燒賣王子

Open Now

Now Closed

🍢黑白燒賣 $20/8粒✨-聽聞呢間舖的燒賣好好食😍之前東張西望都有介紹過，好想去試下🤗-今次試左黑白燒賣～因為係手工燒賣的關係，所以都好彈牙！大大粒好鬆軟🤗我就覺得黑燒賣好食d！！🤤🤤有一種墨魚丸的感覺😂白燒賣就比較普通～大家有興趣都可以去試試😏

自己好鍾意食燒賣，嚟到燒賣王子，呢間應該都好多人聽過。咁我就見佢有特色嘅燒賣，就係墨魚燒賣配魚肉燒賣。店舖主打selling point 係話自己係人手整製👩🏻‍🍳，咁當時都見到一個姐姐喺店舖度整緊燒賣，所以每一粒嘅形狀都有少少差別嘅。墨汁燒賣配魚肉燒賣 $15 /6粒燒賣配豉油同埋辣油，係基本野，冇乜特別。講返燒賣先，一般嘅魚肉燒賣味道用上真魚肉，所以都比較有鮮味，燒賣皮唔會過厚。👏🏻墨汁燒賣入邊會加上啲墨魚嘅粒粒落去，味道比普通燒賣鹹少少，就比較特別啲，白色皮同普通燒賣皮相近。我食完6粒都飽飽哋，當下午茶okay🙂

最近數次到這家店買早餐，每次到店前都沒有任何人接待，叫幾次「唔該」，幾位店員一句都不回，望都不望一眼，只顧著自己幹活，每次都要等1/2分鐘店員忙完手上工作才理會客人。其實都體諒店員忙碌，但回一句「來了來了/稍等一下/很快」之類的也不難吧？希望貴店能認真監察員工服務態度，這種屢次無視客人令客人感到非常不尊重！

夜晚落去買宵夜，去到d野裝起哂就問係咪平d點知個收銀就一口回埋黎好耐無買咩？真係火都黎。又唔係無錢買純粹問一句都要比人串。勁無禮貌。。。雖然好少幫襯但都好無奈囉。就算再好食都唔會幫襯啊。宵夜時間無咩選擇都唔簡d咁嘅食肆。無啦啦要受氣。原本開開心心買個宵夜都要比人串？搞笑？以為自己真係大帝咩？定係中國政府啊？唔理人感受。真係好少會寫食評。但係呢次真係唔寫唔得。唔可以比d咁嘅食店生存。無啦啦都要比佢串？同個垃圾政府一樣咁垃圾

【黑白燒賣～～～～】.阿魚近排大愛呢間位於九龍灣淘大花園附近嘅燒賣王子！！.原因係燒賣彈牙！同平時嘅魚肉燒賣好唔同！.好多時魚肉燒賣都會好削，一咬落去就一pat pat 無口感⋯⋯.🐟💬：.黑白燒賣（20蚊/8粒）.燒賣王子嘅黑白燒賣好有質感，手工燒賣會食到魚肉嘅鮮味同口感！.黑色燒賣係墨魚🦑汁燒賣！墨魚汁味唔重，但真係食到墨魚粒！好味😋.🐟FISH'S REMINDER🐟💡阿魚提醒💡.（1）九龍灣分店成日都賣哂黑色燒賣，多數8點後就無哂⋯⋯.（2）藍田分店嘅燒賣王子係黃店嚟，所以我都會將呢間視為黃店💛.藍田分店嘅地址：藍田啟田道50號啟田市場地下1079號舖.（3）除咗黑白燒賣外，重有椒鹽燒賣、麻辣燒賣，阿魚下次要試下新嘢先！.🐟📝：8/10.🍽🐟📝📌 燒賣王子📍 九龍灣牛頭角道15-19號嘉和園地下1號舖

今日又去小食檔搵食見到除左燒賣魚蛋之外仲有煎餃同粢飯豆漿煎餃同樣係現場包嘅有椰菜豬肉同粟米雞肉餃配上蒜蓉醋同辣菜莆煎完會放喺暖櫃所以煎餃只有微溫餃皮偏厚煎底可能因為放耐左所以較硬餃料食落味道分別不大蒜蓉醋都無特別，只係無咁酸辣菜莆都唔特別惹味媽媽食粢飯粢飯會蒸住，熱辣辣不過饀料略求其榨菜原條無切碎，比較難食

去藍田推介必吃小食,燒賣簡直好食到不得了,即整即賣超新鮮,香噴噴,大大粒,好彈牙,有魚味,加埋辣豉油,只係諗都流口水。除此之外,佢地三寶都好好味,黎到都可以試埋。

