燒蝦蝦 (興泰大廈) (Closed)

正！屯門高質流水蝦呀😍！放假得閒約咗朋友嚟食呢間，位置相當方便，由地鐵站行去都只係5分鐘左右，食物相當驚喜，好味！海鮮：除咗任食游水大頭蝦，仲有超多其他海鮮選擇，例如鮑魚，扇貝，蠔🦪等等！而且仲有原條大䱽魚，同埋好鮮甜嘅貴妃蚌🐚🤤肉類：除咗海鮮仲有好多唔同串燒，最鍾意佢哋嘅豬仔髀，喺出面買都好貴㗎嘛，喺度可以任食，而且肉質都唔錯， Juicy😝🤤! 串燒方面有唔同肉類，丸類，蔬菜🥬！凍櫃：超級驚喜，有好多醉品🐓，例如醉雞翼，而且仲有泰式大頭蝦冷盤，超級高質! 😻😻甜品飲品：而且呢度仲有大量雪糕，起碼有10款；甜品都有好多唔同選擇；飲品無限任飲🍻…Read More

生蠔、青口、鮑魚、螺、魷魚，串燒，任飲任食！ 朝日啤酒、1664等啤酒任飲（自己睇圖）琳琅滿目、包羅萬有的自助區🫨提供了不同種類的美食，包括海鮮、蔬菜和肉等等。海鮮有生蠔、😋青口、🐚鮑魚、螺、魷魚……多不勝數；肉主要有雞、牛和豬，餐廳擺放了不同部位的肉，也有串燒，食前方丈，讓我們大飽口福! 😝另一面擺放了點心、麵包、炸雞、即食麵等食物。餐廳還貼心地準備了煮麵專用的爐具，照顧了不同客人的需要。😎喜歡喝酒的客人可以在自助區選擇適合自己口味的酒，有朝日啤酒、😎1664、清酒等；😹不喝酒的可以到雪櫃拿不含酒精的飲品，例如: 綠茶、烏龍茶、Milkis忌廉溝鮮奶等。吃完烤肉，可以到自助區夾甜品吃😳。我們坐下後，店員便把新鮮生猛的蝦放到水缸裏。之後，店員教我們用鉗子把蝦夾起，然後放進盛着冰水的桶子裏，🙈再用碟子封住桶口，這樣可避免水花四濺，弄濕衣服和其他食物。蝦烤熟後，可以撒一些孜然粉或辣椒粉，也可以蘸上餐廳提供的調味料，❤如:醬油、麻油、蒜蓉、蔥等，使味道更濃郁。生蠔、青口很肥美，烤肉很入味。在這裏，可以一邊和朋友觥籌交錯，一邊享用美味的食物，絕對是一個聯誼的好地方。.…Read More

📍 燒蝦蝦 (興泰大廈) (屯門)屯門仁愛堂街45號興泰大廈地下1,1A,2至8號舖每次想食海鮮🦐都會諗起呢一間燒蝦蝦喺間係位於屯門 門面好大😉而且附近都幾多街錶❕❕不過最重要都係去成個場景嘅佈置氣氛都好好啲蝦好新鮮！實肉又多膏，每次嚟都食到停唔到口🫶🏻呢度啲蝦任食嘅，可以叫店員幫手加蝦🦐加完之後就自己落手落腳夾起佢然之後就搵冰水浸暈佢💦💦跟住就可以直接放上爐燒真係有得玩有得食😍😍而且自助餐嘅價錢係包埋酒🍻真係好少自助餐俾你飲酒除此之外，仲有鮑魚、帶子、蠔等貴價海鮮供應🥢 店員個會將啲冇咁新鮮嘅食材收走👍🏻👍🏻除咗主角蝦之外，頭盤仲有三文魚刺身同象拔蚌，新鮮冷盤拎嚟醒醒胃都唔錯👍跟住開始燒蠔，燒到九成熟之後✨加入一啲泰式醬汁再燒埋最後少少🫙非常惹味架😋😋燒帶子，就梗係一定要落牛油啦🧈店家係呢方面都做得好好，好多調味料好齊唔會乾燒，燒出嚟金黃剔透非常好味！晚市食到咁新鮮既海鮮，Cp值好高💨絕對係良心店家，真係好容易食回本🥳…Read More

