23
1
1
11-min walk from Exit C, Heng On MTR Station continue reading
All Branches (5)
Telephone
97056381
Opening Hours
Today
10:00 - 20:00
Mon - Sun
10:00 - 20:00
Payment Methods
AlipayHK Alipay Cash Octopus
Other Info
Spot payment
Review (29)
Level4 2022-06-03
44 views
🔥高質西式燒味🔥推介指數 ❤️❤️❤️❤️❤️恒安街市可以話係美食沙漠嘅綠洲,除咗買餸價錢經濟,仲隱藏唔少美食~ #平民美食 今次分享新派西式燒味店,將西式食材及烤焗方式為傳統燒味行列加添新元素玻璃display 櫃整齊擺放各式西式燒味、冷櫃酒醉系列、燒味飯HKD32+ 仲可以選擇醬汁及追加其他食物🇩🇪德式燒豬手 HKD88 (大)✨大大力推介必食之選,拎外賣時烤焗香氣撲鼻,店員細心提醒豬手仲熱盒蓋要保持打開,否則皮會腍✨返到屋企豬皮仲卜卜脆、肉嫩且入味,細心附送honey mustard 同sauerkraut;特大都係+HKD10 ⏱慢煮美式豬肋骨 HKD58 (大)✨肉質軟滑,豬肉味濃又唔騷,面層蜜糖燒烤醬惹味又唔會過甜過鹹,好味🐽自家製燒腩仔 HKD45/條✨皮香肉滑且鬆化,份量比想像中多,附送中式mustard,滿足🇯🇵沖繩黑糖焗叉燒 HKD48/條✨與傳統蜜汁叉燒比較,外層少了黏立蜜汁,黑糖食落甜度唔係死甜,唔錯🌟整體份量比想像中多且高質,下次想試燒味飯、醉蝦、醉雞翼… 咁就飯都唔洗煮啦🥳🥳.··🚪 燒洒一族 🪑 馬鞍山恆錦街1號恆安商場地下恆安街市48號舖 continue reading
(The above review is the personal opinion of a user which does not represent OpenRice's point of view.)
Level4 2022-05-25
31 views
作為馬鞍山既師奶一員,隔日就出入街市,恒安街市不嬲都被街坊話係全馬鞍山最抵買既街市,有時夜放工又會揸車過黎小食街買宵夜。佢主要賣燒物/酒醉呢間燒洒一族既新派燒肉店,之前係大圍都見過,佢係馬鞍山開左之後,一直未有加餸既需要未幫襯到,但近排晚晚有波睇,要買野送啤酒,又唔想晚晚食薯片,於是決定試一試。冲繩黑糖焗叉燒 $48我想講而家燒臘舖嘅叉燒都唔平,但係呢一個沖繩黑糖,比一般燒臘舖嘅更多汁嫰滑。德式燒豬手(大)$88其實仲有特大,只係多$10,不過買咗其他嘢, 怕食唔晒。呢個豬手超好食,影相嘅時候已經偷食咗一舊,塊皮超脆,又唔算超級鹹,仲有特色芥末醬,同埋酸菜送,嘩睇波嘅時候,屋企人根本唔信我喺街市買。自家制燒腩仔 $45屋企人睇完menu 講到明要呢個,因為櫥窗入面燒腩仔塊皮脆卜卜,佢斬嘅時候都聽到嗰啲皮嘅脆聲。 肥瘦岩岩好,半場波都未完就比人搶食哂。一場嚟到,買多兩盒酒醉小食,佢哋話食唔晒可以擺落雪櫃隔多晚,咁當然場波完之前乜都食晒啦。花雕味好濃厚,凍食好清新,同佢既炸物一齊食可以幫喉嚨抖一抖。佢仲有飯盒賣!同一般既燒味飯差唔多價,咁好抵。買左兩大袋番去睇波 ~超開心 continue reading
(The above review is the personal opinion of a user which does not represent OpenRice's point of view.)
