5
2
1
Above information is for reference only. Please check details with the restaurant.
Review (10)
Level4 2021-07-12
821 views
做完facial已九點,一個人唔知食乜好,平平地買了燒賣、腸粉回家。腸粉一般般,唔多講。燒賣$20有八粒,是四粒原味魚肉燒賣,四粒黑色的墨魚燒賣。頗大粒,黃白色的魚肉燒賣有點微微魚腥味,但入口是OK。墨魚燒賣沒此問題,少少爽,有料到!值得一讚是店員姐姐很細心,主動問我去遠唔遠,然後只落了少少豉油,再主動分開另pack醬油辣油給我。能立足於這種住宅區又做到咁夜都咁好生意,除了味道要OK,服務態度也重要。下次夜歸,會再來試試其它蒸品! continue reading
(The above review is the personal opinion of a user which does not represent OpenRice's point of view.)
Level3 2021-03-20
359 views
首先呢間嘢好污糟,唐記收銀同夾包嘅人會分開,但唔知點解,呢間都有好多阿姐喺度,但收銀同夾包嘅都係同一人。試過前面個人畀現金,到我時佢將隻手就咁放入去個膠袋度打開,而家咁嘅環境連基本衛生常識都冇。諗住試多一次,叫咗幾次落單都唔應,收銀阿姐掛住講電話。。。我問佢係咪呢度落單,佢終於答我等等,再施施然將一兜蒸飯倒落外賣盒度。佢哋d包一般賣$8而巧手$7.5,味道差唔多嘅,我都唔知佢憑咩賣貴d,唔怪之得佢相對少人。 continue reading
(The above review is the personal opinion of a user which does not represent OpenRice's point of view.)
Level4 2021-02-01
509 views
其實我早已經在網絡翻查資料,才知道漆黑的「墨魚汁」是無法從人體體內完全吸收消化,只會在排泄的過程期間自然排出體外,直至我光顧過位於「牛頭角道」「嘉和園」商場的「燒賣王子」之後才能確定。因為我光顧「燒賣王子」,購買了包括「墨魚汁燒賣」和一般魚肉作為餡料的「手工燒賣」,合併而成的「黑白燒賣」,「黑白燒賣」實際體積經過蒸熟過程之後,變得十分大。由於「燒賣王子」製作「墨魚汁燒賣」過程期間,在裡面加入真正的「墨魚汁」,所以「墨魚汁燒賣」實際上的味道,感覺其實還算是甜的。而且食店還有提供其他調味醬汁醬料瓶,讓食客自行為食品加入調味醬汁調味,包括甜味「芝麻醬」、「海鮮醬」跟辣味「辣椒醬」在內。加上「燒賣王子」的「魚肉燒賣」,「魚肉燒賣」魚肉本身也有屬於自己的甜味,所以基本上不需要擔心「燒賣王子」的「黑白燒賣」沒有味道。不過我食完「墨魚汁燒賣」之後,過了一會兒之後上廁所,才發現原來「墨魚汁」是沒有可能被完全消化,會保留「墨魚汁」完整狀態排出身體之外。至於「魚肉燒賣」口感頗為煙韌,但是又不難以撕開咀嚼。我另外購買「燒賣王子」「粢飯」套餐,套餐裡面還包括一支「黑豆漿」,「黑豆漿」屬於其他品牌,不是「燒賣王子」製造,所以即使「黑豆漿」味道再甜,也難以為「燒賣王子」加分了。至於「粢飯」裡面的米飯好像還包括「糯米」在內,「粢飯」實際質感感覺頗為實淨,即使我直接用牙咬,「粢飯」也未有直接崩潰瓦解。至於「粢飯」本身的「糯米」味道也是偏甜,加上其他配料例如「油條」、「豬肉鬆」,所以「粢飯」整體上的味道感覺也是偏甜,絕對不難以入口享用。另一方面,「粢飯」裡面有口感鬆脆的「油條」,還有很多甜味的「豬肉鬆」,所以「粢飯」的實際味道也很甜,只是對我來說,可惜難以把「粢飯」當作平日正餐享用了。 continue reading
(The above review is the personal opinion of a user which does not represent OpenRice's point of view.)
窮遊掃街關注組-好好食既黑白燒賣見到呢間個名叫燒賣王子 望落燒賣幾靚 係手工一粒一粒包 應該都有番咁上下水準所以叫左8粒試試 點知又真係幾好食⭐️黑燒賣 即係墨汁燒賣 😋充滿墨味 而且有墨魚粒⭐️白燒賣 即係魚肉燒賣 😋明顯魚味 食落唔粉👍🏻2粒唔洗醬汁都好夠味 落辣油反而搶左味總結 墨汁燒賣都夠特別 我食燒賣經驗唔算多但普通掃街味道都幾難搵到好食過佢 掃街價錢偏貴.⭐️黑白燒賣 $20 8粒味道:4.5/5 都幾難搵到好食過佢口感:4.5/5醬汁:2/5 (普通豉油 最普通辣油)價錢:1/5 好貴.望番新聞 呢間大集團黎 (建華集團)呢間唔係黃 有幾年前良景邨嗰單嘢 壟斷得 唔太良心做下比較 下次都係搵番黃既燒賣店好d~朋友仔有冇d黃既燒賣介紹比我呢?.#燒賣王子 (九龍灣)地址:九龍灣牛頭角道15-19號嘉和園地下1號舖 continue reading
(The above review is the personal opinion of a user which does not represent OpenRice's point of view.)
Level1 2020-09-03
341 views
我頭先外賣了一份黑白燒賣和一份魚旦,員工給我時我已提醒她還有一份魚旦,她說已放在碗中,我其實都感奇怪,因上一次買是分開裝的,但算,既然佢話放左,唔通我即刻打開檢查咩,點知返到屋企打開真係無魚旦...因為無電話可以打去反映,唯有响呢度寫。 希望d staff 做野小心d然而佢d 魚旦的咖喱汁又真係幾好味,可惜今次食唔到,仲蝕左10 蚊... continue reading
(The above review is the personal opinion of a user which does not represent OpenRice's point of view.)