同先生朋友2 pair人去釣完魚諗唔到食咩朋友提議食燒蝦第一次食未試過就即管試下佢有分室內同室外我地揀左坐室內最正係佢有無限任添既蝦D蝦仲要隻隻都好大隻 隻隻都咁新鮮除左蝦之外仲有其他海鮮都係任食有蠔 有鮑魚 有帶子 有蜆 有沙白 有花甲款式好多 仲有原條既魚佢個爐雖然係細爐 但係佢有分上下層 下層可以要黎燒蔬菜 或者串燒一直不停食 不停燒除左海鮮 佢亦有蔬菜 好似牛油金菇呀個d仲有豬肉 牛肉 雞翼呀個d 仲有d泰式既前菜 例如泰式蝦呀 泰式酸辣鳳爪又有熱湯同炒飯任食黎講 真係好多款式好抵食重點係我個肚係個d有少少唔新鮮或者唔乾淨都會肚痛既但呢間野食完咩事都冇 就證明呢間野真心新鮮👍🏻…Read More

終於俾我試到流水蝦喇！係屯門杯渡輕鐵站附近的《燒蝦蝦》,每次經過其實都心思思想去試吓,門口有個大大隻蝦嘅大招牌,真係好搶眼.餐廳面積超級大,走貨櫃工業風格,casual得來帶點粗豪型格感,特別訂製的玻璃魚缸,圍住整個dining area,生猛嘅大頭蝦就會養住喺啲水裏面,直至要燒既時候先拎出嚟,保持新鮮! 🔸️海鮮區餐廳主打即燒海鮮,種類真係好多,見到都好興奮呀.有鮑魚,生蠔,花甲,扇貝,沙白,桂花蚌,大蜆,原條馬友黃腳立,仲要無間斷不停refill,重點係海鮮真係好新鮮,我去夾鮑魚嗰陣啲鮑魚仲勾勾㗎～ 餐廳仲要好細心,較細的蝦,或者沙白等會用一個小小的錫紙兜裝好一份份,咁樣就比較容易燒喇 🔸️肉類蔬菜區款式都真係好多啊,包羅萬有肉類：羊架,牛小扒,雞全翼,雞中翼,腸仔,蟹柳,雞軟骨,雞皮,雞腎,里脊肉,煙肉,紅腸,各類魚蛋🔸️蔬菜: 粟米,韭菜,茄子,金菇,秀珍菇,雞髀菇,冬菇,翠玉瓜,大蔥,菠蘿餐廳真係好貼心,好多都整好一串串,讓客人容易啲燒 🔸️熟食,粉麵區茶葉蛋,麥樂雞,炸春卷,牛角包,方包,法式多士,蝦餃燒賣等點心,咖喱魚蛋,豉椒炒蜆,滷水雞翼,鮑魚炆時菜,仲有麻辣湯底,清雞湯底俾客人煮粉麵🔸️冷盤前菜區醉蝦,泰式鳳爪,辣味螺肉,醉豬手,酸醋蘿蔔,甘酢生薑,紅姜,中華沙律,芝麻八爪魚,涼拌海蜇,甜酸橋頭,胡麻醬蕃茄,全部都pack好一盒盒,乾淨衛生又方便 🔸️啤酒飲品區有兩個三尺嘅大雪櫃放咗好多唔同嘅汽水和凍茶等,想飲熱嘢都可以不同的茶葉,自助沖茶；食燒烤當然要配啤酒🍻先最夠爽啦,重點係所有生啤都係任飲㗎！而且餐廳真係好貼心會預先雪凍所有啤酒杯, 生啤有:Asahi,1664,San Miguel,Kirin ichiban,Suntory,Hoegaarden,亦都有罐裝嘅嘉士伯,或者支裝嘅Apple cider,仲有清酒梅酒等,即係可以令客人飲飽食醉 🔸️醬料區最喜歡就係混醬㗎啦,辣椒碎,生蒜蓉,熟蒜蓉,香蔥,芫荽,牛油,蜜糖,燒烤汁,麻油,沙茶醬,泰式辣醬等 , 可以自己慢慢溝🔸️甜品區臨走之前記住食埋個甜品呀！有好多款本地或者韓國嘅雪糕雪條,全部都係任食㗎! 🔸️用具區餐廳仲預備咗即棄圍裙,手套,刀叉,筷子,蜜糖掃,錫紙兜等,乾淨又衛生 絕對相信老闆深明客人為食又唔等得之道,所以預備一個兩層的燒烤爐,可以同時間燒好多唔同嘅食物,食材新鮮,所以即燒即食,十分惹味！睇住d蜆慢慢開殼,又juicy,真係好治癒呀！不過提提大家記住要睇火啊,如果唔係就好似我哋咁燒燶咗幾次㗎喇！ 我哋特登留到最後先食今晚嘅主角大頭蝦🦐,餐廳會特別預備一個冰桶,先將大蝦喺魚缸入面夾起放入冰桶內,然後再放上爐燒 咁樣除咗令大蝦的肉會更加爽口彈牙之外,最重要是係燒嘅時候🦐唔會突然間跳起來.蝦肉鮮甜彈牙,蝦頭仲有好多甜香蝦膏呀～正！我地兩條友,燒咗幾轉呀！平日夜晚嚟都係$388一位,無限時,任飲任食,邊燒邊食,有得玩又有得食,材料款式多又新鮮,店員服務態度又好,我地真係食得好開心呀！名副其實 《笑哈哈,燒蝦蝦》😋…Read More

