燒洒一族

Open Now

Now Closed

燒洒一族 (樂富)地址: 香港樂富聯合道198號樂富廣場地下樂富街市406號舖呢期學習帶飯，一個盒size 食完就唔再添，易控制份量，同塞滿菜少些飯！中午就出去買食材準備啦，我唔太叻煮食，肉類就靠燒味😆菜就自己水煮加些鹽油$75 黑椒豬手可要起肉，qq彈彈，充滿鹹香仲有點黑椒味！條骨仲會包返靚靚，留比阿媽煲下粥$68 春雞就係食肉啦，燒春雞仲有幾個味添，香草味就西式比較合我口味！$68 肋骨個醬唔錯幾惹味，食完鹹架燒味，有份甜甜地架燒肋骨，平衡一下確是唔錯。呢咪同豬手當餸食，配啤酒飲同樣都好食$36 腸仔飯，買來做lunch !😂有豬手就想食埋腸，雙腸大大條juicy 又脆有玻璃display 櫃，乾淨又清楚！仲會幫你用熱烸爐加返熱架，yummy

估唔到樂富屋邨街市 都搵到高質勁脆嘅鹹豬手😱豬手都係喺店舖現場新鮮製作 做到半肥瘦效果最重要豬皮真係好鬼脆 咬落去會聽到聲嗰種除咗豬手 佢哋燒春雞都好靚仔原隻最平都只係$68 仲有幾款口味⭐️香草法式燒春雞$68⭐️蒜香南乳春雞$68⭐️古法窯燒春雞$75亦都有冷盤小食 可以直接買返屋企$100/3包例如有⭐️麻辣系列 ⭐️檸檬泡椒系列但我最鍾意係⭐️酒醉系列酒醉豬手粒 豬皮好彈牙 酒香味突出雞卷仲望到少少雞啫喱.見到佢哋越開越多分店 係大圍 馬鞍山 深水埗 大埔 將軍澳 屯門都有分店燒味飯價錢都好平民 其他好嘢就留俾大家發掘啦‼️你哋又有冇試過呢？.#hkfunfoodrecord窮遊香港#hkfunfoodrecord_樂富.#燒洒一族 (樂富) @grillmanhk 地址：樂富聯合道198號樂富廣場地下樂富街市406號舖.（如果鐘意睇飲食紀錄 記住 追蹤/like/分享 感謝你哋支持🙏🏻）.‼️想睇更多資訊‼️ hkfunfoodrecord‼️ funfunfoodrecord.#飲食 #美食 #hk #foodphotography #foodstagram #hkfood #hkfoodi

以前朋友買過幾次都覺得幾好食，今次去到樂富都即刻諗起呢間，Lunch Time過去見無咩人，不過都照買買佢個脆皮豬手，$98 size斬咗出嚟都唔算多肉，應該$108再抵d😂本來諗住叫個燒肉飯，但係見到嗰舊仔乾晒塘，後面嗰啲全部見到有肉汁，同阿姐講想要後邊嗰條，佢話唔得，一定要順，唔可以個個咁樣揀🙄 我心諗即係逼人食咗嗰條乾柴燒肉🙄即刻就轉咗豬頸肉+雞脾，但係同之前嘅份量爭好遠，專登攤開啲豬頸肉嚟放，最尾嗰一塊仔都放返落自己個盤到，就係唔比你🙄仲喺度眼超超👎真係唔會再買

今日經過樂富街市，見到呢間燒酒一族，佢哋有一系列嘅酒醉冷盤$45/1樽，我收工時間去，個店員仲話買兩樽減$20 。見佢咁多款式選擇，個樣又幾吸引，即刻揀咗三樽買返屋企試。今次揀咗酒醉雞卷，酒醉豬手粒同埋酒醉腎片。酒醉雞卷啲雞肉好紮實，酒醉豬手粒大小剛剛好，而且個豬手皮仲好爽口👍🏼。至於個酒醉腎片個人覺得偏硬咗少少，不過整體嚟講都唔錯，而且樣樣都好入味，酒味又好濃郁。下次應該會再幫襯，想試吓佢嘅酒醉糖心蛋同埋佢嘅麻辣系列。😋

姐姐🧍‍♀️放假🏖️，睇完陳皮妹English Drama喺外賣平台㩒埋外賣🥡自取8折燒洒一族，等15分鐘有，攞完先搭shuttle，叫咗惹味燒春雞飯（$58）仲有3個黑糖豬頸肉飯（$52），加咗隻酒醉溏心蛋（$11）。拎到返屋企仲係熱，黑糖燒豬頸肉肥美正，燒春雞份量都多肉滑，酒醉溏心蛋冇酒味反而啱我