經常出入街市嘅媽咪通常都去開馬鞍山2大街市, 今日喺恆安街市發現左li間遠一遠都聞到燒肉香味嘅”燒洒一族”梗係睇睇有咩揀.🔥原來有雪櫃擺左好多款”酒醉”系列, 有好多都係坊間無咁多嘅選擇例如雞卷, 鴨舌, 豬手粒都有, 價錢仲非常之抵食, 有某幾款洒醉冷盤仲有大/細包裝揀, 多人gathering或者一家幾口食都揀到.🔥德式燒豬手豬手勁香!! 加上姨姨大力地推介, 所以今晚3個人食就加餸加隻細嘅(特大真心大). 熱辣辣, 上左老公車即刻偷食左豬皮脆到卜卜聲超正呀!!! 返到屋企都仲係脆卜卜, 啲肉好嫩好正👍驚喜點係: 喺街市買到嘅燒豬手好食不特止, 竟然連包honey mustard都好味仲要認真地跟埋包Sauerkraut, 絕對會encore.🔥慢煮醬烤豬肋骨勁有叉燒feel, juicy之餘食落有少少甜甜酸酸feel好好味, 咬落去d肉夠哂腍軟易甩有口感, li d實係經慢火烤焗先做得到, 68蚊勁大條呀!!!🔥洒醉雞軟骨, 酒醉薰蹄店家嘅酒醉系列都係encore之選, 首先係平👉🏻又多款, 我鐘意食雞軟骨個咬口感, 老公like薰蹄真係why not both😹, 食後感係: 酒味好香! 點個包汁都好好味, portion又足料, 下次加餸我識黎li度買. continue reading
(The above review is the personal opinion of a user which does not represent OpenRice's point of view.)
Level2 2022-06-13
0 views
父親節返老家食飯慶祝,去街市睇下有乜買上去。嘩,好耐都無黎過老家樓下街市,變左好多,仲見到呢間燒洒一族啲野食幾新穎,仲有阿爸最鐘意食既酒醉系列。酒醉系列好多款揀,揀左熏蹄同少見既鴨舌。個汁調味啱啱好,唔會太濃酒味,又唔會太甜,好鐘意呀。熏蹄既皮好彈牙,而鴨舌軟軟滑滑,食過唔停。黑糖叉燒,叉燒半肥瘦好腍好入味,用上黑糖甜而不膩。蜜味同辣味雞脾各一隻,雞脾大大隻,雞肉又嫩。呢度咁多唔同種類,真係唔會厭。 continue reading
(The above review is the personal opinion of a user which does not represent OpenRice's point of view.)
Level4 2022-06-02
4 views
有時放工懶煮,鍾意買熟食加料😝有時唔單止斬大嚿叉燒,其實我都好鍾意食酒浸乜乜乜,我見佢除咗燒味,仲有好多酒浸嘅系列都幾抵食,所以今次我買全部都係酒香系列加餸,佢哋會好細心另外配咗幾包花雕酒俾我😋.💛酒醉花雕雞半隻$65雞肉質都幾滑,而且煮得唔會過熟,可能有啲人見到佢中間有少少紅色會覺得唔夠熟,其實嗰個位係已經熟晒,雞皮好爽,雞肉吸收晒花雕酒嘅香味,味道甘香👍.💛酒醉鴨舌$45鴨舌肉質好爽脆,加埋花雕酒味道好香濃👍而且$45嘅份量都幾多,呢度有好多隻鴨嘅舌頭啦😅💛酒醉雞翼尖$16夠滑溜入味,鍾意損骨嘅人士至愛💛酒醉溏心蛋$18同樣係煮得啱啱好,粒粒都溏心,浸得都夠入味。咁除咗花雕酒醉系列,我當然都要試吓佢其他嘅燒味,我買咗佢一條沖繩黑糖焗叉燒$48咋,味道係唔錯嘅不過我就略嫌肉質有少少硬同埋乾,因我鍾意食比較鬆化同埋腍身嘅叉燒。不過整體來講都唔錯呀,都算幾抵食,呢度買咗咁多嘢$200有找。 continue reading
(The above review is the personal opinion of a user which does not represent OpenRice's point of view.)