屯門👣 - 燒蝦蝦🦐流水蝦hit左一段日子，今日要推介屯間呢間燒蝦蝦比大家，除左流水蝦之外，仲有多款海鮮、串燒，飲品甜品都係仼飲仼食🔥流水蝦大大既魚缸裝滿生猛既大頭蝦，夾上黎放落冰桶凍暈就可以放上爐燒，即撈即燒嘅大頭蝦特別爽口彈牙，有啲蝦仲要爆膏添，超好味😍 🔥海鮮自助區有多款海鮮任拎，連鮑魚同蠔都有，仲有原條魚！新鮮又美味🥰🔥串燒款式種類好多：腸仔、雞全翼、牛仔骨、串燒雞腎、串燒雞皮、翠玉瓜，仲有丸類等等，應有盡有🔥飲品食左咁多燒烤當然要飲凍野解膩，除左有罐裝汽水同紙包飲品之外，仲有超多酒類飲品添🍻📍 屯門仁愛堂街45號興泰大廈地下1,1A,2至8號舖#香港美食 #平民美食 #屯門 #屯門美食 #香港 #美食 #hkfood #hkfoodie #openrice #hkfoodblogger #hkfoodies #likeforlike #hk #hkig #foodshare #hkrestaurant #foodies #852food #hkfoodblog #食評 #美食推介 #燒蝦蝦…Read More

屯門呢間🔥燒蝦蝦🦐地方超大，又超多🧆嘢食，而且午餐💰價錢都幾抵。呢度🧃飲品種類繁多，仲有超多🥃酒類飲品添。除咗一般放題有嘅清酒🍶、梅酒同埋罐裝啤酒🍺之外，仲有多款生啤🍻，配燒烤一流！入面地方🤩濶落，抽氣強勁💪唔會食完成身味😊。周圍都係生猛嘅大頭蝦🦐，睇啱邊隻夾邊隻🤤。凍暈咗佢就可以放上爐燒🔥，即燒嘅大頭蝦🦐特別鮮味😋爽口！而且大部份仲有唔少蝦🍤膏，甘香美味😍。自助區仲有多款🦑海鮮任你拎，其中我就最鍾意🥰鮑魚同埋蠔🦪喇。佢哋仲有多款串燒🔥供應，尤其係燒五花腩🐖，十分之肥美🤤。用錫紙兜裝起醬料同埋🍶清酒仲可以用來♨️煮蜆添！另外佢哋仲有🇹🇭泰式酸辣🌶️大蝦、醉蝦🦐、醉雞翼🐓、醉豬手🐖、酒煮螺🐚、蒜蓉粉絲♨️蒸蝦同埋幾款🇨🇳中式點心，超級😍豐富！甜品🍮方面亦都不遑多讓，除咗有幾款唔同嘅蛋糕🍰之外，仲有超多款嘅🍨雪糕雪條，我尤其鍾意佢哋嘅燴番薯🍠雪米糍！…Read More