位於樂富街市入面有間設大焗爐嘅外賣店有幾款烤焗食物供應,烤焗有煙鴨胸,黑椒薰蹄,豬肋骨,燒春雞,燒腩仔,烤雞脾,豬頸肉,鯖魚…豬手同燒雞仲有固定嘅出爐時間⏰除咗烤焗食物,仲有多款酒醉食物冷盤售賣德式燒豬手💪🏻💪🏻客人可選取心水嘅豬手或燒雞店員會幫忙切件份量十足超抵食😋開盒後已聞到香噴噴💨💨豬手外皮烤到脆卜卜夠香口🐷肉質鹹鹹地很嫩淋有焦香味燒得金黃色很脆又鬆化配搭黃芥末依個價錢買嘅豬手同UNY熟食區價錢差唔多不過依度係熱辣辣同脆卜卜性價比高D👍🏻👍🏻

我係美食group見網友介紹就試下！嘩，第一次食佢個豬手一試難忘。又脆！唔似德國鹹豬果種，佢係成隻燒腩仔質素。之後留意到有好多一罐罐嘅冷盤，就買返去比伙記食！ 我成日買美食慰勞我班職安真漢子伙記，佢哋好開心因為有肉先夠飽又好味！而家變左常客！但老闆娘我對酒精有啲敏感，望住啲員工食得咁滋味，有啲心動！但真係唔食得會出好多風癩變豬頭！於是whatsapp問下燒洒會唔會研究下出啲冇洒精嘅食物關照下我呢啲小眾人。例如滷水、瑞士汁之類冷盤！竟然覆我！我覺得佢地賣嘢食啲姐姐好有禮貌，希望大家多啲幫襯佢哋。真心好食！（留意我食評就知我百彈齋主嚟！非打手。另外我冇問清楚人哋就擺張whatsapp圖上嚟，唔好怪我）🤣🤣

冷盤小食有好多種，依間有不同酒醉同麻辣款式，總有一款啱你口味🤣🤣酒醉雞卷：口感柔軟，醉雞醬帶有微醺的味道🫶🫶🫶酒醉海蜇另一道受歡迎的冷盤。海蜇本身味道清淡，但通過酒醉醬的調味，可以為海蜇帶來更豐富的口感和風味😋😋😋 麻辣牛𦟌使用嫩牛肉片與麻辣調味一起烹製。這道菜的辣味和麻味相互襯托，帶來強烈的口感體驗😘😘😘麻辣金錢肚口感彈牙，並帶有麻辣味道，嚼勁十足麻辣腎片帶來辣味和濃郁的肉味，仲爽口🤣

今日喺樂富附近lunch，見到樂富街市有一間叫做燒洒一族，有唔同類型嘅飯盒，而且價錢都唔貴，就買咗過嚟試吓。🍖招牌燒豬手飯 $35呢個價錢真係幾抵食，除咗有幾件豬手，仲有一啲嘅蔬菜，都OK健康啊。豬手味道唔錯，但係佢個脆皮有啲韌，配埋黑椒汁，其實幾好餸飯。有時成日食兩餸飯，食吓呢個中西食燒味飯都幾好。

收工有時都會去樂富街市掃吓平菜咁，今日無意中喺角落位發現咗呢間新派既燒味店。玻璃櫃陳列咗燒豬手，燒春雞，燒豬肋骨，烤豬頸肉，燒雞脾等等，非常吸睛，燒烤香味撲鼻而來，完全係視覺味覺上既享受。見有啲人排隊，不過都清得好快。今晚唔想煮飯，於是買咗一個招牌燒豬手飯，一個燒春雞飯試吓，各35蚊，可以揀飯汁，另外加多隻香嫩燒雞脾。返到屋企打開個飯盒真係嘩一聲，燒豬手同燒春雞份量都好多，燒豬手外皮脆，肉質嫩，燒豬手好多時都驚會太醎，呢個唔會，入味得黎又唔會死醎。燒春雞都好正，雞皮唔會好油，雞肉好嫩滑，唔乾身。隻燒雞脾都好大隻，啖啖肉，辣辣哋，正！第一次試呢間燒味店好有驚喜，新鮮出爐熱辣辣，好味又抵食。下次多人聚餐真係要試吓佢個原隻燒豬手同燒春雞，價錢都好抵

夏日炎炎真係連正餐都想食冷盤，上次試過「燒洒一族」的燒豬手、豬肋骨同醉雞卷，質素都好滿意；最近佢哋冷盤都新推出咗麻辣系列，決定買回家試試==========🔹麻辣牛腱 $55麻辣味道調得剛好，辛辣刺激；牛腱脂肪分佈平均，口感Q軟，牛香不錯==========🔹麻辣豬耳 $46集軟韌脆三重口感，富含膠質，鮮香不膩==========🔹酒醉腎片 $45質感韌脆帶嚼勁，外帶筋膜；吃到啖啖酒香味道==========🔹酒醉燻蹄 $45燻蹄皮滑如啫喱，肉質軟嫩帶彈性；配合花雕酒夠滋味==========🔹酒醉溏心蛋 $30切開為鮮橙色的蛋黃；溏心蛋酒味芳香濃郁，蛋香豐富

