬陰功湯啦本身仲諗住唔係單點只會用係一個大碗上點知都係用成個爐上檯 好用心冬陰功未至於好辣但香料味10分足夠～仲有好多草菇雞髀菇同埋大蝦凍冰冰飲返碗好滿足托文蝦餅一份有四塊夠晒厚身同埋彈牙泰式黃咖喱雞呢個汁用嚟送飯一流椰汁味比較重雞肉份量好多仲配有大量洋蔥同埋燈籠椒泰式豬頸肉個樣真心好靚仔勁juicy超香口個份量多到真心嚇親我好似係其他餐廳二人餐嘅Double蝦醬炒飯因為除夕嚟食想食得豐富啲放棄咗兩碗白飯單點咗個蝦醬炒飯真心超有鑊氣又重蝦醬味重點係個plating好靚仲有泰式臘腸真係唔係度度有得食而且仲有超多大蝦鋪面芒果糯米飯一邊係正常色嘅糯米飯另一邊係蝶豆花糯米飯食落唔會好重甜味 椰漿好澎湃仲有個芒果都勁新鮮呀泰象啤、泰奶茶都係必點項目平時只係去碼頭附近嘅餐廳點知原來行遠少少有啲咁地道又抵食嘅泰國菜想方便啲記住搭巴士嚟啊同埋呢度嘅店員同老闆都好Nice

今日同朋友帶埋小朋友去馬灣挪亞方舟🛶玩,入面空氣清新好舒服🌞,遠離煩囂城市,沿路落咗沙灘見到清馬大橋,風景怡人,真係假日好去處👭,之後行到攰有d肚餓揾d野食下,行返上馬路邊,見到一間燦記泰國菜館,裝修得幾靚望落好舒服,所以一於入去幫襯下,地方唔係好大,但牆身好多畫像佈置得好有泰國氣氛,我哋叫咗椰青,半隻無骨海南鷄,香飯,椰子鷄湯,泰拼盤2人份椰青椰青好清甜🤩,好好味👍🏻半隻無骨海南鷄🐔好香海南鷄味🐔入口嫩滑🤩配埋香飯啱啱好👍🏻椰子🥥🐓鷄湯椰香🥥味濃,材料十足!好豐富🤩泰拼盤2人份拼盤有脆脆🦐蝦餅,香滑🐓鷄串,泰式無骨鳳爪,燒鷄翼🥰,春卷🤗,樣樣都咁好味👍🏻👍🏻👍🏻好味都唔停得口!

《😋晴晴港飲港食 #misshcfoodie 》Christmas 連假入咗馬灣行吓晏晝行完挪亞方舟差唔多6點就去食dinner🫢原來呢到有間隱世泰國菜🇹🇭 😲食落味道好正宗原來廚師係泰國人呢日嚟到老細都喺到招呼我哋仲同我哋介紹餐牌上嘅招牌菜樣樣都好吸引咁最後叫到成枱都係🫣二人餐 $338 (任選3款)配椰子雞湯同2碗白飯椰子雞湯評分（5分滿分）❤️❤️❤️❤️用爐上keep住熱辣辣😍勁足料 好多雞肉同配料望落係全奶白色飲落好creamy椰子味🥥又濃非常正宗 同行朋友都盛讚🐷燒豬頸肉 評分（5分滿分）❤️❤️❤️❤️份量好多 係出面食嘅1.5倍😲每一塊都燒到啱啱好而且肉質嫩滑唔會un🐔青咖喱雞評分（5分滿分）❤️❤️❤️少少辣 都係比較creamy香料味道好出 配料亦都好足有齊雜菇、豆角、紅椒等🦀炒咖喱軟殼蟹（+＄88）評分（5分滿分）❤️❤️❤️呢個咖喱軟殼蟹非常惹味軟殼蟹炸到好香脆份量應該係有2隻配上黃咖喱好有泰國風味🤭另外仲散叫咗幾碟🫣香葉甲抛肉碎 $78評分（5分滿分）❤️❤️❤️❤️❤️呢個係我食泰國菜必食微辣啱唒我用咗好多泰式香料炒到啲肉碎好香餸白飯一流🤤濕炒蝦泰國空運河粉 $98評分（5分滿分）❤️❤️❤️呢個係老