【屯門•燒蝦蝦 (興泰大廈)】————————————————————————位置鄰近屯門市廣場杯渡輕鐵站步行5分鐘就到，中午時份熱辣辣 經過屯門 於是試下任飲任食夾蝦蝦放題 黎個happy lunch 先🫰 餐廳主打流水式蝦蝦🦐 任食 新鮮時令生猛海鮮🪼 貝類魚類 🐟🐚亦都有熟食以及多款燒烤友喜愛既預製串燒食物 好玩又好食 開心到爆😋😄🍯海鮮類🌊餐廳會不停補貨 包保顧客食到新鮮既蠔、鮑魚、貴妃蚌、扇貝等 魚類亦有黃腳鱲、大眼雞、倉魚等，全新任燒！🍯人氣串燒🍢🍡雞軟骨、雞翼、雞腎、五花肉、靚牛扒及羊架等 超多款肉類 燒起上嚟又香又多汁!🍯小食及飲品🍿🍟🧋餐廳又提供大量嘅汽水、啤酒、清酒、花茶、雪糕等 消暑又解渴 圓滿曬成個燒烤味蕾🍯店員會細心講解夾蝦嘅流程 餐廳嘅抽風系統做得好好唔會成間店舖都係油煙味 醬料及酒水提供亦都十分齊全可以畀我自行調教個人口味需要 🙋💁‍♂💁‍♂💁🏻‍♂…Read More

流水蝦聽就聽得多啦，今日就特登同老公來見識下任飲任食，仲有熟食，冷盤，面包🥖甜品等等，感覺係幾抵食。餐廳內環境寬敞明亮一坐底，侍應已經熟手地倒左一桶蝦落水，隻隻都好生猛然後簡單介紹下食物及醬料位置。有好多唔同醬料俾你去調味最多人拎既食物區，有唔同既海鮮（鮑魚，蠔，魚，蜆等等 ）食肉獸都有好多選擇： 雞軟骨，羊架、牛仔骨，漢堡，雞皮串、雞翼，腸仔，仲有唔同既丸類等等素食者都有不少菇類選擇，我最愛翠玉瓜及雞髀菇我主要食佢既蝦同蠔，都好新鮮蠔🦪配埋蒜蓉牛油去燒，鮮甜好味，蠔肉脹卜卜整體來講係唔錯👍🏻係冷氣地方燒下野食，有得玩、海鮮任食，甜品任食任飲，性價比高…Read More

釣蝦場嘅熱潮過咗之後，流水蝦都興咗一段時間，我就第一次嚟試，覺得今次嘅體驗都好有新鮮感。「燒蝦蝦」場地面積好大，我離遠已經見到超大個招牌好搶眼。位於屯門站隔離，交通好方便。工業風裝修，配搭色彩鮮明貨櫃造型鐵櫈，牆上霓虹燈牌、日本風得意海鮮牆畫，連洗手間裝修都襯返整個設計。每張枱都有獨立抽氣系統，抽氣做得好，唔會成間店都係油煙味，而且冷氣夠。整間店都有藍色玻璃水缸圍邊，放住生猛嘅大頭蝦。成個環境令我感覺唔似喺香港，好似去咗台灣或者韓國一啲燒烤店，有去旅行嘅感覺。安排座位坐低後，就走出去參觀同攞嘢食，我覺得老闆都幾有心機安排，任飲任食分咗唔同區域，仲見到有啲細心位，而且地方整潔，樣樣都想攞嚟試，望到都好興奮。► 海鮮區全部海鮮都係任食，而且款式都唔少，無間斷補給，淨係呢點都已經好吸引，我哋主打海鮮，燒咗好多轉。⊛大頭蝦~係今餐主角，我哋喺座位身旁嘅水缸夾大頭蝦，餐廳細心準備咗冰桶可以先冰一冰啲蝦，等燒烤時唔會太生猛跳嚟跳去。大頭蝦爆膏，經燒烤後啲膏更香濃，蝦肉新鮮彈牙，蘸泰式醬汁更惹味。⊛鮑魚~新鮮，肉質彈牙。⊛蠔~燒每一轉都用唔同調味，蒜蓉牛油最掂。⊛蜆~都有三款，沙白、青蛤、白蜆。⊛帶子~鮮甜，加蒜蓉燒。⊛花螺～新鮮爽口，食咗好多粒。⊛馬友魚~魚類不停換款，倉魚、黃腳鱲等。燒馬友超正，油脂豐富，燒完出嚟好香，基本上唔使落任何調味料，不得不讚自己燒到皮脆肉嫩，街市買馬友都唔平，必食推介。⊛多春魚~燒烤爐火剛好，我哋都好容易掌握，唔會好快就燒到燶晒，連多春魚都燒得好靚，唔會燒到黐爛皮。► 肉類、蔬菜區款式種類好多：腸仔、雞全翼、羊架、牛仔骨、串燒雞腎、串燒雞皮、翠玉瓜、雞髀菇、小紫甜番薯⋯⋯不過燒得好唔好食始終都要靠自己。► 生啤、飲品區重點嚟喇！生啤都係任飲：Hoegaarden、1664、Asahi、Suntory，啱晒鍾意豪飲嘅朋友，餐廳仲貼心雪凍唔同牌子嘅啤酒杯俾客人自由斟，仲有清酒、梅酒、樽裝啤酒。兩大雪櫃放滿唔同汽水同茶類。另有自助沖茶位置，茶葉款式都幾特別。► 冷盤區雪櫃有即食冷盤：泰式鳳爪、酸辣大蝦、日式沙律、味付螺肉⋯⋯⊛醉花螺~ 爽口，陣陣酒香。⊛醉溏心蛋~酒香濃郁，有溏心，一盒一隻。⊛醉豬手~入味，豬皮同肉質都有彈性，咬落去有爽彈感覺。► 熟食區除咗燒烤都有其他熟食：茶葉蛋、麥樂雞、春卷、咖喱魚蛋、燒鵝、滷水雞翼⋯⋯► 粉麵、點心區各款即食麵同湯底，可以自助煮麵。仲有熱辣辣蒸點心：蝦餃、燒賣、牛肉球、奶皇包、糯米雞⋯⋯► 醬料、用具區多種醬料供客人混醬同調味：蒜蓉、辣椒、牛油、蜜糖、燒烤汁⋯⋯仲有錫紙兜、乾濕紙巾、圍裙、手套等用具，應有盡有。►甜品區可以自製甜甜圈，有早餐食嘅蜜糖星星，多款本地同韓國嘅雪糕、雪條全部任食。有得玩又有得食好愉快，不得不讚店員親善好有禮貌，清碟快，食物不停refill，埋單$383/ 1位，食足3個鐘頭大滿足。到我走嘅時候，戶外位置都坐埋，越夜越熱鬧，見到食客都好開心燒烤、飲酒，瀰漫住燒烤嘅香氣同愉快嘅氣氛。#燒蝦蝦地址：屯門仁愛堂街45號興泰大廈地下1,1A,2至8號舖…Read More

