燒賣皇后(旺角店) (Closed)

最好食嘅係碗仔翅 佢杰身但唔漿口，好足料，食到唔少雲耳，冬菇，雞絲，粉絲，粉絲似係素翅，粗幼不一，頭尾都係尖嘅，又有咬口，唔係平時腍啤啤嘅劣質粉絲，食得出嘅真材實料#燒賣魚蛋雙併加沙嗲汁個#燒賣 俾沙嗲汁ruin咗，對唔住燒賣但係都食得出皮薄餡靚，個餡唔粉，有自己嘅豬肉香味，正魚蛋白魚蛋，彈牙，有魚味，唔腥沙嗲汁有啲凍，好夠味，同搶味，有花生粒，唔辣味道: 9/10味精: 6/10價錢: 6/10環境: 0/10服務: 8/10#vinainmongkok #vinafood #thequeenofsiumei #siumei #fishball #sataysauce #fauxsharkfinssoup #hotdog #hongkongstyle #hongkongsnack #f4follow #f4f #likesforlike #l4l #l4likes…Read More

孖寶可以試晒白魚蛋同燒賣（$20/各6粒）沙嗲汁妹話燒賣比酒樓果d好食，白魚蛋彈牙。沙嗲汁花生粒唔少，算有誠意。我就覺得質素不俗，但性價比同味道都冇乜驚喜。仲有好多野可以試。…Read More

第一次食元朗燒賣，上網搶到一個 芫茜燒賣，順便買豬肉燒賣試下。本來好期待，但係食完有啲失望 。因為食落完全冇芫茜味 ，少少都無，同埋見到得好少芫茜。 雖然佢因為門市太多人拎貨，安排送貨呢樣嘢幾好。 師傅嚟之前一個鐘有打電話 ， 時間我返去拎，服務值得一讚。 但係粒燒賣太粉 ，同唔彈牙 ，有待改善 😅另外仲食咗冬菇豬肉燒賣， 豬肉燒賣好味啲 ，不過口感都普通 。 一啲都唔彈牙， 冬菇味普通啦冇話好香。不過兩個燒賣都唔係話難食嘅， 只不過係個芫茜味期望太高掛。 同埋呢個價錢又唔可以話要求啲乜。 豬肉燒賣兩蚊多啲一粒 芫茜燒賣一蚊有兩粒 呢個價錢係咁㗎啦…Read More

先評燒賣，我覺得佢嘅質感係介乎酒樓燒賣同魚肉燒賣之間。豬肉味濃，一啖一粒好滿足。我叫咗少辣，如果配正常辣應該更惹味。然後有咖喱五寶，我選咗沙嗲汁。個汁好香濃，五寶出咗少少水但都冇話溝到好淡。魷魚唔夠入味、蘿蔔唔多夠腍甜。其餘牛栢葉、豬皮、白魚蛋都係好味嘅。白魚蛋係自家製，彈牙得自然唔會太假太味精。最後碗仔翅，我鍾意個味道同濃稠度剛剛好，配料又切得夠幼細！有時太多配料、打芡太杰都會大打折扣。幾多人幫襯，兩個職員做到踢哂腳。佢知我等咗好耐，講咗聲唔好意思，加分👍🏼…Read More

燒賣誘惑真係忍吾住😆香菇豬肉燒賣！係香菇豬肉燒賣！街邊通常都係魚肉，或者淨豬肉，黃埔有檔係牛肉，但香菇豬肉燒賣好少有😌買左個孖寶（$20/12粒，有白魚蛋+燒賣）有3款醬揀（香辣/咖哩/沙嗲），皆因本人好鍾意辣，所以要左香辣，香辣係佢地自家秘製既辣椒油，辣得幾過癮，鍾意辣既朋友仔可以試試，不過如果d豬肉可以肥番少少，多番啲豬油味仲正！不過各人有各人口味，少肥就健康d😆…Read More

窮遊掃街關注組-全港最黃既燒賣好多朋友推介呢間比我 即刻去試試佢地fb平時都有表態 罷工 登報等等呢間$12 5粒燒賣 望落小貴但如果細心望 叫孖寶 $20有12粒性價比番哂黎😃👍🏻店舖環境好乾淨😋主打香菇豬肉燒賣 比較小見.都幾多人排隊 要等5分鐘 新鮮出爐.👍🏻質素唔錯 咬開有粒粒菇肉 重菇味 ‼️係重點🤔但鍾意軟熟魚肉燒賣既我 覺得口感相對鬆散有3隻汁 辣汁 沙嗲 咖喱 （我試咗咖喱 加沙嗲 ）係幾正既 沙嗲味比咖喱味重 幾香口 有啲花生粒👍🏻魚蛋用白魚蛋 夠彈牙 有魚味整體好評.⭐️招牌香菇豬肉燒賣味道：4/5 重菇味 有菇粒口感：3/5 我鍾意魚肉燒賣多啲醬汁：4/5價錢：3.5/5 $20 12粒. ⭐️白魚蛋味道：4/5 多魚味口感：4.5/5 夠彈牙醬汁：4/5價錢：3.5/5 $20 12粒.#燒賣皇后(旺角店) (旺角)地址：旺角花園街2-16號好景商業中心地鋪22號舖…Read More