📸#tagnshare藍田篇.話說宜家啲街巿門口多左一條掃街小食街，每次見到就口痕🤭 今次就介紹下百食不厭既 #燒賣 手工既燒賣，粒粒人手包，勁大粒！ 口感都幾彈牙&足料&新鮮。至於墨魚汁燒賣，無乜墨魚味，勝在黑色燒賣幾過癮😂- 高妹小編.- 👇🏻地址👇🏻燒賣王子 (藍田)藍田啟田道50號啟田市場地下1079號舖……………………

藍田係九龍小食天堂 其中呢間燒賣真係無敵放到全香港都唔會輸我一得閒就會去食 原本係食20蚊 一食就停唔到 食40蚊先停手佢有炸燒賣 同 蒸燒賣  兩樣我都試左 各有特色但相同地方係 佢既燒賣肉真係好掂 魚味超濃 無強烈既魚腥味反而似食緊燒賣魚蛋 彈牙有口感  真正既皮薄餡靚 兩個比較 我更鍾意蒸既燒賣 佢有個原汁原味反而炸燒賣既椒鹽同脆皮會搶左個味道  另外都不得不稱讚佢個豉油同辣油都同樣出色無搶走本身燒賣個味道 反而襯托出魚既鮮味其他食物我之前都有試過 但呢間有名你叫最出色既都真係燒賣 

呢間燒賣王子主打自家手工燒賣 🐟全人手包製 真材實料即包即蒸😋出左名咁耐終於食到🤤下次要試埋炸燒賣！！黑白燒賣 （9/10） $20/8粒比起平時係街食到既燒賣更加大粒！重點係更煙韌彈牙 一食就知真材實料😋👍🏻魚肉燒賣 魚味突出 一啲粉感都冇！口感軟糯煙韌 配埋鹹甜適中既豉油更突出鮮味 比起平時食到既燒賣好食得多！😋而黑燒賣加入墨魚汁同墨魚肉製成🤤餡料紮實 食到好突出濃郁既墨魚香🦑嚼到粒粒墨魚肉 好爽口！比起魚肉燒賣更有咬口Q彈 超好味😋🖤

之前食過一次,覺得唔錯^^比起其他鋪佢入面有人親手包,唔係啲來貨,所以相對貴啲今次特登再入黎lam tim 食.......今次試駌鴦燒賣..........好彩係叫依隻駌鴦燒賣,因為白色果隻,啲肉好""媒"",同埋有少少臭,應該啲魚唔多新鮮定點啦><><><!!黑色果隻keep到水準,唔錯好彩有黑色搭救,如果唔係全部會掉晒去,the end ..........白色果啲,掉左,=…=臨尾食剩既相片.......

食飽飽，經過見到呢間咁得戚自稱「燒賣王子」，門面好吸引，為食蟲又蠢蠢欲動。呢間店無座位，主要做外賣，清楚見到食物製作過程，職員都戴上衛生帽同口罩。買左幾粒即場食，嘩！彈牙爽口又衛生，而價錢只係$15/6粒，好嘢黎！

外賣小店，只做外帶的，不過店前有些有背長椅可供歇息用。店賣的是自製燒賣，$15/6粒，口快已忍受不住吃了1 粒。比一般現成的大粒，肉質亦較彈牙，雖沒夾雜有魚肉粒在內，但也魚味不錯。咬開可見有很多氣孔，應是攪拌足夠才有的現象，非一般只是粉團形成的。本身的味道也比一般的入味。而間中會有墨魚汁燒賣，價錢一樣，今天好彩有貨，可併來買的。墨魚汁燒賣比魚肉燒賣更入味，味道濃些。只需配上少許較淡味的豉油便更能提高鮮味。另燒賣皮很薄，熱騰騰吃著十分軟熟。

燒賣唔止做早餐可以食到，掃街可以食到，而家宵夜都可以食啦。平時食開嘅燒賣都係一袋袋急凍貨，難得呢一間標榜新鮮手製燒賣梗係要試吓啦，而且分店開咗咁多間應該有保證掛。$15有6粒，$20有8粒，比起一般小食檔燒賣貴好多，但有黑燒賣（墨汁燒賣）可以兩溝，不過成日都賣晒黑燒賣唯有食原味啦，以主打新鮮手工燒賣黎講算唔錯嘅，有魚味而且唔會好多粉同過咸，食落健康D，對得住個價錢，會繼續幫稱。

揀左黑白燒賣，$15 有6粒，黑白各3粒，每粒都好大隻。兩種個口感都非常好，好煙韌，唔會好似平時出面食戈啲咁粉。另外，普通燒賣佢都唔會好似其他燒賣有啲肥豬肉，一啲肥膏都冇。而墨汁燒賣都好出色，係會食到好香墨魚汁個味。最重要係食完唔口渴！同埋可以唔使落豉油都好夠味，佢啲豉油都幾鹹。