經過男朋友推介，偶然食到呢一間燒烤店一入到去第一個感覺係油煙好大抽油煙機唔係好夠力間唔中見到幾隻烏蠅喺啲食物上面飛下飛下但係啲職員冇趕走啲烏蠅🥹嘢食唔算太多選擇所有種類都得少少有海鮮 肉類 蔬菜粉麵飯 點心 要自己煮即食麵新鮮蝦雖然細隻但係都幾好食汽水甜品種類多好貼心分咗凍飲同埋室溫飲品特別在於有得自己沖茶飲有乾檸檬片、山楂、普里、菊花等等總括而言環境油煙真係好嚴重 建議改善下食物質素正常水準對得起呢個價…Read More

呢度係新鮮生猛嘅蝦俾你即捉即燒，覺得好得意，一直都想試。原來最興奮的不是我，是婷婷。佢話全程都要由佢負責捉和負責燒咁話，教埋佢點睇啲蝦熟定唔熟，結果我一隻蝦都冇捉過冇燒過🤣，只係負責食。睇見佢捉蝦果個開心，滿足樣興奮嘅樣，我都覺等值回票價，都係俾小朋友有個新啟發，新嘗試嘅機會。任食海鮮2.5小時真係好抵食，海鮮中除左蝦，還有鮑魚，青口，扇貝，蠔，蜆，貴妃蚌，大眼雞，倉魚，多春魚等，而且仲十分新鮮，燒出來，十分鮮甜美味，我就中意燒魚咩都唔落，鮮味十足，中意食海鮮嘅朋友就真係岩晒黎呢度，一定能令你滿足。除左海鮮，也有蔬菜，肉類，串燒，熟食，涼拌，甜品，雪糕。肉類有五花腩，牛，羊架等，雞串，雞軟骨，雞腎，雞翅，腸仔，丸類等，熟食也有包類，燒賣，茶葉蛋，等等。涼拌有八爪魚螺肉海藻，泰式鳳爪等飲品方面就有清酒，生啤，啤酒，各類汽水飲品，仲有花茶添。食完當然要嘆翻甜品雪糕啦，呢度有好多款選擇。今次真係食得飽又玩得開心。…Read More