夏天悶悶熱熱，來點麻辣透心涼的實在爽得無比，燒洒一族的酒醉系列正好降降溫，最近仲新推出麻辣酒醉系列，小店自家秘製，麻辣香不會蓋過酒香，十分推薦麻辣豬耳，豬耳本身爽口彈牙，配上麻辣醬汁，十分開胃。推薦撈麵撈米粉也十分一流，辣油都可以慳掉了😂😂-不吃辣的，可以選傳統酒醉口味，而且款式老少咸宜，選擇也十分多無論是 燻蹄 ，海蜇，雞卷，或是豬手，-總有一款合口味。特別推薦醉酒雞卷啊～選用部位十分低脂，而且入口爽而嫩滑的雞肉，伴沙律菜等就最合夏天了😍😍

幾個月之前都食過呢一間 @grillmanhk 😆 之前食過佢地嘅 #慢煮醬烤豬肋骨 同埋 #酒醉系列 嘅唔同罐裝小食 味道非常唔錯👻所以早幾日經過樂富 就走咗入去街市 然後encore佢地嘅 #酒醉系列 😹 覺得真係唔錯😗 一向好食又足料‼️‼️其實除咗 #酒醉系列 之外 佢哋仲有麻辣小食🤣 不過因為小編唔係超級食得辣 所以都係揀返 #酒醉系列 啦😆#酒醉系列 嘅小食 主要係用糟鹵浸出黎👻 成份主要都係雞湯、杞子、冰糖等等嘅原材料 最大嘅味道就係花雕酒同埋黃酒 個汁係好香酒味 亦都好入味😆🐷酒醉雞軟骨 👅8/10平時食雞軟骨 多數都係去食放題嘅時候 會叫一份份嘅炸雞軟骨 不過好少何喺屋企自己一個食雞軟骨 第一次食用酒浸嘅雞軟骨 啲雞軟骨粒粒都好爽口 一粒接一粒咁樣好快食曬😹🐷酒醉燻蹄 👅8.5/10用豬踭整出黎嘅薰蹄 豬皮部分爽口彈牙 肉質亦都幾嫰 而且非常入味 就咁直接食已經好正阿媽仲試左落黎煮其他野食 擺埋落個鑊到兜一兜 （咁都俾佢諗到😹） 但係又真係幾好食🐷酒醉海蜇 👅8/10海蜇非常入味 一打開個罐已經好大浸花雕酒嘅味道 所以真係流晒口水😂 而且用上嘅全部都係新鮮海蜇 口感非常彈

🍗 #燒洒一族 👨🏻‍🍳最近見到「燒洒一族」推出咗罐裝嘅「洒醉系列」同「麻辣系列」，媽咪即刻買比我哋食😌✌🏻 🍻 洒醉系列 ✨🥚 溏心蛋🐥 雞軟骨酒醉系列好好味，老少咸宜🤤！ 香得嚟容易入口，一罐蛋入入面仲有四隻咁多，隻隻溏心都好靚，溏心程度啱啱好🥰🥰 雞軟骨好爽脆，好入味，仲超多粒！🌶️ 麻辣系列 ✨🐮 牛𦟌🐷 薰蹄🥓 金錢肚麻辣好香，仲加咗我鍾意嘅蒜蓉，食多幾啖都真係幾辣㗎🌶️🤩！ 我最鍾意係牛𦟌，夠軟腍；薰蹄超大塊又煙煙韌韌；金錢肚最掛汁，好滿足☺️

燒洒一族推出全新麻辣系列滿足一眾香辣人士每罐密封包裝，即開即食非常方便輕鬆加餸來個麻辣酒醉大餐買幾樽今晚用黎邊睇波邊食ꔐ麻辣金錢肚（$55)ꔐ麻辣牛展（$55)使用超過十款香料製成，經過反覆調製下就算凍食都可以感受到麻香辣，多種刺激味蕾打開包裝散發一股辣勁，但入口辣度不會太嗆口麻香麻香幾過癮金錢肚掛滿醬汁，軟腍富有彈性牛𦟌幾厚切，肉質帶咬口金錢肚網格掛滿醬汁，軟嫩易咬開ꔐ酒醉溏心蛋（$30)ꔐ酒醉海蜇（$45)ꔐ酒醉薰蹄（$45)店家最人氣的酒醉系列，酒香濃郁完全滲透於食材當中溏心蛋上次吃完後，其蛋香酒香絕對會令人念念不忘海蜇口感軟腍Q彈，吸滿醬汁，最完美體現其酒香薰蹄豬皮部位爽彈爽口，豬肉部位很腍身，口感好豐富