( ͡° ͜ʖ ͡°) 燒蝦蝦 [ @seafoodhaha ]——香港嘢——❝ 屯門燒蝦蝦 流水大蝦 任飲任食 包你食到笑哈哈 ❞✿ 任飲任食3小時 坐低店員會送上鱔串同三文魚刺身旁邊就係魚缸游水大頭蝦任你夾 又玩得又食得 都幾過癮首先要拎冰桶放冰同水 凍一凍d蝦咁燒果陣就唔會亂咁跳啦～新鮮既大頭蝦肉質鮮美彈牙 蝦頭仲有小小膏真係可以食到回本！自助區分為五個區海鮮肉食/小食前菜/飲品/ 醬料區/甜點區任食海鮮有生蠔 螺 蜆 沙白 黃花魚 多春魚等自己燒過好幾種 覺得大蜆燒係最好味根本唔使落牛油或者蒜之類既調味就咁燒到開口 再燒多一陣 就即刻食得勁鮮味！起碼要拎三轉黎燒！另外忽發奇想想就地取材拎個錫紙兜 裝滿沙白同清酒整返個清酒煮沙白呢款清酒較淡建議再加小小岩鹽燒完岀黎好香 個個都食到舔舔脷～沙白吸哂清酒既酒香 完全係居酒居既質素！小食前菜有醉蝦醉花螺等另外有炸春卷岀前一丁營多撈麵等重有蝦餃燒賣叉燒包等 好誇張！串燒有丸類 波波腸 冬菇 茄子肉類試咗牛仔骨 雞軟骨 雞皮 雞翼全部都好好食 加埋枱上嘅調味粉醬料區亦都唔少得醬油 生油 麻油 生蒜 味蒜 蔥花 芫荽等我哋重自製咗個辣椒蒜蓉醬黎燒生蠔同埋點蝦都好鬼正！重有不得不讚串燒必搽嘅蜜糖 好香好惹味！重點嚟啦～就係生啤任飲！自由斟1664/Asahi/Suntory/Hoegaarden另外重有仲有清酒同枝裝果味啤酒貼心地雪櫃有唔同size 既冰杯比我地用🤩酒鬼表示好開心啊！╰☆* 推介指數：🌕🌕🌕🌕🌖🤤跟我搵食～請follow: @when_she_bites✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿…Read More

流水蝦最近好受歡迎！有得玩同埋有得食！呢間「蝦蝦燒」在元朗以及屯門也有分店，今次到訪屯門分店享用2.5小時燒流水蝦放題！不同時段＄268-$360不等 一位性價比超高！如果鍾意海鮮嘅你唔可以錯過。除咗海鮮之外，仲有串燒、熟食、甜品、啤酒任飲任食，無論係家庭聚會，定係朋友REU 都10分適合！△ ▽ △ ▽ △ ▽ △ ▽ △ ▽ △ ▽△ ▽ △ ▽ △ 🔹◉海鮮+流水蝦長方形魚缸入超多扎扎跳新鮮蝦隻！十分生猛 食客用夾起後放入冰桶中🪣之後就可以放上爐烤熟！肉質爽甜 而且仲爆膏 香濃蝦膏蝦肉 ！大滿足大快朵頤！除了蝦隻， 海鮮種類都好多！有原條黃花魚、鮑魚、蜆肉、生蠔、帶子、東風螺、海螺等等，可以自行調味！每一樣都夠鮮甜！🔹◉熟食同樣好多選擇，尤其多泰式小食，如泰式雞腳沙律，炒麵，熟蝦等等！有時更會供應餃子、蝦餃燒賣等等點心！好多元化！🔹◉燒烤肉類應有盡有：五花肉 多口味雞翅 雞軟骨 丸類 香腸 一燒之下 油花肉香即現！ 蔬菜方面都種類多多有秋葵、紫薯、南瓜、茄子等等！…Read More

估唔到條沒有一個咁高質嘅燒烤場，而且 仲有流水夾蝦區吸引人客。位於屯門市中心，交通方便，配套完善。 呢度有一個食物係我最意想唔到，就係自家製，嘅小籠包，師父😍好用心，將每一個小籠包放喺錫紙兜，方便客人自己喺個大蒸籠 自取， 而且這一個方法可以同一時間蒸起 二三十個小籠包，可以用最短時間滿足人流。 非常之聰明🥰！ 佢啲酒杯仲要專登放入雪櫃雪凍🤗，好讓客人飲啤酒嘅時候更加提高享受度。 至於食物方面，我覺得蝦同蠔，冇得輸！…Read More